السفر في الطائره مع رضيع

oum BIBARS · 2 فيفري 2012

السلام عليكم

راح نهبط للجزائر لاول مرة مع ولدي عندو 7 اشهر
اللي عندها خبره تساعدني
في المطار واش قالولها علا لحليب و كيفاه تعاملت مع ولدها في الطائره
:re_gards:

ام خديجة1 · 2 فيفري 2012

السلام عليكم حبيبتي انا اول مرة ثاني نزلت فيها للبلاد في الطائرة كانت بنتي عمرها 35يوما ومستلزمات البيبي حطيتهم في كابة صغيرة وطلعتها معايا للطائرة والوقت ماهوش كبير ساعة ونصف وتكوني في البلاد انا نحكي على فرنسا وانت اختي من وين

ibtesem · 2 فيفري 2012

اختي ام بيبرس انا سافرت يتوءم عمرهم عام وشهر
والله عادي اولا يعطوك المكان انت الاولى في الطائرة لانو لصقولي كاسرير للبنات باش انامو
لانو طريقنا طويلة
وتدي معاك الحليب والماء والحفضات كل مستلزمات البيبي
ربي امعاك اختي واسهلولك الامور

oumniati · 2 فيفري 2012

السلام عليكم ورحمة الله وبركاته
ام بيبرس كي تريزارفي دوموندي بلاصة الباسينات باه يرقد وليدك
لحليب ماعلاباليش انا كنت نرضع
اذا ماصحتلكش الباسينات تشديه في يدك وخلاص، فيها تمرميدة خاصة كي يجيبو الماكلة
في المطار خليه في لابوسات ولا سياج اوتو اذا ديتيه، حتى تجي تطلعي للطيارة باه تدفعيه
ربي يقدرك 8 سوايع
اذا تفكرت حاجة نقولك

oum BIBARS · 2 فيفري 2012

قال ام خديجة1:
السلام عليكم حبيبتي انا اول مرة ثاني نزلت فيها للبلاد في الطائرة كانت بنتي عمرها 35يوما ومستلزمات البيبي حطيتهم في كابة صغيرة وطلعتها معايا للطائرة والوقت ماهوش كبير ساعة ونصف وتكوني في البلاد انا نحكي على فرنسا وانت اختي من وين

انا نسكن في quebec
و نركب من montreal

oum BIBARS · 2 فيفري 2012

قال ibtesem:
اختي ام بيبرس انا سافرت يتوءم عمرهم عام وشهر
والله عادي اولا يعطوك المكان انت الاولى في الطائرة لانو لصقولي كاسرير للبنات باش انامو
لانو طريقنا طويلة
وتدي معاك الحليب والماء والحفضات كل مستلزمات البيبي
ربي امعاك اختي واسهلولك الامور

لبلاصة اللي فيها سرير كاينه في air algerie vol

oumniati · 2 فيفري 2012

لالا ابتسام احنا الماء ممنوع، لحليب غبرة عادي وباقي المستلزمات حفاظات لانجات، كريمzyncofax ولا واش تستعملي ماتنسايهش الطريق طويلة
وليدك لبسيه عادي وخلي لبسة شابة للغدوة كي قريب تهبطو بدليلو
لبسيلو مليح الطيارةباردة بزاف حتى اذا في الصيف اديلو جيلي

oumniati · 2 فيفري 2012

آآآآآ ماشي مع آر ألجيري؟ امالا سقسيهم ولا شوفي سيت تاعهم، شكون روايال؟

oum BIBARS · 2 فيفري 2012

باراك الله فيكن اخواتي

oum BIBARS · 2 فيفري 2012

قال oumniati:
آآآآآ ماشي مع آر ألجيري؟ امالا سقسيهم ولا شوفي سيت تاعهم، شكون روايال؟

لا انا رايحه مع ار الجيري ان شاء الله

oumniati · 2 فيفري 2012

امالا خلاص عندهم باسينات_ سرير_ بصح مانعرف اذا يصحلك ههههه خاوتك كامل يربيو هههه

ibtesem · 2 فيفري 2012

لا انا رحت في تركية 14 ساعة
صح البرد بزاف

oum BIBARS · 2 فيفري 2012

قال oumniati:
امالا خلاص عندهم باسينات_ سرير_ بصح مانعرف اذا يصحلك ههههه خاوتك كامل يربيو هههه

