كوكب الاعترافات // المشكلة رقم 01 " منهارة نفسيا بعد طلاقي"

السلام عليكم ورحمة الله تعالى وبركاته

مرحبا بكافة مرتادي منتدانا الكرام في ركن:

° كوكــــب الاعتــــــرافـــات °

[FONT=&quot]
[/FONT]

[FONT=&quot]اختي مينات[/FONT]​

[FONT=&quot]مشكلتي شوية خاصة والحمدلله لقيت موضوع كوكب الاعتراف نشكي فيه همي[/FONT]​

[FONT=&quot]ونشوف آراء وردود الاعضاء[/FONT]​

[FONT=&quot]أنا كنت متزوجة في ايطاليا براجل اهلي مسقساوش عليه نهار جى يخطبني[/FONT]​

[FONT=&quot]هو جى عن طريق خالي اللي صار يتحكم فينا بعد وفاة بابا الله يرحمو[/FONT]​

[FONT=&quot]ضغطو عليا من كل جهة حتى قبلت بيه[/FONT]​

[FONT=&quot]في ايام الخطوبة كان عادي مبعد مورا الزواج تبدل 180 درجة للأسوء
[/FONT]​

[FONT=&quot]جبت معاه طفلة (بالعملية) واجهضت وراها الحمل اكثر من 5 مرات علاش: بسبة انو منعني من اخذ حبوب منع الحمل بالرغم من ان الطبيبة أكدتلي بلي ملازمش نحمل قبل 3 سنين[/FONT]​

[FONT=&quot]البداية كانت كي منعني اني نخدم بالرغم من اني متحصلة على دبلوم يأهلني نخدم في أي مكان محترم[/FONT]​

[FONT=&quot]كان يضربني خصوصا بعدما اكتشفت خيانتو ليا مع وحدة (جزايرية تسكن هنا فالبلاد) فالتلفون وكي واجهتو منكرش والأسوء انو كان يعرفها اثناء فترة خطوبتنا[/FONT]​

[FONT=&quot]واللي زاد الأمور سوءا - والله حشمت نقولها – حب يتاجر بشرفي وكي رفضت هددني يقطعلى كوارطي ويرميني انا وبنتي فالشارع[/FONT]​

[FONT=&quot]انا الحمدلله فهداك الوقت ربي نورلي طريقي وبقيت نسايس فيه حتى رجعني للبلاد[/FONT]​

[FONT=&quot]اول ما وصلت رحت مباشرة لدارنا وحكيتلهم وش دار وقتلهم بلي طالبة الطلاق[/FONT]​

[FONT=&quot]وهنا وقفلي خويا وقالي بالحرف " ايه يا لالة احنا ما صدقنا زوجناك وتهنينا وحبينا نهنيو على رواحنا زدتي رجعتينا تحوسي تطلقي وبطفلة هادي غير انسايها"[/FONT]​

[FONT=&quot]وهزني بيا بقشي ببنتي وداني بالسيف عليا لدار سلفي خو راجلي [/FONT]​

[FONT=&quot]لثما رخست تع الصح وعاد راجلي عالطالعة والنازلة يعايرني حتى وحد النهار قالي هيا نديك تروحي تزوري يماك[/FONT]​

[FONT=&quot]خدعني بلامان داني وفالليل عيطلي قالي أي قريب توصلك ورقة طلاقك[/FONT]​

[FONT=&quot]وش نقلك في وقتها دارتلي صدمة نفسية مقدرتش نستوعب بعد كل هاد المعاناة والذل منو ومن خاوتي وعفست على قلبي ورجعتلو غير علاجال بنتي وفاللخر هو لي يرميني[/FONT]​

[FONT=&quot]راني منهارة نفسيا وكل من حولي يحملوني المسؤولية[/FONT]​

[FONT=&quot]ملقيتش الصدر الحنون اللي نبكي في حضنو [/FONT]​

[FONT=&quot] مسمعتش كلمة تطيبلي خاطري[/FONT]​

[FONT=&quot]مسمعتش وعد بأخذ حقوقي اللي ضاعت
راني نشوف في صغري قاعد يضيع وماني قادرة ندير والو
[/FONT]​

[FONT=&quot]وبالرغم من كل هذا نعرف بلي " ربي كبير " وانا طامعة في رحمتو وحلمو وانتقامو من كل اللي آذوني[/FONT]​

[FONT=&quot]راني فرغتلكم قلبي نتمنى نسمع كلمة تطيب خاطري ولا رد يرجعلي أمل الحياة من جديد [/FONT]

إضغط للتوسيع...

