راديو الفهامة و القعدة علامة
[FONT="]مرحبا بيكم في حصتكم المعروفة راديو الفهامة ونقولولكم صح رمضانكم [/FONT]
[FONT="]كيما تعرفو حصة الفهامة كل مرة تحكي على ميضوع من الميضوعات و الميضوع نتاع السهرة هادا هو[/FONT]
التعارف في الانترنت
............
يلا نبداو
ياي واش نقول و واش نخلي على العنترنت قالو الشبكة العنكبوتية
و البفرانسيسا سبايدر ناتوورك
و البدارجة الريزو نتاع الرتيلة
يا سيدي و الله تشوف العجب كي خرجت العنترنت هدي كانت كاينة عند غير
زوج من الناس و كانو كاينين غير زوج مواقع و اليوم جات تصب ساحت
كل يوم موقع جديد كل يوم بروبلام عاد اللي ينوض يدير منتدى
و اللي يرقد يدير موقع و اللي نعسان يروح يخرب فيهم
النهار فيه 24 ساعة و لازوناش تكوناكتي 32 ساعة
اواااااااه تخلات الشبيبة نتاع لالجيري و نتاع العالم اكل
ولات الهدرة غير على السكايب و تلمسان هداك ولا وش اسمو
و وحد الاسامي هك يا لطيف معارف منين يجيبو فيهم
و تزيد تسمع الحاج قوقل؟
انا نحوس نعرف برك وقتاه حج؟بالصح قالولي مايبخلش مسكين
وش تقلو يمدلك ماعليش خلينا من الحاج قوقل اوموان فيه الخير
انا اللي محيرني هو لازوناش يعني لي جان ولي جانات
و وحد الكلمة يقوللها تعارف و كونيسونس ولافان كونداليونس
او تلقى العجب و تسمع غير الكذب و الهدرة غير على الحب
واش راه صاري واش
قالك تلقى واحد لا علاقة يحط صورة باهية و اسم باهي
و شوية كذبات على حياتو
و تلقى منهيه ثاني وحدة لاعلاقة تحط غير خلي برك مكان لاه نكمل
و يبداو يسخطو على بعضاهم و يقلك رانا نتعارفو و هي كلش كذب في كذب
هو يبين بلي عاقل وهي تبين بلي ملاك
هو عندو 10 اخرين وهي عندها 107 اخرين
و ارواح انت و حلها
و يقلها نتي برك اللي عرفتك وتقولو انت اول واحد في حياتي
اااااااااااااااااااااااااااه
راسك تنوض فيه حدبة من القصص هدو
و زيد ا سيدي سمعت بوحد الموقع هك اسمو الفايس بوك ولا خوك ولا معارف
قالك تروح الثم ماتلقاش وين تحط رجلك من الغاشي
قالك هدي تصاور و هدي فديوات و هدا مع قنطار بنات
وهديك عندها طن نتاع اصدقاء و تلقى غير دعاوي الشر اللي تفسد البشر
الشعب لجزائري 36 مليون نسمة و في الفايسبوك كاين 72 مليون جزائري
لوكان نديرو غير 24 مليون اللي صح مشارك
يعنيراح نلقاو معدل 3 حسابات لكل جزائري
ومن هنا تبان بلي الجماعة كامل تشيخ ببعضاها و لازم
كل يوم يدخلو للفايس خوك و لازم يديرو وش موالفين يديو
يا عمي الفايس بوك وش درت في الغاشي ؟؟
اواه انت ماكان لاه نحكيو عليك باسكو راك لصقت فيهم
خلاص مايخطوكش راك مشيتلهم في الدم راح يزيدو زمرة جديدة
اسمها FB للمدمنين على الفايس بوك
كي تروح تعيردمهم تلقى فيه غير جام و كومنتير
ياعمي الفايس بوك وش راح نقلك
هاو راك يهودي باينة فعايلك درتلهم كاميزول
غسلتلهم مخاخهم افون ولاو فشلانين و يتبعو برك تقول ضربتهم بالفوسفات بلون
هاو مسلمين مكتفين
ربي يبقي الستر برك
هو : باللون الازرق
هي : باللون الوردي
الجزء الاول
بعد التعارف على النت قرروا يتلاقاو
حبيبي انت جيت
ايه راني جيت مالا جا ظلي ماكيش شايفة اسمي اونلاين؟
