وأنا قاتلي يما دبر راسك ...

[randa serine]

khoya awkat tsib bant wilaytak ahsam man el barinaya w awkat el 3aks hada kamal raja3 l 3akliyat el tafla w kol wahad wach yhab w ida rak haba nchoflak wahda boumerdasiya nchoflak
rabi ywafkak nchallah w yarazkak el hlal

 

[ماكانش]

:scared: وشكون جاب سيرة القباض ههه

المعقدين مالازمش يتقابضو باه فوقت الحلصله يتعاونو هههه​

ايا مديرش فبالك ياخي علابالك مشي نيتي

هههههه
ربي يحفظك نسيم ...
مادرتش في بالي وجامي ندير في بالي
غير شوفيلي وحدة معقدة باش نتفاهم معاها مليح
ههههه​

يا سفيان راني نضحك معاك برك ماقاصدة والو .... لكل انسان يفتاخر بأصلو ...
وكيما قال درياسة سميني شرقي سميني غربي .... انا نقولك انا جزائري .
وانا نقولك انا مسلم وعربي واسمحلي مرة ثانية

يعطيك الصحة زهية
علابالي ماتقصديش
والحمد لله كيما قلتي جزايريين ...​

باغية نسقسيك علاش تهدر على زواج بزااااااااااااااااااااااااااااف ومين راكي باغي تتزوج علاش متزوجتش متخدمش ولا معندكش الامكانيات ومتقوليش ملقيتش بنت الحلال لخطرش نسا راهم منهم وعليهم وكيما يبغي خاطرك اطلب برك وجاوبني متهربش بنسبة زواج من غير ولاية انا بنسبة لي عادي بصح صعيب باش نبعد على دارنا انا عندي بنت خالتي تزوجت في معسكر مشي بعيد بصح تشفني غير وحدها سيرتو كتمرض مع طايحة في عائلة الله لا شوفك تشفني وزيد البعد غبينة نرجعو ليك قلت باغيها دير الجلباب انا تاني قلت منتزوج ندير جلباب ونقاب خسارة راك باغي ولاية غير حداكم هههههههههههههههههههههههههههههههه نضحك برك ربي يسهلك يارب

ههههههه
اهلا بيك ختي
ايه ماعنديش الإمكانيات، وزيد مالقيتش الطفلة بنت لحلال الصافية ...
وماعليهش نقبل وهران قريبة ههههههه
صح فيه مساوىء الزواج لبعيد بصح تبالي خير من بنت ولايتك ...
يعطيك الصحة​

صحا احنا
و الله غي عندان اللي يبغونا حتى انا نبغي و لاد بلادي التيارتية

ناس تيارت نعم الناس ...​

بعد خمس سنين نقولك رايي في الزواج بين الولايات

مازلني صغيرة ماكان لاه ندخل في قصة خاطيتني
بصح والله مكتوب منعرف وين مكتوبك تكتب وراح ترضى بيه حبيت ولا كرهت
هذا هو مكتوبك ​

هههههههههه
أهلا بيك نجلا
يعطيك الصحة وربي كبرك في طاعتو ...​

ههههههههه ان شاء الله صيفة جايا دير موضوع تقولنا فيه انوا زوجت من ولايتك وحدة تعرفها ان شاء الله

اديها تعرفها وتعرفك خير +تشتيك باه متكسلش عليك حتى كيما قلت تعود غير دير هاك تقلك دار بي مي واش دير ربي خير هههههههه

​

ههههههه
ماشكيتش يا ختي واقيلا بعد عامين ولا ثلاثة ههههه
ووين راهي هذي ألي تشتيني ؟؟؟

كل شيء بالمكتوب ربي يوفقك و يرزقك الزوجة الصالحة

اميييييييييييييييييييييين
يعطيك الصحة
​

الله يسترك قولي يا ماكانش قداه عمرك


راني ملي سجلت هنا و أنا نشوفك تشكي غير عالزواج و باغي تتزوج

أزوج و خلاص

علاه التخمام هاذا كامل

وحاجة مليحة واش تحوس تدير + راه الزين تاع الشاويات وحدو
​

ههههه
أهلا بيك نجلا
ماتقوليش تشكي، قولي تحكي
لاخاطر مانشكيش :shiny:
وزيدي كاين الصح وكاين التقصار ولازم نفرقو بيناتهم ...
يعطيك الصحة
​