لا حول ولا قوة إلا بالله

كي تقولي هادا بروبلام وي يحبس كلش قوداموا
اولا خليني نهنيك على شجاعتك كي رفضتي تخدمي بالشرف تاعك
ونقلك انتي صح بنت احلال وعاش بنات لحلال
الله يصبرك اختي ويعوضك فالدنيا ولاخرة
ماعندي مانزيد غي احكمي الدواء تاعك لي مايموتش
الي هو كتاب ربي سبحانوا
خليه ديما بحذاك
واكثري من الاستغفار
وتفكري بلي ربي سبحانوا يمهل ولا يهمل

اما هو ............. ربي وكيلوا

​

وعليكم السلام
قاستني حكايتك بزاف اختي لعزيزة
اللّي صرا صرا متنجميش ترجعي تمحيه
دركا شوفي للمستقبل تاعك وتاع بنتك
توكلي على الله
وشدّي في اللّه سبحانو وتعالى
تقربي ليه اكثر
وهادا لي أذاك أو ربي وكيلو
فكما تُدين تُدان
ربي يرزقك بالخير ان شاء الله
سلامي

​

يعطيكم الصحة على الفكرة الطيبة
نتمنالكم التوفيق فيها
ونتمنى الهناء لكامل الناس
​

هاذا وين انتبهت للرد والمشاركة والمشكل نتاع الاخت
على هذا نقوللك اختي يعطيك الصحة كي فرغتي قلبك وكانت عندك الشجاعة
حاجة تانية نقولهالك اذا بنتك زايدة لهيه راه حقك وحق بنتك محفوظ واي وقت تحبي تطالبي بيه
منها اختي نقوللك مادام كاين ربي من فوق يشوف فينا عمرو الواحد لا يروح حقو ولا يضيع يجي نهار وين ربي يخلص وانتي بعينك تشوف
اختي اذا شفتي روحك راكي قاعدة هنا في البلاد وماراحش ترجعي وكيما قلتي عندك ديبلوم اخرجي اخدمي على بنتك وعلى روحك حاولي تبني روحك بروحك من جديد ما تشوفيش لوراك طول وربي رح يكون معاك مادامك ماشية في طريق الخير
ربي معاك واحنا هنا كامل خاوتك وخواتاتك معاك
​

السلآم عليكم
,,
أختي خكآ]تك توجع القلب وتشوك اللحم صرآحة مآ توقعتش كاين نآس هك
وتاني بزآف بنات تزوجو للغربة ولقاو وآقع يصدم مي تديهم لهفة الغربة
يرجعو ما يخمموش ,,, كنتي مجبورة وتزوجتي ومعليش مي يضربك ويدير
ما عمل معاك هذا ظلم والظلم حرآم ,,, اختي كثري من الاستغفار وكثري من
جملة حسبي الله ونعم الوكيل واهدريها من قلبك وسلمي أمرك لربي هو يجيبلك
حقك لأنو رانا في بلاد ما فيهاش حق مي ...
الله يمهل ولا يهمل وبكري كنا نشوفو ناس تكوت بلا تخلص فعالها بالاك عالطيبة
لي كانت كاينة مقارنة بدرك مي درك لي يغلط نشوفوه يخلص في الدنيا قبل الآخرة
وكيلك ربي أختي أتوكلي عليه وما تسناي من حتى واحد يجيبلك حقك أنو يقدر يجبهولك
بمأ أكثر من حقك ويقدر ينقصلك منو مي ربي يجيبهولك قدقد لا زيادة لا نقصان
,,
ولي يقولك راكي غالطة وهذا الكل بسبتك اعرفي بلي راه غالط وانتي ما غلطتيش
,,,
نحييك أختي على الخطوة لي عملتيها وصراحتك معانا ,,, وما تذمري ما تدخلي
في حالة نفسية محبطة خليك قوية أختي وننصحك بحاجة نديرها انا شخصيا
كي نقلق وتوصل بيا للخر نكتب واش مقلقني في ورقة ونعبر على شعوري
مليح مليح وما نخلي حتى كلمة نخرج كلش في الورقة بعدها نعاود نقراها
تبانلي مش أنا لي كتبتها كلي نقرا لوحدة خلاف ونروح نحرق الورقة ولا
نطيشها ولا نقطعها طراف طراف نفسيا نحس أنو المشكلة والقلقة راحت
مع الورقة نحس حرقت المشكلة وقطعتها وتهنيت منها ,,, يعني عاوني روحك
وحدك وداوي روحك بيدك وكوني طبيبة نفسك وكيما قال حمزة المشرف ,,,
خليك مع الدوا لي ما يفضش لي هو كتاب الله اقراي قرآن وما تنسايش
حسبي الله ونعم الوكيل ,,, باقي نقولك اتهلاي في روحك وسلآمي
​

