علاه صداقة النساء ما دومش بعد الزواج؟؟؟؟؟؟؟؟

[سهى86]

علاه البنت كي تتخطب خلاص تتبدل على صحاباتها على عكس الرجال كي يخطب يبقى مع صحابو نورمال تبدى تجبد في روحها شوية شوية وكي تتزوج تزليك خلاص؟؟؟؟؟؟؟؟؟؟:confused1::confused1::confused1:

 

[fati_zou]

السلام عليكم اختي
والله هدا صحيح انا كانت عندي صديقة وحدة تجيني ونروحلها وكي تخطبت حتان عقدت وكملت باش قالتلي بلي تخطبت ومن بعد قبل العرس كانت تقولي انتي الي تروحي معايا و انتي كل شيء ووووووو...........الخ وتصدقي كي قرب العرس بالشوية بدات تبعد تبعد وفي العرس دارتلي هي واختها المتزوجة مواقف كون نحكيهالك تغيضك المهم وليت انا ولا شيء في هداك الفرح كأني رايحة بلا عرضة المهم كي راحت من يوم الخميس رحت شفتها ومن هداك اليوم نساتني نسات وحدة كانت اختها بل توءمها ماكنش وحدة لقتها كيما انا
.....................................ويبقى السؤال هل الزواج يغير حيات البنت او تغير حياتها من عائلة الى مسؤلية يجعل وقتها مربوط بمهامها ام الخوف على زوجها اواواواو....................الخ ......................
***************************اختي والله هذا السؤال يبقى محيرني ***************************

 

[fati_zou]

اختي اذا كان لقيتي الجواب ارسليهولي
**************انا كي سالت قالولي ممكن تخاف على زوجها *********************

 

[سهى86]

السلام عليكم اختي
والله هدا صحيح انا كانت عندي صديقة وحدة تجيني ونروحلها وكي تخطبت حتان عقدت وكملت باش قالتلي بلي تخطبت ومن بعد قبل العرس كانت تقولي انتي الي تروحي معايا و انتي كل شيء ووووووو...........الخ وتصدقي كي قرب العرس بالشوية بدات تبعد تبعد وفي العرس دارتلي هي واختها المتزوجة مواقف كون نحكيهالك تغيضك المهم وليت انا ولا شيء في هداك الفرح كأني رايحة بلا عرضة المهم كي راحت من يوم الخميس رحت شفتها ومن هداك اليوم نساتني نسات وحدة كانت اختها بل توءمها ماكنش وحدة لقتها كيما انا
.....................................ويبقى السؤال هل الزواج يغير حيات البنت او تغير حياتها من عائلة الى مسؤلية يجعل وقتها مربوط بمهامها ام الخوف على زوجها اواواواو....................الخ ......................
***************************اختي والله هذا السؤال يبقى محيرني ***************************

شكرا أختي ويبقى السؤال مطروح

 

[mimia2]

صح كاينا منها .....

نعرف واحدة خبات على صحبتها بلي راحة تتزوج .....
لكن ربي فضحها نهار عرسها راحت عند عايلتها زعما باه تزورها لكن لقات بلي هاداك النهار هو يوم عرسها....( ما نعرفش نهاية القصة)....

ونعرف قصة العكس:

صديقة بعدت على صديقتها كي تزوجت وما حضرتش حتى لعرسها ... و بعدت بشوي عليها حتى انفطع كل اتصال بيناتهم......


والسبب هو قلوب الناس الغدارة تكون حاسبتهم صديقات ما يتمناولك غير الخير .... لكن كي تطلي على قلوبهم تلقايها كحولة ناحيتك........


عذرا على الاطالة
تقبلي مروري......

