°°زيـــــــــر الســــنتورة مـــــعآنآ تضــــرب دورة°°

عاشقة رجاص · 3 جوان 2010

السلام عليكم ورحمة الله وبركآته:

436f2d13982b0d3f33d5f0648e592ea9dc6a813426834547552ba87a_gif_220x220_detail_q85.jpg

صبآح /مسآء الخير عليكمـ
أعضآء وروآد منتدى اللمة ~~الج زائــــرية~~
نتمنى تكونوا بخير وعلى خير
وربي يوفق الناس اللي مازالوا فالإمتحانات ولي كونترول
وهذه هدية صغيرة ليكم

والموضوع فيه أوبسيون تاع الموسيقى اللي يحب يسمع يشمر على يديه
وهاهو البيانو يوريلنا شطارتو:yahoo:

**قبل مانبدا موضوعي حبيت نعرف بيه أولا**
هذا الموضوع رايح يكون متجدد كل مرة نحكيو على ظاهرة فالمجتمع الجزائري خاصة بفصل الصيف
وكيما تعرفوا فصل الصيف فصل حافل بالأحداث
من أعراس وأفراح ومناسبات
إلى زيارات ولقاءات وجولات وتبحارات:music_whistling: .........إلخ
واليومـ رآيحين نبدآو بظاهرة منتشرة بزاف عند لي فامي ألجيريان
فالعراس وهنا نقصد لعراس تراديسيونال
يعني التقليدية مش اللي عادو يديروهم فلي صال:closedeyes:
هذي الظاهرة هي الإختلاط
وهي ظاهرة جديدة هذا وين بدات ماعندهاش بزاف
يعني تلقى مثلا فالدار البنات يدورو برك بلا خيمار لاوالو
وزيد لبسة العرس غير اللي تضرب الصون مونش ويروح لهيه:glare:
وزادو كملو عليها الرجالة ولي جون داخلين خارجين تقول مناورات عسكرية
ولا لي بومبيي:music_whistling:
هذا جا يدي مغرفة ولوخر جا يدي زربية
هذا يحوس على مو يديها تروح
ولوخر على ختو
وزيد السي الكاميرامان :closedeyes: راه يصور بيان ومايفوت والو
والدنيا تتخلط ويجيو الناس اللي يحمزو
ولا كيما تقولو نتوما عندهم حرمة
مثلا يدخل الطفل يلقى ختو المحجبة تدور بلاخيمار وتسيق وولد عمو ولا صاحبو ولا مقابلها ملهيه
ألورخوها تتخلطلو الدعوة ويحكمها من شعرها ويكركر/يسحت/يجبد:yahoo:
تشوفو مثلا عمتو تجي تجري واش بيك خلي الطفلة حرام عليك ماتحشمش
أيا تسمع أمو تجي جارية واش قلتي بني مايحشمش بنك اللي مش متربي وهو علاه قاعد مقابل الطفلة
هنا العمة يجن جنونها وتقولها غير بني ماتجبديهش ربي ولادك ومبعد ......
المهم هذا غيض من فيض
بسبب هاذ الإختلاط صراو جرائم كبيرة بين العائلات
وفضائح مجلجلة
واش رايكم نتوما في هاذ الظاهرة؟
وبرأيكم وآش هي الحلول؟
عندكم قصص واقعية صراتلكم ولا شفتوها فلعراس صرات بسبب الإختلاط؟
نتمنى يعجبكم الموضوع
وتعجبكم أول دورة:heh:
ونتمنى تكونو زيرتو مليح السنتورة باش مايمدلناش عمو البوليسي بروصي
آكم عارفين قانون المرور الجديد:music_whistling:
ماتخافوش على بالي راكم تستناو فيا نكمل لغناية ونقول
والكنتور يدور/يعني لي زارجون:yahoo:
مي انا خممت شوية وقلت
خلي الدورة اللولة باطل
مي الدورات الجايين تخلص تروح ماتخلصش تروح ثاني:tears:

