اسمحولي يلزم نسجل خروجي الآن ^_^

أم عبد الله · 26 ديسمبر 2012

السلام عليكم احبتي:$

ممممم عندي مدة ماجيتش نخرف هنا

ايا قالكـ الواحد يبدى في نفسو قبل مايقطع في الغاشي:-r امالا ندور لروحي شوي:scared01:

وعلاقتي مع هاذي ــــــ

مي بيناتنا البروبلام ماشي في هاذي :down: البروبلام كامل راه في هاذي

يا خاوتي والله تخدملي بلبزاف . . . الواحد تهدر معاه نورمال ومن بعد يقولكـ دقيقة ونرجع :bye01:ماتتقلقش
والمشكل ماينساش يدير تسجيل خروج

عـــلاه:very_mad:
ياخي 5د
واش راح يصرى في 5د:-o:dunno01:
مي تعرفو اختكم تموتـ وتعرف شا كاين:-r

قالكـ ياسيدي
يلزم نسجلو خروج . . . و انطفو الضو

والسبب مازال محيرني:surrender01:

ع حساب قولهم :down:

* خويا يشوف التعليقاتـ دياولي :s

*الدار يقراو كتاباتي:sport01:

*اختي تقرى الرسايل دياولي

و و و .................. الخ :p

وراني نسيتـ لخرين علاه :d

ضركـ المشكل لي محيرني:s

علاه ماراكـُمش دايرين الثقة في نفسكم ؟ ولا كيفاه
مممم
ولا عندكم ازدواجية هنا شيء وفي الدار شيء ثاني

جامي شفيتـ سجلتـ خروجي ولا في اي بلاصة:-h مع العكس نقوللهم استناوني دقيقة ونجي ونخليها مفتوحة ولي قرى الرد ديالي نورمال لاني علابالي واش كتبتـ:-r

شوفو خاوتي سورتو لبناتـ لانو هاذي الظاهرة منتشرة عندهم

هنا ولا في اي موقع للتواصل كونو ع حقيقتكم لان حبل الكذب قصير بزااااااااااف

قالولي راكي من عايلة منفتحة و ذات تربية اجنبية
اهنا في الموضوع نردلكم عادي :-r
عايلتي تنص القوانين و مادامني نمشي ع القوانين ماكانش مشكل

صداقة في حدود . . . كلام موزون . . . وحتى جنون مقبول:d ههههه

سؤال ليكم احبتي
علاش تسجلو خروووووج:s
مي ماتنساوش السبب الحقيقي يلزم تقولوهولي:d

واش رايكم زعما قلبتـ الفيستا ميناتي هههههههه:-r
هذا واش قدرتـ قتلكـ خاطيني القسم هذا:surrender01:

اختكم نينا هدرتـ بزاف هههه
سلامي

ماكانش · 26 ديسمبر 2012

أهلا بيك نينا
يعطيك الصحة على الموضوع الزين
ههههه
انا ندير تسجيل خروج غير باه مانكتبش توقيع كيما تاعك هههههههههههه
هذا هوا ميزان معرفة المعصية، المعصية هي ألي يديرها الإنسان ومايحبش يطلع عليها الناس
كيما قلتي مادام الواحد يعرف روحو وواثق من واه راهو يكت عادي يشوفها خوه باباه ألي كان
الإنسان يحاول يبقى بشخصيتو هنا ولا في النت ولا في أي بلاصة
وهكذاك وكاين البعض ربما يحشم فقط يقراولو مشاركاتو ولو راهم عاديييييين
ولكن يحشم مانعرف
كيما انا مانقدرش نكتب رد كيما هذا وزعما نخلي خويا يقراه هههههههه

همس الوُرود · 26 ديسمبر 2012

هههههههههههه صاحا ختي دوك نقولك أنا نسجل خروج مناه خويا يقولي ديكونيكثي هههه نياهاهاهاهااا

