الجزائر البيضاء
:: عضو منتسِب ::
- إنضم
- 9 أكتوبر 2006
- المشاركات
- 52
- نقاط التفاعل
- 0
- النقاط
- 3
....نسمة بلادي
نســــــــــمة بـــــــــــــــــــــلادي
نسمة البحر ياناسي
مشتاق ليها من ساسي لراسي
راه طال حالي و باسي
و ما راح عني وسواسي
وينك يا نسمة بلادي
نويت انشوف أجدادي
أرضي وطني و أسيادي
حبيت نولّي لدشور و بوادي
نلقى لميمة بويا و أولادي
يا من درى يا نسمة بلادي
حبيت نولّي يا صحابي
لدارنا و أندقدق في بابي
ندخل و نحل كتابي
نقراه و نشوف فيه شبابي
يا حسراه يا نسمة بلادي
توحّشت السوق و الغاشي
توحّشت نشوف القاعد و الماشي
حلمت نولّي و نلبس شاشي
البدعية سروال العرب و الحواشي
إيــــه يا نسمة بلادي
حبيت نولّي و نشوف
الجامع الخاوة و الصفوف
يمّة بابا و الكفوف
نجري ليها و نقبّلها بلا كسوف
بعيدة يا نسمة بلادي
سلمولي على بلادي
على الشاوي و البوسعادي
على العنقة الفرقاني و الخالدي
وعلى الابيار و باب الوادي
واش يا نسمة بلادي
باب الواد يا الزين
أنت وين و أنا وين
بيناتنا بحر و سنين
بيناتنا حيرة و دمعتين
لاش يا نسمة بلادي
يا الابيار يا العالي
يا اللّي من بعيد راك تشالي
على الغايب و الغالي
اللّي راح و غاب و ماهو التالي
آه يا نسمة بلادي
يا سامعين غوث العطشان
يا شايفين لهف الضمآن
شحال صعيب تبدل المكان
و لو يعطوك دار السلطان
أواه أواه يا نسمة بلادي
كي تبدل الأرض و السكان
راك تولّي في كان يا ما كان
ما يعود ليك بيت و لا أمان
لا خو لا صاحب لا صدقان
هاكذا يا نسمة بلادي
يا الجزاير يا الحنينة
يا الغالية الكل علينا
رحنا و خليناك حزينة
بعدما في عزّك تربينا
بصّح يا نسمة بلادي
يا الشابة يا المزيانة
يا الّي غمرتينا بالحنانة
اليوم راكي مورانا
بالاك علينا تكوني غضبانة
سامحيني يا نسمة بلادي
يا ربّي يا مول القدرة
سهّل علينا في كل مرّة
باش أنولّي من بلاد برّة
لبلادي وين قطعت السرّة
يا ريت يا نسمة بلادي
نســــــــــمة بـــــــــــــــــــــلادي
نسمة البحر ياناسي
مشتاق ليها من ساسي لراسي
راه طال حالي و باسي
و ما راح عني وسواسي
وينك يا نسمة بلادي
نويت انشوف أجدادي
أرضي وطني و أسيادي
حبيت نولّي لدشور و بوادي
نلقى لميمة بويا و أولادي
يا من درى يا نسمة بلادي
حبيت نولّي يا صحابي
لدارنا و أندقدق في بابي
ندخل و نحل كتابي
نقراه و نشوف فيه شبابي
يا حسراه يا نسمة بلادي
توحّشت السوق و الغاشي
توحّشت نشوف القاعد و الماشي
حلمت نولّي و نلبس شاشي
البدعية سروال العرب و الحواشي
إيــــه يا نسمة بلادي
حبيت نولّي و نشوف
الجامع الخاوة و الصفوف
يمّة بابا و الكفوف
نجري ليها و نقبّلها بلا كسوف
بعيدة يا نسمة بلادي
سلمولي على بلادي
على الشاوي و البوسعادي
على العنقة الفرقاني و الخالدي
وعلى الابيار و باب الوادي
واش يا نسمة بلادي
باب الواد يا الزين
أنت وين و أنا وين
بيناتنا بحر و سنين
بيناتنا حيرة و دمعتين
لاش يا نسمة بلادي
يا الابيار يا العالي
يا اللّي من بعيد راك تشالي
على الغايب و الغالي
اللّي راح و غاب و ماهو التالي
آه يا نسمة بلادي
يا سامعين غوث العطشان
يا شايفين لهف الضمآن
شحال صعيب تبدل المكان
و لو يعطوك دار السلطان
أواه أواه يا نسمة بلادي
كي تبدل الأرض و السكان
راك تولّي في كان يا ما كان
ما يعود ليك بيت و لا أمان
لا خو لا صاحب لا صدقان
هاكذا يا نسمة بلادي
يا الجزاير يا الحنينة
يا الغالية الكل علينا
رحنا و خليناك حزينة
بعدما في عزّك تربينا
بصّح يا نسمة بلادي
يا الشابة يا المزيانة
يا الّي غمرتينا بالحنانة
اليوم راكي مورانا
بالاك علينا تكوني غضبانة
سامحيني يا نسمة بلادي
يا ربّي يا مول القدرة
سهّل علينا في كل مرّة
باش أنولّي من بلاد برّة
لبلادي وين قطعت السرّة
يا ريت يا نسمة بلادي
