°°نوزع في الدراهم باطل،، اللخر ميلحقش ^_^

[berbere d'aures]

ههههههههههههههههه
موضوعك فور خويا
و انا غير هاد المدة لي بديت نجي لواش راك تهدر
بالصح على حساب الشوفة بزاف حوايج راطيتهم
ما علينا
ربي يصلح الاحوال و الحالات و الاخوال و الخالات
اما بعد
خويا صح ماعندها حتى معنى هاد لعفسة تاع الحيوانات
بالصح كجواب مختصر على سؤالك : في الدزاير كاش حاجة غريبة كامل تلقاها
وكاش حاجة قيمة وفيها الفائدة ، غير حوس على المجهر " المكبر " باش تشوفها
ايا ميرسي على الموضوع
وعلى طريقة الطرح
تقبل مروري الصامط
سلام
​

 

[the summer]

حتى انا راسي خمج وانا باغية نفهم علاه هكدا الحمد الله سلك هادي العشرالاف منهم وحطو فيها صورة الامير عبد القادر وفقها مخبية مش حتى واضحة للعباد
سوجيك ماصراش
والله مانعرت واش هو الجواب نتمنى انا تاني نعرفو

 

[معاك يا الخضراء]

اول المقرعجات كالعادة:yahoo::yahoo:​

والله حتى انا حيروني،، علاه مدايرين تصاور تاع حيوانات:no_1::no_1:​

الناس مدايرة تصاور ابطال في الصوارد، وحنا تقول حاشمين بيهم:sneaky2:​

ولا الهواري بومدين

اسرا ما قبلتش
شوف في ردي في واحد الموضوع تاع الي بغي يزوج ضرك تاع دارين تلقاني حطيت تصويرتها مع راجلها بو مدين :closedeyes::closedeyes:
اما موضوعك المفيد جدا :yahoo::yahoo: عندك حق انا ثاني مانفهمش
بالاك باه كي يهزوهم لمصاروة يخافو منا :yahoo::yahoo:​

 

[فراشة الايمان]

الله غالب علينا ما تكملش معانا لازم فيها حاجة تكسر العين ههههههههههه
بصح غير احمدو ربي كي عندكم عملة اصلا
الواحد يشوف النص المليان مشي الفارغ
مشكور يا خويا و يزيك من التقرعاج .

 

[رضوة الجزائرية]

اه اه اه

غير ربي يهدي فقط ويجبلينا اهل التقوى باش يفكرو مليح قبل اي شي هدو هما الرجال لي لازمينا في دزاير
​

 

[Mr mino]

هههههههههههههههههههههههههه

وعلاش خويا غير هاد الدراهم لي مافهمناش وعلاش مدايرين هاكا ؟؟

راهي دزايرر كامل ماراناش عارفين منين نبداوها

ههههههههههههههههههههههه

شكرا على الموضوع

دمتم بود

هههههههههههههه

شتي هذي هيا بلادنا كلش فيها يحير

ولوكان جات غير في الصرف معليش ها راه كلش فيها بيزار

هههههههههه

ميرسي ليك خيتو ربي ينورك

على خير
​

 

[H@teM]

انا عييت كشما نلقى تفسير
ملقيتش
وانت كشما لقيتلها؟؟
مرسي مينوا على الموضوع
​

 

[touti_dz]

تشفاو على العشرة دورو تاع بكري دك انقرضت كي نشريو بقيطة خبز يرجعلك عشرة دورو ناقصة

 

[im£ne]

وحدك امينووووو وحدك ههههه
و الله صح تحير بين دراهم بكري و دورك
و هذوك الحيوانات لاه يصلحوا؟؟ ماعلاباليش !
و علاه ماداروش شخصيات؟؟ ماعلاباليش !
او حتى رمز من رموز الدولة ؟؟ تاني ماعلاباليش !

خدمتهالي في راسي و الله..

 

[°~Kenza_02~°]

ههههههههههههههه

والله يا كلتوم ماجاتنيش في بالي هذي اللي قلتيها

بصح تبالي هذيك هيا راكي لقيتيها

اودي تع الشلف انتيليجو كامل الله يحفظهم

ها ليك ميرسي بزاف كبيرة على الرد اللي نورلي

الموضوع ربي يعطيك شكارة صرف

ههههههههه​

ها على خير ها كلتوم ​

هههههههههههههههههههههههههههههههههههههههههههههههههه
ها خويا قدور والله غير قتلتنا بالقدر
اودي انتوما ثان ناس من لكبار
ههههههههههههههههههههههههههههههههههههه
ها يعطيك الصحة اقدور خيي ...وكي توصل الشكارة نقسمها معاك ههههههههههههه
​

 

[•мϊѕŝ Šрέсǐάł•]