مناه ناخد راي خويا :-r

تاني كون يقولي خلي نخلي

2- ماش أي وحدة تخرج ماش مدايرة الثقة فروحا وراهي تكدب هي ماتحبش يقيسولها حوايجها وماتحبش كي يشكو فيها

3- أنا تحيرلي كي تخرجي وتخلي الضو شاعل لازم الاقتصاد

4- كاينة وحدا هنا صاحبتي ثوجور مكوناكتية وهي ماكانش وكي نبعتلها رسالة ماترجعش مما يخلي الشكوك والأفكار تبادر لدهني بسرعة و أنا من النوع الي يتوسوس بزاف

يا أختاااااااااااااااااااااااااااااااااااااه أنا كي نخرج نطفي الضو ونديكونيكثي وتضهرلي حاجة ماش حتى نفسرها هههه

شكرا لخربشتك في هدا المنتدىىى

26 ديسمبر 2012

تسجيل الخروج

مبدا الاطمنان و الامان

ههههههههه

مانيش ندير في حالة لي قلتي اعليها كي نسجل الخروج اما إلى العمل او النوم

شكرا على الطرح المميز

أم راضية ~_ · 26 ديسمبر 2012

السلام عليكم
صحيتي نينا ما كتبتيش ما كتبتيش وكي كتبتي بكيتيني :$:cray02::cray02:
والله موضوعك فوور:up:
انا وحدة ما عنديش مشكل يقراو مواضيعي ومشاركاتي بالعكس ساعات تجيني في بالي نخليهم يشوفوها
-علّ وعسى يقدرو يعرفو واش انا على خاطر جابلي ربي يعرفوني بالوجه برك

- بصح مشكلتي انهم ما يفهمونيش

وديجا نقدر نقول هادي هيا السبة الي خلاتني نحوس على البديل عليهم الي هو المنتدى (طبعا بعدما تاكدت منو)
هوما ما يحاولو يفهموني ما يبذلو مجهود باش يحتويوني ما يزعزعو روحهم مقدار 1 سنتيمتر باش يتقربو مني بالرغم من كل محاولاتي الكثييييرة بصح فاقد الشيء لا يعطيه و انا فاقدة الشيء أعطيه وبسخااااء أيضا:$ على جال هاديك تلقايني هنا نحاول نكتشف نفسي و نعبر على واش حابة و بطريقة نعالج فيها المشاكل ونمد حلول
و ارجعي لمواضيعي رح تنتبهي لهاد الشي وتلقايها اغلبها تصب في قالب واحد الي يخليني نديكونيكتي
علابالي ما جاوبتكش وما نقدرش نفهمك بويسك الحالة عندي مخلطة :cray02:
ملاحظة : * لوكان لقيت تفتح و اهتمام 10ّبالمية برك و إحتواء مانكتب ما ندخل وادا دخلت نشارك غير فالطبخ *
صحيتي نينا واسمحيلي خرجت على الموضوع

saralg · 26 ديسمبر 2012

انا نحب نسجل الخروج لسبب وحيد
كاين بعض الاصدقاء ساعات يبعثولي رسائل و يسناوني نرد عليهم باسكو راني نبان عندهم online
دوونك نديكوناكتي خير

Ma$Ter · 26 ديسمبر 2012

عليكم السلام ورحمة الله

عمرى ما عملت تسجيل خروج فى هذا المنتدى

**
شكرا على الموضوع

هدوء المطر · 26 ديسمبر 2012

قال ماكانش:
الإنسان يحاول يبقى بشخصيتو هنا ولا في النت ولا في أي بلاصة
وهكذاك وكاين البعض ربما يحشم فقط يقراولو مشاركاتو ولو راهم عاديييييين
ولكن يحشم مانعرف
كيما انا مانقدرش نكتب رد كيما هذا وزعما نخلي خويا يقراه هههههههه

يعطيك الصحة سفيان، هذا الشي اللي حبيت نقولو :bravo01:

love papitou · 26 ديسمبر 2012

يعطيكي الصحة اختي انا كيما نسجل الخروج راني نروح نقرا ولا نرقد ولا كاش عندي خدمة برك

