عضوة في ضيافة ركن العناية بالجسم (العدد الثاني:مع كرايزي أمونة)

• ونستعمل قومآآج العسل والقرفة نخلطهم مع بعضآآهم مليح ونديرهم فالليل بعد ما نغسل وجهي مليح ونخليهم لمدة نص سآآعة ونغسل بمآآء دآفي ،مرتين بالسمآآنة

• وندير تآني قومآآج بيآض البيض حبة وحدة + ملعقة صغيرة عصير قارص او برتقال + نص مغرف صغيرة زيت زيتون + ملعقتان صغار عسل نخلطهم مليح ونديرهم على الوجه مدة 15 دقيقة ،مرة فالسمآنة

• نستعمل سانسيلك لموف يرطب الشعر ويلمعو،

• فآآرماسي تآع لقآرص مفيد بزآآف للشعر وريحتو بآآهية نستعملو مع الاخير خلاه كي نكمل نغسل بش تبقى ريحة شعري بآهية :up:

• فــــآتيكآ تقوي الشعر وتخلي لاكولور تآع شعرك بآينة ملآحة وتلمع

• نستعمل بآنتين يقوي الشعر ويغديه

• ودوف ضد القشرة ينحي الزيوت المترسبة على الشعر وينظف المسآمآت ،

• بشرتي مش جافة ومش دهنيــــــة نورمال

• منستعملش خلآآه كريم اسآآس لبشرتي ، بشرتي صافية وجامي درتلها تغطية نستعمللها غير ليقومآآج ، وكي نحب نرطبها نستعمللها زيت اللوز ولا نستعمل هآد اللوشن مرة على مرة مش ديمآآ مليح بزآآف ويرطب

• بخصوص المكيآآج نحب نوعية بورجوآ ملآحة بزآآف ماسكآرآ + ايينآآر ، والآي شآدآو عندي نوعية تاع بور آمور

• وفي الاعراس راني نغمق شوي وندير الوان باينة بلو وفآآر مع شوي دوري ولا موف كلآر مع gري وروز ليسونسيآل ندير الوان باينة شوي متنآسقة مع لبستي ونرسم عيني من فوق بلاينآآر ومن تحت ندير كريون كولآآر يكون يبريي شوي ونديرو رقيق نرسم بيه عيني ولمسكارا راهي ديما كاينة هيا وليب قلوس في اي منآسبة نحطهم وحواجبي عندي فآتر سبيسيآل نرسمهم بيه نحددهم ونعدلهم جآي كلآر حسب لون حواجبي مي لبودر وكريم اساس جآمي حطيتهم على وجهي ومام لفاراجو جامي درتو انا بيضاء وخدودي روز وحدهم منحبش نفسد وجهي بكريم اساس مش مليح ننصحكم متحطوهش يغلق لمسمات سيرتو فالصيف مش مليح خلآه لبشرة تحب تتنفس ،

• الايدين مشكلة كبيرة فالشتاء كان متهتميش بيهم يتشققو ويجفو بون انا نستعمللهم لقارص وشوية سكر بش نقشرهم نحط كمية سكر في ايدي ونزي عليهم قارص حتى يتبل السكر شوي برك ومن بعد نحك بيه ايدي بطريقة دائرية لمدة دقيقتين لكل ايد من بعد نغسلهم بماء دافي وركزولي على لماء ملزمش خلاه يكون سخون باسكو لما السخون يشقق ليدين سيرتو مع الصباح ولبروبلام لكبير كي واحد يغسل بالسخون ويخرج برا تضربو نسمة باردة بشرة ليدين تخسر خلآه وتشقق نرجعو وين كنا بعد مانغسلهم بماء دافي نخليهم يرتاحو شوي 5 دقايق هكداك ونديرلهم كريم مرطب ،نستعمل هادو ليديآ

• + فازلين زبدة لكاكاو مليح بزااف بزااف وريحتو هايلة

• ولا ندير فازلين عادي+ كمية عسل + زيت لوز نخلطهم مع بعضآهم ونستعملهم ليديا قبل منيجي نرقد نرطبهم ، يعني كل ليلة نستعم حآجة نبدل بش بشرة ايديا تتغذى مليح

• نتمنى راني فدتك

قال magique:

سلام حنونة
نورتي البلاصة بوجودك ياالزينة

إضغط للتوسيع...

وعليكم السلآم الزينة ديآآلي

النور نورك حبيبتي :$

ليوم نهردك بلي كيستيون حتى تحوزيني هههه
ايا نبدااااو من الفوق ونهبطو..

