ملف وصفات الاطباق الرئسية مجربة

[حكيك]

اخواتي
نضرا لكثرة المواضيع اي الوصفات المجربة
من صنع ايديكم
هنا تجمع الوصفات الاعضاء مع صورة
لكل وصفة او رابط ليتسنى الاعضاء
الاطلاع والاستفادة اكثر
حيت اقوم بوضع المواضيع هنا
شكرا



​

 

[حكيك]

السقيرية......nawal1980

سم الله الرحمان الرحيم
السفيرية
المقادير
نقطع الخبز مكعبات صغبرة + شوية قرفة+شوية جوزة الطيب + شوية ليفور كيميائية+بياض بيضة
نشمخو بالحليب

نغطيه ونتركو جانبا



نحضر المرقة
نقلي طراف الجاج+بصلة مسكرفجة +ملح +فلفل اسود+قرفة +جوزة الطيب+حميصة مشمخة

كي يطيب الجاج نحيوه جانبا ونترك لحميصة تطيب

نشكل كويرات الخبز

نعمل تقبة في الوسط بواسطة الاصبع

نقطع الفورماج مكعبات صغار

نحشي كل كويرة بالجبن ونغلقها جيدا



نقلي الكويرات في زيت سخون



هدي المرقة راهي تكمل الطياب

نقطر الكويرات تم نجففهم فوق ورق ماص

وهاهو الطبق

nawal1980
​

 

[حكيك]

وصفة برانية بالدنجال ........كوثر الوهرانية

السلام عليكم اليوم
وصفة برانية او بالدنجال
المقادير:
500غرام دنجال مقطع شرائح و منقوع في الماء و الملح مدة ساعة تقربا
لحم خروف حسب افراد العائلة
قليل من الحمص المنقوع ليلة كاملة
1طماطم مرابية
1بصل كبيرة مرابية
ملح+ حرور +قليل من الزعفران+قليل من السكنجبير
قليل من الزيت للتقلية الطنجرة
فصين من الثوم +قليل من الكروية تقلى في قليل من الزيت
الطريقة:ناخد طنجرة نضع فيها الزيت ثم الحم و نتركه يتقلى ثم نضيف البصل مرابي و نقلي جيدا ثم الطماطم مرابية و نقلي جيدا نضيف التوابل حرور +ملح +زعفران+سكنجبير و الحمص و نمرق بالماء و نتركه ينضج حتى يطيب الحم و الحمص و تكون المرقة خاترة
ناخد مقلات نضع فيها 2ملعقك اكل من الزيت +الثوم القطع قطع صغيرة جدا + الكروية نتركها تتقلى قليلا ثم نضيفها الى المرق نتركه يغلي مدة دقيقتين و نطفي
ناخد مقلات نضع الزيت و نقلي الدنجال بعد ما نكونوا صفيناه من الماء و قطرناهl
التقديم ناخد صحن نستف الدنجال فيه ثم نضع اللحم و نسقي بالمرق و الحمص
ملاحضة نستطيع اضافة البطاطة المقلية دوائر
كوثر الوهرانية​

 

[حكيك]

طاجين الزيتون.........ibtessem

المقادير
كرعين
قليل من اللحم
زيتوم جزر مقطع رقيق
بصل وثوم
طماطم علب وحب
راس الحانوت والملح وفلفل لحمر وبارد
التحضير
نحضر طنجرة نضع زيت واللحم والبصل والثوم
حتى يتقلى نضيف الطماطم العلب والحب
والزيتون والجزر
الى ان يطبخ
من جهة اخرى نطبخ الكرعين في الككوط
ونصفيهم من العضم ونضيفهم الى المرق
عندما تطبخ نهرس الكروية نع الثوم ونقطع الدبشن او الحشيش
نضعها فوق الخليط ليخذ نكهة جيدة
اليكم الصور​

ibtessem
​

 

[حكيك]

طريقة إعداد عجينة الرشتة بالصور.........lina11

طريقة إعداد عجينة الرشتة بالصور ​

للمقادير :
مقادير بسيطة وفي متناول الجميع
كمية من الطحين (فرينة)
كمية من الدقيق (السميد)
ملح
ماء دافيء
والباقي بالصور

lina11
​

 

[حكيك]

خضار بالبشمال من مطبخي..........ibtessem

خضار بالبشمال من مطبخي
المقادير
جزر مقطع مربعات
بطاطة مقطعة مربعات
كوسة مقطعة مربعات
نفور الخضار نغطيها بكيس بلاستيكي تفور في 5دقائقطبعا
نضع عليها ملح وفلفل اسود
التحضير
نجهز مقلات فيها زبدة وسنة ثوم وقليل من البصل وكركم ومعدنوس مقطع +قليل من جوزة الطيب
نسكب الخضار الى ان تتشرب الزبدة +زيتون اخضر مقطع وتمزج معها باقي المكونات
نضعها في مول تاع الفرن مع البشاميل وفوقها الفرماج رابي
اليكم الصور توضح دالك​

