مدو 4 دورو في طفلة والسبب عادة سيدي معمر

ملاك الليل · 21 جوان 2010

:music_whistling:سلام عليككم
بلاك كاين منكم للي ميعرفش ناس سيدي معمر ولو اني مانامنش بيهادو الصوالح ...:yahoo:
لا علينا.....قالك جدي الكبير سيدي معمر وصى ولادوا باش البنت مين يجو يخطبوها يمدو فيها 4 دورو:surrender: هاااا ......انخلعتوا......ويييي 4 دورو ..بورتون ماشكيتش راهي كاينة 4 دورو دروك :glare:
الووور...وجدي الكبير قالهم السبب اني مانبغيش بناتي يكونو سلعة ينباعو وينشراو ......
بصح اكيد هادي في بلاصة العمامة كيما نقولولها حنا....بصح اكيد لازم عليه ا الصوالح الاخرين كيما الذهب والصياغة ودراهم الحنة والدفع ....
..نكملوا ...لقيت في وحد المنتدى جزايري انو راجل من سيدي معمر ماقبلتش بيه واحدة لانو من سيدي معمر :santa_1:
وانا نقول بللي لحد الان كامل لافامي تاعي كي نسا كي رجال من جهة امي تزوجو على هاد الاساس ...وشي عاااااااااادي

1واش رايكم في هاد العادة ...2وسؤااال لبنت اللمة **هل تقبلين برجل ما ناس سيدي معمر **
هيهيههي
سلام عليكم احبتي

missa_1 · 21 جوان 2010

هههههههههه هادي صح كاينة منها يقلك انا معمري منزوج بنتي لمحمدي يعني سيدي محمد مش سيدي معمر
وهدو الحوايج مزالو لحد الان كاينين داروهم صحاب العمايم وبقاو صحاب السراويل لاصقين
مي هدي انا تبانلي حجا عديا مفيها حتى شي
مشكورة اختي على الموضوع

سميحة1 · 21 جوان 2010

السلام عليكم
ختي يقولو كلما قل المهر زادت البركة في الزواج.
بصح واش هادو 4 دورو؟؟ نعلقهم في الحيط ونتفرج فيهم ولا نخبيهم سوفونير تاع زواجي .
صح لازم ما يكونش المهر غالي لكن لازم يكون كاين مهر باش تقدر تشري العروس ولو كان اصغر مستلزماتها. ماش نحكي على الدهب واللبسة و...... راني نحكي على مستلزمات تسحقهم في بداية زواجها. خطراكش ما نظنش وحدة عندها سمانة ولا شهر ملي زوجت تروح تقول لراجلها اعطيني نشري كذا وكذا .على هاديك لازم يكون المهر معقول شوية. مليون... زوج... تلاتة ماش 4 دورو.

ملاك الليل · 21 جوان 2010

قال missa_1:
هههههههههه هادي صح كاينة منها يقلك انا معمري منزوج بنتي لمحمدي يعني سيدي محمد مش سيدي معمر
وهدو الحوايج مزالو لحد الان كاينين داروهم صحاب العمايم وبقاو صحاب السراويل لاصقين
مي هدي انا تبانلي حجا عديا مفيها حتى شي
مشكورة اختي على الموضوع

هههه مشكورة اختي ربي يحفظك

قال أفراح الجزائر:
دوك ولاد اللمة لكل يطبقو عادة سيدكم معمر أهو مقلقهم المهر :glare:

هههههههههههههههههههههههههههه...الله غالب...مشكورة اختي ربي يحفظك

قال سميحة1:
السلام عليكم
ختي يقولو كلما قل المهر زادت البركة في الزواج.
بصح واش هادو 4 دورو؟؟ نعلقهم في الحيط ونتفرج فيهم ولا نخبيهم سوفونير تاع زواجي .
صح لازم ما يكونش المهر غالي لكن لازم يكون كاين مهر باش تقدر تشري العروس ولو كان اصغر مستلزماتها. ماش نحكي على الدهب واللبسة و...... راني نحكي على مستلزمات تسحقهم في بداية زواجها. خطراكش ما نظنش وحدة عندها سمانة ولا شهر ملي زوجت تروح تقول لراجلها اعطيني نشري كذا وكذا .على هاديك لازم يكون المهر معقول شوية. مليون... زوج... تلاتة ماش 4 دورو.

