موضوع روعة

[soumia84]

هل يفضل الرجل المراة التي تكون ربة منزل من الطراز الرفيع ام ان الامر لا يهمه المهم ان تكون على قدر من الاخلاق والجمال .وعمل المنزل تتعلمه بعد الزواج.ام انه يوافق وبعد الزواج تصطدم المراة بواقع عكسي لما كان متساهلا فيه.

 

[عا مـــــــــــر]

انا افضل مرأة تائبة تحس بزوجها تحبة تهتم به تعطيها كل شيئ .....والزوج الذي يحب زوجتة يقدرها يقيمها امام الناس يدلعها هذا ما أحب فب الدنيا


تقبلي مروري

 

[zamanajaib]

وش نقولك يابنتي وقتنا كانت البنت صاحبة 12 سنة او 13 تغزل وتسدي وتطيب الخبز على النار كما يقولوا كل اصبع بصنعة وهذا بفضل والدتها وجدتها تلحق 16 او 17 تكون امراة كاملة من كل النواحي لو تجيبيلها قوم ياكلو عندها تقوم بيهم كما يلزم وكان الرجل لما يحب يزوج لا يسال عن هذه الأمور لنه يعرف انه لكل بنت قدر من الخبرة الكافية وزيادة
اما الأن اذا عرفت تطيب بيض مقلي وماتحرقوش وهي صاحبة 23 سنة يعني كي تخرجت من الجامعة راهي مليحة
لهذا تلقاي الرجل الأن بعد مايسأل عن الدين اوالخلق والعقلية يسأل عن خبرتها في البيت
لا الوم الزمن العيب فينا وما للزمن من عيب سوانا
الوم الوالدة تخلي بنتها بدون ماتعرف شيء غير القلم والكراس نهار كامل
والله اعلم

 

[soumia84]

ربي يحفضك والله شرف لي انو شخص متلك يرد على موضوعي .عندك الحق الوالدات هن اللواتي يتحملن مساؤولية بناتهن. ما يعلمهمش من الصغر وممبعد كي يوصل سن الزواج ويجيو الخطابة ما يلقاو ما يقولو كانت تقرا على هاديك متعلمش الخدمة.لاه بكري ما قراوش. والله قراو وماما كانت تقرا وتعلمت كل شئ وزادت رباتنا على نفس الطريقة .واش انقلك الي ما يلحقش لعنب يقول حامض.وربي يهدي كل انسان ويدير الحاجة اللي تخرج عليه.

 

[وردة الروح]

الرد :موضوع روعة

السلام عليكم و رحمة الله و بركاته
عزيزتي أعجبني موضوعك و أردت أن أشاركك في نقاشه .
صدقيني يا أختي أنه حتى و إن إختار الزوج زوجته على معيار الدين أو الخلق و الثقافة ....
إلا أنه في آخر المطاف يريدها ربة بيت ممتازة ... نظيفة جدا .. منظمة جدا ... و طباخة ماهرة ...
لأنها تعكس صورته أمام المجتمع .
( و بيناتنا أختي المرأة إذا شافت زوجها ما علابالوش طابت و لا انحرقت راحت و لاجات راح تهمل بيتها و تضربها بركلة ، قليل و ين تصسيبي امرة حرة من دارهم ، عندي صديقة قبل ما تتزوج كانت امرة و نص و حد المرة زرتها في بيتها انصيبها نصف امرأة و كسقسيتها قاتلي راجلي ما علبالوش كامل وعلاش انعي روحي ؟؟؟؟؟؟؟ )
:biggrin:مع تحيــــــاتي لك :biggrin:

 

[soumia84]