cocasse · 3 جوان 2010

ههههههههههههههههههههههه

والله غير عندك الحق

يصراو كريمات بزاف آ عفوا دي كريم واعرين

وأنا درت دو كريم

وحدة للبشرة و لخرى للعينين علابالك عندي الحساسية في الوذنين

المهم قتلك الحل هو أن نحبسو لاكرام راه يضر في الرجلين

وزيد لازم يديو النساء لزحل ولا المشتري باش ما نتلاقاوش طول

والمأزون يردوه مغبون لادار ولا تلفون

و زيد يبطلو الزواج أصلا الي تزوجو واش دارو

لالا صح هدي الظاهرة لازم نكافحوها

ورانا هدرنا مع المسعولين باش يديرونا حل لهد المشكلة

راهم قالولنا حتى نعيطو لرعيس العالم الشيخ أوباما يريقلنا الدعوة

DARINE05 · 3 جوان 2010

واش رايكم نتوما في هاذ الظاهرة؟ظاهرة ميش مليحة خلاص

وبرأيكم وآش هي الحلول؟الحلول والله يختي في العرس مع الهرج متقدري ديري والو كيما قلتي هذا حاب يدي مغرف ولي يلعبها يدي مو وهو غير يشلل في عينيها وحتى البنات يعني ميش اكل تحب تنعت روحها في العرس هذا العريان وهذا مكياج قوي بزاف باه تزوج المغبونة :tears::tears::tears:
عندكم قصص واقعية صراتلكم ولا شفتوها فلعراس صرات بسبب الإختلاط؟لالا معندي حتى قصة يعني ملفة نحضر عراس فيهم مول الديسك جوكي جون واش تحبي النسا الكبار ام بخيمراتهم ولي جونفي ايديرت العباية وبدت تشطح
نتمنى يعجبكم الموضوع
وتعجبكم أول دورةبين سور عجبنا يعطيك الصحة حنونة :yahoo::yahoo:

Sârsoùra L'mkàlChà · 3 جوان 2010

هههههههههه
يدي مغرف و فرشيطة
مليـــــــــــحة هاذي

انا الحق ما عندناش الاختلاط .... غير ساعات برك
مـــــي واحد ما يدخل للعرس من ليجان
هكا يوصوهم ساعات (ليفامي لي عندهم الحرمة و لمزيرين)

zagane · 3 جوان 2010

السلام عليكم
صرت و وصلت حتى ل السيف بين عائلتين

°~Kenza_02~° · 3 جوان 2010

ههههههه والله غير صح رجعو عروساتنا ميكس
ربي يصلح لحوال ويهدي ما خلق
مشكورة اختي

بنـ MaPa ـت · 3 جوان 2010

حنا كي نديرو عرس الكل يجمع عند صحاب العرس وزيد ماعندناش بنات لي يلبسو لبسة فاضحة كل وحدة فاهمة روحا وحنا ليجان تاع لافامي كامل عندهم شواكرهم هههه.....يطيك الصحة شكرا

AnGeL*dZ · 3 جوان 2010

اهلا ا جوجو تعيش ا ختيوتي لكان عندكم عرآس عرضيني هههههههه
عجبتني تاع يحكمها خوها يكركرها من شعرها ويسيق بيها الدروج
ها سيدي الاعراس اللي يتدارو في الديآر
كآين اختلآط وتخلآط كبير
احنا يمكن في البلاصة اللي تسكني فيها ونسكن فيها شوية رحمة ربي
لكن كاين بنآت يلبسوا لبسة تبهدل ماعلينا قالك عرس وجايين يزهاو ويشطحو
في العراس اللي حظرتهم تاع خوالي ولا عمومي الذكورا الاجانب مايدخلوش الدار غير
الاقارب برك اللي يديوا لعشا ولغدا مش العرس كآمل مقابلين لبنآت
عندنا السهرة كي يحنيو للعريس الاغلبية يديروها برآ
يعني اي وىحد يحظر فيها اك تعرفي طبول وdj
وتخرج اخت لعريكس تحنيلو وتكون لابسة لبسة محتشمة
بصح مثلا اللي يديروا الحنة فالسطح تآع الدآر لالي لالي ياما لالي
بنات وذكورا اشطح اردح
ورماو في عرض الحآئط حاجة اسمها نحن مسلمون
بصح كاين اللي في هآذي الحآلة مايعرضوش البرآنية
طولت عليك ههههههههههههههههههههههههههه
لازم نعرضك عرس لعندنا تشوفي كي ينوض الهول ههههه
تنساي الاختلاط

