على وجه ربي يا ناس اللمة ادخلو و عطيو لصديقيتي حل يساعدها

[malek]

السلام عليكم وش راكم ياناس اللمة كيف حالكم مع رمضان راكم لاباس انا اليوم حبيت نحكيلكم على وحد القضية انا شخصيا حيرتني و ما لقيتش حل فيها بحكم معنديش تجربة في الحب وعلى هاديك فكرت باه نقولكم عليها لعلى و عسى تعطيونا حل مقنع
كاين وحد البنت ما شاء الله ربي اعطاها الزين و العقل و القراية هي انسانة محترمة خجولة متربية احسن تربية وعلى هاديك الكل يجري و راها ويحبها و ينوي باه يتزوج بيها و هي الله غالب انسانة متامنش بالحب او العشق هي مقتنعة بمكتوب الله ولكن بكونها فتاة لها عاطفة صارت تحب شخصا ولكنها محتارة فهي لاتستطيع ان تقول له احبك وبكونها تتعدب يوميا فهي محتارة مع انها متاكدة بان الشخص الدي تحبة يبادلها نفس الشعور و يحبها فهو انسان محترم طيب دو اخلاق عالية و لكن ما الحل هل تقول له و تفشي حبه ام تبقى صامتة كتومة
ارجوكم يا ناس اللمة هدا البنت صديقتي بل اختي فهي محتاجة لاراءكم و ردودكم
وجزاكم الله خيرا

 

[bnbnbilal]

:001_tt1::001_tt1: يعلم ربي :001_tt1:

 

[كاميلية]

جى يخطبها هذا ماكن

 

[كاميلية]

انت عملك قول

 

[zinonectar]

االفتاة المحترمة لا تنقص من احترامها و تبوح لاي كان بمشاعرها الا لزوجها
اما مادون ذلك فلا تعتبر محترمة ، انا انصحها بتفويض امرها لله عز وجل
و سيغنيها الله من فضله ، فما ترك عبد خطيئة مخافة غضب الله إلا عوضه الله خيرا منها بكثير ،
​

 

[فاطمة*****]

السلام عليكم وش راكم ياناس اللمة كيف حالكم مع رمضان راكم لاباس انا اليوم حبيت نحكيلكم على وحد القضية انا شخصيا حيرتني و ما لقيتش حل فيها بحكم معنديش تجربة في الحب وعلى هاديك فكرت باه نقولكم عليها لعلى و عسى تعطيونا حل مقنع
كاين وحد البنت ما شاء الله ربي اعطاها الزين و العقل و القراية هي انسانة محترمة خجولة متربية احسن تربية وعلى هاديك الكل يجري و راها ويحبها و ينوي باه يتزوج بيها و هي الله غالب انسانة متامنش بالحب او العشق هي مقتنعة بمكتوب الله ولكن بكونها فتاة لها عاطفة صارت تحب شخصا ولكنها محتارة فهي لاتستطيع ان تقول له احبك وبكونها تتعدب يوميا فهي محتارة مع انها متاكدة بان الشخص الدي تحبة يبادلها نفس الشعور و يحبها فهو انسان محترم طيب دو اخلاق عالية و لكن ما الحل هل تقول له و تفشي حبه ام تبقى صامتة كتومة
ارجوكم يا ناس اللمة هدا البنت صديقتي بل اختي فهي محتاجة لاراءكم و ردودكم
وجزاكم الله خيرا

من المفروض تبينلو بالخزرة لاخاطارش العين تكشف مولاها و قوليلها بالاكي تقوليلو.راني نعرف الرجالة مليح.وربي يفرج عليها

 

[nana66]

بما انك ركى تقولى فى كلامك رها متاكدة بانو يبادلها نفس الشعور يخطبها وهدا مكان سهلة

 

[نجاة40]

نورمالمو الطفل لي يدير الخطوة الاولى اذا كان يحبها وكتبهولها ربي يزوجها واذا بقا ساكت ويستنا فيها مايحبها مايبغيها وراهي تعذب في روحها على حاجة تافهة انا نقولها تدعي ربي هاذا ماكان لانو الشكوى لغير الله مذلة اختي لازم تعرفي الشيء هاذا واذا صبرت يمدلها ربي خير ملي تمناتو هي اذا ماشي فالدنيا فالاخرة

