قصيدة فضيلة

[مولود حداد]

السلام عليكم
في شهر القرآن الكريم عدت بهذه القصيدة حول القرآن الدواء الشافي​

ياللي مسو المرض بعد القوة *** وصحتو ما بقات هيَ هيَ
وراح يحوس يجيب الدوا *** عند الطبيب وعند الصيدلية
اسمع نصايح ناس الصفوة *** فكتاب ربي وصفات سحرية​

شوف ياخويا أتمعن *** قول المولى فقرآنو
بذكري القلوب تطمأن *** ويخزى بليس وعوانو
تفرح من بعد الحزن *** والخير تتحل بيبانو​

واللي بالتقوى يسير *** ربي يجعلّو المخرج
يرزقو كيما يرزق الطير *** خماصا تولي كي تخرج
ما يخليه في دنياه يحير *** ويلطف بيه ويفرج​

أقرا قصة سيدنا أيوب *** كي نادى ودعا مولاه
يارحمان مستني الكروب *** استجابلو ومالبرص شفاه
واللي يرجع لله ويؤوب *** بتوبتو يلقى هناه​

وكي تقرا سورة الانشراح *** تشوف اليسر بعد عسرين
تلقىالراحة وترتاح *** وتتكالما بلا أسبرين
الله يسترك وين راح *** تلقى شفا كيما هذا وين​

كاين أدوية ما تلقاها *** في محاليل ومخابر العجم
النفس فالقرآن دواها *** واللي جرب هو اللي يفهم
ركعات القياميا محلاها *** تدّيك من عالم لعالم​

هذا كامل وشوف يالباءس *** ووعلاش عليك هجرانو
كتبت فوق المصحف ممنوع اللمس *** مااللي تحط مازغد ممكانو
اسمحلي نقولك ماهو مقدس *** عندك وراك قللت من شانو​

ارجع لله يالغافل *** قبل ما الوقت يفوت
غدوا أسمك يصير راحل *** كي تجيك سكرة الموت
وملك كل إنسان زايل *** غير ملك رب العزة والملكوت ​

موفقين واعتذر على عدم تطابق العنوان مع المحتوى
القصيدة صوتية من هنا


​

 

[bnbnbilal]

شكرا اااااااااااااااااااااااااااااا

 

[مولود حداد]

السلام عليكم ورحمة الله
بوركت أخي على المتابعة والرد
موفق​

 

[marwaimi]

شكرا بارك الله فيك
​

 

[ffooll]

يعطيك الصحة خويا على ماقلت
لى يروح من الشهور ما يوليش
ولى يجى من الايامات ماتراطيهش
اخدم تنجح .....اخدم باه تعيش
لازم تخدم لدنياك ولدينك
موضوع يستاهل التصفح اكثر من مرة
شكرا على لك على طرحه

 

[ديالى]

قصيدة ولا أروع ، بارك الله فيك اخي الكريم ​

 

[مولود حداد]

السلام عليكم
بوركتم على المرور العطر ويبقى القرآن الدواء الشافي من كل داء
دعاكم الصالح​

 

[amel algerie]

شكرا بارك الله فيك​