ما تبكيش على جالي

[عيون خادعة]

هذه القصيدة مهداة إليكم انتم ابناء اللمة​

نتمنى ما تبخلوش علينا بردودكم​

ماكان حتى حاجة تخليك تبكي على جالي
اليوم يقولوا لاه يا الحب بكيتو​

انا تمنيّت تتفكريني وما تنسايني
ونتي ياريت تتمناي لي تمنيتو
ميساجاتك جاو بين اسمي وعنواني
ضاع مني قلبي وعندك لقيتو​

بعض الناس لوكان يحوس عليا ما يلقااني
وبعض الناس لوكان يجاذب سيرتي جيتو ​

انا ما نستاهلش تبكي على جالي
وراني فرحان بالوقت لي معاك عشتو​

قولي ( يا لطيفة )الحلم خلّيتو وخلاّاني
او نقول بالعكس خلاّاني وخليّتو ؟؟ ​

ياسيفي وذراعي وخيلي وميداني
لي هز الموس وحب يقتلني على جالك ما خطيتو ​

نموت في هواك وحبك ينجيني
ولي يهدر فيك والله نقتلو​

كنت وحدي في هذ الدنيا نعاني
وبحبك برا قلبي و جرحي داويتو ​

فرشتلك قلبي وحطيتك في وجداني
وارتحت في قلبي المفروش وما اذيتو ​

في ذمتك ما ترااوديني على اجنااني
وصلت حدّ الجنون وما تعديّتو ​

وايذا ظلمتك انا سامحيني
وهاذ لكلام بكيت وكتبتو​

ماعاد مع راسي غير روس جنحاني
والريح لاهبّ مع هواك هبيتو ​

اسمحيلي..اقراي اشعاري ولحنيهالي
والشعر لي كتبت غنّاني وغنيّتو ؟ ​

بعدك جرح في قلبي منو نعاني
ونهار نشوفك نرتاح ونكون داويتو...​

​

ماكان حتى حاجة تخليك تبكي على جالي
اليوم يقولوا لاه يا الحب بكيتو​

انا نتمنى تتفكريني وما تنسايني
ونتي ياريت تتمناي لي تمنيتو...​

​

​

 

[R@.CH]

عيون خادعة


اشكرك على هذه القصيدة الجميلة

اختيار مميز ..

واصلي اختي الغالية

ننتظر جديدك




ينقل لقسم الشعر والخواطر

لك مني فائق التقدير والاحترام

تقبل مروري وردي البسيط

رمــــــــــــــــــــــــزي

​

 

[ziassia]

حـــقا كلماتك جميلة و تريح النفس

مشكوورة اختى

 

[ffooll]

مشكورة اختى عيون خادعة
على الطرح المميز
كلماتك واضحة وضوح الشمس
ومازادها رونقا لغتك الدارجة
متلئلئة دائما
ان شاء الله
تشكراتى الخالصة​

 

[عتاب]

ششششششششششششششششكرااااا

 

[عتاب]

اسلوب مميز ..كلمات متناسقة.......تعبير واحساس ولا اروع سلمت يداك

 

[عيون خادعة]

شكرا لمروركم اخواتي ولردودكم

 

[abdelmalek88]

هدية جميلة مشكورة على كل شى​

 

[عيون خادعة]

شكرا لمشاركتك اخي عبد المالك