 

[حكيك]

تليتلي منمطبخي............ibtessem

تليتلي

المقادير
كيلو تليتلي
بصل
خضر جزر بطاطة كوسة حمص اللحم او دجاج
حمص فلفل اسود قرفة ملح زبدة
التحضير

نحضر الطنجرة نضع اللحم او الدجاج نضع الزبدة
نقطع البصل نضع الملح والقرفة والفلفل الاسود والحمص
نتركها تتغلى مع بعض نضيف الماء والخضار الا البطاطة
نغلي البطاطة والبيض في الماء
نعود لتحضير التليتلي
نضع التليتلي في الصحن واسع نسكب عليه الزيت ويسمغ ونضعه يتفور
عدد التفويرات ثلاثة
في الاخير نضعه في الصوص يتشري بعد منكوم خرجنا اللحم والخضار المطبوخة
نقشر البطاطة ونقسمها الى اثنين ونقليها من يحب الفلفل الاخضر ايضا يقليه

ونزين الصحن بالخضار واللحم والبطاطة المقلية والبيض والفلفل











ibtessem
​

 

[حكيك]

ملفوف من مطبخي...........ibtessem

كرم او ملفوف باللحمة المفرومة
المقادير
ارز اللحم مفروم طماطم علب ثوم بصل معدنوس ملح وبهارات الزيت
فلفل اسود راس الكرم
التحضير
نخلط كل اللوازم مع بعض وبعد منكون فرقنا الراس الكرم ووضعناه على النار
قليلا والصور توضح او تشرح لكم كل شئ
ارجو ان ينال اعجابكم​

ibtessem

​

 

[حكيك]

لاسوب تشهي و بنينة..............كوثر الوهرانية

السلام عليكم و رحمة الله و براكاته
​

لا سوب نخليكم مع الكيفية
​

المقادير:
1بصلة كبيرة
​

4 حبات بطاطا كبار
​

ربطة من اوراق الكرافص
​

1ملعقة اكل زبدة
​

1قطعم فرماج انا استعمل الشاف
​

1ماجي قوا دجاج
​

قليل من الملح
​

الطريقة:
ننضف البطاطا و البصل و نضعهم في طنجرة +الكرافص+قليل من الملح+ ماءنضعهم فوق النا حتى يطيبوا و يكون المرق قليل نضيف الفرماج+ ملعقة الزبدةو نطحن بالميكسور
​

ادا كانت خفيفة رجعيها فوق النارحتى تتقال
​

و شهية طيبة
كوثر الوهرانية
​

 

[حكيك]

طاجين عش البلبل من مطبخي

طاجين عش البلبل من مطبخي
المقادير:
اطراف من الدجاج ويفضل تكون من الصدر
500غ من اللحم المرحي
250غ من الفطر
2 بصل
100غ من الجبن الابيض
2 الى 3 بيض حسب الحاجة
ملح وفلفل اكحل و زعفران وسكنجبير و قرفة
2 مغارف من السمن او الزيت
حبات من الزيتون للتزيين

التحضير:
نضع الدجاج في الطاجين+ بصلة مسكرفجة+السمن او الزيت+ التوابل و نقلي مليح ثم تمرقي بالماء لما تغلي تضيفي الفطر وتخليهم يطيبوا.
ثم لما يطيب الدجاج نخليه يبرد ونحولو العظام ونطحنوه

ثم نضيف له البيض والجبن قد ما يتلم

ثم ناخذ اللحم المرحي ونضيف بصل مسكرفج+ ملح وفلفل وقرفة + بيضة تحبي تزيدي خبز مرحي باش يجي بزاااف اختياري

ثم نشكل من اللحم المرحي كويرات ونبسطهم ونشكلهم على شكل عش

ثم نعمر الاعشاش بحشوة الدجاج وندخلهم يطيبوا يتحمروا مليح يكون الفرن متوسط


لما يطيبوا تحطيهم في صحن وسقيهم بمرق الفطر وزوقيهم بالزيتون على شكل عش







ياسمين177
​

 

[حكيك]