أم عبد الله · 26 ديسمبر 2012

قال ماكانش:
أهلا بيك نينا
يعطيك الصحة على الموضوع الزين
ههههه
انا ندير تسجيل خروج غير باه مانكتبش توقيع كيما تاعك هههههههههههه
ههههه مي التوقيع ديالي خاطي خلاص :p
هذا هوا ميزان معرفة المعصية، المعصية هي ألي يديرها الإنسان ومايحبش يطلع عليها الناس
كيما قلتي مادام الواحد يعرف روحو وواثق من واه راهو يكت عادي يشوفها خوه باباه ألي كان
الإنسان يحاول يبقى بشخصيتو هنا ولا في النت ولا في أي بلاصة
هاذيكـ هي لي راني نهدر عليها
وهكذاك وكاين البعض ربما يحشم فقط يقراولو مشاركاتو ولو راهم عاديييييين
ولكن يحشم مانعرف
كيما انا مانقدرش نكتب رد كيما هذا وزعما نخلي خويا يقراه هههههههه
اهاه علاه زعما واش قلتـ ههههه
منين الحشمة ياو اصلا نفس كلامنا في الواقع نكملوه هنا ولا لالا
في الخارج عاقلين واهنا . . . :-h

شكرا اخي سفيان لاعتماد الموضوع

مي خويا نقدر نتفهم الاشخاص عادي مي لي ماتدخلش في البال علاه 5د يخرج ويعاود يدخل:-o
علاش يحرق في الفيوزة ديالو ههههه

سلامي

أم عبد الله · 26 ديسمبر 2012

قال salsabil4ever:
هههههههههههه صاحا ختي دوك نقولك أنا نسجل خروج مناه خويا يقولي ديكونيكثي هههه نياهاهاهاهااا

اتسما خوكـ معانا في اللمة
حبوبتي مام انا عندي زوج افراد عايلتي اهنا معايا هههههه
وخويا ساعاتـ يكونكتي نورمال

مناه ناخد راي خويا :-r
شاطرة :up:

تاني كون يقولي خلي نخلي
يلزم:-r

2- ماش أي وحدة تخرج ماش مدايرة الثقة فروحا وراهي تكدب هي ماتحبش يقيسولها حوايجها وماتحبش كي يشكو فيها
اهاه مي علاش يشكو فيها اصلا كي تبقى ع البساطة اكيد واحد مايشكـ فيها ماوالو ع العكس تكسب احترام اكثر من عايلتها

3- أنا تحيرلي كي تخرجي وتخلي الضو شاعل لازم الاقتصاد
ههههههه الحكومة تخلص انا خاطيني ههههه

4- كاينة وحدا هنا صاحبتي ثوجور مكوناكتية وهي ماكانش وكي نبعتلها رسالة ماترجعش مما يخلي الشكوك والأفكار تبادر لدهني بسرعة و أنا من النوع الي يتوسوس بزاف

ايه علابالي ومام انا عندي حباباتي اهنا
والكل يعرف انو كي ما يتلقاش رد اكيد العضو غايب :-h

يا أختاااااااااااااااااااااااااااااااااااااه أنا كي نخرج نطفي الضو ونديكونيكثي وتضهرلي حاجة ماش حتى نفسرها هههه
ههههههه نو السعال كان ع لي يخرجو ويدخلو اكثر من20 مرة في النهار:-o