 

[fati_zou]

انا يا اختي نأيد رايي اخي zinonectar
لان رايه صائب
وانصك ان لا تقولي له بأنك تحبيه والله انك اذا قولتي رايحة تندمي عليها طول عمرك وهادي شفتها بعيني
ونقولك بالعكس اذا تبغيه ليك صح وتحبيه ماتقوليلوش خلاص وعامليه عادي كأيتها الناس مادمتي متأكدة بلي يحبك يعني هزي بروحك يهزك ربي واذا حطيتي بروحك ربي يحطك ورايح هو اليوم والا غدوة يذلك يذلك
ونقولك الوحدة تقول لواحد راني نحبك قبل مايقولها هو الا اذا كان ماشي لاتي بيها وبغاتو ليها بالدراع
المهم واخيرا انصحك ان لا تقولي له انك تحبيه
​

 

[asma_10]

يمهل و لا يهمل تفوض امرها لله ها ذا مكان و نقولك الطفل هو لي يدير الخطوة الاولى ماشي الطفلة قوليلها تصبر ربي معاها ان شاء الله و لي فيه الخير اقدموا ربي

 

[دلوعة بس حنونة]

موقف صعيب الله يعاونها بصح لازم تقل روحها والله يعاونها

 

[hayachi]

الحل ليس في الصمت

يا malek أخبري صديقتكي أن تبوح له بمشاعرها نحوه

واذا مقدرتش أخبريه أنت

:thumbup1:​

 

[hayachi]

الحل ليس في الصمت​

يا malek أخبري صديقتكي أن تبوح له بمشاعرها نحوه​

واذا مقدرتش أخبريه أنت

:thumbup1:​

 

[malek]

شكرا لكم جزيل الشكر و انا بدوري رايحة نلخص اراءكم و ننصحها بالاك تسمع رايي لاني نحبها بزاف و نعزها و على هاديك مرانيش حابة نشوف صديقتي تروح للتهلكة و انا نتفرج فيها

 

[houssam007]

راهي ساهلة ماهلة

تغمض عينيها وتكبر على كبرها وتقول هالو

وهو الى راه راجل تاع الصح ويبغيها يجيها للدار ويخطبها

وربي يقربلهم المسافات ان شاء الله

 

[colbertinho]

راني فهمت القضية وما فيها.......هادي انتيا لي تحبي واحد مشي صحبتك
وحشمتي باش تقوليلنا بلي نتي تحبي واحد ومقدرتيش تصارحيه بحبك......
انا نقلك حاجة مايديك مايجيبك............ديري وش كاين في بالك ما ديري على راي حتى واحد على خاطر حوايج كيما هادو مافيهمش كيفاه ندير وكيفاه ندير........هاذو حوايج يتعلقو بشخصيتك...
وانا نقلك حاجة متخلي حتى واحد ياثر عليك.........ديري هكذا وديرا هكذا.....
...........................هذا ما نقدر انقلك...........................
على خاطر سرالي بروبلام من قبل مشي عاطفي.....بقيت بين وبين...... درت على راي الناس.....والنتيجة كانت الفشل ........وتزيدي من فوق تسلكي النتائج نتاعو........

 

[ندى الورود]

اختي الكريمة لا يجب على صديقتك البوح بحبها لهذا الشخص​

ربما هذا الشخص لن يتقبل ان تبوح فتاه بحبها لشاب لان شبابنا اليوم يعتبرون هذه الخطوة من ​

الفتاة وقاحة وقلة تربية وانت قلت انها متاكدة انه يبادلها نفس الشعور فيجب عليها الانتظار ​

حتى يبوح لها هو الاول بحبه و ربما سيتقدم لخطبتها مباشرة والله يتمم كل شيء على خير​

بالتوفيق​

 

[blackholedz]

موضوع 0 و صاحبتك 0

 

[blackholedz]

تقول مارانا في رمضان اللهم إني صائم

 

[mimo91]

أختي أجيبك بكل صراحة
الفتاة تفقد حياءها إذا إعترفت له بحبها
أرجو أن تنتظر مشيئة الله و إذا كان يحبها كيما راكي تقولي
يدير كيما قالو معضم الأصدقاء يجي يخطبها تكون حلال عليه و حلال عليها