لا مش هكاك مي فرحتي بيك طيرت عقلي
قولي وش درت البارح كي خرجت انا اوف لاين؟
ما درت والو..قعدت في رووم نسمع الغنى برك
آآآه..نظن لالة عرجونة كانت الثم؟؟
وي كانت الثم بصح انا درتلها بلوك
ممممم يعني ماهدرتش معاها؟
لا
ولا حتى هااااااااااااي
لا هي قاتلي واش راك قبل ماندرلها بلو و انا قلتلها برب
آآآه ماعليش... يا ريت تديرلها ديليت من لاليست
من عينيا يا حبيبتي انت تومري برك
الجزء الثاني
لما تزوجو
و اخيرا يا حبيبتي تزوجنا و قفلو علينا رووم وحدة
وي يا حبيبي و اخيرا .. بصح الصوت هنا يتقطع علاش؟
وش نديرو بالصوت؟او ديري ميوت
ههههه كيما تحب
نقلك حاجة؟
قوووووووول
درتي باس وورد للرووم ؟يعودو يدخلو علينا؟
وي بيان سير ديجا انت درك راك آدمن الرووم يعني اللي ماعيجبكش ديراكت تديرلو باند
الجزء الثالث
نهار قرب الطلاق
اسمعي يا وجه النحس
انا وجه نحس؟نسيت شحال شطت عليا في الروومات و الماسنجرات؟
علبالك ندمت على النهار اللي درتلك فيه آدد
وكون غير درت ديس كونكت ولا برب راني ماشفتش خليقتك خلاص
انعم انعم....واش بيها خليقتي؟
يخي كنت تموت باه تشوف خليقتي في الكام و كل دقيقة تقلي ونهي كامك؟
كنت اعمى و اطرش و كافي...برد قلبك؟
يا خاين يهون عليك اللي بيناتنا؟
راه بيناتنا روومات و هئ و هئ و دوت كوم
تهون عليك الانفيتات اللي نبعثهملك باه تبقى ديما معايا في الروومات
يعني نسيت الامايلات و السهرات؟
تبانلي مخك جاه فيروس ولازملك فورمات؟
يعني كيما تحب انت تديني اونلاين و تطيشني اوف لاين؟
نوكل عليك ربي
من اليوم انت انفيزيبل في حياتي
انت ريموت بالثلاثة
ركن الابراج راه تقدمولكم العضوة
la_safa
:: عضو فضـي ::
الحــــــمل
طلعت للغابة ، صبت الضّرو يابس ،قتلوا يا ضرو القمر يمشي ولا حابس ،
قالي مفرش زربية وحذاه طاوس
الثـــــــــور
ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ،
بنياني فوق غرفة و لي يخصني يكملهولي العالي
الجــــــوزاء
[FONT="]علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة
ويعيا و الخير يبان و تزول عليك الهموم و تروح الحيرة
الســـــرطان
[/FONT]رشّيت عتبة الباب بالزهر و الطّيب ، وسقيت كل الأحباب بالعسل و الزبيب ،
و كى نسيت جاني جواب كنت نستناه من عند البعيد
الأســــــــــد
مدّيت لقاع البير و فرّشت زربية ، حرقست حرقوس ذهب من راسى لوذنية ،
فرحي يا يما سعدى زها ..و استشفاي في العدو إلى استشفي فيّا
العـــــــــذراء
عسل يا عسل في باقة خضرا ، يا شميمت العاشقين يا قمرا ،
حلف سيد الملاح ما يرأس أمر غير إذا جات غزالته باش تكمل الحضرة
الميــــــزان
[FONT="]التمر و الحليب في طبق وسط الخيمة نهديهم للحبيب باه يوالف ديمة
ما يعزش اللي في الجيب هذاك زوجي يالميمة [/FONT]
العــــــقرب
[FONT="]جيت ساميت البحر شفت الحوت يعوم عرفت ما عندي زهر في ذا الحظ المحموم
كي غاب ضي القمر ما رد ضي[/FONT][FONT="] النجوم[/FONT]
الـــــــقوس
الدالية دلات ..و دلّ العنقود ، خلي القمر ينكشف ، والسحاب يذوب ،
و خلي لالات النسا تنال المرغوب
الجـــــــــدي
[FONT="]عيطت على سيد الملاح صبت الناس رقود هزيت الدالية طاح منها عنقود
