فضفضة عن الحب : ادخل وفرغ وش كاين في قلبك

[اروى01]

فضفضة عن الحب

بما ان الكل الي يدخلوا هنا يكونو محتاجين يهدروا على الحب وسيرتو
ويكونوا محتاجين يفرغوا واش في قلبهم

نتمنى تكون هاذي مساحة صغيرة للي يحب يشكي هموا والي يحب يفرغ وش في قلبوا اذا حس ان واحد ماه حاملوا

يعني الكل يجوا هنا يحاولوا ايجاد حل لمشكلتهم ويفضفضوا والي يدخل يحاول يمد نصيحتو
​

 

[صمت الذكريات]

و الله يا ختي عندك الحق قلوبنا قاع راهم معمرين و مصبناش ليمن نحكو
واش نقول راني نحب واحد في التيليفون شفتو مرة برك و عدنا 7 اشهر و كي نهدر معاه نحس بالراحة و الامان و بالنية و صدق مشاعرو اعطاني هدرة معا يماه و اختو و انا راني خايفة من الدنيا و المكتوب تقبلي مروري

 

[اروى01]

ان شاء الله يوفقك ربي
لكن ماتوثقيش فيه لان كاين الي يتمسخروا ويقولك يما وهي بلاك تكون زوجتوا
انا شخصيا جارتنا حكاتهالي قاتلي راجلها يتمسخر بوحدة في التيليفون وهي تسمع فيهم وعلابالها ويهدر قدامها والاخرى صدقاتو
املا عندك منو وسبع شهر ؟؟؟؟؟؟؟؟؟ظظ هاذا علاش ماجاش خطبك واش معول تزيدوا كثر

 

[صمت الذكريات]

لالا انا في هذا الوقت مننجمش هو قالي بصح انا قتلو حتى نكمل قرايتي

 

[اروى01]

يا اختي نورمال كي يخطبك على الاقل مايفكرش في اخرى مرة اخرى
واذا جا واحد وخطبك وقبلو بيه اهلك وش تديري

 

[صمت الذكريات]

اكيد سترفض لاني احب و من واجبي التضحية و لا يمكنني ان اظلم شخص اخر معي

 

[اروى01]

ولكن علاش ماتحبيش تكون هدرتك معاه حلال احسنلك واحسنلو

 

[صمت الذكريات]

دارنا مراهمش رايحين يقبلو الان لاني مزلت صغيرة و مكملتش قرايتي انا لوكان اجي ليا غدوة نتزوج بيه

 

[اروى01]

علاه شحال في عمرك
انا تاني عندي نفس المشكل لكن اهلي سببولي ازمة
لانهم كلشي يحطوه بعد مانكمل قرايتي
كل الي تقدمولي هربوهم مع اني كنت حابة نتهنى ونهني بالي من التفكير
لكن هوما ماعلاباليش وين يحبو يدوني برايهم هاذا

 

[صمت الذكريات]

انا عندي 17 سنة او هو 22 سنة بصح عندو بابه يخدم تاجر او هو مزال يقرا بصح ينجم يجي يخطب

 

[اروى01]

شكرا ليك اختي
هاكذا كل واحد جاتو مشكلة نتمنى يجو هنا يحلوها
الفضفضة ماكانش خير منها
وانت وقت ماتحتاجي تسالي تلقايني وانا تاني نتمنى وقت مانحتاج نسال نلقاك او نلقى الي يجاوبني
الى اللقاء الي حين اخر

 

[nawa3im]

هلا حبيبتي اتمنالك التوفيق في الحب بس ابي اقولك شي عزيزتي ان الحب في سن 17 يعتبر مراهقة يعني اول بداية ونصيحتي لج انج تتريين شوي لا تقدمي على اي خطوة الا بعد تفكير ما اقولج لا تحبين لكن لسة بدري شوي وانت بنت صغيرة والفرص قدامج والحياة طويلة اكملي دراستج وخليها على الله الزواج حبيبتي قسمة ونصيب والي فيه الخير يقدمه ربناز

 

[programmeur]

كنصيحة ليك اختي صمت الذكريات
أبتعدي عن ذلك الشاب الذي يتكلم معك في التليفون
كيف واحد يقول لأمه أريدك ان تتكلمي مع فتات أحلامي في التليفون أنا جاتني حاجة غريبة
ماتنسيش رانا في وقت صعيب وغدار وما كانش الأمان في هدا الزمان
لي يحبك يدخل عليك من الباب ماشي من التليفون
هدا رايي و لك حرية الاختيار

 

[اشراقة الغد]

فعلا اختي
فالذي يريد الزواج ياتي مباشرة الى باب المنزل من دون حجة او تحجج
اما الباقي فمجرد كلام لن يوصل الى اي حل
نصيحة حاولي بناء حياتك جيدا ودعكي من مراهقات الصغر

 

[أمل حياتي]

أنا خلاص كملت حياتي ولي حبيتو ماراحش نديه وراح نزوج بلي رضاو بيه والديا.

 

[صمت الذكريات]

امل حياتي حقا هدا ماسف الناس اللي نحبوهم مندوهومش العكس كاين غير الامور اللي تخلينا نبعدو عليهم

 

[moha39]

اظن ان قصص الحب كلها متشابهة تبدا حب وغرام وتكمل خراب وتخمام

وهذا ما تحصلت عليه في اخر المطاف من الحب . وربي يستركم

 

[fati_zou]

السلام عليكم
فكرة روعة عجبتني ياااااااااااااسر
نصيحتي لكل وحدة تصبر روحها وتخطيها من المشي والحكايات انتاع التلفون لخاطر كيما يقول الي يبغيك يجيك يطبطب على دار والديك ,نقولك والله وحد المرة ولاد حارتي قاعدين في الرود واحد يحكي مع صحبتو وفاتح البوتابل للجماعة كامل يسمعو واش راهي تحكي معاه
شكون الي ترضى تكون مسمات بأسمها وبنت شكون وهدرتها عند المجامع, وارواح تشوف الي مسجلين هدرتهم وعادو يهددوهم بيها ووووووووووووووو الخ

 

[fati_zou]

كاين وحدة الحاجة بغيت نوصلهالكم ونتمنى الجميع يفهمها ممكن معظمكم مايعلمش بيها
الشخص الي يقاوم نفسه ويخبي حبه على الشخص المحبوب يعني البنت ماتبينش للولد والولد مايبينش للبنت ومايخليش روحه يوقع في الزلل والخطأ(يعني يصاحب ويمشي ووو....الخ) هذا يعتبر مجاهد لانه يجاهد في نفسه رايح بأذن الله يكتب عند الله مجاهد وماريأيك ان مت وانت تجاهد تكتب عند الله شهيد
كل واحد رايح يخلي حاجة لوجه ربي ربي رايح يعوضه احسن منها
واش رايكم تحطو هادي الفكرة في بالكم بأذن الله رايحين تقدروا تقاموا أنفسكم احسن لكم
************هدا بالتجريب******************
**************والحمد لله*****************

 

[dahman kz]

الجماعة تحكي على الحب ونت تحكي على الجهاد وشبيك ا فتحي