شكرا لخربشتك في هدا المنتدىىى

لا شكر ع خربشة حبيبتي نورتي

سلامي

أم عبد الله · 26 ديسمبر 2012

قال aRm_07:
تسجيل الخروج

مبدا الاطمنان و الامان

ههههههههه

مانيش ندير في حالة لي قلتي اعليها كي نسجل الخروج اما إلى العمل او النوم

شكرا على الطرح المميز

ياسيدي الغاشي كامل قال كيفكـ ههههه
مي البروبلام علاش الفيوزاتـ ديما محروقين ؟؟؟؟

اسعدني ردكـ
سلامي

26 ديسمبر 2012

كان محروق عندو عامين

مي درك الحمد لله عادت المياه إلى مجاريها

ماكانش · 26 ديسمبر 2012

قال °Nina Dz°:
شكرا اخي سفيان لاعتماد الموضوع

مي خويا نقدر نتفهم الاشخاص عادي مي لي ماتدخلش في البال علاه 5د يخرج ويعاود يدخل:-o
علاش يحرق في الفيوزة ديالو ههههه

سلامي

ههههههههههههه
هاذي تاع 5 قايق يديرها واحد موسوس برك هههههههههه
انا نهدر على راح يخرج ويطول ...

إيمان قلب · 26 ديسمبر 2012

من البارح وأنا نقارع لموضوعك باه نشوفك أسكو تعرفي تكتبي بالدراجة نقولك راكي فووور كملي كيمهاك :d
بخصوص تسجيل الخروج , ماشي كل من يسجل خروجه مش داير الثقة في روحو, كاين اللي يسجل ولا تسجل خروجها باسكو كاين اللي راح يدخل بعدو للمة , كاين اللي فيه طبيعة كي يجي خارج يسجل الخروج
وانا واحدة من الناس غالبا مانسجل خروجي باه مايصراش سوء تفاهم , وصراتلي هذه كاين اشخاص يراسلوك وممبعد يشوفوك مكوناكتي يظهرلهم راهم داخل وماكش حاب ترد عليهم بدون ماينتبهو لآخر نشاط
على كل حال كل واحد وظروفو وكل واحد وعقليتو , لمهم ان شاء الله نشوفوك ديما مكوناكتي بيناتنا
يعطيك الصحة خيتي

أم عبد الله · 26 ديسمبر 2012

قال yildiz:
السلام عليكم
وعليكم السلام حبيبتي
صحيتي نينا ما كتبتيش ما كتبتيش وكي كتبتي بكيتيني :$:cray02::cray02:
والله موضوعك فوور:up:
اهاه آسفة ماكانش قصدي تنزل دمعتكـ بسباب موضوعي:$ مـُتأسفة حقا
انا وحدة ما عنديش مشكل يقراو مواضيعي ومشاركاتي بالعكس ساعات تجيني في بالي نخليهم يشوفوها
مام انا ساعاتـ نخليلهم الموضوع باه يقراوه ويعطوني رايهم
والا غلطتـ والا فلا
-علّ وعسى يقدرو يعرفو واش انا على خاطر جابلي ربي يعرفوني بالوجه برك - بصح مشكلتي انهم ما يفهمونيش
الوحدة غاليتي تقتل النفس ببطئ وقد جربتـ هذا الاحساس مطولا
وديجا نقدر نقول هادي هيا السبة الي خلاتني نحوس على البديل عليهم الي هو المنتدى (طبعا بعدما تاكدت منو)
هوما ما يحاولو يفهموني ما يبذلو مجهود باش يحتويوني ما يزعزعو روحهم مقدار 1 سنتيمتر باش يتقربو مني بالرغم من كل محاولاتي الكثييييرة بصح فاقد الشيء لا يعطيه و انا فاقدة الشيء أعطيه وبسخااااء أيضا:$ على جال هاديك تلقايني هنا نحاول نكتشف نفسي و نعبر على واش حابة و بطريقة نعالج فيها المشاكل ونمد حلول
لالا ختي رانا هنا كامل عايلة وحدة واكيد كي تكون مطالبنا عكس مطالبهم نحسو رواحنا وحيدين ونحن بجانبهم
حتى انا لي قوانين اسير عليها هنا بعد ماسجلتـ كان يجب علي ان التزم بها والا فلا
انا ايضا اعاني من الوحدة مع انهم حولي الا اني لااستطيع ايصال فكرتي لهم
فاكلمهم هنا في اللمة
احكي لاخي هنا فيسمعني وفي الواقع لا
حتى اختي هنا تكون ذاتـ قلب آخر تسمع تلعب تتكلم و تسمع لاني احتاج لمن يسمعني اكثر
و ارجعي لمواضيعي رح تنتبهي لهاد الشي وتلقايها اغلبها تصب في قالب واحد الي يخليني نديكونيكتي
راني ندور بمواضيع ديالكـ باه نتعرف عليكـ اكثر
علابالي ما جاوبتكش وما نقدرش نفهمك بويسك الحالة عندي مخلطة :cray02:
ملاحظة : * لوكان لقيت تفتح و اهتمام 10ّبالمية برك و إحتواء مانكتب ما ندخل وادا دخلت نشارك غير فالطبخ *
رانا كامل كيف كيف حبوبتي المهم كوني بخير اينما كنتـ غاليتي*
صحيتي نينا واسمحيلي خرجت على الموضوع

