اعترافات..........اتمنى التفاعل..اعزائي الاعضاء

[kamou]

:angel_not:
اليوم جاتني فكرة حبيت نقولهالكم وتشاركوني بي وتوسيعها
علاش ما نكونوش صادقين مع انفسنا وصادقين مع بعضنا البعض
ياك احنا خاوة ....؟؟؟؟
انا حبيت نقول
كل واحد يدخل ويعطي اعترفاو..
يعني الحاجة الي دارها مليحة و الحاجة الي مادارهاش مليحة في النهار نتاعو يكتبها ولا الحاجة الي يحس بيها مع الناس واتجاههم ...ولا متل الحاجة الي يحسها فايدة في نفسووو يكتبها تاني
يعني يكون صادق مع نفسووو وصادق معانا
ولازم الصدق يكون هو المبدا نتاع ها د اللمة
ولا يحط حاجة للنقاش متلا....تكون على شكل اعتراف






انا راح نبدا بالاعتراف نتاعي:
خطرات تجيني حالات من الانانية ..ما علاباليش علاه وبالاك الانانية هادي تخسرني بزاف حوايج ..لكني والحمد لله بسرعة نسيطر عليها بالاعتدار ..ماكانش واحد مايغلطش
بالاضاف انوا الاناينة نتاعي تكون فقط اتجاه الاشخاص الي نحبهم ونعزهم ...يعني نكون انانية اتجاه اشخاص اخرين باش الي نحبهم يقعدوو ليا فقط....
ربي ينحي علينا النفس الامارة بالسوء....

هدا هو اعترافي لليوم








....بقلمي...
اتمنى التفاعل اعزائي​

 

[المشوار]

كل واحد منا يا أخت لديه نسبة من الانانية ولا أحد ينكر هذا لكن الأفراط والتمادي فيها شيء يأسف فعلا


​

 

[kamou]

كل واحد منا يا أخت لديه نسبة من الانانية ولا أحد ينكر هذا لكن الأفراط والتمادي فيها شيء يأسف فعلا​

شكرا اخي على الرد الطيب
أنتظر اعترافك......

 

[الساجدة لله وحده]

....اعترف اني مرات اتصرف من غير عقلي واثير المشاكل بدون سبب..او انني افهم الناس خطأ....يعني نحاسبهم قبل مانحاسب نفسي..
..اعترف انو هاذي الايام الامور مخلطة عليا بزاف ومانيش عارفة نظم اموري..ممكن انني نقول حاجة ومن بعد نندم عليها...حتى اني لم اعد واثقة من نفسي...وخلاص فقدت الثقة في الناس..
...اليوم سافر اخي ...راني حاسة الدنيا ظلامت في عينيا .مانيش مالفة بعادو عليا..لقد اشتقت له ولم يمر على سفره سوى 03 ساعات..
...واش رايح يكون احساسك اذا نصفك الثاني بعد عليك :crying:؟
..المهم ربي يوفقو ويرجعو لينا بالسلامة...
..اعترف اني بت اعشق اللمة..حتى انو علاقتي بأهلي قلت والحكايات معاهم انعدمت..كامل النهار وانا قاعدة فاللمة....
*مشكورة اختي ..خليتيني انفس عن روحي شويا..:sad:

 

[محمد الزعيم]

ولله يا اختي مشكورة على موضوع قيم وهادف وبرك لله فيك على صراحتك كثير يفتقدونها لكن انا ليس عندي قدر كافي من الشجاعة ممكن في اخطاء ليس خطا واحد فقط

 

[sarah02]

انا زيما كي ندير حاجة نديرها بعد تفكير
سالوكان نكون غالطة مي عنيدة بالبزاف علابيها يقولولي ساره كونتر خخخخ نمشي غير واش كاين في عقلي ولي معجبوش الحال aller

 

[°~Kenza_02~°]

شكراااااا كامو على الموضوع الرائع
نبداااا
اعترف انو مرات نكره اللمة لاني نحس اني غريبة فيهاااا الاصدقاء الي نعرفهم ما عادوش يدخلو ونحس بالعزلة احيانا
اعترف اني احب الوحدة والبكااااااء واتصرف بعصبية وانانية احياااااااااناااااااا:blush::blush:

سلاااااااااااااام
ورمضانك مبرووووووووووووك

 

[سعيدة الحظ]

شكرا أختي على هذا الموضوع وحبيت نعترف بلي جامي شاركت في منتدى قبل اللمة ديما كنت نقرا ونخرج بلا ما نرد بصح أول مرة نرتاح لمنتدى ونقدر نعبر فيه على رايي ما علاباليش علاه ولا من واش مالفة نخاف :confused1: ؟؟؟؟؟؟؟؟ بصح لحد الأن مازال ما تشجعتش نحط موضوع خاص بي.