واش خويا سفيان عاد ماتزوجتش انا قلت طولت ليوم نلقاك جايب عروسة​

هههههههه عجبني هاذ الرد صحا على ولد بلادي صحا عليه كي راه يضرب علينا

هاااشفت ياسفيان كي قلتلك نزوجك من عندنا ماكنتش غالطة :sheer:
​

هههههههه
أنا منا لعامين وياربي كاشما نخطب ولا نزوج هههه
ايه نجيو لتيارت ونشوفو الزين هذا الي تحكيو عليه ...


​

 

[إيمان قلب]

هههههههه
أنا منا لعامين وياربي كاشما نخطب ولا نزوج هههه
ايه نجيو لتيارت ونشوفو الزين هذا الي تحكيو عليه ...

تشوفو هذا الزين ؟؟؟ واش معنتها رانى نكذبو عليكم ولا واش
ايا بطلنا مانمدوش بناتنا
دجا نورمالمو راني مثال حي قدامك
يااحوجي انا حقا ماكمش تشوفي فيا ​

 

[**نجلاء**]

[[/QUOTE]
ههههه
أهلا بيك نجلا
ماتقوليش تشكي، قولي تحكي
لاخاطر مانشكيش :shiny:
وزيدي كاين الصح وكاين التقصار ولازم نفرقو بيناتهم ...
يعطيك الصحة ]QUOTE]

مليح كي عدت ماتشكيش

المهم مام أنا راني نقصر برك

زعفت ؟؟i-o:​

 

[ماكانش]

khoya awkat tsib bant wilaytak ahsam man el barinaya w awkat el 3aks hada kamal raja3 l 3akliyat el tafla w kol wahad wach yhab w ida rak haba nchoflak wahda boumerdasiya nchoflak
rabi ywafkak nchallah w yarazkak el hlal

اهلا رندة
يعطيك الصحة
كيما قلتي حسب العقلية والمفاهمة بيناتهم
وماتهمش الولاية
كي يكونو مسهلين الأمور لبعضاهم
ربي يرزقنا ​

تشوفو هذا الزين ؟؟؟ واش معنتها رانى نكذبو عليكم ولا واش

ايا بطلنا مانمدوش بناتنا
دجا نورمالمو راني مثال حي قدامك ​

يااحوجي انا حقا ماكمش تشوفي فيا

هههههههه
وبطلنا مانمدولكمش الزينين تاعنا هههه​

[

]

مليح كي عدت ماتشكيش

المهم مام أنا راني نقصر برك ​

زعفت ؟؟i-o:​

[/QUOTE]


ايا مليح
لالا مازعفتش ...

​

 

[معاك يا الخضراء]

السلام عليكم ورحمة الله وبركاته

​

ملاحظة:
...
ثالثا:
الزين تاع الجزاير كامل راهو في ولايتي خسارة هههههههه
ماشي تلمسان باتنة بلاد الشاويات ...

​

​

و عليكم و السلام
هذا وش قلت حاجة تصلح من صباح ربي :santa_1: :santa_1:
هههههههههههههه والله يا سفيان شكلها راح تصرالك كيما مولات الجامي :shiny:
تسما نت راك تقول ناكل تمرة فالظلمة
يا تصيب يا تخيب
يا مسوسة يا حلوة :shiny:

نت اللي قدام عينك ماكش عارف اصل جدهم كفاه راهم
رايح للي ماتعرفهمش خلاص:sheer:

اوموان قدامك كي يهدرلوك فيها تقدر تتاكد
وكي تبدل الولاية تدي عالعمياني ؟؟؟:showoff:

وحدة نعرفها قاتلي شبعت لعب هنا ضك لازمني نزوج من ولاية اخرى :sheer:

عندك لا تصرالك نفس اللقطة:shiny:
وقالها المصري

اللللللللللللّبس بقى وشيل :sheer: :sheer:
​

 

[ماكانش]