السماح حنونتي الموضوع موضوعكـ
واسعدتني مداخلتكـ وفضفضتكـ لاختكـ حقا انا في الخدمة غاليتي

سلامي

أم عبد الله · 26 ديسمبر 2012

قال saralg:
انا نحب نسجل الخروج لسبب وحيد
كاين بعض الاصدقاء ساعات يبعثولي رسائل و يسناوني نرد عليهم باسكو راني نبان عندهم online
دوونك نديكوناكتي خير

اهلين بااختي سارة
مي كامل عندنا اصدقاء راني نهدر علاش تدخل وتخرج وانت مازالكـ في الدار خليه اون لاين وخلاص واكيد يعرفو حباباتكـ بلي خرجتي

نورتي الموضوع
سلامي

قال MAST3R:
عليكم السلام ورحمة الله

عمرى ما عملت تسجيل خروج فى هذا المنتدى

**
شكرا على الموضوع

وعليكم السلام ورحمة الله تعالى وبركاته اخي
مليح راكـ كيفي هههه

ومشكور ع المرور اخي
سلامي

قال yasmine28:
يعطيك الصحة سفيان، هذا الشي اللي حبيت نقولو :bravo01:

هههههه مي قولي انتـ ثان نحتاجو رايكـ في الموضوع هههه

سلامي

قال djihane princissa:
يعطيكي الصحة اختي انا كيما نسجل الخروج راني نروح نقرا ولا نرقد ولا كاش عندي خدمة برك

ههه ايه يلزم راكي خارجة صح ماشي تنوضي تشربي اطفي الضو تروحي ماعلاباليش اطفي
ع الاقل روحتي تقراي هههههه
نورتي حبوبتي
سلامي

أم عبد الله · 26 ديسمبر 2012

قال aRm_07:
كان محروق عندو عامين

مي درك الحمد لله عادت المياه إلى مجاريها

ايا الحمد لله كي لقيتـ فيوزة جديدة مي قالكـ راهم غاليين عندكـ يزيد يتحرق:p

أم عبد الله · 26 ديسمبر 2012

قال ماكانش:
ههههههههههههه
هاذي تاع 5 قايق يديرها واحد موسوس برك هههههههههه
انا نهدر على راح يخرج ويطول ...

ايه موسوسين و وسوسوني معاهم
ع ذيكـ حبيتـ نعرف السر وراء هذا التوسوس ههههه

ولي يخرج طول هذاكـ معذور خاطيه الموضوع خلاص:-h

26 ديسمبر 2012

قال °Nina Dz°:
ايا الحمد لله كي لقيتـ فيوزة جديدة مي قالكـ راهم غاليين عندكـ يزيد يتحرق:p

من الأفضل ما يزدش يتحرق

و إلا تحرق قالو كاين في جيهة اخرى

مشكورة على النصيحة

اسمحولي يلزم نسجل خروجي الآن ^_^

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: مراقب عام ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

المواضيع المشابهة

نحن نقدر خصوصيتك