السلام عليكم
من غير اي مقدمات حنخش في الموضوع طول
أني أمس سمعت شعر بصوت عبد الله رويشد لكن مش عارفة من صاحب الشعر
(مش هادا موضوعنا)
المهم إن أبيات الشعر هادي خلتني انفكر في هلبة حاجات وممكن هوا يكون من معطيات مسألة الحياة المعقدة (إللي مش حتنحل طبعاً)
المهم الشعر يقول ( النقل مش حرفي )
بنت قالت لأبوها جوني ثلاث خطاب وزيادة
قاتلة أولهم غني وغناه بزيادة
وثانيهم جميل وجماله بزيادة
وثالتهم فقير وفقره بزيادة
قاللها أبوها
الغني حيزيدك غنى وزيادة
والجميل حيزيدك جمال وزيادة
والفقير حيزيدك فقر وزيادة
قاتله لاياأبويا
الغني حيتزوج على ثلاثة وزيادة
والجميل حيعشقوه عشرة وزيادة
والفقير حيحبني بزيادة بزيادة
طبعاً أكيد كلكم تقولوا إنه هادا اللي صاير
باهي علاش هكي يصير ضروري البنت تاخذ واحد فقير باش يحبها
هي وبس
وعلاش ديما الراجل الغني مافيشي أمان وزي مايقولوا
( الراجل لما يكتروا فلوسه تشيان مرته ويضياق )
وعلاش الوحدة لما تاخد واحد فقير توقف معاه وتساندة وكانها تخدم تلقاها
تصرف معاه ومرات تبيع في ذهب متاعها باش تحل ضيقة أو أي ظرف تاني
لكن الراجل لما يكون غني عمره ماتكفيه مرتة وأسهل حاجة
عنده إنه يخونها أو يتزوج عليها.
هوا أني ماننكرش إن لكل قاعدة شواد
يعني فيه رجالة أغنياء لكن مستحيل إنه يفكر إنه يخون مرته أو ياخد عليها
وماننكرش أيضاً إن فيه رجالة فقراء لكن تلقا عيونه في كل تركينة مش
مخليين وحدة وهادا زي مايقولوا ( فقري وعريس )
يلا كل واحد ياخد على حسب نيته إنشاء الله
وإنشاء الله انكون ماضايقتش حد بكلامي
وشكراً
من غير اي مقدمات حنخش في الموضوع طول
أني أمس سمعت شعر بصوت عبد الله رويشد لكن مش عارفة من صاحب الشعر
(مش هادا موضوعنا)
المهم إن أبيات الشعر هادي خلتني انفكر في هلبة حاجات وممكن هوا يكون من معطيات مسألة الحياة المعقدة (إللي مش حتنحل طبعاً)
المهم الشعر يقول ( النقل مش حرفي )
بنت قالت لأبوها جوني ثلاث خطاب وزيادة
قاتلة أولهم غني وغناه بزيادة
وثانيهم جميل وجماله بزيادة
وثالتهم فقير وفقره بزيادة
قاللها أبوها
الغني حيزيدك غنى وزيادة
والجميل حيزيدك جمال وزيادة
والفقير حيزيدك فقر وزيادة
قاتله لاياأبويا
الغني حيتزوج على ثلاثة وزيادة
والجميل حيعشقوه عشرة وزيادة
والفقير حيحبني بزيادة بزيادة
طبعاً أكيد كلكم تقولوا إنه هادا اللي صاير
باهي علاش هكي يصير ضروري البنت تاخذ واحد فقير باش يحبها
هي وبس
وعلاش ديما الراجل الغني مافيشي أمان وزي مايقولوا
( الراجل لما يكتروا فلوسه تشيان مرته ويضياق )
وعلاش الوحدة لما تاخد واحد فقير توقف معاه وتساندة وكانها تخدم تلقاها
تصرف معاه ومرات تبيع في ذهب متاعها باش تحل ضيقة أو أي ظرف تاني
لكن الراجل لما يكون غني عمره ماتكفيه مرتة وأسهل حاجة
عنده إنه يخونها أو يتزوج عليها.
هوا أني ماننكرش إن لكل قاعدة شواد
يعني فيه رجالة أغنياء لكن مستحيل إنه يفكر إنه يخون مرته أو ياخد عليها
وماننكرش أيضاً إن فيه رجالة فقراء لكن تلقا عيونه في كل تركينة مش
مخليين وحدة وهادا زي مايقولوا ( فقري وعريس )
يلا كل واحد ياخد على حسب نيته إنشاء الله
وإنشاء الله انكون ماضايقتش حد بكلامي
وشكراً
.