إضغط للتوسيع...

ههههههههههـ شبعتيني دحك معليش رآني نموت على ليكستيون كل يوم ادخلي حطي 100 :d

لون البشرة؟؟

إضغط للتوسيع...

بشرتي بيضآء ، ابيض شوي من لافوطو لي حطيتيهآ :d

اسكو عانيتي من les ponts noires ولا لالا؟؟ وش لا سوليسيون؟؟

إضغط للتوسيع...

ليبوآن نوآر يجوني وحآيد برك على le nez تآعي وباقي بشرتي منعانيش منهم
ندير حمام بخآري لوجهي كمية مآء ونحط فيها شوي نعنآع وقآآرص ونخليهم يغلو بعديكآ نحطهم في كيفآآت وندير سرفيات على راسي ونهبط بش لبخار اداك كامل تمتصو بشرتي ونكون مهبطة السريفات اديك عوجهي مدة 3 دقايق هكدآك بعديكآ نحط كمية تاع كرام مرطب على ليبوان نوار ونشد خيط على طراف صباع ايديا لندآآكس ونحطو على le nez على ليكوتي ونبدا نطلع فالخيط ادآك ونضمو شوي على الجيهآت كآآمل تلقاي الترسبات اديك كامل تتنحى من بعد نغسل بماء بارد وندير قومآآج تآع نشاء + كمية ياوورت ونحطهم على وجهي كامل بش يتغلقو لمسامات ونخليهم حتى ينشفو بعديكا نغسل وجهي بماء بارد

لي ساااااغن!!! هل تعاني منهم وكيفاش تتخلصي منهم ؟

إضغط للتوسيع...

ميجونيش ليسانر بزآآف غير ديفوا برك كي نتعب ونقلق بزااف

• بش نتخلص منهم نرابي حبة خيار بقشورها + حبة بطاطا بقشورها ونخلطهم مليح بيدي حتى يخرجو العصارة تاعهم كامل ونحطهم فليمول تاع لفريز ونجمدهم يوم كامل بعديكا المكعبات ادوك كل وين نيجي نرقد نستعمل وحدة ندير بيها ماساج خفيف على عيني من تحت حتى يدوب كامل ويبقة غير بطاطا ولخيار نحطهم من تحت على عيني ونبقى بيعم قيس ماقدرت من بعد انحيهم ومنغسل حتى لغدوة بش نغسل عيني بش تمتص لعصارة اديك كامل ، وكي نشوف ليسانر جوني نحاول نبعد على المنبهات كوفي ولآتآي منشربهمش خلآآه

نوع مكياجك اليومي؟؟ وشيهوا واسكو تعتمدي على المكياج باش تخبي مشاكل البشرة ولا تعالجي المشكل من اساسو؟؟

إضغط للتوسيع...

• مكياجي سآآمبل ندير ماسكآرآ بورجوا وليب قليس ، ديفوا وين نحط آي شآدآو كلآآر يكون لون ترآبي روز كلآآر ولا بني فآآتح خلآه ، ونحط كريون نرسم بيه عيني من تحت يكون كولور تاع لبستي

• منستعملش خلآآه كريم اساس ولا تغطية لبشرتي ومنعاني حتى من مشكلة ديفوا يخرجولي حبات على جبهتي كي يحبو يجوني ليسبوزي برك من بعد يروحو انا انضف بشرتي بزااف من منعاني من حتى مشكلة باسكو كي تبقاي تغطي عيوب بشرتك بليكرام راح تزيد تسوء حالة بشرتك اكتر

وش هي لا غوتين تاعك كل صباح كي تنوضي؟؟ قصدي الخاصة بالعناية بالوجه ووكاامل!!

إضغط للتوسيع...