 

[نور الانوار]

السلام عليكم ورحمة الله وبركاته

رمضانكم مبارك وكل عام وانتو بألف خير


الحقيقة ساعات نكون عصبية بزاف ونتصرف من غير ارادتي

وتانا نكون شوية انانية ونحب كلش يكون لمصحلتي


وساعات نديقوتي من اللمة لانو كاين بعض التصرفات ماتسر حتا واحد


والمهم ربي يهدينا ويهدي الكل​

 

[دودو لبزاف]

السلام عليكم و رمضان كريم

انا اول مرة راح نعترف فيها مي معليش " اناني ............ مانسامحش بالخف ..... نقعد هاز في قلبي .... نتنارفا بلخف ......... ومارانيش انتيك مع الشيباني ديالنا توجور مشاكل....."

وان شاء الله راح ندير حل لقع هادو المشاكل .....................
مرسي اختي فتحتيلنا باب نديفوليو فيه

 

[fakhri-dz19]

شكراااااا كامو على الموضوع الرائع
نبداااا
اعترف انو مرات نكره اللمة لاني نحس اني غريبة فيهاااا الاصدقاء الي نعرفهم ما عادوش يدخلو ونحس بالعزلة احيانا
اعترف اني احب الوحدة والبكااااااء واتصرف بعصبية وانانية احياااااااااناااااااا:blush::blush:

سلاااااااااااااام
ورمضانك مبرووووووووووووك

انا تاني يا كنزة ديقوتيت اللمة شويا هههههههههههههههه
نورمال اللمة لمتنا وحنا ماليها انشاء الله محنة وتزول

 

[kamou]

....اعترف اني مرات اتصرف من غير عقلي واثير المشاكل بدون سبب..او انني افهم الناس خطأ....يعني نحاسبهم قبل مانحاسب نفسي..
..اعترف انو هاذي الايام الامور مخلطة عليا بزاف ومانيش عارفة نظم اموري..ممكن انني نقول حاجة ومن بعد نندم عليها...حتى اني لم اعد واثقة من نفسي...وخلاص فقدت الثقة في الناس..
...اليوم سافر اخي ...راني حاسة الدنيا ظلامت في عينيا .مانيش مالفة بعادو عليا..لقد اشتقت له ولم يمر على سفره سوى 03 ساعات..
...واش رايح يكون احساسك اذا نصفك الثاني بعد عليك :crying:؟
..المهم ربي يوفقو ويرجعو لينا بالسلامة...
..اعترف اني بت اعشق اللمة..حتى انو علاقتي بأهلي قلت والحكايات معاهم انعدمت..كامل النهار وانا قاعدة فاللمة....
*مشكورة اختي ..خليتيني انفس عن روحي شويا..:sad:

اختي كل واحد عندو نقطة ضعف في الحياة
انت عندك فراق خوك نقطة ضعفك انا نقولك ماتخافيش الله يدوم المحبة بيناتكم ويجي نهار الي يرج ع فيه بالسلامة
مشكورة على اعترفاك لليوم...
ونصيحة ليك عاودي ولي لجو العائلي نتاعك هاد الشي راح يضرك ..ومايخليكش تقدري تعاودي تسترجعي الحوار مع من حولك في الايام الي جايي واناهادي شفتها عن اختي ...تمسكت بزاف فالنت ونساتنا.....
رمضان كريم

 

[kamou]

ولله يا اختي مشكورة على موضوع قيم وهادف وبرك لله فيك على صراحتك كثير يفتقدونها لكن انا ليس عندي قدر كافي من الشجاعة ممكن في اخطاء ليس خطا واحد فقط

شكرا على الاعتراف محمد ........ربي هو الكامل

 

[kamou]

انا زيما كي ندير حاجة نديرها بعد تفكير
سالوكان نكون غالطة مي عنيدة بالبزاف علابيها يقولولي ساره كونتر خخخخ نمشي غير واش كاين في عقلي ولي معجبوش الحال aller

مشكلة هده يا سارة حنونتي
عنيدة بزاف يا ختي.....................سكيفي راسك حجرة وديما كونتر الله يبارك
لكن خطارت العنيدة تقدر تولي انانية وما تحب غير روحها صح ولا راني غالطة
بصح نقولك شوية من ها العقلية الي راكي تمشي بيها تخرج فالوقت اللي رانا عايشينووو
مارسي على الاعتراف

 

[kamou]

شكراااااا كامو على الموضوع الرائع
نبداااا
اعترف انو مرات نكره اللمة لاني نحس اني غريبة فيهاااا الاصدقاء الي نعرفهم ما عادوش يدخلو ونحس بالعزلة احيانا
اعترف اني احب الوحدة والبكااااااء واتصرف بعصبية وانانية احياااااااااناااااااا:blush::blush:

سلاااااااااااااام
ورمضانك مبرووووووووووووك

كنزة ..........الكل عندو لحظات من الوحة لكن يليق نتغلبو عليها باي طريقة وربي يرجع الناس اللي تحبيهم ليك
رمضان كريم

 

[kamou]

شكرا أختي على هذا الموضوع وحبيت نعترف بلي جامي شاركت في منتدى قبل اللمة ديما كنت نقرا ونخرج بلا ما نرد بصح أول مرة نرتاح لمنتدى ونقدر نعبر فيه على رايي ما علاباليش علاه ولا من واش مالفة نخاف :confused1: ؟؟؟؟؟؟؟؟ بصح لحد الأن مازال ما تشجعتش نحط موضوع خاص بي.

انشاله يجي اليوم اللي نقراو مضوع خاص بيك برك
ننصحك ماتخافيش الخوف مايوصل لحتى حاجة
يليق تكتبي واش راه يدور في مخك باش ننتافعوو بيه وانت تاني تكوني فكرة جديدة
مشكووووووووووورة

السلام عليكم ورحمة الله وبركاته​

رمضانكم مبارك وكل عام وانتو بألف خير​

الحقيقة ساعات نكون عصبية بزاف ونتصرف من غير ارادتي​

وتانا نكون شوية انانية ونحب كلش يكون لمصحلتي​

وساعات نديقوتي من اللمة لانو كاين بعض التصرفات ماتسر حتا واحد​

والمهم ربي يهدينا ويهدي الكل​

كيما قال اخي كل واحد فينا عندوو شبر من الانانية هادا امر طبيعي اي واحد يحب نفسووو تكو عايشة مليح وماكانش الي يحب المزيرية
لكن الواحد يليق يتحكم في روو شوية ولا ياكل لحم خوه
ما ديقوتيش من اللمة وربي يهدي ماخلق على التصرفات الي راهي كاينة .........

 

[labrune]

أنا واش تحبو نقولكم الشخصية تاعي فهاذ ليامات اللخرين ولات بزاف ضعيفة وليت نبكي بزاف نحس روحي دايما مبحرة ودايما وحدي ما علاباليش علاش بصح أنحس الدنيا بزاف دياقت عليا ومرانيش عارفة كيفاش نخرج من هاذ الحالة ​

 

[Adel Adel1]

نعترف بلي نهرب من المواجهة وأكثر حاجة نخاف نواجهها هي حقيقة الموة....مايأتي ورائه......راني حاير في روحي كيفاه كتبتها.....بصح نعترف تاني بلي صريييييييييييييح أكثر من الازم

 

[Adel Adel1]

أنا واش تحبو نقولكم الشخصية تاعي فهاذ ليامات اللخرين ولات بزاف ضعيفة وليت نبكي بزاف نحس روحي دايما مبحرة ودايما وحدي ما علاباليش علاش بصح أنحس الدنيا بزاف دياقت عليا ومرانيش عارفة كيفاش نخرج من هاذ الحالة

يسميوها المراهقة ولا....؟؟؟؟؟؟؟​

 

[kamou]

السلام عليكم و رمضان كريم

انا اول مرة راح نعترف فيها مي معليش " اناني ............ مانسامحش بالخف ..... نقعد هاز في قلبي .... نتنارفا بلخف ......... ومارانيش انتيك مع الشيباني ديالنا توجور مشاكل....."

وان شاء الله راح ندير حل لقع هادو المشاكل .....................
مرسي اختي فتحتيلنا باب نديفوليو فيه

اخي ..............دودو لبزاف
ما تصعبش حكاية يليق في هادا رمضان الواحد يزبط طبايعوو واعصابو والمسامح كريم وربي معاك
وماكانش واحد ما يغلطش المهم كي تغلط تعرف الغلطة نتاعك وماتزيدش تعاودها
ربي يعاونك مع الشيخ باباك .....ويلزم انت الي تصلح الامور .
شكرا على اعترفاك