عندنا نقص فال....

[بنت الـ25]

اهلآ طآطآ لينآت لعزيزة لغآلية لحبيبة هههه نكمل ولآ :$ ..
اممم حبيت بركـ نقلكـ على لي سطرتلكـ عليهآ و لونتهآ ..
لآلآ والله غير في دزآير و دول المغرب تونس و المغرب أمآ دول المشرق
بالعكس الظرآفة و هآذ لكلآم لحلوو عندهم كي الشتم عندنا :d ..
عندي خآلي كآن في سوريآ صدقيني لكلآم الزين كآمل عندهم كيمآ رجع هنآ حآر :-o
في أي حآجة لكلآم لحلو حآضر رآهم غير هنآ لي الظرآفة غآيبة
و سقسي أي وآحد من هآذيكـ الجوآيه يقولولكـ ..
​

بنتي صفصف ههههههه قتلتيني بالقدر
راني معاك انو هوما اصل الكلام الحلو تؤبريني وتشكلي قاسي ..الخ
لكن هل يحكيو مع خواتاتهم وبناتهم هكا
انا مرحتش لتم ولا عاشرتهم لكن من خلال القنوات الفضائية منقولش المسلسلات نشوف فهاد الشي
وهداك نهار تفرجت في ام بي سي راجل قتل بنتو بقلب بااااارد
ربي يجيرنا

وفي كل الاحول صفصف الظاهرة الاجتماعية نسبية متقدريش تهزيها وتعمميها على جميع الافراد والمجتمعات لاخاطر التنشئة الاجتماعية تلعب دور كبيير

سلامي​

 

[la_safa]

بنتي صفصف ههههههه قتلتيني بالقدر
:$:$:$:$ تستآهلي كل خييييييييييييييييير
راني معاك انو هوما اصل الكلام الحلو تؤبريني وتشكلي قاسي ..الخ
ويييييييي هآذي كآين منهآ ..
لكن هل يحكيو مع خواتاتهم وبناتهم هكا
انا مرحتش لتم ولا عاشرتهم لكن من خلال القنوات الفضائية منقولش المسلسلات نشوف فهاد الشي
هومآ الظرآفة رآهي في كلشييي حتى في احترآم الغير ..
نشفى ثآني الأخت روز ربي يشفيهآ نهآر حكآت و قآلت هنآ في قطر وين تسكن
قآلت بلي الكلآم لحلو كآين بين كل أفرآد العآئلة على عكس دزآير ..
يمكن تكون نسب متفآوتة ، ..
وهداك نهار تفرجت في ام بي سي راجل قتل بنتو بقلب بااااارد
ربي يجيرنا
هآذي المشآكل رآهي pـآرتوو و تلقآيهآ بنسب قليلة خلآص ..
وفي كل الاحول صفصف الظاهرة الاجتماعية نسبية متقدريش تهزيها وتعمميها على جميع الافراد والمجتمعات لاخاطر التنشئة الاجتماعية تلعب دور كبيير
صح عندكـ حق كلشي على التربية و كل وآحد كيفآه عآش و في وسط من عآش ..
تبقى بنسب متفآوتة ، بصح انآ قلت على حسب أرآء نآس فيهم ثقة
هومآ لي شآفو الفرق بعينيهم ..
سلامي​

و سلآمي الكـ يآ حلوووهـ ~
​

 

[بنت الـ25]

وصلت وجهة نظرك حبيبتي صفصف
واظنك فهمتيني وين حابة نوصل
تؤبريني ان شاء الله :d​

 

[homework]

مشكورة اختي الكريمة على الموضوع الباهي
احنا كجزائرين حقيقة عندنا هذي الطبيعة نحشموا نقولوا كلمة حنينة لبعضنا البعض تلقي الابن يسقسي ماماه ماما تحبيني و ساعات يقوللها انت متحبينيش لانوا يشوف في الافلام و المسلسلات الامهات و الاباء كيفاش يحنوا على وليداتهم يحس بنقص
و الاخوة و الاخوات فيما بيناتهم يحشم يقول لاختوا نحبك و اختي العزيزة ووووو لانوا يعتبرها طيحة و الا نقصت من الرجولة نتاعوا و يستعملوا الخشونة من اجل زعما باش تخافوا و ديرلوا قيمة
ندعوا كل رواد المنتدي لتعبير عن حبهم للوالدين والاخوة و حتى الجدات و الاجداد باش نحسوهم انوا عندهم مكانة في قلبنا

 

[أم راضية ~_]

كيما انا عندي اخت وحدة في دار

كل يوم تقريبا كي نرجع لدار من لخدمة او في الليل لازم ندخلها معايا حاجة في يدي

ماشي شرط نقلها راني نشتيك يا اختي

المباردة بأي حاجة
​

voilà c exactement ça
:regards01:
شكرا مرة أخرى..​

 

[أم راضية ~_]

وعليكم السلام اختي موضوع روعة
هادي العفسة يديروها غير الجزاائريين ممكن تجيه
كبيرة ولا يحشم كي يقول ل اختو راني نحبك ولا نعزك
مي هو في قلبوا راه يموت علاها ويخااف علاها
المشكل تع العائلة الجزائرية متحبش تبين بالهدرة
كيما حنا في عيلتنا الحمد لله الهدرة لملاحة كل نسمعوها من
عند ماما وبابا من نحبك ونعزك ونموت عليك
مي حنا لخااوة جاامي نبينو هاد الحب
انا نقول تجي كبيرة يوقف الطفل يقول ل اختو نحبك ولا نعزك
ربي يجيب الخير وخلاه
مشكورة اختي على موضوعك لمليح
وتقبلي مروري

اهلا لامية مرحبا بيك
يحشمو يقولوها لوالديهم و خاوتهم و ما يحشموش يقولوها للكولاg تاوعهم وتاع الفيس و على أرض الواقع
بيزار نورمالمون كي يكونو الوالدين عندهم هاد الطبيعة الولاد تخرج فيهم وادا ماكانتش واحد برك الي ما يكونش كيما هوما ماشي gاع!!
ماشي لازم يصرح بيها , يلمح بيها تاع ماشي بلعاني قال ختي تعرف تطيب , يا اختي نحب تغسليلي التريكو , هكدا ماشي يديرها كيما تاع الافلام البايخة كيشغول باينة بلي راهو يتورني
يعطيك الصحة لامية على المرور والردّ​

 

[أم راضية ~_]

انا عن نفسي
نقوول لختي نعزك و نحبك
و نغلط معاها نرضيييها
ونلعب معااها و نمسخر
وكلللللللللللللللللللللش
و نووووورمال

​

نتا طفرة ولا موالفين هكدا فالدار؟
على كل حال مليييح ربي يبارك
شكرا على المرور والردّ​

 

[أم راضية ~_]

موضوع جميل جداااااااااااااااااااااا.

شكرا :$
بصح ممكن نعرفو رايك فيه ؟؟ :-r​

 

[أم راضية ~_]

صحيتي يلدز احسنتي الاختيار

:-r :regards01: أهلا بيك مشرفتنا
​

بصفة عامة تقدري تقولي الشعب الجزائري والعربي بصفة عامة منقولوش ناقص حنانة ولا ميعرفش يعبر

ما يعرفش يعبر فالصح وفالدار بصح برا يعرف ... :down:
​

مي ممكن يكونو يحسبو هاد الهدرة عيب ولا تنقص فالرجولة ولا كي يقلها نحبك ونعزك طيح لقدر

سuر حاسبينها هكدا مع الدار و دايرها سلاح يطيح بيه وحدااات برا الي حرموها منو الرجالة تاع دارهم الي حاسبينها تطياحة قدر و نقعدو ندورو في هاد الحلقة..
​