اسكالوب بصلصة الثوم............ياسمين177

اسكالوب بصلصة الثوم

المقادير:
اسكالوب شرائح او صدر دجاج مقطع مربعات
2 راس ثوم كمية الثوم تكون بزيادة
ملح و فلفل اكحل
زيت
1 صفار بيضة
مغرف اكل ابيض
مغرف عصير ليمون
التحضير:
بالنسبة لصلصة الثوم نضع الثوم في خلاط كهربائي ونطحنوه ناعم ونضيف له صفار بيضة والخل والليمون وملح وفلفل ونطحن ونضيف الزيت تدريجيا ونخلط حتى تصبح كالمايوناز

ثم ناخذ شرائح الاسكالوب ونديرلها صلصة الثوم ونحتفظ بقليل
منها للتقديم ونخليها ساعة او اكثر واذا عندكم الوقت خلوها
تبات كل ما ترقدت اكثر تجي بنينة اكثر

ثم نضع 3 مغارف زيت في مقلاة غير لاسقة ونحط الاسكالوب
ونخليها على نار قليلة

و نقلبها مرة على مرة حتى تتحمر

ثم تقدم مع الصلصة التي احتفظنا بها وتقدم حسب الرغبة مع
بطاطة مقلية او ارز.......الخ
اتمنى تعجبكم.



ياسمين177
​

 

[حكيك]

طبق الارز مع الفطر والدجاج ............nada242008

طبق الارز مع الفطر والدجاج من مطبخي
المكونات
ارز بسمتي
علبة فطر مقطع الى شرائح
زيتون اخضر منزوع النوى مقطع
موطارد
حبة قارص
ملح + فلفل اكحل + شوية زبدة
صدر دجاج مقطع مكعبات

الطريقة

نضع الزيتون في كسرونة مع نصف حبة قارص ونغليه ومن بعد نصفيه.

على النار نحط ماء يغلي ونضيف له ملح + شوية زيت وبعد مايغلي نضيف له الارز
ونطيبه نص طياب. ومن بعد نصفيه ونصب عليه ماء بارد ونتركه يقطر من الماء

بعد مايقطر الارز جيدا نحطو في الكساس حتى يفور ويطيب نهائيا.
في قدر على النار نضيف 3 مغارف كبار زبدة ونضيف لها الفطر مع الفلفل اكحل ونشوحها قليلا.

ثم نضيف ملعقة كبيرة موطارد ثم الارز والزيتون المصفى ونخلط الكل ثم نطفىء النار عليها.

نرافق طبق الارز مع صدر الدجاج
نقطعه الى مكعبات ونضعه في مقله مع شوية زيت مع مغرف كبيرة موطارد + ملح + فلفل اكحل + عصرة قارص.

​

 

[حكيك]

غرآتآن بصلصة طمآطم واللحم وكرآت البطآطآ ¦¤™........راجية العفو

السلآم عليكم ورحمة الله
المقـآدير :
صلصة طمآطم
لحم مرحي مطهي مع التوآبل والبصل ...
بيشآميل مع جبن
بطآطآ مطهة ومرحية مع معدنوس وزبدة وقليل حليب
جبن مرحي
طريقة التحضير :
أولآ في مول توضع صلصة الطمآطم

ثم طبقة من الحم المرحي الجآهز يعني مطهي ...

ثم طبقة من البيشآميل

ثم تكور البطآطآ كورآت صغيرة وتوضع فوق البيشآميل

ثم أخيرآ الجبن المرحي

هنآ انظرو إلى الطبقآت :001_wub:

ويدخل للفرن حتى يتحمر

ويقدم

​

 

[فاتي الجزائرية]

طريقة تحضير البانى
ناخد سكالوب داند اتكون رقيقة
فرينة
خبز يابس مرحي
حبة بيض
ملح
فلفل اسود
كمون اخضر
التحضير
ناخد كل من البيض و الفرينة و الخبز المرحي لا شابير ونضيف لكل منهما على حدى الفلفل الاسود والكمون و الملح ثم ناخد شرائح الداند ثم انرمدهم في الفرينة اولا وبعد دلك في البيض واخيرا نرمدها في الخبز المرحي وبعد ان اكمل العملية كلها نقوم بقليها في زيت ساخن
واخيرا بالصحة او الهناء وهده هي الصورة

 

[حكيك]

طاجين الزيتون بالدجاج من مطبخي..........nada242008

المكونات
بصل مقطع
2 حبات جزر
دجاجة كاملة او قطع دجاج
زيتون منزوع النوى
كاس ماء
الطريقة
يقطع البصل ويقلى مع الزيت وشوية زبدة

ثم نضيف الدجاجة مع الملح والفلفل الاكحل

ومن بعد نضيف الجزر ونقلي مليح ومن بعد نمرقو بكاس ماء واحد
ونغلقو طنجرة الضغط ونبدا نحسب ربع ساعة من بعد ما تصفر
ومن بعد نحط الدجاجة في مول وندهمها بالزبدة ونخليها تكمل طيابها في الفرن حتى تطيب وتتحمر.