شكرا حبيبتي على المرور الجميل.بصراحة صديقتك هادي ما هيش اصلا امراة لانو لو كانت حقا من قبل ربة منزل ممتازة مستحيل تتغير لانو الانسان كي يتعلم الخدمة تاع الدار ما شي برك باش نخدم راجلي انا نتعلم باش تكون الدار تاعي مضيفة ومنظمة نتعلم على جال اولادي باه نقوم باولادي ويعيشو في جو نظيف ومعقم. كي يخرجو من القراية يلقاو البيت منظم والغدا واجد .كي يجيوني الضياف ما نعودش ندردف وما نعرفش واش نقولهم .كيما صديقتك هادي اللي كي مالقاتش واش تقول قاتلك راجلي ما عندوش حاجة .والله نعرف زوجات كانو رجالتهم معندهمش حاجة بصح كي والفوهم على طريقة معينة عادو هوما ما يستحملوش لما يشوفو الدار ما شى مفروزة. نصيحتي فقط لكل فتاة تقرا هاد الموضوع انها تحاول تاخد من كل بستان زهرة وتحاول تطبق المتل الشعبي الي يقلك كل صبع بصنعة .ماشى اني قارية ما نخدمش فالدار .على قدما تعلاي اختي مصيرك رايحة تكوني اسرة ورايحة تتحملي مسؤوليتها فحاولي توازني .

 

[zamanajaib]

ربي يحفضك والله شرف لي انو سيدة متلك ترد على موضوعي .عندك الحق الوالدات هن اللواتي يتحملن مساؤولية بناتهن. ما يعلمهمش من الصغر وممبعد كي يوصل سن الزواج ويجيو الخطابة ما يلقاو ما يقولو كانت تقرا على هاديك متعلمش الخدمة.لاه بكري ما قراوش. والله قراو وماما كانت تقرا وتعلمت كل شئ وزادت رباتنا على نفس الطريقة .واش انقلك الي ما يلحقش لعنب يقول حامض.وربي يهدي كل انسان ويدير الحاجة اللي تخرج عليه.

ربي يخليك ويوفقك لما يحب ويرضى

 

[soumia84]

عفوا اخي والله ما اتبهت اسمحليييييييييي

 

[adelskikda]

هل يفضل الرجل المراة التي تكون ربة منزل من الطراز الرفيع ام ان الامر لا يهمه المهم ان تكون على قدر من الاخلاق والجمال .وعمل المنزل تتعلمه بعد الزواج.ام انه يوافق وبعد الزواج تصطدم المراة بواقع عكسي لما كان متساهلا فيه.

افضل المرأة المتخلقة والمرأة المتخلقة عزيزتي اولا تهتم بامور المنزل قبل ان تفكر في الزواج اي الطفلة المتخلقة تتعلم اساليب الحياة من صغرها وشكرا هذا راي

 

[soumia84]

هذا ليس مقياسا اخي اسالني انا الي نعرفهم فالجامعة والله تلقى بنات قمة التربية والاخلاق وما تعرفش تقلي لعضام والعكس بنات على قدر قليل من الاخلاق وهن ربات منزل من الطراز الرفيع. هادي خويا ترجع لكل ام وكيفاش مربية بناتها ولكل طفلة وفحالتها .شكرا لكل المشاركات القيمة

 

[adelskikda]

مساء الخير

هذا ليس مقياسا اخي اسالني انا الي نعرفهم فالجامعة والله تلقى بنات قمة التربية والاخلاق وما تعرفش تقلي لعضام والعكس بنات على قدر قليل من الاخلاق وهن ربات منزل من الطراز الرفيع. هادي خويا ترجع لكل ام وكيفاش مربية بناتها ولكل طفلة وفحالتها .شكرا لكل المشاركات القيمة

يا سمية يا حنونتي الطفلة المتخلقة يلزمها تعرف اساليب الحياة وخاصة اعمال المنزل ونقولك عندي بنت خالي نقولو عليها ناس ملاح بصح ماتعرف تدير والو البطاطا ما تعرفش تتطيبها وماحباش تتعلم احنا نقولو مهيش متخلقة لانوحب العمل من التخلق وشكرا

 

[soumia84]

يا خويا يا السكيكدي معايا فالجامعة طفلة من سكيكدة ما هيش متخلقة وتعرف كل شئ.واخرى ايضا من سكيكدة خلق رفيع وعمل منزلي منعدم

 

[أبو يمنى]

مولات الدار لي تقوم كلش هاديك هي المفضلة باجماع العارفين ... وجامي لقينا انتقاد لصاحبة الاخلاق والرتابة والعمل

مغسي بوغ سو سوجي ما سوغ