وهدا بالتاكيد تفكير غلط × غلط

b1 sur
​

احنا في دارنا الحمدلله بابا ولا خاوتي نتعاملو مليح وهاد الهدرة توجور حاضرة
مام يما انا وهي اكتر من الصحابات والحمدلله

ولله الحمد نعمة كبييرة
​

المشكل يا يلدز مشكل ولف وعادات نشانا عليها وقناعات موحال تتبدل بين ليلة ونهار
​

هادا هو المشكل العوييص الي كي نحلوه نقدرو نحلو المشاكل الاخرى التي تجي بسبابو
شكرا على الرد الجميل ​

 

[أم راضية ~_]

السلآم عليكم و رحمة الله و بركآته

وعليكم السلام ورحمة الله وبركاته
​

جمعة مبآركة حبيبتي + موضوع في الصميم ..

اممم والله عندكـ حق شبآبنآ و شآبآتنآ وصلت بيهم مع يدخلو للدآر
يكشوو تقول مآنعرف وين دآخلين وآحد لآ يقدر وآحد خلي يآ يتفكرو الظرآفة ..

:down:​

أنآ الحمد لله سيرتو مع مآمآ هآذي الهدرة كآمل كآينة المشآعر ديمآ حآضرة :-r ..
مآفهمتش ممكن هآذي طبيعة فيآ انآ مع خوآلي خآوتي ديمآ الضحكـ
و التمسخير ، سآعآت بركـ وين يدخل بينآتنآ الشيطآن .. هآذي بين الخآوة كآمل :d

الحمد لله نعمة كبيرة
​

سيرتو الذكورآ ديمآ تلقيهم يتعآملو مع خوآتآتهم بعنف ..

إيه و لعياط و الزgا ... الخ
​

أمآ من الجيهة لوخرى تحضر المشآعر كآمل ....... نظن فآهمتي وش نقصد ..

b1 sur فهمت و هاداك الي عنيتو بالضبط وما حبيتش نصرح بيه ديراكت .. الله يهديهم
​

آآآ ثمآ تلقآي المحبة و الظرآفة كآمل طآحت عليهم ..
و هو مع أمو مستخسر فيهآ كلمة نحبكـ ..

​

الله يهديهم هذآ مآكآن ..
​

اللهم آمييييييييييييييين
شكرا على المرور والردّ الجميل - دايما تفهميني مليح :$ :-r-​

 

[أم راضية ~_]

اهلآ طآطآ لينآت لعزيزة لغآلية لحبيبة هههه نكمل ولآ :$ ..
اممم حبيت بركـ نقلكـ على لي سطرتلكـ عليهآ و لونتهآ ..
لآلآ والله غير في دزآير و دول المغرب تونس و المغرب أمآ دول المشرق
بالعكس الظرآفة و هآذ لكلآم لحلوو عندهم كي الشتم عندنا :d ..
عندي خآلي كآن في سوريآ صدقيني لكلآم الزين كآمل عندهم كيمآ رجع هنآ حآر :-o
في أي حآجة لكلآم لحلو حآضر رآهم غير هنآ لي الظرآفة غآيبة
و سقسي أي وآحد من هآذيكـ الجوآيه يقولولكـ ..
​

صح ماما كي نقولها على هاد السوجي تقولي كانو جيرانا بكري وحدة فلسطينية و وحدة سورية و وحدة عراقية تقولي لسانهم حلو وهاديك هيا طبيعتهم و هدرتهم متلا كي تدوموندي من عندك حاجة تقولك: إزا بتريدي فيكي تعطيني هالشغلة ؟؟؟ و حنا ديراكت اعطيني يا لوخرا ...