نغلي الزيتون مع نصف قارصة مرتين ونصفيه
ونضيف الزيتون الى الطنجرة ونتركه يغلي 10 دقائق

وهذا شكلو بعد التقديم

 

[حكيك]

غراتان البطاطا مع اجنحة الدجاج..........nada242008

المكونات
اجنحة دجاج او قطع دجاج
بصلة مقطعة
3 سنات ثوم مهروسة
اوراق رند
ملعقة اكل موطار
زيت + شوية زبدة ذايبة
ملح + فلفل اكحل
حبات بطاطا
الطريقة
نحضر التتبيلة بخلط البصل + توم + اوراق رند مكسرين +موطارد +ملح وفلفل اكجل وشوية زيت وزبدة

ثم نضيف لها قطع الدجاج

نقشر البطاطا ونقطعها دوائر بسمك 2 سم تقريبا ونضيفها الى التتبيلة ونحطها في مول

ومن بعد نغطيها بورق الالومنيوم ونحطها في الثلاجة لمدة ساعة

وفي الاخير ندخلها للفرن لمدة ساعة ونصف

وتقدم

 

[حكيك]

طاجين الجلبانة...........هبه الرحمان

طاجين الجلبانة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 3056×2292.

الطاجين ساهل الطياب ما يديلكش بزاااف وقت

1- ديري الملح للجلبانة و حطيها تفور كي طيب نص طياب نحيها و ديريلها توابل الي تحبي - فلفل اسود + كمون...كيما يحب قلبك
2- حطي البطاطا تتشرشم و كي طيب رابيها
3-حطي كأس روز يتسلق
4- خلطي الجلبانة و البطاطا و الروز و زيديلهم 4 عضام و فرماج الكمية الي حبيتي و حطيهم في المول الي تكوني دهنتيه من قبل بالزبدة او الزيت
5- للتزين شرشمي 2 عضام و اقسميهم كيما في الصورة و زيني بيهم الطبق
و أدخلي الصينية الى الفرن حتان اطيب

​

 

[حكيك]

سمك من مطبخ ابتسام.......

سمك من مطبخي مع البطاطة والسلطة

المقادير

سمك مغسول ومنضف
صلصة السمك هي ملعقة ونصف طماطم علب وثوم زيت الزيتون كمون ملح فلفل حار احمر او هريسة يخلط الكل مع بعض
البطاطة تغلى بالقشر تقشر وتقطع مربعات كبيرة وتقلى عند الاحمرار تخرج ونحضر المقلات توضع فيها الزيت والمعدنوس والملح والفلفل احمر اليابس مكسر وثوم عصير القارس
وتخلط مع البطاطة
السلطة توضع فيها زيتون اخضر واسود جبن و الخبز مقطع مربعات ومحمر طماطم والخيار مقطع مربعات واوراق السلطة مقطعة
اليكم الصور​

​

 

[حكيك]

(طبق الأرز بصلصة الطمآطم وكرآت اللحم) •·.·°¯`

السلآم عليكم ورحمة الله​

طبق الأرز مع صلصة الطمآطم بكرآت اللحم
​

المقـآدير :
أرز
لحم مفروم
صلصة طمآطم
ملح
فلفل أسود

طريقة التحضير :

يطهى الأرز في المـآء والملح والفلفل الاسود
يجهز اللحم المفروم مع البصل المفروم وكل التوآبل حسب الرغبة
يكور ويقلى في قليل من الزيت ثم تجهز صلصة الطمآطم
أنآ استعملت نصف علية صلصة جآهزة مع نصف العلبة مـآء
وتضآف عليهآ كرآت اللحم الكل فوق النآر حوآلي 10د
بعد مآ يجهز الأرز يصفى ويوضع في طبق وفوقه الصلصة مع
كرآت اللحم ويقدم :wink:

​

 

[حكيك]

قراتان البطاطا من كتاب سميرة بالصور...........nawal1980

بسم الله الرحمان الرحيم
بطاطا(حوالي 1.5كغ) مغلية في ما +ملح +شوية فلفل اسود(تحصلت على كمية كبيرة يمكن تعملي على حسب افراد العائلة )
بعدما تطيب نجوزها في رحيوة البطاطا
+2صفار البيض +معدنوس مقطع رقيق +جوزة الطيب +شوية فلفل اسود +فورماج رابي او مقطع مكعبات
نملئ كيس الحلواني ونشكل وردات في سينية نعمل جبن رابي من الفوق وندخلها للكوشة باش تحمار
واليكم الصور







​