 

[سهى86]

أكيد أتقبل مرورك شكرا

 

[الستار سوسو]

السلام
ماشي دايما سهى الطفلة تجبد روحها من صحاباتها من بعد ماتتزوج
بصح كاين والله اعلم علاه
وانا جابلي ربي نزيد نتعلق بيهم اكثر علا خاطر هوما اللي كانو معاك قبل ماتخطي هادي الخطوة وحاجة هايلة كي تحسي بلي مازالوا معاك
شكرا جزيلا سهى
سوسو

 

[zakariamoumi]

هي دايرا في بالها غير هي دات راجل...............​

 

[sarah02]

والله معلابالي Pk?
مي سهى رانا صحبات وننساكمش
​

 

[الناصر صلاح الدي]

انا في نظري انها تخاف من الحسد.حنا الدكور عندنا عقلية عاند وما تحسدش.

 

[سهى86]

شكرا جمــــــــــــــــيعا على المرور

 

[sofiane dj]

Il est jalousie............
c est la vérité.........

 

[khadjer]

السلام عليكم...
أنا نظن بلي الفتاة اللي تكون رايحة تتزوج تخاف من صحبتها لاتخونها وتديلها خطيبها إما أنها تعبر وتولي تتكبر وإن شاء الله مانتبدلوش حنا على الناس

 

[ننوس]

صح صح صح صح

موضوعك راهو في الصميم و تاكدي بانه صحيح
اولا :البنات كي يتخطبوا ما يتبدلوش 100 بالمية مي يقعدوا شوية
ثانيا كي تتزوج تصبح اهتماماتها موش كيما اهتمامات صحباتها يعني راجل و شيخ و عجوزة و صحبتها مازالت ماعندها والوا يعني اهتماماتها هي فاتلهم مثلا اذا جات و قالتلها ماما ماخلاتنيش نخرج صحبتها يولي ما يهمهاش و انا عندي 3 صحباتي كي تزوجوا راحوا مي 2 مخطوبات و مازال مادخلوش راني نستنا ردو فعلهم
و ضرك نقولك و انا كي نتزوج بربي نقعد كيما راني :yahoo:

 

[سهى86]

مرسي ننوس على مرورك

 

[ندى الورود]

ولله يا اختي ليس كل الناس مثل بعضها

انا عندي صديقتان تزوجوا من 4سنوات

ومازالت صداقتنا متينة بالعكس اصبحنا

متمسكين ببعضنا اكثر ولا توجد غيرة بيننا

 

[سهى86]

حنا هنا نهدرو على الأغلبية قليل وين تصرا انو الطفلة تتزوج وتبقى نورمال مع صحاباتها
شكرا جميعا على المرور

 

[نورالياقوت38]

سهي حبيبتي مش غير في زواج راهي في كلشي تكبر ضورك في لبسه جديده في سكنه في سباط في بيما جديده في قرايا كون وحده تطلع وصحبتها انتيم ترودوبلي تتكبر عليها تالمو حدي قسمها تقري برك ولا وحده تدي 12 وحده 8 تتكبر عليها هههههههههههههههه وين زواج يا بنت اما رانا منشوفوش ارض خلاص نشوفو غير السما

 

[الرجل الأزرق]

النهايات المؤلمة للعلاقات التي تبدوا حميمية هي تعبير ومحصلة لروابط هشة منذ البدء وبالتالي لا تتسرعوا بإعطاء العلاقة أكثرمما تستحق ..
لوكانت فعلا صديقتك وتكن لك مشاعر من القلب لما عاملتك بتلك القسوة ..أنت ضحية مشاعر مزيفة ولكن في النهاية أنت الرابحة لأنك تخلصت من شخص لا يحس إحساس البشر..
لكن قبل الحكم على أي تصرف علينا أن نجد الأعذار الممكنة وأن نكون متفهمين بعض الشيء ونطهر قلوبنا من الحسد والكراهية لتسوا الروح

 

[IMANE91]

انا نشوف انها مشي تتبدل
لا مشاغلها تكثر واهتمامتها تتغير
على هيك صحباتها يشوفوها كيما هكا
واذا تزوجت عاد هاي تولي وحدة اخرى خلاص
وما يوليش عندها الوقت لصحباتها
كلوا للدار والزوج والاولاد سيتو