تربينا تربية جزائرية بالعقلية نتاع ناس بكري

الحالة
مغلق ولا يسمح بالمزيد من الردود.
ب

بيكهام

:: عضو بارز ::
أحباب اللمة
إنضم
22 ماي 2008
المشاركات
6,341
نقاط التفاعل
910
النقاط
331
سلام عليكم
كل عاام وانتم بخير


عاش صغره على الطريقة الجزائرية ..
كلا التراب و تمرغ فيه ربّا الكلاب و القطووطة و صيد المقنين
تدمع عيينه كي كان يسمع الإرهاب ويشوف الموتى
و المذبوحين فاليتيمة ...

كانت البداية مع الكابتن ماجد و جونغر ثم سكوبيدو و كاليميرو
ضحك مع مارووكو
و بكى مع سالي
و حارب مثل سلاحف النينجا

صنع السيوف و خرج يهتف فالشارع
نحن الكواسر... الجوارح...الفوارس..نحن الموت
القادم إلى الشرق

يحزن لمّا يجي مالقراية يشوف مغامرات عصام و يلقى مزلش الأمّة

سمع الاغاني الغربية في أم 6 و فيفا
اشترك مع لي كاست دانس ماشين
غنة جومابال شاغلي ....
شاهد عائلة ونيس و النمر المقنع في أي أر تي راديو و تلفزوين العرب
بعد أغنية راغب علامة واني مانك مرّيت جنب بواب البيت

لعب السوبر ماريو وصيد الحمام التارميناطوور
و لعب فورملا وان في ملك النمور الذهبي
و تايكن 3 في البلاي ستايشن 1

عاش مع الويندوز 95 و الويندوز 98 و ديسكات ديماراج و سيدي بوطابل
و لي يانسطالي الويندوز يحسب روحو بيلغايت
لعب طوب رايدر و الفيفا 98 و ريزدنت ايفل

كوناكتا ب 1515 ب 150 دج للساعة
دار أول بريد ايليكتروني فالكارامايل

ثم
كانت البداية
بالهاتف النقّال مع جيزي عيش لافي عيش لاموور
لعب الدودة في 3310 ..
و جرب أرقام عشوائية تاع كارطة قديمة

ثم دوررها أمسان مرورا بسكاي روك
و لي صالون تاع سكايب
ثم عاد مع الهواتف الذكية الانترنت ذو التدفق العالي
و الان إلى الفايسبوك وتويتر

تربينا تربية جزائرية بالعقلية نتاع ناس بكري.. وديما القدام

كل هذا سيشهد أننا جيل عاش فترتين مختلفتين من الزمن

غير هذا الجيل تأكدو أنكم لن تصلوا لمستوى هذه الفئة

قد أكون ذكّرت البعض بذكريات من حياته المهبولة


تحيّاتي إلى زملائي :regards01:

بيكــــــــــــــــــــــهام
​
 
ههههههههههههه فعلا جيل مخضرم
عايش حضارتين
يعرف قيمة التلفزيون نوار اي بلان ويعرف قيمة الايفون 5
موضوع مليح حسام
بلاصتو في واش راك تهدر
​
 
السلام عليكم
صح حنا جيل أواخر الثمانينات بداية التسعينات عشنا مليح مليح
مخضرمين
وشفنا وعفنا
ماناش مخلوعين بالتكنولوجيا و ماناش حاسبين روحنا على القديم بويسك لحقتنا البنة تاعو
عشنا هكدا وهكدا
شفنا وتمتعنا من أبسط الأشياء استمتعنا
الحمد لله على النعمة هادي​
 
éouiii hado homa les algeriens vive nouuuuuuuuuuuuus
 
ههههههههه موضوع عجبني بزاف بارك الله فيك
 
يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات

شكرا لك يا اخي و صديقي
​
 

السلام عليكم

يعطيك الصحة خويا والله فكرتني في الصغر

وانت تحكي على روحك والله شفت نفسي فيك

تالمون كنا اكل عقلية وحدة هههههه

وجيلنا هذا كيما قالوا جيل مخضرم عشنا وقتين

عرفنا قيمة الوقت اللي فات وقيمة الوقت هذا

و الله الايام اللي فاتت مهما كانت بسيطة كانت ايام رائعة


​
 
آخر تعديل:
عليكم السلااام
عشت كل اللى قتليه ههههه تقول تتكلم عليا اانا
كل هدا عاشوه جماعة 1985-1991 ^^
شكراا بيكام
 
ههههههههههههههههههه موضوع جميل
 
وعليكم السلام

موضوع فوووور وفوووووور يعطيك الصحة

جيل ماينساش كاساندرا ولويس دافيد

جيلنا أروع جيل
وجيل درك فطن لقى ديراكت النت ماتمتعش بواش عشنا

تقبل مروري

​
 
يا حسرااااه :( توحشت داااك الجيل
بارك الله فيك
 
هههههههههههه
ياله من جيل رائع
92336.gif
 
رججعت حسام هههههههه
صح غنينا راغب علامة واني مانك مرّيت جنب بواب البيت
وغنينا ديانا حداد أمانييه أمانييه أماني أماني أمانييه أمان أمان ليش أنا حيراني هههههههه
ولعبدنا الكرود والبارادي وكلينا التراب ولعبنا زرزايحة بالبيدون تع 5 ايطرات
وتبعنا كاساندرا وبكينا نهار مات إغناسيو وفرحنا نهار تحكمت روزاورا وتزوجت كاساندرا ولويس دافيد
وخدنا والدينا التلفون فيكس ههههههههه

جيل ما يتعاودش
​
 
hhhhhhhhhhhhhhhhh
merci 3la lmawdou3
 
والله وانت تحكي تقول راك تفوت في ليزيماج قدام عيني
وما تنساش هاذو كامل كانت معاهم النية
اذا ضربك واحد تبكي وغدوا كي يجي يهدر معاك تنسى كل شي
كانتا لدنيا عندها بنة خاصة
كان هاذاك التراب وهاذوك القطوط وكل شي عندهم بنتهم
تشم كل شي عندو ريحة خاصة
درك حاجة ما بقات فيها ريحة كل شي تبدل حتى العباد تبدلت
ربي يجعل الخير برك
صحيت حسام على موضوعك الباهي
صحيت يا النايلي
​
 
الغنية لي ذكرتها هي " وان مارق مريت جنب ابوب البيت
وغناها عاصي الحلاني مش راغب علامة (:)

تأمن درتهم قع هاذوم مالغري طفلة
ولعبت بلاي ستيشن نتاع ماريو نيفو 3 كانت شكون تصحلو هههه

زيد حنا جيل كنا نسناو على لل12 باش تفتح التلفزة الجزائرية
وكي درنا البراربول ذاك لاوقت هذا أسمو
درنا الأم بي سي كانت حاجة كبير والأرتي ياحسراه
ونتفرجو الصباح في سالي في TF1

صحيت حسام
فكرتنا بالذي مضى :-r​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top