الظغط يولد الانفجار

اسعد الله اوقاتكم
انا من مواليد 86 مشكلتي باختصار اني اريد التحرر و التحايل على القيم والخلاق المزروعة بداخلي
كوني من عائلة محافظة جدا هذا يعني اني تركت الدراسة غصبا لكونها اختلاط ثم اجبرت على البقاء في المنزل للعمل فيه الان ارى نفسي مجرد خادمة لاخواتي وازواجهم
اصبحت ارى ان الزواج هو مجرد وسيلة للهروب من عالمي لا لاني على يقين انه نصف ديني
وخاصة اني في الاونة الاخيرة اصبحت اراني منافقة ان صح التعبير او انني كفرت بالذي خلقني ساخبركم
كل الفتيات المنحلات اخلاقيا الواتي كان معي وكنت الام لمصادقتهم تزوجو حتى تلك التي تاخذ من الشباب كل شيء بسبب جمالها ووو
من تتكلم في الهاتف بكلام فاسق ماجن حتى هي الله من عليها بالزوج لما انا فقط لما لازلت امتحن
في الحقيقة مللت لااقول انه لاتتم خطبتي بل غرق منزلي بالخطاب مؤخرا لكونهم على يقين بتمسكي بديني و خلق عائلتي ولكنني لااعتقد انهم يستحقونني بل هم افضل حالا من دوني فارفض او امي من ترفض وتجبرني على ا لرفض دونما اخبار ابي ثم تقول انت من لم يعجبك العجب او الصيام في رجب
حالة من الاكتئاب اصبحت اعايشها
وفكرة واحدة باتت تجول في داخلي اريد ان احب واحب لايهم من ولا حتى كيف
فقط اريد ان اشتري هاتف و اسهر برفقة شاب ما اتكلم انديفولي على روحي كيما قالو حباباتي
تتصورون حتى ذهابي للاعراس ممنوع خاصة الصالات بحجة ان الغناء حرام
لااخرج من المنزل منذ ان توقفت على الدراسة الا للضرورة القسوى وهي طبعا عند مرضي
كرهت هاذي العيشة ووليت نخاف على روحي للنساق للشيطان لي في داخلي و نولي اسؤء فتاة في العالم كلو
وهذا طبعا نتيجة الظغط كما يقولون الظغط يولد الانفجار
هل ما افكر فيه جهنمي ام
لاني الان ابحث فقط على شخص ينمي بداخلي احساس الحب و يشعرني بانوثتي او على الاقل ليعطيني سببا للحياة
وفي الاخير هل هناك اطباء نفسيين مشاركين في هذا المنتدى
وشكرا لفتحكم بابا للمصارحة للنفس

رد: الظغط يولد الانفجار

رد: الظغط يولد الانفجار

لي عودة اليك ان شاء الله

رد: الظغط يولد الانفجار

لاحول ولاقوة الا بالله
احسها صادقه فيما قالت ..
لكن ليس في معيتي ما اقدمه لكِ الا الدعاء لكِ ان يلهمك الله اليقين والاستكانه والتوفيق ..

رد: الظغط يولد الانفجار

يااختي ربي خلق وفرق داركم محافظين مهذي حاجة نورمال مي يجوك الخطابين وعلاه تخلي امك ترفض في بلاصتك ديري لروحك بلاصة واقبلي براجل يستاهلك وادعي ربي دايما باش يعوضك واش صبرتي

