نصائح يوم امتحان البكلوريا بقلمي ومن خبرتي ....

قال ماكانش:

السلام عليكم ورحمة الله وبركاته
وعليكم السلام ورحمة الله وبركاتهـ

واش راكم خاوتي لاباس بخير الحمد لله

الحمد لله بـ1000 خير
هذي نصائح قد تكون مفيدة للناس ألي راح تفوت امتحان الباكلوريا

بارك الله فيكـ وفي ميزان حسناتكـ
نصائح من تجربتي وخبرتي في المجال الدراسي ...
الواحد اليوم يدير ملخص خفيف للمادة الي راح يبدا بيها خاصة اذا كانت مادة حفظ (ماعلاباليش بواش راح تبداو)
أيا ادير ملخص خفيف في زوج اوراق فيه العنواين الرئيسية والمهمة فقط وتلوحها معاك في الجيب

:scared:واقيلا راكـ ناوينا نتريشيو هههههههه
طبعا تنوض شويا بكري تفطر تراجع شويا مراجعة عامة خفيفة ثم تتوكل على الله سبحانو وتروح وين راح تفوت الإمتحان
حاول توصل بنص ساعة قبل
كي توصل ولا توصلي اجبدي بعيدة شويا على الغاشي والفوضى لأن ذلك قادر يسبب شويا خوف وتوتر وهذا امر طبيعي

هاذي ماشكيتش نقدر نديرها لأني اجتماعية بزاف ومانقدرش نبقى وحدي وزيد الصحبة توحشتها لازم نبوليتيكي شوية
ايا بعد شويا على الغاشي واجبد الملخص تاعك راجعو مليح وانتا مرتاح ...
ايا كي تبقى 10 دقائق ولا قل ادخل للقسم تاعك واقعد في بلاصتك واقرى شويا قران اشيء الي تحفظو
لأن القران يثبت النفوس ويرتحها

ان شاء الله ياربي
طبعا كاين خوف خفيف ولكن خوف فطري، تلقى رجليك شويا يترعدو هههه مي ماعليهش
وحاول تخلي التركيز تاعك وماتعيش لحتى واحد ولا لحتى وحدة احكم بلاصتك وكاملي روحك

مانقيم حتى عربي ونلعبها سيريو ههه:santa_1:
ايا كي يوزعو الأسئلة وتحكم السيجي تاعك قلبو وماتقراهش
اقرى سورة الفاتحة ونظم روحك مليح ونظم القعدة تاعك وقلب السيجي وابدا من بسم الله اللولة واقراى قراءة عابرة تشوف واش جاكم ، من بعد ابدا بالتمرين اللول وركز مليح واحد ربع ساعة خلاص يتنحى الخوف لخفيف هذاك ...
ايا جاوب كيما تعرف وركز مليح وحخاول تجاوب على كلش لقط النقاط كامل
نستظهر عضلاتي :showoff:ونطيح فيه يله يله :sheer:
وواش ماقدرتش ولا نسيت ماتهابش عاود ركز مليح مليح بربي ان شاء الله تتذكرو
ان شاء الله
اقفل الوقت تاعك وواحد ما يزربك ...
ايا كي تخرج وتكمل اخرج ديراكت روح تروح وماتسمع لحتى واحد ولا تتناقش مع حتى واحد
أكيد هاذ الشي سييناه في الباك بلون
خلاص فوت المادة مثلا العربية خلاص فوتها وماتبقاش فيها ولا تبقى قدام الليسي تحكي وتناقش وواش درت وواش مادرتش
حاضر سيدي
قادر يطيحولك المورال وقادر وقادر هوما غالطين
المهم فوت كلش وروح تروح اتغدى وراك عارف زيد راجع وهكذا روح لليسي لعشية ووو كي العادة
المهم واش ننصحك ماتحكي مع حتى واحد ولا ترجع للورا الي فات فات
وربي نجحكم كامل
آمين يارب العالمين لكل المومنين ​

الملاحظة:
هاذا واش قدرت نقول ونوصل بإختصار شديد
أسال الله العلي العظيم النجاح لكم وان شاء الله تفرحونا وتتنور اللمة بيكم

وفيت وكفيت أخي باركـ الله فيكـ ​

اخوكم سفيان ...​

إضغط للتوسيع...

قال نهى28:

مشكووووووووووووور و ماجور

ان شاء الله كامل ينجحو ويفرحو والديهم
حنا عندنا زوج رايحين يعقبو ان شاء الله نوصلهم الموضوع

دعواتك ليهم بالنجاح ​

إضغط للتوسيع...