• ديفوا مع انوض ندير دوش الصبآآح مليح بزآآف ينشط واي افرازات دهنية تتنحنى ننصح لي حاب بشرتو تولي ملآحة خالية من مشآآكل تاع حكة ولا حبوب يدوش الصباح باسكو لكور بعد النوم يدير افرازات دهنية سيرتو الوجه رايحين تلاحظو كان تجيبو قطن مع الصباح وتحكو بيه وجهكم ولا كش بلاصة من جسمك رايحة يتبدل لون لقطن ، فالدوش الصباح نغسل شعري مرة وحدة برك بش يتفتحو مسامات شعري ويتنحو الزيوت لي فيه باسكو الشعر عندو دور كبير بالبشرة الي خلى شعرو بزااف يطول بالزيوت تاعو بشرتو راح تعاني بزااف من الحبوب والدهون
  
• من بعد نغسل جسمي بجال شآآور مرة وحدة ولا مرتين ونخرج منكترش فالدوش بزآآف يعني غير دوش خفيف خلآآه ، وايدا مدرتش دوش رآني نغسل وجهي مليح بهآآد الغاسول

• بزآآف مليح ينظف ويبيض ويرطب البشرة من اول استعمال راح تلاحظي الفرق ننصحكم تستعملوه ومتغسلوش خلآآه بصابون عادي ومعطر راه يخلي لبشرة تتشقق وتولي نآآشفة ايدا استعملتو صابون ننصحكم بصايون لجزر انا مرة على مرة نستعملو سيرتو فالليل نغسل بيه بزآآف هآيل ،
  
• كيما قلت ايدا ادوشت راني كي نخرج نروح انشف شعري بسآىش من بعد نروح ندير ترطيب لبشرتي وجسمي كآآمل ، بش متنشفش من الدوش وايدا غير غسلت وجهي برك راني نروح نفطر وندور شوي :d من بعد نروح نرطب وجهي بلوشن دوف ولا فازلين زبدة لكاكاو ولبارح شريت فازلين تاع خلآصة الصبآر مليح بزآىف استعملتو لبارح وليوم مصورتوش كي نصور لبوآآت دوكآ نحطهآلكم وحدهآ تشوفوهآ :p

امممم....
وش تديري باه تحافظي على ريحتك شابة وريحة نظافة؟؟

إضغط للتوسيع...

• نحآول كل زوج ايام ندوش يعني منفوتش 3 ايام باسكو تعرفي المرأة ديما جسمها يدير افرازات ريحتها تتبدل تم تم كان متنظفش روحها ديمآ وتنحي الشعر الزايد

وبش تبقى ريحتي ملآحة ندوش بجآآل دش ادآ بزآآف هآآيل ، تآع بالموليف جوز الهند ريحتو هآيلة بزآآف ويرطب الجسم ، وبآرلمآر مام هو ريحتو فوور خلآآه ننصحكم تستعملوه باهيين بزآآف للجسم استعملت بزاف ليجال شاور مي لقيت هادو لي يفيدو لبشرة بزآآف ويخلو ريحة باهية تبقالك يوم كآآمل بلا متحطي بارفآآن

- ولي معندهاش جال شاور كيما هادو ولا ملقاتهمش لقات وحايد خلآآف تقدر كي تيجي تخلص تحط كمية بارفان لي تحبها هي في كمية ماء وتغسل بيه مع لافان خلآه رايحة تبقى الريحة اديك فلكور كآآمل احسن من انك تستعمليها ديراكت على جسمك

• ولا اديري كمية زيت لآفآندر في بينوآآر وتبقي تم 15 مينت يدير ريحة باهية خلآآه

• وديفوا نستعمل بودرة انشانتور الروج بزآآف ريحتهآ هآآيلة :up:

كيفاش تهتمي بروحك ف la periode menstruelle ؟؟

إضغط للتوسيع...

• لاشوز الولة اني كي نكون مريضة بليسبوزي نبقى غير 3 ايام وتروح عليا يعني منعانيش منهآ ،
• التنضيف فليآم ادي لازم بزآآف ، تلقآيني نشونجي ملآبسي الدآخلية 2 فوا فليوم ونشونجي وآحد ليشوز 3 فوآآ :d نلبس ملآبس قطنية بآسكو ميديروش ريحة
  

• نستعمل الوآيز لي تيجي في بوآآت روز باسكو بزآآف ريحتهآ شآبة

• ونغسل بمآء سخون قدر مانتحملو نكون حآطة فيه خزآمة + ازهار لبابونج نشريهم من عند لعشآب ونغليها فيه مدة 5 دقايق ونحطها تبرد شوي ونغسل بيها باسكو ينظق ينحي الافرازات ويخلي ريحة باهية و اي غاسول نشريه منستعملوش فليآم هآدو من بعد انشف مليح ملزمش نبقى مبلولة مدايرة ديسارفيات خاصين باسكو بلاصة تكون مندية ادير بيكتريا وبالتالي ادير روائح مش ملآحة

هذا مكان جاوبي ومن بعد نوليلك

إضغط للتوسيع...