Badech · 3 جوان 2010

ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

موضوع هادف( شوي ....

المهم

صحيح ضاهرة ( دم فاسد

وعنوان الموضوع غير مناسب

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..

فراشة الايمان · 3 جوان 2010

مازال ما وصلناش و ربي يستر

Jagwar · 3 جوان 2010

السلام عليكم
صحيتى اختى على الميضوع
أنا كيف لقيت الدنيا عافية ما كانش فيها لبروصيات قلت ندخل نزير السنتورة معاكم

المهم بالنسبة لي أنا ما زلت ما شفتش حاجة كيما هاذى فى دارنا و لا عند فاميلتى
عندى زوج خاوتى بنات تزوجو و درنالهم العرس فى لاصال و كنت انا واقف على لى سرفار و الطباخة باش ما تسرقش الدجاج طبعا لى سرفار كلهم بنات لوووول على هاديك قعدت نعاون فيهم هههه
بصح ما كاين لا داخل لا خارج الدعوة مزيرة صح عندنا
وحد المرة برك فى عرس بنت خالى فى سوق أهراس داروه فى دارهم
بصح ما دخلت ما شفت ما والو
أنا قاعد غير نعاون من برا دارونى فرودار
خربولى الطوموبيل فى الطريق لمكسرة تاعهم ، خلى برك ما نهدرش باش ما يروحش الأجر تاعى
هذا ما كان
و ثانكيو على الموضوع و المرة الجاية زيرى شوية فى السنتورة كيف نعمل أنا .
تقبلى مرورى المتواضع أختى

INATA LOTUS · 3 جوان 2010

مشكووووووووووووووووووووووووووووووووووووووووووووووورة

عاشقة رجاص · 3 جوان 2010

قال cocasse:
ههههههههههههههههههههههه

والله غير عندك الحق

يصراو كريمات بزاف آ عفوا دي كريم واعرين

وأنا درت دو كريم

وحدة للبشرة و لخرى للعينين علابالك عندي الحساسية في الوذنين

المهم قتلك الحل هو أن نحبسو لاكرام راه يضر في الرجلين

وزيد لازم يديو النساء لزحل ولا المشتري باش ما نتلاقاوش طول

والمأزون يردوه مغبون لادار ولا تلفون

و زيد يبطلو الزواج أصلا الي تزوجو واش دارو

لالا صح هدي الظاهرة لازم نكافحوها

ورانا هدرنا مع المسعولين باش يديرونا حل لهد المشكلة

راهم قالولنا حتى نعيطو لرعيس العالم الشيخ أوباما يريقلنا الدعوة

ههههه أهلا بيك كوكاس خويا
والله بارك الله فيك على مرورك الخفيف الظريف
وماتفكرنيش فلاكريم gراجمي بسبابو راهم......:tears:

عاشقة رجاص · 3 جوان 2010

قال DARINE05:
واش رايكم نتوما في هاذ الظاهرة؟ظاهرة ميش مليحة خلاص

وبرأيكم وآش هي الحلول؟الحلول والله يختي في العرس مع الهرج متقدري ديري والو كيما قلتي هذا حاب يدي مغرف ولي يلعبها يدي مو وهو غير يشلل في عينيها وحتى البنات يعني ميش اكل تحب تنعت روحها في العرس هذا العريان وهذا مكياج قوي بزاف باه تزوج المغبونة :tears::tears::tears:
عندكم قصص واقعية صراتلكم ولا شفتوها فلعراس صرات بسبب الإختلاط؟لالا معندي حتى قصة يعني ملفة نحضر عراس فيهم مول الديسك جوكي جون واش تحبي النسا الكبار ام بخيمراتهم ولي جونفي ايديرت العباية وبدت تشطح
نتمنى يعجبكم الموضوع
وتعجبكم أول دورةبين سور عجبنا يعطيك الصحة حنونة :yahoo::yahoo:

والله يادارين حبيبتي مرورك جميل جدا
وفرحني بزاف
بارك الله فيك ياختي على التشجيع
وراكي معروضة الدورة الثانية في مقعد الشرف:heh:

عاشقة رجاص · 3 جوان 2010

قال bilal22:
علا حساب المكان لي راكم فيه
حنا كي عرسنا لختي انا ندور في وسطهم كامل ونرومال غير الديمي مونش ولوجه مطلس وبعدني لهيه منيش قدك
بصح كون نخطيهم علابالي يعيطولي هههههههه
مكاش اختلاط كنت انا وخاوتي برك والباقي لبنات كامل لفامي ومداصرهم وزيد خيك شاد لكميرا وديسك جوكي ياي مفراتش هههههههه حتي كي رحنا لهيه انا الوحيد لي في وسط النساء لفامي نتاعنا ونتاع لعريس
ياي لي يشوف راسو يحبس تقول انا لعريس داخل في وسطهم هههههه

ههههه والله ياخويا بلال هذا هو حال خو لعروسة
لا والله منطقتنا مازات محافظة والحمد لله
مي هاذ الظاهرة بدات تنتشر بزاف
بارك الله فيك خويا
شكرا على مرورك الطيب

عاشقة رجاص · 3 جوان 2010

قال sarah emo:
هههههههههه

يدي مغرف و فرشيطة
مليـــــــــــحة هاذي

انا الحق ما عندناش الاختلاط .... غير ساعات برك
مـــــي واحد ما يدخل للعرس من ليجان
هكا يوصوهم ساعات (ليفامي لي عندهم الحرمة و لمزيرين)

والله ربي يدومها يا اختي sarah emo
بارك الله فيك
وشكرا جزيلا على مرورك الرائع كيما نتيا:heh:

سلافة. · 3 جوان 2010

لا احنا والوكان نديرو في صال يفرقو النساء والرجال تسما تاع فاميلة كامل وهكاك وما كانش الخلطة ومرات كي تعود ماشي تاع فاميلو غير تبدا الخلطة احنا العرس يخلاص بالنسبة لبابا ونهزو حوايجنا ونسهلو ..

عاشقة رجاص · 3 جوان 2010

قال zagane:
السلام عليكم
صرت و وصلت حتى ل السيف بين عائلتين

وعليكم السلام ورحمة الله وبركاته:
عندك الحق خويا zagane
بارك الله فيك على المرور
شكرا جزيلا

عاشقة رجاص · 19 جوان 2010

قال °~kenza_02~°:
ههههههه والله غير صح رجعو عروساتنا ميكس

ربي يصلح لحوال ويهدي ما خلق
مشكورة اختي

آميــــــــــــــــــن يارب
ربي يخليك ختي كنزة
شكرا جزيلا ربي يحفطك

عاشقة رجاص · 19 جوان 2010

قال sendrine:
حنا كي نديرو عرس الكل يجمع عند صحاب العرس وزيد ماعندناش بنات لي يلبسو لبسة فاضحة كل وحدة فاهمة روحا وحنا ليجان تاع لافامي كامل عندهم شواكرهم هههه.....يطيك الصحة شكرا

مشكورة سندرين ختي
ربي يكمللكم إن اء الله
ربي يحليك على المرور شكــــــــرآ

°°زيـــــــــر الســــنتورة مـــــعآنآ تضــــرب دورة°°

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

المواضيع المشابهة

نحن نقدر خصوصيتك