صراحة حكايتك مؤلمة اختي لاكن المشكل
ان كل الفتيات تتناسا مغبة الزواج من شاب مغترب .. قد تاخدها للوهلة الاولى سعادة الهجرة
وتتراءا لها صور ايطاليا والحياة السعيدة وماالى دلك

وتصدم من بعد بان الواقع شيء والاحلام اشياء اخرى طبعا
للاسف الاختيار كان خاطئ من الاول وماعليكي اليوم الا ان تلملمي شتات نفسك
وتحاولي العيش من اجل هاته البرائة المضلومة بينكما

صدقوني هناك شباب بسيط في الجزائر قد يكون عيبه الوحيد هو الفقر وقلة المال
ومشاكله انه لايملك بيتا مستقلا ... لاكن يملك قلبا يملا فراغات الدنيا

الله يوفقك وربي يكون معاك ..توكلي على ربي فقط
والله يهدي الجميع
​

اولا بارك الله فيكي اختي على هاد الموضوع المفيد
و ان شاء كل صاحب هم او مشكل يلقى ضالته و المساعدة من هنا ان شاء الله
اما عن مشكل الاخت ربي يخفف عليك و يفرج همك
انا تبانلي الا عندك ديبلوم تحوسي على خدمة باه تلمي روحك و تصلي و تدعي ربي يحنن قلب اهلك عليك
و تحاولي تبينيلهم باللي عندك الحق و سايسيهم
اما راجله هادا الله يهديه و ان شاء الله يجيك ما خير منه​

ربي يفرج عليك .. اكثري من الاستغفار

وانت متخرجة ان شاء الله تلقي الخدمة اللي تخليك حرة وما تتوكلي غير على ربي سبحانه وعلى جيبك
والاخطاء اللي وقعتي فيها حاولي تحمي بنتك منها .. وربيها حرة وشريفة عفيفة واختاريلها الزوج اللي يسعدها

الله يفرج عليك وعلى كل بنات المسلمين
​

أحزنتني قصتك كثيرا

و لكن نقولك مادام عندك ديبلوم تاعك ما تخافيش أبدا

خرجي خدمي على روحك و على بنتك و ستفي روحك بروحك و كونك قوية و ما تضعفيش أبدا و ربي مش راح يضيعلك حقك

الله يكون بعونك
​

لا حول ولا قوة الا بالله العلي العظيم
مافيهم صفات الانسان خلااااااااااااااص
يا اختي قصتك اثرت فيا
واش نقولك يا اختي
انتي بنت الكرام وبنت فاميليا
كي رفضتي طلبه بالعمل القذر
ونقولك ربي ما ينسى عبادو
حتى لو تخلات عليك الدنيا كامل
ربي ماراح يخليك
كوني واثقة
ومادام عندك دبلوم حوسي على خدمة
واهتمي ببنتك
وخليها صديقتك
وهو رايح يجيه يوم ويخلص فيه ربي
اصبري اختي والزمي الاستغفار
وربي يفرج عليك
ربي يرزقك ولا يحرمك

​

لا حول و لاقوة الا بالله
احيكي اختي لمحافضتكي على شرفكي
الله غالب اختي واش ذنبك انك تزوجتي حيوان مفترس
ديري ربي في بالك و اجري على حقوق ينتك
وكلي ربي
​