رد: الظغط يولد الانفجار

رد: الظغط يولد الانفجار

السلام عليكم اختي
والله قريت قصتك وتأثرت بها كوني تقريبا اعيش نفس الظروف ممكن اقسى شوي ولكن ولا مرة خممت كيما راكي تخمي نقولك علاه مهما كان الضغط محال نوصل فوق الضغط هذاك نزيد نضر روحي عندبالك كي ديري راجل وتحبي راح ترتاحي وشكون قالك راح يكون وليد اصل وراجل لأنو اللي ييخاف ربي صح محال يعشق ويدير مرا يتزوج ويحب الحلال
إنت في بلاصة اللي تروحي ديري حاجة وتضري روحك خمي تغلبي على الضعف هذا والإحتياج اللي فداخلك كلما تتقربي من ربي وتدعي وتخمي إنو كاين شيطان داخلك ينادي يحاول يحطمك إنت قولي ربي خير كل شي مقدر اختي
هل عدل إنك ترمي روحك لراجل غريب وما تعرفيش طيفاه تضيعي وكان مشيتي فالطريق هذي ما عندهاش مدخل الصراحة نكون خدامة لخاوتي ولا نكون عشيقة لراجل قربي من ربي وشوفي طبيب نفسي مش عيب على العكس على الأقل كاين مع من تحكي وديفولي وايضا جربي تعمري وقت فراغك وانا نقولك الحل كلو فالصلاة والدعاءو إشري كتاب الإستغفار والله يعاونك بزاف
ربي معاك

رد: الظغط يولد الانفجار

ربي يفرج عليك ختي

رد: الظغط يولد الانفجار

رد: الظغط يولد الانفجار

مساء الخير عليكم جميعا اختى الباهيه حالتك محيرة صحيح ان كاين بعض العائلات المحافظه جدا لكن ليس بهذا المنظار عائلتك زودوها وامك اكثر يمكن هي خايفه تروحي وتخليها ومتلقاش اللي ايعاونها علاخاطر والفت بيك انت وانت هى ايديها في زوج ماشي اليمنه برك وزيدي انت هي اللى مربيه ولاد خاوتك وشايفه كل شئون العائله كبير وصغير شوفي ماهوش الحل الزواج باه تقولي بلي تهربي منهم بهذي الطريقه صح الزواج سترة للمرا لكن عسى ان تحبوا شئ وهو شرا لكم وعسى ان تكرهوا شئ وهو خيرا لكم ممكن تطيحي في راجل اقسى منهم وممكن ايجيك راجل احن واطيب منهم العلم لله اختى الباهيه هذى المرا ما ترفضيش وماتخليش ماماتك ترفض وتقرر في بلاصتك في الاول والاخير هذى حياتك انت برك انت اللى رايحه تعيشيها بالباهي والخايب فيها وزيد الهاتف والحكايات تاع الليل وتقولي نبات نحكي ونديفولي ما هوش حل ساعات تحبي واحد وتحكى معاه الليالي وتعيشي اوهام واحلام برك وتجي تفيقي تلقيها سنين وانت معاه ومن بعد تنوضي على مكان والوا ربي معاك رايحه ندعيلك بالستر وربي ايجيبلك اللى فيه الخير تحياتي لكل محتارة

رد: الظغط يولد الانفجار

رد: الظغط يولد الانفجار

رد: الظغط يولد الانفجار

السلام عليكم و رحمة الله
اولا و قبل كل شيء يا ريت تقوليلي عمرك
و ايضا كاين امور ما فهمتهاش
من جهة تقولي العايلة متشددة و الخروج ممنوع
و من جهة عندك صديقات و انك عملت و غلطت

يا ريت توضحي اكثر


المهم انا الكلام لي نقولهولك ربما يكون مغاير لكلام الكثيرين
في رايي انه بما انو عندك هذا الشعور بالذنب و هذه النفس اللوامة هذا مبشر خير ان شاء الله
لانو كاين لي يغلط و محال يستعرف بلي غلط
هنا تعرفي بلي قلبك فيه من الخير الكثيييييييييييييييييير فقط وسوسة شيطان و نفس ان شاء الله تقدري تتغلبي عليها
شكون فينا معصوم من الخطا
ماكانش شجرة ما يهزهاش الريح
انت مش اول و لا اخر وحدة تحب تعيش حياة خاصة بها
الخطأ وارد لكن المهم انك تتداركيه و تصلحيه

