جولة للعدس عبر الوطن

ح

حاملـة المسك

:: عضو بارز ::
أحباب اللمة
إنضم
15 ماي 2010
المشاركات
3,994
نقاط التفاعل
9,487
النقاط
191

السلام عليكم و رحمة الله و بركاته


بعد الخلط لصار في /ماذا ستطبخين /حول كيفية إعداد العدس وجب علينا وضع النقاط على الحروف في مقاديريه و طريقة إعداده.

و كذا إزالة اللبس و التوتر الذي أوشك أن يفجر منتدى المطبخ اللماوي :(

فلتتفضل كل عضوة وتضع طريقتها في العدس

أي تشويش أو إعتراض يحذف :down:

لنحافظ على النظام ...بوركتم.​
 

طريقتي في العدس

إلا طبختو باللحم نقليه مع البصل مقطع رقيق و قصير و نضيف الملح فلفل أحمرو الاكحل الزيت
نسكرفج حبة جزر أو نقطعها مكعبات صغيرة حبة طماطم وريقة رند و نمرق
نص طياب نضيف العدس مع الثوم مهرس بعد ما يطيب نضيف قلييييل من الطماطم و القرعة مكعبات (يمكن الاستغناء)
وأخيرا كمشة فرميسال و نطفئ
عند التقديم نرشها بالحشيش و الكمون
أحيانا لما يكون عندي متسع من الوقت نفور العدس يجي خير.
​
 
آخر تعديل:
نرنخ لعدس في شويه ماء سخون 3 دقايق ندير ثوم سكرفج مع زيت وشويه لحم غير يغلى شويه نزيد طماطم مصبره تغلى شويه برك نمرق ونصفي لعدس ونرميه يطيب​
 
ميس مرام، تم حظره "حظر دائم". السبب: مخالفة القوانين
يعطيك الصحة موضوع شباب باه نتعرفو على طرق اخرى



معليش بلاصور؟؟؟؟؟
احنا نديروه باللحم ولا بلاش وجاااااااااامي بالجاج،
حبة بصل رابي وسنيييينة ثوم اختيارية+ لحم او بلاش+ زيت+كرافس+جزر+طماطم وبطاطا وملح وعكري وفلفل اكحل وكسبر يابس مرحي قلي مليح وامرقي وخلي اللحم يطيب ثم ارحي الخضرة او تقدري تقطعيها صغييييرة من الاول باه ماترحيهاش
اغسلي لعدس ونقيه مليح واضيفيه واغلقي عليه حتى يطيب
وبصحتكم

هههههه غدوة نقولكم اللوبيا شربة تجي بالثوم وخليها تترتق هههههه
 
آخر تعديل:
ميس مرام، تم حظره "حظر دائم". السبب: مخالفة القوانين
قال حاملـة المسك:
وجب علينا وضع النقاط على الحروف في مقاديريه و طريقة إعداده.​
إضغط للتوسيع...
معليش اختي هذا يعني التسليم بوجود طريقة ومقادير واحدة، او تزكية وصفة على وصفة، فلتكن مساحة للعرض لا للنقد:regards01:
 
انا نطيب لعدس ونحيلو القشرة
بصل ثوم دواوات اللحم اختياري وطماطم مصبرة وملح وعدس بدون قشرة
وديريه يطيب كي يطيب
كاين اللي يديرلو زيت الزيتون ويقطع البصل عليه وياكلو​
 
وعليكم السلام

نرنخ لعدس في الما ونخليه يتنقع بعد مانكون غسلتو مليح ونقيتو

نوجد البرمة:
لحم أو كرشة بصل ثوم توابل ملح
نخليهم يتقلاو مليح نزيد لطماطم
ونلوح لعدس
ونخليهم يغليو في المرقة
مليح ونبقى نزيد الما كل ماينقص وهكا حتى نلقاه طاب
نخليه يثقال شوي
وخلاه راه طاب

​
 

بصل ثوم رابي زيت ومرات زرودية باه يجي حلو حبة طماطم رابي مغرفة طماطم مصبرة - كرافس -وساعات كمشة فول يابس يزيد فالبنة -فلفل -كمون ونمرقو ..اللحم ولا الجاج ولا بلاش ..حنا دارنا يحبوالبنة تع الجاج
كلشي باارد في بارد نغلق الكوكوطة
وسلامتكم
do.php



