- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
السلام عليكم ورحمة الله وبركاته
نهاركم طيب ان شالله اخواتي
اليوم ننطلق معا في الدرس الثالث لدورة اللمة لفنون الطبخ
المثوم بتتبيلة مغربية
تورت السلق
عصير الجزر بالبرتقال
المثوم بتتبيلة مغربية
- بصلة
- سنينات ثوم
- باقة حشائش متكونة من زعيترة رند معندوس واكليل
- زعفران خيط
- كسبر مطحون
- زنجبيل مطحون
- ملح وفلفل اكحل
- شوي زيت
- واحد جومبو حسب الذوق المفضل
- لحم مرحي
- شوي بصل مفروم
- ملح وفلفل اكحل
- كسبر مقطع
- بيضة
- ومكعب جبن شاف
في طنجرة او طاجين نحط كل المكونات الاولى الي هي عبارة عن بصلة مفرومة سنينات ثوم باقة الحشائش زعفران زنجبيل كسبر مطحون ملح وفلفل اكحل ومكعب الجومبو
ننقصولهم النار ونخلوهم يتحمصو شوي بعد ذلك نمرقو ونغطلو الطنجرة
من جهة تانية نخلطو اللحم المرحي مع القليل نتاع البصلة ملح فلفل اكحل الكسبر المقطع والبيضة ونخلطو مليح ونضيفولها كمشة شابلير
بعد ذلك نشكلو اصابع ونحشوها بالجبن
نمرروها على البيض وبعدو لاشابلير
ونقلوهم
نكونو مرقنا الصلصة بعد ما تغلي نحطو فيها القليل من الحمص ونخلوه يغلي شوي
نكونو كملنا قلينا كل الاصابع
نحطوهم في الطاجين ونخلوه مدة 5 دقائق ونغلقو النار
نقدموها مع عصرة ليمون ورشة معدنوس
تورت السلق
نحلو العجينة في المول الي موجود دائري او مستطيل
من جهة اخرى نحضرو الحشو
ننضفو السلق ونقطعوه ونحطوه في مقلاة ونغطو عليه ونخفضو للنار باه يذبل ويطرى
بعد ذلك نحمصوه مع بصل ملح فلفل اكحل وثوم
بعد ذلك نرحيو الصدر نتاع الدجاج او الاسكالوب ونخلطوه مع السلق ونتركوه يطهى مع بعض
من جهة اخرى نخلطو علبة الكرام فراش السائلة مع الجبن شاف ونخلوه يخثار باه نضيفوه للحشو
ونكسرو فيه 2 بيضات ونخلطو هنا تكون الحشو واجد
من جهة اخرى ناخذو الجبن العادي نحطوه على جوانب العجينة ونغلقو الحواف نتاعها على بعضها
نحطو الحشو وسط العجينة
وباقي العجينة اللي تبقات نفصلو منها شرائط ونزينو بيها من فوق حسب الرغبة
ندهنوها بصفار بيضة مخفوقة مع القليل من الحليب وندخلوها للفرن تطهي
- العجينة المورقة
- العجبـــنة المورقـــة المالحــــة من مطبخي وبالـــــــصور
- ربطة سلق
- صدر دجاج او اسكالوب او لحممرحي
- 1 علبة كرام فراش
- 2 بيض1 جبن شاف
- 1 بصلة صغيرة
- ملح وفلفل اسود والقليل من الثوم
- جبن
نحلو العجينة في المول الي موجود دائري او مستطيل
من جهة اخرى نحضرو الحشو
ننضفو السلق ونقطعوه ونحطوه في مقلاة ونغطو عليه ونخفضو للنار باه يذبل ويطرى
بعد ذلك نحمصوه مع بصل ملح فلفل اكحل وثوم
بعد ذلك نرحيو الصدر نتاع الدجاج او الاسكالوب ونخلطوه مع السلق ونتركوه يطهى مع بعض
من جهة اخرى نخلطو علبة الكرام فراش السائلة مع الجبن شاف ونخلوه يخثار باه نضيفوه للحشو
ونكسرو فيه 2 بيضات ونخلطو هنا تكون الحشو واجد
من جهة اخرى ناخذو الجبن العادي نحطوه على جوانب العجينة ونغلقو الحواف نتاعها على بعضها
نحطو الحشو وسط العجينة
وباقي العجينة اللي تبقات نفصلو منها شرائط ونزينو بيها من فوق حسب الرغبة
ندهنوها بصفار بيضة مخفوقة مع القليل من الحليب وندخلوها للفرن تطهي
وهذا الشكل النهائي
عصير الجزر بالبرتقال
2 حبات برتقال
1 حبة جزر متوسطة
بعض اوراق النعناع
10 ملل من الماء المطهي فيه الجزر
100 غ سكر
في كسرونة نضع الماء والسكر ومبشور قشور البرتقال ونتركه يغلي مدة 10 دقايق
ثم يصفى العصير ويقشر الجزر ويقطع دوآئر ويوضع به الماء ويضاف له الجزر ونضعه
فوق النار
فوق النار
لما يغلي يضاف له أوراق النعناع ويغطة ونتركه ينقع لمدة 10د يعصر البرتقال
ويصفى العصير ويوضع في الخلاط مع 10 ملل من الماء المطهو فيه الجزر ويطحن
ويطحن الكل ونضيف عصير البرتقال ويطحن مرة أخرى ويضاف السكر ويخلط الكل معا
ثم يصفى مبشور البرتقال الذي تم غليه ونزين به ويقدم العصير
وهذا شكله
في آخر هذا الدرس نتمنى وكل أمنياتي انه يروقلكم ويفيد ولو بشئ قليل
بالتوفيق للجميع
آخر تعديل:
