معجزة للشعر والله معجزة....*****فريق شخصيات اللمة*****

الحالة
مغلق ولا يسمح بالمزيد من الردود.

sama-h

:: عضو مُتميز ::
إنضم
29 ديسمبر 2007
المشاركات
674
نقاط التفاعل
3
النقاط
17
السلام عليك كيراكم يا احباب اللمة انشاء الله تكونو بخير المهم:
انا نعرف والكثير من الفتيات او المراة بشكل عام تعاني من مشاكل الشعر ك:
-ضعفه.
تقصفه.
-تساقطه.
-وجود القشرة.
-بهتانه.
و الكثير من المشاكل ولان الشعر وكما يقال هو تاج المراة ولاننا دائما نبحث عن الجمال ولانني جربت وبنفسي هذا القناع او هذه الوصفة ولاني لاحظت الفرق في مدة 7 ايام حبيت نطرح عليكم هاذ الطريقة ونتمنى من الجميع تصلح معاه وهي اكيد رايحة تصلح وانا نضمنلكم والضامن ربي ولكن قبل ما نعطلكم الوصفة حبيت ننصحكم قبل بعمل الاتي:
- اولا ما ننصحش المتزوجات وخصوصا اللواتي يعشن مع ازواجهن الا اذا كان الزوج يعمل بعيد عن البيت يعني يكون في بلاد وهي تانيك لان للوصفة رائحة قوية وغير جميلة ولكن كما نقول نحن اللي بغا الشباح ما يقول اح ههههههههههههه ولا الي يحب الورد يصبر على شوكه.
-لازم تكون المدة اللي تبقى الوصفة فالشعر مدة تتراوح بين ساعتين وثمان ساعات ومن الافضل تكون بيناتهما يعني ننصح ست ولا سبع ساعات يعني كل يوم وكيفاه.
-وننصح بعد ما نضع هذه الوصفة على الشعر دلكه باطراف الاصابع دلكا خفيفا وبطريقة دائرية والعكس.
وكذلك بعد وضع الوصفة علينا وضع كيس بلاستيكي ولا المنيوم المخصص للطبخ وكذلك نخصص منديلا ونضعه فوق البلاستيك.
-ونضع في قارورة الشامبوان قليلا من خل التفاح لانه مفيد جدا ودعم للوصفة.
-والا نضع اي زيوت للشعر بعد الوصفة الا ان اضطررتي لوضع القليل منه وانا انصح وضع زيت الصبار الطبيعي او القليل القليل من زيت الجرجير او اي زيت طبيعي اخر.
-والا نقطع او نتوقف عن اكمال العلاج حتى على الاقل تجاوز ستة ايام او سبع ايام على الاقل.

والان اليكن الوصفة :
1- فنجانان نواة التمر.
2- فنجانان جوز جاف وكان اللي يقولو القرقاع وفالخارج يقولولو عين الجمل تلقيه عند العطار.
3-فنجان حلبة مرحية.
4-ريحان قدر ما تحبو ولكن ديرو كاس خير.
5- قارورة زيت لب جوز الهند
6- قارورة زيت الخروع وزيت الورد وزيت كبد الحوت و زيت السمسم الطبيعي وزيت الجرجيرو زيت املا الاخضر الطبيعي وكلهم قارورة قارورة .
7- اثنين راس ثوم يعني مجموعة كبيرة.
8- اثنين حبات بصل كبيرة

طريقة تحضير الوصفة:
1- نحرق نواة التمر +الجوز جيدا ونطحنهم جيدا حتى يصبح كالرماد ومن ثم نضع فوقهم +زيت الورد ونخلطهم جيدا .
2-نرابي حبة بصل ونضع ماءه في فنجان ونقدرو نضع قليل من الماء فوق البصل ونستخرج كمية اضافية من ماء البصل وكذلك بالنسبة للثوم نفس الطريقة وراس واحد طبعا.
3- نقطع البصل الباقي قطع صغيرة جدا وكذلك الثوم.
4- نضع في قارورة كبيرة جميع الزيوت زيت كبد الحوت+ زيت الجرجير + زيت لب جوز الهند + زيت املا +زيت السمسم +زيت الخروع.
5- ونسكب فوقهم ماء البصل والثوم وقطع البصل والثوم والحلبة المرحية وعجينة نواة التمر والجوز وزيت الورد
6-نغلي الريحان ونضع ماءه في القارورة كذلك.
7- نخلطهم جيدا جدا ونتركهم ليلة كاملة قبل الاستعمال.

والله ان هاذ الطريقة معجزة كبيرة للشعر وانا درت بحث عليها ولكن درتها بطريقتي الخاصة وكانت التيجة لا تصدق وخصوصا ان شعري كان شبه قصير والان اصبح طويل شوي .
ومن اراد ان يرى نتيجة اكبر يزيد من عدد ايام استعمال هذه الوصفة

والان نقوللكم مميزات هذه الوصفة :
-تزيد من كثافة الشعر.
-تنعم الشعر.
تقضي على القشرة.
- تطول الشعر.
وتفيد كثيرا جدا

والان نشكركم مسبقا ونطلب لكل واحدة نكم افادتها هذه الوصفة تدعيلي وتقولنا رايها باش نفيدو كيما نحنا استفدنا.

اختكم sama-h



 
ما شاء الله
بارك الله فيك
 
نشكرك على المرور والرد اختي نورتي وانشاء الله تفيدك الوصفة.
 
و منين نجيبو زيت كبد الحوت
مشكورة
 
و منين نجيبو زيت كبد الحوت
مشكورة


ينباع اختي عند العطار نورمال تلقايه فكل مكان ماشي نادر ابحثي برك وهو مفيد جداااااااااااا للشعر مشكورة نورتي.
 
وصفة جيدة مشكورة
 
وصفة جيدة مشكورة
 
العفو نورتموني يعطيكم الصحة هذا من ذوقكم برك مشكورين.
 
شكرا على المجهود ولكن اختى انا اعانى من تساقط الشعر ولكن اخاف من هذه الوصفات
 
شكرا على المجهود ولكن اختى انا اعانى من تساقط الشعر ولكن اخاف من هذه الوصفات


اكيد اختي اتفهم تخوفك واكيد كلنا نخاف من وصفات تخص جمالنا ولكن تاكدي هذه الوصفة مجربة وانا شخصيا جربتها وقد طال شعري في مدة قصيرة لم اكن احلم بها وخصوصا ان عرسي قريب عيبها الوحيد رائحتها القوية وكذلك نقدر نفيدك يعني تقدري تغسلي وتضيفي عصير الليمون وخل التفاح فهما منضفان ممتازان لفروة الراس وكذلك تقدري تحذفي زيت الجرجير لان رائحته قوية جدا وهذا طبعا لن يؤثر على الخلطة مشكورة على الرد نورتيني اختي ربي يعزك.
 
شكرا لك جعلها الله في ميزان حسناتك
 
يا أختي يعطيك الصحة على الوصفة بصح فيها بزاف حوايج
ربي يهنيك اختي
 
:..................................................

أولا بارك الله فيك على النصيحة
حابة نعرف وشنهي نواة التمر؟؟ و وين نلقاها ؟؟
..................................................:
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top