​
 
السلام عليكم ورحمة الله تعالى وبركاته:
لحظة تطفل بعد اذنكن سيدات وآنسات المطبخ

(بعد الخلط لصار في /ماذا ستطبخين /حول كيفية إعداد العدس)

الشيء الوحيد الذي اتقنه؟؟
أن كان مشكلتكم
فكيف الحال مع البركوكس؟؟
في رعاية الله وحفظه
​
 
راه موضوع كومبلى تاع عدس حطيتوغير ليوم
 
ايا انا لعدس اسهل حاجة نطبخها ونديرو لما يكون الوقت قليل
نقي العدس نغسلو نحطو في الكوكوط منيت نزيد عليه الدووات تاعو والماء ونقفل الكوكوت ونحطها على النار
نص ساعة نوليلها نلقاه طاب نكملو البهارات والطماطم والزيت والفلفل الخضر ونشوف الماء نقدر ادا ناقص نزيدلو
ونردو للنار 10 دقايق وهو ساجي
ما يعطلنيش خلاص ويجي ولا اروع
درك تقولو واش هاد الخالوطة
لالالالا والله روعة شفت امي معتمدتها وانا تاني واخواتي وكل العائلة الا مرت خويا تطبخ زي خلاص
 
قال ميس مرام:
معليش اختي هذا يعني التسليم بوجود طريقة ومقادير واحدة، او تزكية وصفة على وصفة، فلتكن مساحة للعرض لا للنقد:regards01:
إضغط للتوسيع...

كتبتو مرام بالزربة و حجزت رد ليا و غلقت ..عينيا تخيطو من النعاس
المفروض نضيف كلمتين بيهم يتغير المعنى .. بوركت.

هي جولة عبر الوطن نوضعو طريقتنا و لتعجبها طريقة تعتمدها

خلي نخلصو من العدس و نفتعلو فوضى اللوبيا :d

​
 
قال BARCA232:
السلام عليكم ورحمة الله تعالى وبركاته:
لحظة تطفل بعد اذنكن سيدات وآنسات المطبخ

(بعد الخلط لصار في /ماذا ستطبخين /حول كيفية إعداد العدس)

الشيء الوحيد الذي اتقنه؟؟
أن كان مشكلتكم
فكيف الحال مع البركوكس؟؟
في رعاية الله وحفظه
​
إضغط للتوسيع...

علينا و على طريقتك نعتمدوها

شت خويا محمد محينا سجل طبخاتنا الرائعة في اللمة بعدس ؟؟
البركوكس :-o هونها تهووون

زيارتك لنا أخي تسرنا ..بوركت​
 
يا سيدي انا العدس تاعي نشمخو في الما سخون ربع ساعة نغسلو
نديرلو بصل وتوم محكوكين زيت ملح فلفل اكحل كمون هريسة با بريكا ونخليوها يتقلى شوية مع كاس ما ونمرقو ونخليوه يطيب من بعد نضيفو فليفلة على قولة بسوم تطلق الريحة وهمي همي يا جميل ههه
هذا صحن درتو اليوم

ملاحظة: كاين عدس يطيب يطلق البنة وكاين عدس ترنخيه وطيبيه وتزيدي معاه غرونادة وما يطيبش هههههههه
​
 
طريقتي في العدس
نشمخ لعدس في الليل وبعد الصبح نلقاه ترنخ ويتنحى لقشور بسهولة
في طجرة نقلي البصل مع الثوم وبعد نحط لعدس المغسول ونضيفلو الملح وفلفل اسود وشوية قرفة وشوية فلفل احمر ونقلية وامعد نحطلو شوية ماء سخون ونغطيه 5دقايق وامبعد نمرقو بالماء سخون ونخليه كي نشوفو عقد نطفي ونقطعلو شوية حشيش مقطفة وراس فلفل حار وعند التقديم نديرو شوية زيت زيتون ليحب
 
انا نحب لعدس بزاف بصح ما نقدرش ناكلو بحكم عندي الحساسية تاعو لوكان ناكلو نعشي في السبيطار ههههه​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top