مـــــــآ هــو الكـآستــرد ؟

الحالة
مغلق ولا يسمح بالمزيد من الردود.
ر

رآج ـية العفو

:: عضو بارز ::
أحباب اللمة
إنضم
5 سبتمبر 2009
المشاركات
4,381
نقاط التفاعل
692
النقاط
171
السلـآم عليكم ورحمة الله​

أسعد الله أوقآتكم بكل خير ​

أحبتي أحببت أن أوضح شيئ بهذآ الموضوع
وهو " الكـآسترد "​

يمكن مفهومنـآ للكـآسترد هو الكريم بآتسيير حتى أنآ كآن مفهومي ليه هآك
مي مؤخرآ عرفت أنه غلط ومش كيف كيف لذآ حبيت نوضحلكم ونفيدكم
الكـآسترد هآذي كلمة نشوفوهآ بزآف عند الخليجيين بحكم انو هومآ ألفآظهم
إنجليزية عكسنآ نحن ألفآظنآ فرنسية وكلمة الكـآستررد هي بالإنجليزي
وهي تعني الكريمة الإنجليزية وتقريبآ تحضيرهـآ كيمآ الكريم بآتسيير
ويبآع أيضآ بودرة في مغلفآت صغيرة وليست المغلفآت اللي بالنكهآت لأنو
الكآسترد فيه ذوق وآحد وهو يجي كي المآيزينة أبيض ولكن كي نحطوه في الحليب
يكون لونه أصفر قآتم مرآت نشوفوا وصفآت خليجية ويكون
فيهآ مثلآ 1 م كآسترد بودر اذآ مكآنش متوفر تقدروا تبدلوه بالنشـآ وتحطو
لون أصفر (ترآفيك) ولكن مفعوله نفس مفعول النشآ على هذآ نقدروا
نبدلوه بيه والكريم بآتسيير أهل الخليج تسميتهم مختلفة كآين اللي يقولوا
كريمة الحلوآني وكآين اللي يقولوا قشطة ​

هذآ مآ بغيت نوضلحكم بمآ اني عرفت هآذ المعلومة بغيت نفيدكم
يمكن كآين اللي مآ يعرفوش هآذ المعلومة
وبآش مآ تتخلطوش بالتسميآت ​
 
شكرآآآآآآ اسومتي عللا المعلومآآآآآت حتى انا كانت غامة بنسبة ليآآآ
 
مرسي حبوبتي على المعلومة حتى انا كنت حاطاتو كيرم باتسيير
ربي يخليك اسومتي
 
يعطيك الصحة على المعلومة
صح ديما نسمع عليه وحاسباتو كريم باتيسيار
​
 
​
مشكورة راجية على المعلومة
​
 
ألف شكر لكـ أسوومة عَ المعلووومـة
​
 
مشكورة اسومة على المعلومة​
 
يعطيك الصحة على المعلومة
 
شكرا راجية والله انا يتخلطولي هاد الكريمات
والقشطة كنت نحسبها الياؤورت
مرسي على التوضيح
​
 
بارك الله فيك اختي راجية على الافادة وجزاك كل الخير
 
وااااو والله يااختي كنت محتاجة لهاد المعلومة
كنت نشوف فبعض الوصفات فالنت اسم كاسترد
مي منعرفوش
جزاك الله خيرا حبيبتي
​
 
قال hadda0425:
شكرا راجية والله انا يتخلطولي هاد الكريمات
والقشطة كنت نحسبها الياؤورت
مرسي على التوضيح
​
إضغط للتوسيع...

حتى انا كنت حاسبة القشطة هي الياوورت
بصح اكتشفت انو الياوورت يسموه زبادي
والله اعلم ههههههه
​
 
أسومة الكاسترد هو لاكريم باتيسييير ..
صح وش قلتي هو بودرة بيضاء كي تحطيها في الحليب تولي صفراء
لكن الطعم كما لاكرام باتيسيياآآآآآر الفرق في التسمية والصنع السريع يعني تخدميه في دقائق
عكس لاكرام باتيسيياار لي طولي فيها شوية
راهي عندي ونشري فيها وبنتها فور كما لاكرام باتيسييار
 
قال hadda0425:
شكرا راجية والله انا يتخلطولي هاد الكريمات
والقشطة كنت نحسبها الياؤورت
مرسي على التوضيح
​
إضغط للتوسيع...


حبيبتي القشطة تقدري تستعملي في بلاصتها البتيسويس نفس الطعم تماما
لما يقولولك الزبادي ولا الروب ولا القطشة طعمهم كامل يشبه البتيسويس
 
قال anissa 13:

حتى انا كنت حاسبة القشطة هي الياوورت
بصح اكتشفت انو الياوورت يسموه زبادي
والله اعلم ههههههه
​
إضغط للتوسيع...

هوما اذا قالو الزبادي راهم يقولو اي طعم يعني زبادي بطعم الفراولة ولا بطعم المشمش
لكن على الارجح في وصفات الاكل يقصدو بيه البتسويس ولي في الحلويات راه يذكرو نوع الزبادي
 

لي عودة للرد على الجميـع

قال روز22:
أسومة الكاسترد هو لاكريم باتيسييير ..
صح وش قلتي هو بودرة بيضاء كي تحطيها في الحليب تولي صفراء
لكن الطعم كما لاكرام باتيسيياآآآآآر الفرق في التسمية والصنع السريع يعني تخدميه في دقائق
عكس لاكرام باتيسيياار لي طولي فيها شوية
راهي عندي ونشري فيها وبنتها فور كما لاكرام باتيسييار
إضغط للتوسيع...
أهلآ روز الغآلية منورة بطلتك
شوفي حبيبتي اني فآهمآتك مكآنش اختلآف بينهم مي اني نقولك
أنو الكآستر هو الكريمة الإنجليزية والكريمة الإنجليزية تنخدم بالكريم
فريش اي عندي في كتآب لبنآني طريقتهآ وفعلآ نفعونآ بالبودرة
الوآجدة وسآهلة في التحضير ولكن أنآ كي قلت هآذ المعلومة
برك بآش لبنآت مآ تبحرلهمش بآسكو مرآت نلقآو في وصفآت
خليجية الكآسترد ويمكن على جآل مآ نعرفوهش مآ نقدروش نخدمو
ذيك الوصفة على هذآ بغيت نحط شرح للبنآت
ومرسي لتدخلك يآ غآلية ربي يخليييييييك​
 
اهلا
ايه حبيبتي برك حبيت انبه انو لما حتى تلقاي كريمة الكاسترد في الوصفات الانكليزية
هي الكريم باتيسيير عندنا ماكانش فرق كبير في الذوق والبنة حتى لو تتتخدم بالكريم فراش
يعني الكاسترد هو الكريم باتيسيير مش ماثر لاكريم فراش
بسكو لي راني نشري فيها هنا وكريمة االكاسترد هي طعم واحد
اما لي تتباع عندكم في الدزاير مازال ماذقتهاش

جمعة مباركة حبيبتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top