اكيد اختي كلامك فيه نوع من الحق...بصح 4 دورو حاجة رمزية ..والصوالح تاع العرس والعروسة من واجب الراجل....عند سيدي معمر ولا غيرو ...باسكو هادوك من شروط بناء الاسرة في الاسلام
ماغسي اختي ربي يوفقك

zagane · 21 جوان 2010

السلام عليكم

أملا دوك كامل الناس تجي تتزوج من سيدي معمر هذا

AnGeL*dZ · 21 جوان 2010

درك الدكورا كامل يروحو يخطبو من سيدي معمر
ههههههههههههههههه
ومدام صح الذهب والمستلزمات من واجب لعريس يعني حاجة عآدية ومليحة
صحيتي

المتفائلة_91 · 21 جوان 2010

والله ماعلابالي بلي كاين معمرين ومحمدين.. انا بالنسبة ليا الرضى هو الأساس ماننساوش التفاهم.. مي مننساوش بلي المهر فريضة اسلامية من اركان الزواج

ميرسي بوكو

ملاك الليل · 21 جوان 2010

قال zagane:
السلام عليكم

أملا دوك كامل الناس تجي تتزوج من سيدي معمر هذا

مات سيدي معمر الله يرحمو هههههه...مشكور اخي ربي يحفظك

قال angel*dz:
درك الدكورا كامل يروحو يخطبو من سيدي معمر

ههههههههههههههههه
ومدام صح الذهب والمستلزمات من واجب لعريس يعني حاجة عآدية ومليحة
صحيتي

هههه ربي يوفقك خيتوووو

** غزال الصحراء ** · 21 جوان 2010

قال أفراح الجزائر:
دوك ولاد اللمة لكل يطبقو عادة سيدكم معمر أهو مقلقهم المهر :glare:

مليحة هاذي يا نوال :surrender:

TOUTA32 · 21 جوان 2010

سيدي معمر هاذا sur في سطيف
مانكذبش عليك صح اقلهن مهرا اكثرهن بركة
بصح في وقتنا حتى مليون مايقضي والو

programmeur · 21 جوان 2010

في وقتنا دروك يلزم يديرو حاجة تاع ألف ورد صرف
هكدا باش نتزوجو قاع ههههههههههههههههههههه

Jagwar · 21 جوان 2010

ههههه مالا رانى جاي
وجدولى 4 ليا و 5 لخويا و 12 لولاد عمى فى 3 و تانى عندى صحيبى حاب يدى 5
تسمى كلش كلش يطلع 29 كعبة
دونك شحال تخلوهوملنا اون gـرو ؟

ملاك الليل · 21 جوان 2010

قال touta32:
سيدي معمر هاذا sur في سطيف
مانكذبش عليك صح اقلهن مهرا اكثرهن بركة
بصح في وقتنا حتى مليون مايقضي والو

عندك الحق
هههههه الله غالب عاداتنا
مشكورة خيتوووووو

قال programmeur:
في وقتنا دروك يلزم يديرو حاجة تاع ألف ورد صرف
هكدا باش نتزوجو قاع ههههههههههههههههههههه

بالبركة عليكم العقوبة للذرية الصالحة شكرا

قال messi bomb:
ههههه مالا رانى جاي

وجدولى 4 ليا و 5 لخويا و 12 لولاد عمى فى 3 و تانى عندى صحيبى حاب يدى 5
تسمى كلش كلش يطلع 29 كعبة
دونك شحال تخلوهوملنا اون gـرو ؟