ههههههههههههههههههههههههههههههههه
والله غير عمري فكرت فيها الفكرة هادي ولا خزرت مليح في الجهة لاخرى تاع الدراهم
نشوف غير قداه راهم واشرع في الصرف
لمهم يفيو بالغرض
والباقي ماعندو ماهمني
بصح ثاني حشمة مع لي توريست
ربي يهدي الدولة تاعنا وحنا الاولين *باه نحبسو من التعلاق والتقرعيج*
مشكوووووووووووووووووووووووووور

 

[Mr mino]

اهلا بيك عزوز
هاو بلعاني راني نكلخلك برك نعرفها علاه حطوهم بصح هادي الفكرة راني باغي نطلع بيها مشروع انشاء الله
منيش باغيا نخرجها باش ميدوهاش
بصح راك تحس بينا بلي حنا انتيليجو اس

هههههههههههههه

غي الشلف ماتغيبليش بحكم ليكسبريونس اللي

كتسبتها على ممر الراجلين اي السنين

ها نعرفكم واه انتيليجو وكثر

علاه انت عندك شك في هذي ؟؟؟؟

​

 

[العنابية]

انا عمري ماتولهتلهم اصلا و ديجا ليترونجي علاه رايح يرفد العملة تاعنا لا عندنا توريزم لا والو
​

 

[dana1993]

السلام عليكم
خويا مينو اولا حبا نهنيك على الخطوبة والله كل يوم نقول نبعثلك وننسى ههه
ربي يسعدك ان شاء الله متنساناش برك فالعرس ياك خطوة نلحق هههه
و ذرك ندخلو فالميضوع
ممم دراهمنا يبانو حديقة صح
يشوفوهم تاع ليترونجي يقولولك صح افارقة ايا ندخلو شوي الفوت
ياك كامل مسميين ليكيب بحياوانات حنا لفناك وهاذوك الفيلة وهاذوك النسور وهكا
سيبور سا نظن بلي هذا راجع لاصل افريقيا قارة الاذغال والحيوانات والله اعلم
ممممم نتمنا جبت الصح خخخ ايا لم الصرف هذا و ابعثو متفاهمين ونرجعهولك في فرحك ان شاء الله
ايا تبقاو على خير ياناس الخير يالي صاير فيكم التير ههه​

 

[فتاة حساسة]

الله الله
عاش من شاف مواضيعك يا مينو
ايه والله عندك حق
ههههههههه
zooفووووووووووور بالبزااااااااف
مشكوووور اخي على الموضوووووووع القيم
نسناو في الموضيع الاخرى
تقبل مروري

 

[عاشقة الكرة]

هذا غير القديم مزال جاي جديد ويديرولنا فيه معزة وخروف هههههههه
امالا نقلك علاه دايرين فيه الحيوانات حشاك وحاشا اللي يقراو..... اللي خدموهم حيوانات او يتوحمو عليهم هههههههههه
مجرد تقرعيج لااكثر
وشكرا لك على الطرح المميز
​

 

[إحســاس بــراءة]

ههههههههههههههههه
يا خويا مينو والله سؤال محير و ماعلاباليش واش المعنى من وضع الحيوانات هههه ربي عالم
موضوعك هاذا فكرني في السؤال تاع هاديك الخطرة اسود و مخطط بالابيض و لا ابيض مخطط بالاسود:u_pc:
ههههههههههه
مانعرف ادا لقيت الجواب و لا مازال:closedeyes:
شكرا ليك

 

[amouna.dz]

والله موضوع روعة و فيه الفايدة بزاااف
والله غير خدمتلي صح لاه يعني مدايرين هاذ الحيوانات نتاع الزو في الدراهم ؟؟؟ سؤال وجيه
نقللك واقيلا هاذ الحيوانات كانو في التاسيلي عايشين بصح وعلاش ما يديروش كيما قلت انت صور شهداء ولا اعلام جزائرية كيما البشير الابراهيمي وابن باديس والامير عبد القادر لاه يعني حيوانات؟
والله حيرتنا معاك يا مستر مينو
شكرا على موضوعك يعطيك الصحة
​

 

[Sârsoùra L'mkàlChà]

هههههههههههه
هادي رانا دايرين عليها ضحكة فالدار
راك تشوف ... آآآ مينو
هاداك لغزال دبراصو
بالصح البقور هاداك شحااال هاااااااايل
وقيل كي يزيدو يطورو يديرولنا قطقوطة و كانيش
​

 

[Mr mino]

للاسف سيادهم هما الي قرو واش ايحطو في الدراهم هكدا
باه ينسوهم في الابطال مع الف تحية اخي

اهلا ساعد واش حوالك ؟؟؟

والله كيما قلت سيادهم هوما اللي حطو واش حبو

التاريخ محاوه خلاص

ربي يستر برك

يعطيك الصحة ها ساعد

ايا على خير اي

تربح

​