و عليكم و السلام

هذا وش قلت حاجة تصلح من صباح ربي :santa_1: :santa_1:
هههههههههههههه والله يا سفيان شكلها راح تصرالك كيما مولات الجامي :shiny:
تسما نت راك تقول ناكل تمرة فالظلمة
يا تصيب يا تخيب
يا مسوسة يا حلوة :shiny:​

نت اللي قدام عينك ماكش عارف اصل جدهم كفاه راهم
رايح للي ماتعرفهمش خلاص:sheer:​

اوموان قدامك كي يهدرلوك فيها تقدر تتاكد
وكي تبدل الولاية تدي عالعمياني ؟؟؟:showoff:​

وحدة نعرفها قاتلي شبعت لعب هنا ضك لازمني نزوج من ولاية اخرى :sheer:​

عندك لا تصرالك نفس اللقطة:shiny:
وقالها المصري​

اللللللللللللّبس بقى وشيل :sheer: :sheer:

​

هههههه
وعلاه يا رمرومة تبالك نروح نخطب ومغمض عينيا
علابالك بلي نعيش 3 شهر في الولاية الي زعما نويت منها
وقادر مانخربش بزاف باش مانسمعش ههههه
وزيدي كي قلتي تسمع عليها تتأكد،

نتأكد قبل الزواج، بعد الزواج راني نكون عرفت ...
وواش تبالك زعما راح نطيح في وحدة لعبت حتى شبعت ؟؟؟
ماتخمميش نعرف وين نحط رجليا ...​

 

[معاك يا الخضراء]

علابالك بلي نعيش 3 شهر في الولاية الي زعما نويت منها


​

ههههههههههههههههههههههههههههههههههههههه
في هادي قتلتني بالضحك
روح تعس :scared:

ربي يهنيك ا سفيان
ويرزقك بنت الحلال
بلا ماتعسها ههههههههه

​

 

[الجريئة]

قاتلك دبر راسك دبر راسك
خير ماتقصفك كي القذافي هههههههه
كان تحب نخطبلك مولات 17 هههههههه
لي رجعت

 

[ماكانش]

ههههههههههههههههههههههههههههههههههههههه

في هادي قتلتني بالضحك
روح تعس :scared:​

ربي يهنيك ا سفيان
ويرزقك بنت الحلال
بلا ماتعسها ههههههههه​

ههههههههههه
ربي دوها
ان شاء الله
خليها لربي سبحانو ...​

قاتلك دبر راسك دبر راسك
خير ماتقصفك كي القذافي هههههههه
كان تحب نخطبلك مولات 17 هههههههه
لي رجعت

ههههههههههههههه
راني في راسي مع راسي
ايه ماذا بيك بصح لازمزينونة بزاف ههههه​

 

[الجريئة]

ههههههههههه
ربي دوها
ان شاء الله
خليها لربي سبحانو ...​

ههههههههههههههه
راني في راسي مع راسي

ايه ماذا بيك بصح لازمزينونة بزاف ههههه​

هكاك اني نتهلى ههههه

 

[hiba14]

​

ناس تيارت نعم الناس ...​

ربي يحفظك
حتى ناس باتنة و الله غي ماشاء الله

​

 

[عبدو28]

جيبها بنت بلادك(ولايتك). اوموا
تمضغك وما تسرطكش ( ما تبلعكش)
​

 

[meriem150491]

سي مكانش راه ساخف مسكين على الزواج


ايا زوجوه مسكين لا يموت وتقعدلكم حرقة في قلبكم وتقولو كون غير زوجنا مكانش وفرحناه ههههه



​

 

[هدوء المطر]

و عليكم السلام و رحمة الله
واش راك خويا سفيان ؟
​

ايه رجعتنا لمواضيع الزواج ؟ حنا gـلنا آو نسى شويا ههه ، مالا راك تحوس على وحدة ماشي من ولايتك ؟ صح هكذاك خير...كما قلت واحد ما يعرفها ، و زيد ينقص عليك الهرج نتاع ماليها ... بصح لازم تخليها تروح تشوفهم ، مام هما يقدرو يجو يشوفو بنتهم و يباتو عندها هذا حقهم ما تقدرش تمنعهم ههههه
ملاحظة : ماناش ناسيينك سفيان حتى حنا رانا في '' عملية بحث عن عروس '' ههههه
ربي يزوجك و نفرحو بيك إن شاء الله
​

​

 

[ماكانش]

هكاك اني نتهلى ههههه

هههههههههههه
ربي يحفظك
راني نستنى ....

