راني جيت باش نفرغ واش كاين في قلبي.......

[parkour14]

شوفوووووووووا
انا راني راح نتطرد من اللمة بسبب
هذا بصح ولله منخليها في قلبي
المشكلة وما ورائها هي ان هناك مشرفة
من اللمة ردت على موضوعي
ودات msnتاعي
وقاعدا تتمسخر بيا وفي الاخير طيحتلي وراحت
بصح ولله ولله ولله لدرك يشوفوووووو
كيما دخلت للمة ونا فرحان كيما درك نخرج منها وانا فرحان ودرك تشوفوووووووو
وراني مش اول واحد يسرالووووا هاكا كاين ياسر قبلي
المهم نبقيكم على خير وتهلاو في رواحكم
وكي تتنقا اللمة من هذو الناس الي مش متربيين
نشوفواااا نرجعولها ولا والو
وعلى ايت حال حاشا البعض
باي واذا متريقلتش راني مخليها ليكم
وحاشا البعض
باي
​

 

[ziassia]

اذا انت راجل متخرجش و وري الرجلة انتاعك ماشي مرا الي اديرلك هكذا

ياك احنا ولاد الدزاير و ماشي هذى هي الصفات انتاعونا احنايا عندنا صفة العزة و الكرامة

ولا واش رايكم ؟؟؟

 

[عاشقة مجهول]

ياخويا اذا ماعجبكش عضو ولا مشرف تطيش عليك المنتدى كامل.............المشكل اللي صراك مايستاهلش هذا كامل .............وزيد وين تروح تلقى اللي يرحب بيك واللي مايرحبش بيك ............وين تروح تلقى لمليح ولمش مليح .............وانت لاكان لقيت واحد مش مليح تهرب خلاص :thumbdown:..............سامحني ماشي عملة خلاص.................خليك هنا وكون فحل بالمواضيع تاعك والردود تاعك .............وحاول تكون مشرف ...........واذا ماعجيباتكش حاجة ..............ديرها موضوع ونتناقشوا فيها ok

 

[la rose de sable]

يا ودي ماكانش حاجة تجي من العدم

 

[سليم المسيلي]

السلام عليكم خويا واش نقلك اذا انت خرجت من اللمة وهذي المشرفة منا من دزاير وانت خرجت لانها معجبتكش لا لا يليق تخرج من دزاير قع على العموم وش نقلك دير كيما قال الامام الشافعي على السفيه
يزداد سفاهة فازداد حلما """"كعود زاده الاحراق طيبا

 

[hard_way1990]

السلام عليكم
يا خويا هي أولا ما حقش عليها صح وعيب عليها سيرتو راهي بنت وثانيا مادام هي سبتك فالهوتميل أنت تقدر تسبها فالهوتميل ولا وكل عليها ربي سبحانو وخاطاك الشغل والله تتسب قدام وتتهان و ربي سبحانو ما يخليش المظلوم وياك علابالك بلي دعاء المظلوم ماكانش بينو وبين ربي سبحانو حجاب يعني كيما تدعي يوصل ..
ولا نقولك دير قول أسمها وأتأكد بلي هي صح يعني أفضحها هنا وحاول تتفاهم معاها بالعقل برك والمنتدى ماذا بينا تقعد هنا خير والسلام خير الختام
​

 

[اسهاء]

شكون هذى المشرفة ؟؟؟؟
​

 

[أمل حياتي]

لكان هيا ماشي مربية نتا ماشي لازم عليك تخرج من اللمة,راك غالط فالقرار تاعك,قولنا شكون هذي؟؟؟؟؟؟؟؟

 

[قطرة ندى1]

نورمالمون تقول شكون هدي

 

[redouane45200]

أهل مكة أدرى بشعابها​

 

[Silent Revenge]

ياخو Block + Delete
وزيد مش كامل أعضاء اللمة سبوك ,,

 

[رفيق الطيب]

