بيتزا بصلصة المارينارا

[hadda0425]

البارح درت بيتزا بصلصة المارينارا وجات ممممممممممم تهبل
اولا نبداو بالصلصة هي صلصة تع الطماطم عادية وعليها بعض الاضافات لي تبننها اكثر
المكونات
طماطم حب
طماطم معجون
جزر مبشور ومقطع
بصل ثوم
فلفل اخضر
زعتر ورق الرند اكليل الجبل
ريحان
مغرفة سكر
مغرفتين خل التفاح
انا ضفت من عندي ملعقة موطارد
اولا نغلي طماطم حب في ماء مدة 4 دقايق
نقطع البصل ونقليه في زيت الزيتون نضيف له الجزر والثوم نخليه يتقللى حتى يذبالو
من جهة نقشر الطماطم ومنبعد نقصها مع البصل والجزر ونضيفو الاكليل والريحان والزعتر ونحطها في الميكسور ونرحيه
نحطهم في كسرونة نضيف طماطم المعجون والماء والملح وورق الرند ونخليه يغلي فوق النار
من بعد نضيفو فلفل اسود بابريكا وكي تقرب تثقال نضيفو الزيت والسكر وخل التفاح والموطارد نخليها طيب حتى تثقال
هاهو الشكل تاعها



نروحو للعجينة طبعا كلكم تعرفو عجينة البيتزا
انا استخدمت عجينة العشر دقايق ولا تعجنيها عادي
الكيل كيلو كيما تحبو انا درت 2 غرفية ماء دافئ 2 ملعقة خمير الخبز 2 ملعقة سكر 2 ملعقى حليب بودرة غرفية فرينة نخلطو المقادير ونخليوها تخمر في مكان دافئ
من بعد نضيفو قرصة ملح 4 ملاعق زيت او حسب العجينة تاعكم
ونضيفو الفرينة حتى تتماسك العجينة نقسموها ونحطوها في بلاتوات الفرن بعد دهنه بالزيت
ونخليوها تخمر مدة 5 دقايق
نقرصو القرصة تاعنا باه جيك البيتزا طرية ومش يابسة انا كتشفت طريقة وهي دهن القرصة بقليل من الزبدة الذايبة قبل ما تحطي الصوص
كيما هاك




من بعد نحط الصوص تاعنا ونمشيه على القرصة








ونضيفو الحشو تاعنا انا ولادي ما يحبوش بزاف الحشو يقولو كي ديريلها بزاف الحشو تولي كي الشكشوكة ههههه يحبوها سامبل درتلها زيتون اخضر واسود وفورماج رابي البنة تع البيتزا جي في الفورماج ونخلزه للفرن بعد ما تسخينه بمدة من قبل




هنا بعد ما طابت









وهادي للاولى لي ترد من يدي :-r





ان شاء الله تعجبكم


​

 

[nada242008]

امممممممممممممم هايلة حدة بصحتك

 

[hadda0425]

مرسي يا ندوشة راك قفزتي بطرف تع الهريسة ههههههههه
​

 

[ام سلمان و اسامة]

ممممممممممممممممم سلمت يداك حبيبتي
تبدو لديدة بارك الله فيك
بالصحة
​

 

[shahrazad]

مممممممممممم حدة جاتك تشهي
مرسي على الطريقة :regards01:
حبيت نعرف برك نسمع بزاف فالوصفات الريحان
بصح منين نجيبو
​

 

[عفاف الجزائرية]

مممممممم وصفة وطريقة مخالفة في اصلصة
مشكورة حدودة على الطرح والافادة

 

[oumsif]

امممممممم يعطيك الصحة يالفحلة

 

[امة الرحمن]

بصحتك ياحدة جاتك تهبل خليلي طرف وفوقه الهريسة
تسلم ايدك

 

[SAMIRA25]

يعطيك الصحة بيتزا و عليها الكلام
ربي يجازيك خيرا​

 

[hadda0425]

ممممممممممممممممم سلمت يداك حبيبتي
تبدو لديدة بارك الله فيك
بالصحة
​

الله يبارك فيك ام سلمان ومرحبا بناس المغرب ولا جزايرية مقيمة بالمغرب
​

 

[hadda0425]

مممممممممممم حدة جاتك تشهي
مرسي على الطريقة :regards01:
حبيت نعرف برك نسمع بزاف فالوصفات الريحان
بصح منين نجيبو
​

العفو شهورة
بالنسبة للريحان شريتو يابس من العطار ما لقيتش الاخضر هو يضفي نكهة على الصلصة
​

 

[hadda0425]

مممممممم وصفة وطريقة مخالفة في اصلصة
مشكورة حدودة على الطرح والافادة

العفو عفاف مرسي ليك
صلصلة اميريل لاقاسي نموت على هاد الشاف
​

 

[hadda0425]

امممممممم يعطيك الصحة يالفحلة

الله يسلمك سميرة
​

 

[حكيك]

يعطيك الصحة تشهي ماصابها بين يدبا امممممممممم
:up:

 

[hadda0425]

بصحتك ياحدة جاتك تهبل خليلي طرف وفوقه الهريسة
تسلم ايدك

الله يسلمك اسمهان تستاهلي حبيبتي
بصح نتوما لي عندكم لي فورماج بانواع والبيتزات بانواع راك في بلادهم هههههههههه

​

 

[hadda0425]

يعطيك الصحة تشهي ماصابها بين يدبا امممممممممم
:up:

آآآآآآه يا حكومة تستاهلي حبيبتي كل خير
مرسي ليك
​

 

[hadda0425]

يعطيك الصحة بيتزا و عليها الكلام
ربي يجازيك خيرا​

الله يسلمك سميرة

ويجازيك اختي الكريمة
​

 

[imane27]

امممممممممممممم تشهى حدة بصحتكم

 

[om abdulhadi 2011]

يعطيك الصحة تشهي

 

[serinee]

مممممممممممممممم
حبيبتي راهي تسخف و تشهي ومحلاها
يعططيك الصحة
​