فرق كبييير مع انو كاين عايلات جزايرية هكدا بصح قلالالالالالالالالالال
​

 

[أم راضية ~_]

بنتي صفصف ههههههه قتلتيني بالقدر
راني معاك انو هوما اصل الكلام الحلو تؤبريني وتشكلي قاسي ..الخ
لكن هل يحكيو مع خواتاتهم وبناتهم هكا
انا مرحتش لتم ولا عاشرتهم لكن من خلال القنوات الفضائية منقولش المسلسلات نشوف فهاد الشي
وهداك نهار تفرجت في ام بي سي راجل قتل بنتو بقلب بااااارد
ربي يجيرنا

وفي كل الاحول صفصف الظاهرة الاجتماعية نسبية متقدريش تهزيها وتعمميها على جميع الافراد والمجتمعات لاخاطر التنشئة الاجتماعية تلعب دور كبيير

سلامي​

تصرا حالات شاذة كيما هنا كيما لهيك وماناش مهابل نحكو من المسلسلات برك!!
بصح تجينا صعيبة نأمنو بيها :d
وكيما قلتي الظاهرة نسبية و ما نقدروش نعطو امور دقيقة لكن نشوفو للغالبية والجو العام
شكرا على إثراء النقاش
​

 

[أم راضية ~_]

مشكورة اختي الكريمة على الموضوع الباهي

:regards01: مرحبا بيك
​

احنا كجزائرين حقيقة عندنا هذي الطبيعة نحشموا نقولوا كلمة حنينة لبعضنا البعض تلقي الابن يسقسي ماماه ماما تحبيني و ساعات يقوللها انت متحبينيش لانوا يشوف في الافلام و المسلسلات الامهات و الاباء كيفاش يحنوا على وليداتهم يحس بنقص

:down:
​

و الاخوة و الاخوات فيما بيناتهم يحشم يقول لاختوا نحبك و اختي العزيزة ووووو لانوا يعتبرها طيحة و الا نقصت من الرجولة نتاعوا و يستعملوا الخشونة من اجل زعما باش تخافوا و ديرلوا قيمة

صح بلاك حاسبينها هكدا !!! مي راهم غالطين المربيات مام يحكو معاهم بالظرافة ما تحسبوش خاتم في يدها بالعكس يكبر في عينيها و تحتارمو ماشي العكس..
​

ندعوا كل رواد المنتدي لتعبير عن حبهم للوالدين والاخوة و حتى الجدات و الاجداد باش نحسوهم انوا عندهم مكانة في قلبنا

إن شاء الله نلقاو تطبيق على أرض الواقع
شكرا على المرور والرد:regards01:​

 

[خيرة جانت]

السلام عليكم ورحمة الله وبركاته
إن شاء الله لاباس وبخير؟
---
عندنا حنا الجزايريين بصفة خاصة نقص فالتعبير عن المشاعر و الحنانة و ما تبعهما..
تلقى في لي فامي ماكانش اخ يقول لاختو نعزك ,(هكدا بصريح العبارة..)
ولا اب يقول لوليدو يا وليدي العزيز راني نحبك
ولا ام مع بناتها
-المهم فالأسرة ما نلقاوش هاد الامور-
وعلاش؟؟؟
الله أعلم
وهاد الشي الي حبيت نفهمو :s

وعلاش حنا الجزايريين ما نقدروش نعبرو مع للي قراب لينا مالgري الي ما نعرفوهمش نتعاملو معاهم مليح و بظرافة وكلش
متلا واحد يهدر مع اختو غير بالخشانة و يعطي غير الاوامر و تلقاه برا غير انعم اختي ,اتفضلي ,ماكانش مشكل بلا ما ننساو الظراافة وروح الدعابة والمزاح و غيرها من الامور بلا ما نفصل فيها..
وتلقى شي آباء -ربي يسمحلهم- مع بناتهم جافيين و جايبينها غير قباحة و وعارة وبرا ... :down:
الي حبيت نوصلو :
ماهيش عيب و لا حرام ادا الانسان كان لبق كيما برا مع الناس يكون ظريف ولطيف مع اهلو واهل بيتو
دوك أسكو توافقوني على واش قلت ؟
بمعنى هل نتوما تانيت شايفين بلي الجزايريين ناقصين حنانة مع أهاليهم وماليهم ؟ و يعانو من الفراغ العاطفي ؟؟؟؟
و في رايكم واش هو الحلّ باش نقضيو على هاد الطبيعة ؟

