قصيدة روعة للشيخ الهامل

[ملك الروم]

اليوم جبتلكم قصيدة للشيخ الهامل إن شاء الله تعجبكم :


كي نهدر معاك حاولي تفهمينـــــــــــــــــي

و اللي راه في قلبك غير أهدريه
​

أنا ما قلتلكش بالسيف أبغينــــــــــــــــــــي

قلبك من حقوا يعشق اللي يبغيه
​

أنا طلبت منك غير تصارحينــــــــــــــــــي

و لو بخط برية واش عليــــه
​

جوابك كيما كان يربينــــــــــــــــــــــــــــي

أو ما تهمنيش كلمة لالا ولاّ إيه
​

غير كلمة , تفري اللي بينك وبينـــــــــــي

و تريحني من لعذاب اللي راني فيه
​

يا الغالية راكي عييتينــــــــــــــــــــــــــــي

وقتاش قلب العاشق تفهميه
​

طبطبت و ناديت ما جاوبتينـــــــــــــــــــي

ما عرفتش علاش بابك بلعتيه
​

لو صرالك ما صرالي تعدرينـــــــــــــــــي

أنا همي غير ربي اللي عالم بيه
​

محقور في عشقك حقرتينــــــــــــــــــــــي

قلبي كان هاني و أنتي هولتيه
​

مظلوم في غرامك ظلمتينــــــــــــــــــــــي

و جميع من ظلم الدنيا دارت عليه
​

بريء و بسكاتك تهمتينـــــــــــــــــــــــــي

ربي يحاسبك على الشيء اللي درتيه
​

درتيني عدوك في قفصك سجنتينــــــــــي

عماتك الدنيا عقلك ودرتيــــــه
​

في سجن لعذاب وحدي خليتينـــــــــــــي

بلعتي لبواب و المفتاح أديتيــه
​

لكن ربي كريم و قادر ينجينـــــــــــــــي

و ما بقالي غير نوكل أمري ليه
​

قادر المولى يبليك كيما بليتينـــــــــــــــي

و يسجنك فالقفص اللي راني فيه
​

ما طلبتش المحال غير حاجة تكفينــــــي

صارحيني و اللي في قلبك أهدريه
​

أنا حتى لو كان نعرف بلي تكرهينــــــي

نحلف على وجهي ما تزيديش تشوفيه
​

ما نبكيلك ما تطيح دمعة من عينـــــــــــي

لو كان يبكي قلبي نقلعه نرميه
​

نبغيك , نبغيك أومانرضاش باش تذليــــي

و لو نموت , الذل ما نرض بيه
​

أنا نموت غير فالقلب اللي يبغينـــــــــــــي

و اللي باعني تدور الدنيا نشريه
​

أنتي صاح طفلة شابة تعجبينــــــــــــــــي

و هاد الشــــي لازم عليك تعرفيه
​

أو ماتقدريش تعرفي حتى تعرفينــــــــــــي

أو باش تعرفيني لازم عقلك تكاكيـــه
​

هامل في قلبي و زدتي همّلتينــــــــــــــي

الهامل هموم اللي عداها تكفيــــــه
​

راني كي الطير في قفصك سجنتينــــــــي

و اللي فديته بدمعة ربي عالم بيه.​

لا تنسونا بالردود

 

[صفي الرحمن]

بسم الله الرحمن الرحيم ​

السلام عليكم ورحمة الله وبركاته​

كالعادة عزيزي ملك الروم ​

تأتي بكل ماهو جميل ورائع ​

من جعبتك التي تزخر بحروف​

طالما رسمت كلمات ذهبية تتلألأت في سماء هذا المنتدى​

رائع ما جلبت عظيم ماقدمت ​

دمت متألقا ودام قلمك الزاخر ​

لك تقديري واحترامي ​

 

[ملك الروم]

مشكووور الأخ صفي الرحمن
دائما لديك ردود رائعة و كلمة نابعة من القلب
بارك الله فيك
تحياتي لك

 

[amel algerie]

قصيدة رائعة شكرا جزيلا​

 

[ملك الروم]

قصيدة رائعة شكرا جزيلا​

مشكوووووورة أختي على المرور
تحياتي لكي

 

[امورة]

:thumbup1::thumbup1::thumbup1::thumbup1::thumbup1:

 

[ملك الروم]

:thumbup1::thumbup1::thumbup1::thumbup1::thumbup1:

:thumbdown::thumbdown::thumbdown::thumbdown::thumbdown::thumbdown::thumbdown::thumbdown:

 

[امورة]

يعطيك الصحة خوياااااااااااااا والله قصيدة روعة شكرا شكرا

 

[faridos]

السلام عليكم و رحمة الله
أخي الكريم
ملك الروم
ايهـا المبدع
لا ادري ماذا أكتب أمـام روعـة سطورك
فلقد أخترات وأحسنت الاختيار
أتيت هنـا لأسجل اعجابي الشديد بهذه الكلمـات الأكثر من رائعة
دمت مبدعـا أخي الكريم ملك الروم وتقبل مروري المتواضع
وفائق احترامي وتقديري
اخوك
فريد​

 

[ملك الروم]

يعطيك الصحة خوياااااااااااااا والله قصيدة روعة شكرا شكرا

مشكوووووورة أمورة على المرور
القصيدة تصبح أروع بمروركي الرائع :001_tt2:

 

[ملك الروم]

السلام عليكم و رحمة الله

أخي الكريم
ملك الروم
ايهـا المبدع
لا ادري ماذا أكتب أمـام روعـة سطورك
فلقد أخترات وأحسنت الاختيار
أتيت هنـا لأسجل اعجابي الشديد بهذه الكلمـات الأكثر من رائعة
دمت مبدعـا أخي الكريم ملك الروم وتقبل مروري المتواضع
وفائق احترامي وتقديري
اخوك

فريد​

مشكور​

أخــــــــــــــــــــــي ​

فريــــــــــــــــــــــد​

على المرور​

والله لم أجد الكلمات المناسبة للرد على مرورك الرائع​

تحياتـــــــــــــــــــــي لك​

 

[ضحکَة خچڸ ღღ]

الله يحفظك خويا ملك الروم موضوع رائع ماااااااااااارسي صح عيدك وكل عام وانت الخير كلو يا رب ربي يخليك لينا ولاهلك يااااااااااارب مااااااااااارسي

 

[ملك الروم]

الله يحفظك خويا ملك الروم موضوع رائع ماااااااااااارسي صح عيدك وكل عام وانت الخير كلو يا رب ربي يخليك لينا ولاهلك يااااااااااارب مااااااااااارسي

يعطيك الصحة أختي نور . راكي قتلتيني بالقدر :biggrin::biggrin::biggrin:
عيدك مبارك كل عام وأنت بخير
و أنت تاني ربي يخليك لينا .
راني نستنا في المواضيع ديالك .
تحياتي لكي