و انا ما نكذبش عليك و ما نوافقكش اذا وصفت حالتك انها نتيجة للتشدد لانو عايلتك بما انها محافظة مش معناها انها متشددة
هي محافظة صح و هذه فرصة الاف البنات ما لقاوهاش
و البنت لما تنتابها افكار و حب للمغامرات مش بالضرورة تكون تحت الضغط
ياما بنات نعرفهم من عايلات متحضرة و راقية لكن غلطو بزاف
احمدي ربي انو عطاك عايلة تعرف قيمة الحرمة و محافظة
مهما كان ـ عايلتك تحب لك الخير و اكيد عندها صورة متمنيين يشوفوك انت فيها
ربما طريقة معاملتهم ماكانتش صحيحة على ذاك خلاتك تكرهي الجو هاذاك لكن ما نظنش انه التشدد كيما وصفتيه انت هو السبب
انت عندك شخصية تحب المغامرات و ايضا حسيتك تفتقدي للحنان و الاهتمام و انه علاقتك مع الام تاعك مش منسجمة مية بالمية و الله اعلم
نصيحتي ليك يا اختي العزيزة انك تجاهدي نفسك اولا و تكوني كيما تحبي روحك تكوني
و ثانيا اتقربي من الله اكثر و اشغلي وقتك بطاعة الله و صدقيني رح تحسي بالسكينة ان شاء الله
و ما تنسايش انه الدعاء هو مفتاح الفرج ادعي ربي سبحانو و وانت متاكدة بلي هو مهما غلطتي الا انو لما تدعيه من قلب خاشع و واثق ما يخيبكش ان شاء الله
و ديري في بالك بلي ربي سبحانو مستحيل يحرمك من حاجة فيها خير ليك
و اذا اخرها لحكمة يعلمها هو و هو لي يعرف الوقت المناسب ربما لانو عقلك مازال ما نضجش كيما لازم او انو لي تقدمولك ما فيهمش الخير ليك او انو بقاءك في بيت اهلك احسن .ما تتخيليش الزواج ساهل و ما تتخيليهش رومنسية في رومنسية بل بالعكس كاين زواجات تخلو الوحدة تتمنى تزيد تبقى عند اهلها الدهر كلو و ما تعيش زواج فاشل
و ثالثا يا اختي بعدي على الصُحبة لي تشعل في قلبك ما لا يرضيك و يرضي الله بعدي على البنات لي كلامهم غير على الامور لي انت الاولى عارفتها مش مليحة الصحبة عندها دور كبير بزاف اعرفي مع من تتكلمي
ما تتقلقيش كل عطلة فيها خير و حنا ما ناش عارفين الخير وين راه
ان شااااااااااااااء الله ربي يرزقك بالزوج الصاااااااااااااالح عاجلا غير اجل ان شاء الله
و تبشرينا و نفرحو معاك

رد: الظغط يولد الانفجار

قال التوحيد أولا:

السلام عليكم ورحمة الله وبركاته
الله المستعان.
هناك عائلات,الإستقامة عندها معناه كلّش حرام بدون مناقشة أو بدون غرس عقيدة سليمة في نفوس أبنائها تسمح لهم فيما بعد عيش حياة سعيدة تُرضي الله حتّى في غياب الوالِدين !! ولكن ينتج عنه إلتزام ظاهري فقط وخرابٌ في الباطن والله المستعان !!
واش راكي تمري بيه أختي إن شاء الله مايتعدّاش حديث نفس وفضفضة.
مشكلتك تتلخص - على حسب مافهمته- في حاجتكِ الماسّة للحنان والعطف , وانجرّ عنه مشاكل أخرى كرغبتك في التحرر و سخطك على قدر الله و غيره.
أختي الطيبة لم نخلق في هذا الدنيا لنعيش بتحرر بدون ضوابِط ولا زمام يمسكنا ...بل خلقنا اللهُ سبحانه لعبادته. فكم من فتاة لم تتزوج ولكن عاشت في سعادة تحسدها عليها المتزوجات لأنها أرضت ربها فكان جزاؤها حياة طيّبة , مصداقا لقوله تعالى (( مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةًوَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ))
لذلك فاستدلالك بلي مشاو ودارو وعملو – ربي يعافينا وإياك – باطل !و فيه نوعُ قدحٍ في حكمة الله عز وجلّ , واش درّاك أنهم أداو أزواج صالحين ؟؟ و واش درّاك أنو يكون استدراج ليهم ... فالذنب لا يُنسى أخيتي ...حتى ولو نساتو المرأة هاديك لي دارت وعملت راهو في الكتاب مسطور... ولكن الحمد لله نظنّك أنضج من هذا بكثير وحكايات المراهقات فكريا هادو ما يستدرجوكش.
لذلك أول شيء عليك فعله الإبتعاد عن هاد لبنات ومجالستهم , و اتخيري صحبة صالِحة في المسجد واشغلي روحك بحفظ القرآن و العلم النافِع.
ولكن رغم هذا, حاجتُك الغريزية لا تُلامين عليها , لذلك فخيرُ مصرفٍ لها الزوج الصالِح اللي -إن شاء الله- تعيشي معاه مشاعِر طيبة و تُحِبين وتُحَبين ومع كلِّ ذلك تعيشين في رضا لأنه علابالك أنك تُرضين الله . أما مايوسوس لك فيه الشيطان أنو تهدري مع الشباب الصّايع الذي ضيّع بنات المسلمين , فنسااااااااااااااااااي , والله وبالله إنساي أنو راح يشعرك بأنوثتك بل يضحك عليك و يأخذ منكِ ما يسدّ به شهوته ومن بعد لما يكره يقول للوالِدة ديالو اخطبيلي وحدة بنت فاميليا !!! وأيضا اللذة لي حاتناليها أخية –واللهِ الذي لا إله غيره – أنّها آنيّة , لأنّه من سنن الله أن ماعنده لا ينال إلا بالطّاعة ...لذلك من بعد الحسرة تقتلك ولن تجدي لذة في حياتِك.
لذلك أخيتي , استعذي بالله من الشيطان و أحسني الظنّ بالله, وماتخليش التوسويس ديالو أنك منافقة وماتستحقيش رجل صالِح ..الخ , بل ادعي الله أن يرزقك صالِحا لأنه هو لي يسعدك بإذن الله في الدنيا , ويُعينك على طاعة الله فتسعدين في الآخرة ...لذلك إذا جاء الرجل الصالِح أقبلي بدون تردد وقولي مباشرة لوالدك , ماتجوزيش على والدتك إذا كانت تجبرك على رفض الكفؤ.
بالنسبة لوالديك , احمدي ربي أختي والله, وشوفي في الناس اللي راهي تعاني مع والدين يفرضوا عليهم معصية ربي ... أما عن الدراسة فيا أختي وكأنو المستوى تاع الدراسة في بلادنا ممّا يُتحسّر عليه , الحمد لله راكي في نعمة وكان تستغليها المستوى ديالك يولي خير من الآخرين , اشغلي وقتك بحفظ القرآن و طلب العِلم الشرعي (خصوصا العقيدة) و تقدري أيضا تتعلمي التصميم و عمل المطويات الدعوية وغيره , والله راح تلقاي متعة كبيرة خصوصا إذا نفعتي بيها.
وفي الأخير آسفة على الإسهاب في الكلام , ما أردت إلا أن يكون كلامًا من أخت إلى أختها.
أكثري الدعاء أخية ولا تجعلي للشيطان – والعياذُ باللهِ منه – عليكِ سبيلًا.
وربي يحفظك ويرزقك الزوج الصالِح.​

إضغط للتوسيع...

رد ممتاز أختي الكريمة بارك الله فيكي

رد: الظغط يولد الانفجار

رد: الظغط يولد الانفجار