عاطيين الكلمة علينا ...حظ موفق في المرة القادمة..شكرا

ملاك الليل · 21 جوان 2010

قال المتفائلة_91:
والله ماعلابالي بلي كاين معمرين ومحمدين.. انا بالنسبة ليا الرضى هو الأساس ماننساوش التفاهم.. مي مننساوش بلي المهر فريضة اسلامية من اركان الزواج

ميرسي بوكو

سلام عليكم
اقله ربع دينار ذهبي ولاحد لاكثره
بوركتي اختاه

DARINE05 · 21 جوان 2010

اييييييييييييييييييه كاينة منها هذي العادة
نحكيلك حكاية انا عندي خالتي جا خطبها واحد من الشلف ومن سيدي معمر اسيدي والله نفس الشروط وزيد كي راحو مليها منهنا قالولهم الماء مدوكوهش ليزعف سيدي معمر
انا كون يجي واحد من سيدي معمر يدز معاهم هو ومعمر تاعو

ملاك الليل · 21 جوان 2010

قال darine05:
اييييييييييييييييييه كاينة منها هذي العادة
نحكيلك حكاية انا عندي خالتي جا خطبها واحد من الشلف ومن سيدي معمر اسيدي والله نفس الشروط وزيد كي راحو مليها منهنا قالولهم الماء مدوكوهش ليزعف سيدي معمر
انا كون يجي واحد من سيدي معمر يدز معاهم هو ومعمر تاعو

لا يااختي هادي تاع الما جامي سمعت بيها ...وانا تبانلي حاجة عادية ..بصح كل واحد وكي يتفلسف فيها.شكرا

iméne09 · 21 جوان 2010

ياختي انا تان نسمع بيها وحضرت عرس في تنس هكدا يقولك على عرف تاع سيدي معمر وصح دفعو في لمرا 4 دورو وزيد مايشريلها حتى شي حتى نهار سبوحي يقضيلها كلشي يعني ماتجيب معاها حتى شي هو لي راح يكسيها ويلزم تخرج لمرا من دارهم بلحفا ويلزم ماليها ماياكلو مايشربو من دار راجلها ويلزم يطبقوها صينو تخرج فيه ولا كاش مايصرا لعروس بون هدي عادة مكانش منها غير راحت فيهم طبيعة وتخوف منهم مي كون نجيو للصح خرافات شوية صعيبة تاع تقبلي بواحد ماتعرفيش عاداتو يلزم توالفي ومام كاين شحال من وحدة خرجت على عرف هبلت مالا نخطو صحاب سيدي معمر سي ميو 4 دورو مايجيبو والو يلزم تدي معاها لبسة وحدة وخليه هو لي يكسي بعد زواج
يعطيك الصحة حنونة ع الطرح لهايل

amoulita@mosta · 21 جوان 2010

والله غير عادي يا الحنونة انا بابا تزوج على هاد الطريقة هو من سيدي معمر و انا بنت سيدي معمر بصح يديرلها كلش كيما قلتي و نظن مزال هاد العادة لدروك كاينة مي الوقت الي رانا فيه وقت التقلاش
مشكورة اختي الكريمة على الموضوع
بارك الله فيك

ميسومة الدلوعة · 21 جوان 2010

حنونة قوليلي سع وين جات سيدي معمر و انا نجاوبك
و راي مهما كانت لبلاصة واش دخل الراجل فيها

معاك يا الخضراء · 21 جوان 2010

العادة هادي ما نعرفهاش
مي احنا بابا ما يشرطش فينا
و هاداك هو الصح ماناش سلعة يساوم فينا
راجلك و وش دارلك :glare::glare:
مي شرط ما يسمييييييييييييش

مدو 4 دورو في طفلة والسبب **عادة سيدي معمر**

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

المواضيع المشابهة

نحن نقدر خصوصيتك

مدو 4 دورو في طفلة والسبب عادة سيدي معمر