السلام عليكم اخي العزيزمتعمرش راسك او وكل ربي لا راك مظلوم انشاء الله ينصرك

 

[parkour14]

شكرا لكل الاعضاء الذين ردو لي
و انا اسف:crying:
اذا كنت غالط في حق احد ولكني كتبت "حاشا البعض"
على ايت حال انا اسف جدا:crying:
فقد كتبت الموضوع في لحظة لا تصدق
كان غضبي يسيطر علي :angry:ولكن اسف على الفوضا التى سببتها
وشكرا لكل المشرفين
و بالخصوص safa rym
وانا اسف اذا غلطت في حقك:blush:
ولكل الاداريين:biggrin:
ارجوا ان تسامحوني جميعا:crying:
:crying::crying::crying:
سامحوني:crying:


وارجوا الا يكون سبب شجارنا
موضوع او رد او تتسبب هذه الموضيع العادية في تفكيك اللمة
الحبيبة
او
البيت الثاني لنا



و ارجوا من safa rym
ان ترد علي هل تسامحينني ام لا
اعرف اني غلطة في حقك:crying:



ولن اسامح نفسي اذا لم تسامحيني

لاني اعرف اني ارتكبت غلطة كبيرة في حقك



لا اعرف ماذا اقول حقا لكي اعبر عن اسفي ولكن انا جدو اسف



ارجوا من كل الاعضاء ان يتقبلوا اعتذاري
​

 

[parkour14]

راني رايح نرقد دركا ياربي الكل يسامحني
ويا ربي نلقا الكل مسامحني
ويا ربي نبداو يوم جديد غدوا
انشاء الله
​

 

[colbertinho]

نوووووورمال
مهوش السبب لي خليك تفحت من المنتدى..........
ادااااااااااا كان تلاعبت بمشاعرك انا نقوللها ربي يهديك
وادا كان طيحت الهدرة فليس من عادت البنات التطياااااااااااح

 

[رفيق الطيب]

ستين سموح من عندي

 

[عاشق اللمة الجزائرية]

اعطينا اسم المشرفة

واحنا نسعى للقيام بالاصلح

طبعا الاسم عن طريق الرسائل الخاصة

 

[hard_way1990]

والله يا أخي خير الخطائون التوابون وأنت بما أنك تطلب الصلح فستجد كل الأبواب مفتوحة لك سواءا من طرف الأعضاء أو من طرف الإدارة بغظ النظر عن سبب غلطتك لاكن النسيان نعمة لك في هاته الحالة أنسى أخي كل ما حصل وأبدأ صفحة أخرى تعيش فيها في لمتنا كلنا في هناء وسعادة وأخوة مع عائلتك الثانية كما ذكرت سابقا ومن عندي أخي أنت مسامح ولا مشكلة أبدا في طلب الصلح وأنت بطلبك الصلح أظهرت أن قلبك طيب وعلى نياتك فبارك الله فيك في محاولتك لإبعاد المشاكل عن هذا المنتدى العريق وجعله أبيض ناصعا بنقاء قلبوب أعضاء ولك كل الشكر مني ..........................تصبح على خير أنت والجميع والسلام عليكم ورحمة الله تعالى وبركاته
​

 

[colbertinho]

اعطينا اسم المشرفة

واحنا نسعى للقيام بالاصلح

طبعا الاسم عن طريق الرسائل الخاصة

هدا اقتراح مليح....اعطينا الاسم نتاعها .........
وانا اعدك باذن الله اني ساصلح المشاعر بينكمااااااا
وعد منييييييييييييييييييييييييييييييييييييييييييييييي

 

[ميماا]

اسمع خويا الحق عند كل اخواني في الي قالوه
وانت راجل مايصحش هكدا والله خليك اهنا وسط اهلك واحبابك رانا نحبوك ولا ما نحبوك ما كانش والو هنا
عندي الحق اما لا؟؟؟
خليك برك وانت واثق من نفسك
خليك الكبير انت وعندك كل الحق تزعل