قصيدة فى حق بنات المنتدى

[يسمينه]

شعر فى بعض بنات المنتدى هو هذوك لبنات اللي لقيتهم قدامي

نبدى بلحبيبه فيدو *** لحبها ذاكا عيدو
ربي يعطيه ويزيدو *** دراهم بالملايين
شوفولحنينة امل الم *** ربي يبعد عليها الالم
ويعطيلها زوج متفهم *** وذريتها قع صَالحين
متنسوش ثاني مليكة *** سلطانة تقول او مليكة
يعطيها ربي قد بريكة *** صحة وعافية متجمعين
نرجع لسارة اثنين *** قلبها طيب وحنين sarah2
ادعولها يوم الاثنين *** تنجح فى حياتها امين
حيو معاي دندونه *** جميلة اكيد وببونه
بجمالها راهي مفتونه *** ربي يبارك فى الزين
سلمولي علي الحلوة لميس ***يرزقها ربي بعريس
تقضي شهرها فى باريس *** فرحة وزهوى كاملين
افرحو معايا بندوشه *** ضحايكية هيا وفحشوشه
مهيشي طفلة مغشوشة *** ربي يحفظها من العين
هاهي جات الشابة سندس *** طيب الشخشوخة وترفس
موجودة ديما فى العرس *** فرحانه مع الفرحنين
زغرتو معايا على هالة *** دارت فيا وفيكم حالة
فى الليسي دارت شقلالة *** مع الطلبة اجمعين
والشابة السمرا ننوتة *** حلوة وجميلة البنوتة
تمشي ديما توتة توتة *** ربي يحفظ ذاك الزين
سلم عالزينة خدوج *** ونعطيك من عندي فروج
يرزقها الله بزوج *** قلبو يكون طيب وحنين

واش رايكم ختكم مخة ولا شوية​

 

[Adel Adel1]

هههههههههههههههههههه ديري وحدا علينا علاه التمييز العنصري البنات برك

 

[Adel Adel1]

هههههههههههههههههههه ديري وحدا علينا علاه التمييز العنصري البنات برك

 

[POLIYANA]

و انا ون راح اسمي اني نبكييييي:crying::crying:

 

[عاشقة]

ههههههههههه

 

[سلسبيل ايمان]

وين راهي سلسبيل ايمان

 

[©§¤°الجزائـ صوت ـر°¤§©¤]

وانا وين راني
علاه حقرتيني:blushing:
ههههههههههههههههههههههههههههه
مشكورة​

 

[وئام الجزائر]

شكررااا على القصيدة
شابة يعطيك الصحة​

 

[RaNiA]

مليحة اعطيك الصحة
مي اسمي ماكانش

 

[LOveLy cOmpLex]

يعطيك الصح
و انا حقرتني
و الله تولي هايلة كي ينضاف اسمي فيها خخخخخخخخخ
تعيشي اختي
مشكور
مخة ونص

 

[حفيد هواري بومدين]

يا عدولة ماتخافش عندنا موسطاش حنايا :biggrin:
او يوجد غناية :wub:

 

[sama-h]

يعطيك الصحة رغم انا مراناش فيها مي معليش دمت منورة اللمة وشكر ليك .

 

[hafida nanicha]

وين راه اسمي.....
مشكورة​

 

[يسمينه]

هههههههههههههههههههه ديري وحدا علينا علاه التمييز العنصري البنات برك

يا خو كل واحد يدافع على جنسو هههههههههههههههههه
ولا يهمكم حبيباتي البنات اللي جازو هنيا فى الردود ندير عليكم ابيات غير متتقلقوش

 

[عماد12]

هههههههههههههههههههههه
وين راهم لولاد

 

[hafida nanicha]

يا خو كل واحد يدافع على جنسو هههههههههههههههههه
ولا يهمكم حبيباتي البنات اللي جازو هنيا فى الردود ندير عليكم ابيات غير متتقلقوش

:yahoo::yahoo::yahoo::yahoo::yahoo::yahoo::yahoo:

 

[nanin85]

يعطيك الصحة
قصيدة بزاف شابة​

 

[الساجدة لله وحده]

حيو معاي دندونه *** جميلة اكيد وببونه
بجمالها راهي مفتونه *** ربي يبارك فى الزين

...مارسي الله يخليك..اون+ كتبتي القصيدة بلوني ...ههههههه
...واصلي الابداع..نقهرو الشباب...

 

[أم دارين]

السلام عليكم

حرام عليك حقرتيني :thumbdown:

بصح والله عجبتني القصيدة وتضحك
مشكورة​

 

[best-arch]

واش لي جان راكي ناسيتهم و علاش هاذ التفرقة
شكرا و تقبلي مروري
​