اسمحولي ادا غلطت وشكرا على قراءتكم للموضوع :regards01:
---
السلام عليكم
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصحبه أجمعين​

بوركتي أخيتي على الموضوع الشيق وإن شاء الله راح يكون لي مرور آخر من أجل المداخلة
تحيااااااااااااااااااااااتي
​

 

[nina usma]

موضوع 4444444 طليتي على قلبي

هدي راني حابا نفهمها

انا عندي خويا يلعبها رجلا معايا و نهار كامل وهو يعيط و مشنف

حتى حسبتو فرعون ميضحكش

مي هو كان يخبي فالضحك لبنات عمي كي يجيو و الله ميسكتها

مي عندي عادة فيا نقولو في وجها

و الله معقلتك:s​

 

[وصال]

اختي شوفي الظرافة حاجة والتعبير عن المشاعر حاجة واحداخرا ، هي صح كاين بعض الناس بارا عنتر وفي الدار فرعون ، وكاين لي عقليتوا هي هي متتبدلش بصح اون جنرال مرهيش عفسة انا نقول لخويا نحبك ، يعني قصدي راه عارف بلي نحبوا بلا ما نقولوا وزيد مثلا الوالدين راح تقوليلها ماما نحبك ولا بابا نحبك ماجياش ، صح الظرافة في التعامل راني معاك في هاذي ، كل واحد كيفاش يعبر على مشاعروا ، انا مثلا ماما نهار ماطول وانا نعنقها نبوسها حتى ديفوا تقولي يالمهبولة نتاعي وقتاش تكبري ، ومام مع بابا الله يرحمو كنت ثاني بزاف بخوش ليه ، اما الاخ او الاخت المحبة موجودة ، والاحترام موجود والحمد لله بصح جامي تجي في بالي نقول لخويا نعزك ، نتاع الصح نعزو ومنتمنالو غير الخير ، هذا الشئ قوليه للانسان لي بعيد عليك باش تتوطد العلاقة ، والعفسةهاذي متمشيش مع الاخوة والوالدين حساب رايي وتبقى المعاملة كل واحد وعقليتوا .

 

[توتو بشار]

شكرا على الموضوع الأكثر من الرائع

​

 

[nawal 88]

مساء الخير يلديز مواضيعك باهية كيما نتيا
صحيح هذا هو الواقع لي نعيشوه في حياتنا اليومية​

 

[المشتاقة للجنان]

و الله يا اختي صح موضوع يعانو منو بزاف
حنا في الدار يما جافة بزاف مي بابا فور و خوتي شوي شوي في الهدرة مي ظراف مع بعض و كاين حدود واحد ميجرح خوه
ان شاء الله كاين حل........​

 

[بنـ MaPa ـت]

ليزالجيريان هكدا طبعهم مانعرف وعلاش مزلفين هههه
كاين لي يحشم وكاين لي يخاف يحل العين لختو ولا لبنتو يخاف تطلعلو فوق راسو :d
راكي عارفة اين شي بنات غير تهدريلها بليونة خلاص تنطلق
وكاين لي من طبعو مايحبش يجامل او يشكر الناس وقاسي ماشي حنين
ديجا غير في جاك المرسول كي جوز كاش حلقة فيها جزايريين بسيف لا يخرجو هاديك الكلمة السحرية كيما يقولها الطيب هههه
+ في الدار ماكانش لي ماتصرالوش تنفحلك تكلخي وترطبي لخياتك ولا لماماك يقولو ايا واش خصك قولي بلا مقدمات :s
يا ختي حنا طبعنا هكدا مي ماشي كامل كاين وكاين

مرسي على الموضوع الباهي
تقبلي مروري
​