لبلاصه هدي نسلك عليها و لا كيفاه نطلبها

anissa 13 · 2 فيفري 2012

عادي تقدري تهبطيه معاك حتى لو كان عندو شهر
انا صديقتي هبطت وليدها عندو غير 3 اشهر
وبالنسبة للحليب عندك حق تحملي معاك كل مستلزمات البيبي
من حليب ودواء و ملابس ...... الخ

oumniati · 2 فيفري 2012

قال oum bibars:
لبلاصه هدي نسلك عليها و لا كيفاه نطلبها

النهار اللي تشري ليبيي يعني كي تريزارفي دومونديها من لاجونس باه يعطيولك هذوك لبلايص, كا تخلصي والو زيادة, قوليلها حبيت لاباسينات وهي تشوف البلايص اللي عندها
اعتقد كاين 6 والله ماني متأكدة , المهم هي عبارة عن بلاصة نورمال يعني المقاعد الامامية اللي تكون مقابلها حيط, وحتى تطلع الطيارة زمان يجيبو هذوك الاسرة يلصقوهم في الحيط عاملين تقريبا كيما هذوك اللي نبدلو عليهم ليكوش في صونتر كومارسيال, يعني ماشي كبيرة بزاف

oum BIBARS · 2 فيفري 2012

قال oumniati:
النهار اللي تشري ليبيي يعني كي تريزارفي دومونديها من لاجونس باه يعطيولك هذوك لبلايص, كا تخلصي والو زيادة, قوليلها حبيت لاباسينات وهي تشوف البلايص اللي عندها
اعتقد كاين 6 والله ماني متأكدة , المهم هي عبارة عن بلاصة نورمال يعني المقاعد الامامية اللي تكون مقابلها حيط, وحتى تطلع الطيارة زمان يجيبو هذوك الاسرة يلصقوهم في الحيط عاملين تقريبا كيما هذوك اللي نبدلو عليهم ليكوش في صونتر كومارسيال, يعني ماشي كبيرة بزاف

شكرا ليك اختي

oumniati · 2 فيفري 2012

بلا مزية, كاش ما تحتاجي قولي, نفيدك بللي نعرف

hadda0425 · 2 فيفري 2012

شوفي ختي انا رحت رحلة للصين وديت وليدي كان عندوعام واربعة اشهر
يعني بالنسبة ليا شيطني ولدي كان كثير الحركة وما يهدنش خلاص وكنت نرضع من صدري الوقت كان بزاف 12 ساعةوحنا في السماء
بصح كندا مش بعيدة بزاف
بصح انت عندك الحق تدي معاك مستلزمات البيبي
من الحليب الغبرة الحفاضات والملابس الادوية تاع الحمى والاستفراغ
ممنوع السوائل الماء الياؤورت ....
في الطائرة كاين مكان امامي مخصص للبيبي طبعا مع امو
لان انا زوجي حجز بالانترنت باه يخير المكان المناسب
في المطار توجد غرفة خاصة للرضاعة وتغيير للبيبي

imane27 · 2 فيفري 2012

ام بيبرس انا هبطت ولادى صغار الماء ولحليب فالقرعة بسف ولا جوزوهولى حتا قلتلهم عندى بيبي يرضع ولدك اديه فلبوسات باش تقدرى دبلاي بسهولة وفى طيارة مدلهالهم ونتى لازم هنا دومندى على بلاصة تاع ولدك سينو تشديه عندك غير ولا لقتى ولاد لحلال يعطوك بلاصة والله يوفقك

oum BIBARS · 3 فيفري 2012

قال imane27:
ام بيبرس انا هبطت ولادى صغار الماء ولحليب فالقرعة بسف ولا جوزوهولى حتا قلتلهم عندى بيبي يرضع ولدك اديه فلبوسات باش تقدرى دبلاي بسهولة وفى طيارة مدلهالهم ونتى لازم هنا دومندى على بلاصة تاع ولدك سينو تشديه عندك غير ولا لقتى ولاد لحلال يعطوك بلاصة والله يوفقك

عيشك كي قولتيلي علا البوسات كنت راح نديرها bagage
باراك الله فيك

السفر في الطائره مع رضيع

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو مُشارك ::

:: عضو بارز ::

:: عضو بارز ::

:: عضو مُشارك ::

:: عضو مُشارك ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو مُشارك ::

المواضيع المشابهة

نحن نقدر خصوصيتك