 

[مسلمة وافتخر باسلامى]

واش خويا مكانش لاباس
مزالك تدور موضوع واحد وتديرلو فوتو كوبى هههههههههه
حبيت نقولك حاجة برك يا خويا كى راك تحوس على البعيد انا قلت ننصحك رانى ختك
انا خالى جابها من مدية تقريبا بعيدة بشحال من كيلومتر
قال نبعدها على ماليها ونتهنى هههههههه
قراها حيلة خرجتلو عجب
اليوم مسكين كل سمانة يديها لدارهم وراك عارف ليسونس ومصارف ووو
والله خطرات يقولها الطوموبيل حبست تكسرت
تقولو دبر راسك يجى مسكين يدى تع جدى
اتخيل كل يوم رايح جاى
وماليها دايما عندها هههههههه
بنات بلادك راهم كامل مفششات معندك ما دير
ادى جارتك خير ما تندم هادى نصيحة اختك

 

[ماكانش]

ناس تيارت نعم الناس ...​

ربي يحفظك
حتى ناس باتنة و الله غي ماشاء الله

ربي يحفظك هيبا ...​

جيبها بنت بلادك(ولايتك). اوموا

تمضغك وما تسرطكش ( ما تبلعكش)​

هههههههههه
هذيك هيا ...​

سي مكانش راه ساخف مسكين على الزواج ​

ايا زوجوه مسكين لا يموت وتقعدلكم حرقة في قلبكم وتقولو كون غير زوجنا مكانش وفرحناه ههههه​

ههههههههههه
راكي تشوفي يا مريومة وواحد ماتحرك قلبو وشفيتو هههههه​

و عليكم السلام و رحمة الله​

واش راك خويا سفيان ؟ ​

ايه رجعتنا لمواضيع الزواج ؟ حنا gـلنا آو نسى شويا ههه ، مالا راك تحوس على وحدة ماشي من ولايتك ؟ صح هكذاك خير...كما قلت واحد ما يعرفها ، و زيد ينقص عليك الهرج نتاع ماليها ... بصح لازم تخليها تروح تشوفهم ، مام هما يقدرو يجو يشوفو بنتهم و يباتو عندها هذا حقهم ما تقدرش تمنعهم ههههه
ملاحظة : ماناش ناسيينك سفيان حتى حنا رانا في '' عملية بحث عن عروس '' ههههه
ربي يزوجك و نفرحو بيك إن شاء الله ​

​

أهلا بيك يا سمين
ههههه
قلنا حتى تزوجوني وتتهناو مني ههههه
تزور ماليها ويزوروها اي باينة يا ياسمين
واشي هوا ماشي كل سمانة هههه
ازربو اقاوهالي ايرجو ههههه
يعطيك الصحة
​

واش خويا مكانش لاباس
مزالك تدور موضوع واحد وتديرلو فوتو كوبى هههههههههه
حبيت نقولك حاجة برك يا خويا كى راك تحوس على البعيد انا قلت ننصحك رانى ختك
انا خالى جابها من مدية تقريبا بعيدة بشحال من كيلومتر
قال نبعدها على ماليها ونتهنى هههههههه
قراها حيلة خرجتلو عجب
اليوم مسكين كل سمانة يديها لدارهم وراك عارف ليسونس ومصارف ووو
والله خطرات يقولها الطوموبيل حبست تكسرت
تقولو دبر راسك يجى مسكين يدى تع جدى
اتخيل كل يوم رايح جاى
وماليها دايما عندها هههههههه
بنات بلادك راهم كامل مفششات معندك ما دير
ادى جارتك خير ما تندم هادى نصيحة اختك

أهلا بيك يا مسلمة
عاش من شافك ...
يا ختي بإختصار شديد ماشي الرجال كامل كي خالك مرخوفين ...
واسمحيلي ...​

 

[رحمتك يا ربي]

الي فيه الخير ربي يكتبه خويا

 

[mer10]

man saba3 lmostahilat talka wahda matrouhach w mayjich maliha liha dir naya kheir matih 3la rasak