قالت النجوم نحكي و قال القمر نذوب [/FONT][FONT="] أصبر يا قلبي ياك كلشي مكتوب
الــــــــــــــدلو
[/FONT]خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ،
قريب يتلموا احبابك و صحابك و يفرحوا معاك الجماعة
الحــــــــــــــوت
[FONT="]النور يا النور و النور عينيا طبطبوا على الباب و جابو لي اللي عزيز عليا
راني نتمنى من ربي يجي يطلب يدي من ماليا[/FONT]
ركن النكت يقدمولكم العضو
youcef29
:: عضو ذهبـي ::
كاين واحد مزطول يشاتي مع طفلة قلها : كيفاش اسمك ؟؟
قاتلو اسمي موجود في كل بستان.. قلها:....ساشي؟
شاب حب يتزوج داار أعلان ف نت:
انا شاب عندي؟2 سنة ابحث عن شريكة الحياة لكن بشروط.:
1.ان تكون تشبه rihana or avril laving
2.عاملة بمنصب مرموق
3.لديها قصر خاص وسيارة من نوع lamborghini marcielago
تعرف طيب و تقوم باعمال المنزل و تربي الدراري
لمن يهمها الامر تقولي انا
مزطول يهدر مع وحدة:
المزطول : نقدرو نخرجو مع بعض ؟
الطفلة : لالا
المزطول : واقيلا ما فهمتيش واش قلت!!؟
...الطفلة : لالا فهمت!
......المزطول : صاحا واش قلت !؟
الطفلة : نقدرو نخرجو مع بعض ؟
المزطول : والله مشغول اليوم ما نقدر
واحد قاعد ف الفايس بووووك لقى وحده شابه
. حب يأجوتيها
دخل لبروفايلها ما لقاش اجوتي
حب يبعثلها مساج ما لقاش ارسال رساله
كي فقد الأمل
دارلها
Signaler cette personne
واحد حلاب دخل الفيس بووك صاب وحده حاطه في صوره تاع بوفايلها صوره تاع
الممثله أنجلينا جولي:
حط هو كومنتير كتب فيه :واااااااااااااااو
و لي تقتلك هي ردت عليك و كتبت : مرسيـــي
قالك مشرفه تعرفت بمشرف و كتبلهم و تزوجو رزقم ربي بتوام:
سماو الأول موضوووع و الثاني سماوه موضووع مكرر.
واحد حابس كان يهدر مع وحده ف السكايب..يهدرو يهدرو حتى قالتله واش تغذيت اليوم
قاللها : انتي قوليلي من بعد أنا.
قالتله :انا كليت هامبرغر.
هو قاللها: انا كليت بيتوا بصح ما قويتش غير زوج مغارف برك.
واحد كان يشاتي في الانترنيت مع فتاة قالها كيفاه اسمك؟؟
كتبتلو فاطمة و حطت قدامها وردة يعني (فاطمة الزهراء)
هو واش كتبلها ......le pere vendredi (اسمه بو جمعة)
واحد البنت تهدر مع وليد عمها ف الأنترنيت
المرة الاولى ما رّدش عليها
المرة الثانية ما رّدش..عليها
الثالتة كذلك والو... ماردّش
تقلقت و تنارفات
قالتلو هاك واحد المفاجئة
راني في عامين و انا نخرج مع جلال صاحبك
وكل نهار نهدرو ثلاث ساعات فالتيليفون و نخرجو كل اسبوع.....
قالها هاكي نتي المفاجئة الكبرى
باباك جالس معايا
ضحكه....فابتسامه ....فغمزه..فحب....فزواج...فصغار
فجيب خبزة ، فجيب ربطة معدنوس .....فجيب دواء
ففففف....يا ريتني ما ضحكت
[FONT="]و أون فان خلصت علابالي السوجي طويل قد هك[/FONT]
[FONT="]هدا الركن لخر نتاع سبر الأراء نخليوهولكم نتم تعطيونا رايكم في الظاهرة هدي[/FONT]
[FONT="]رانا نتلاقاو في الحصة الجاية في السمانة الجاية و كاشما نزيدو نمنشرو
نسيت نقلكم واش راكم خاوتي؟:shiny:
ههههه
[/FONT]
نسيت نقلكم واش راكم خاوتي؟:shiny:
ههههه
[/FONT]
_o:
