نورة منال بن سعد
:: عضو مُشارك ::
- إنضم
- 29 جوان 2008
- المشاركات
- 324
- نقاط التفاعل
- 0
- النقاط
- 6
- العمر
- 41
كل انسان في هذه الدنيا عنده طموح واهداف واحلام فيها اللي يتحقق وفيها اللي مايكتبش ربي باش تتحقق،ممكن نعرف واشي هي طموحاتكم واهدفكم واحلامكم المستقبلية-المتحققة منها والغير متحققة- وعلاش ماتحققتش؟؟ممكن؟
راح نبدا بنفسي:
انا كان كل هدفي اني نجيب الباك ونقرا في الجامعة ونتخرج ونكون طبيبة نفسانية،مي المكتوب والحظ ماحالفونيش ،في العام الأول نتاع الباك اتخبطت،عفوا ........اتخطبت وهدا كان فوق ارادتي لان ابي كان ضد تعليم المراة وانا كنت الكبيرة في البنات، تحطمت كل امالي وكرهت خطيبي كره اعمى وعلاجالو ماجبتش الباك في العام الأول،بقيت مخطوبة عامين، مي امبعد حبيت خطيبي اللي خبطني خبطة قوية في قلبي وعلاجالو عاودت الباك وجبتو ومبعد تزوجنا ودخلت الجامعة، مي كان الشرط اني ندرس في الجامعة القريبة من الدار وهذه الجامعة مافيهاش فرعي،ودرت فرع مانفهم فيه والو،وباش نجيب العام جبت ابني الأول، وماقدرتش نوفق بين الدار والقراية ،واش درت ؟بطلت الدراسة وتركتها لاهلها ،وتفرغت لزوجي و لاولادي وصرت طبيبتهم النفسية،والحمد لله على كل حال.
والآن جاء دوركم.
راح نبدا بنفسي:
انا كان كل هدفي اني نجيب الباك ونقرا في الجامعة ونتخرج ونكون طبيبة نفسانية،مي المكتوب والحظ ماحالفونيش ،في العام الأول نتاع الباك اتخبطت،عفوا ........اتخطبت وهدا كان فوق ارادتي لان ابي كان ضد تعليم المراة وانا كنت الكبيرة في البنات، تحطمت كل امالي وكرهت خطيبي كره اعمى وعلاجالو ماجبتش الباك في العام الأول،بقيت مخطوبة عامين، مي امبعد حبيت خطيبي اللي خبطني خبطة قوية في قلبي وعلاجالو عاودت الباك وجبتو ومبعد تزوجنا ودخلت الجامعة، مي كان الشرط اني ندرس في الجامعة القريبة من الدار وهذه الجامعة مافيهاش فرعي،ودرت فرع مانفهم فيه والو،وباش نجيب العام جبت ابني الأول، وماقدرتش نوفق بين الدار والقراية ،واش درت ؟بطلت الدراسة وتركتها لاهلها ،وتفرغت لزوجي و لاولادي وصرت طبيبتهم النفسية،والحمد لله على كل حال.
والآن جاء دوركم.
