وين الهربة .........نروحو نعيشو في الجبل ....؟!!....

[ام اسحاق]

السلام عليكم
راكي جايبتها :up:
إييه الموضوع هادا حكيت عليه ديجا
***
من كل جيهة المرض يتبع فينا و كي تنصحي الناس و لا تحاولي تديري خطوة للتوعية يوهموك بلي ما نقدروش
الحالة مُسَيسة و الرقابة راقدة في سابع نومة
انا ما نلومش الشعب الجاهل بامور كيما هادي نلوم أكتر الرقابة و الجمارك من المفروض عندهم مقاييس تخضع ليها المنتوجات
وبالنسبة لهاد الموضوع بكل صراحة ما نشوفوش من الناحية الصحية و خلاص على خاطر عارفة بلي
" لن يصيبنا الا ما كتب الله لنا"
بصح نشوفو من ناحية ديننا لأنو و بطبيعة الحال هاد المنتوجات مصنوعة من قبل أعداء الله والدين , يعني شيء متوقع و طبيعي انو يدسولنا فيه السموم
وهايليك قائمة مواضيعي الي حكيت فيها على هاد الشي و تناولتو من جيهات مختلفة علّ و عسى يفيقو المارين على مواضيعي

http://4algeria.com/forum/threads/358783/

http://4algeria.com/forum/threads/352413/

http://4algeria.com/forum/threads/341014/


وشكرا على الموضوع سيدتي :regards01:​

yildiz صحيتي
لازم نواصلو التوعية ....لازم نقصو من استهلاك بعض المواد ....
خاصة الي ماهيش ضرورية ........خاطر مهما نقصنا كاين حوايج ما نقدروش نبطلوهم .........و يبقى الحل الوحيد ...هو الجبل :-r
يعني لازم نروحو للجبل


​

 

[ام اسحاق]

يقولوا إخوانا المصريين :d في مثل حالتك الست دي بتقول كلام زي الفل ههههههههه

والله عسل يا أم إسحاق:p

حتى هي الأخلاق تلوثت

مشكورة على الفكرة الجبلية وانا أول المتطوعين للرحيل معاك ​

قلمي سلاحي ....دانتي الفل و الورد و الياسمين :d:p:p
.....
للاسف عزيزتي التلوث طال كل شيء ...الاخلاق و القلوب و العقول و الالسنة ....ضرك نتوقف ..لا يحاوزونا لمنتدى الحوار و النقاش
ما اسعدني بمجيءك معي ....و نجلسو جلسة روعة قمرية مع نسمات اكليل الجبل و الصنوبر
و انا نسمع في اعذب كلمات خواطرك واشعارك :up:
كاين خير من هك ؟؟؟؟؟؟؟؟؟؟؟؟؟؟؟؟اكيد لا:p
​

 

[ام اسحاق]

السلام عليكم ...موضوع رائع وتستهلي من اولاد اللمة الرش بالورود بدل من طماطم

اما بالنسبة للمواد الكيميائية ياختي راهي تشكل اضرار خطيرة على اجسامنا وعلى صحة اطفالنا بالخصوص . كما تؤثر هذه المواد على وظائف أجهزة الجسم الحيوية مثل كبد وكلى والجهاز عصبي مركزي...وغيرها من اجهزة اخرى وايضا لها القدرة على احداث مرض السلطان كما سبق وذكرت .
ملا معلينا ياحنونتي غير نلمو فاليزاتنا ونرحو لجبل ديك عيشة باهية وريحة زينة ونتم نديرو بدائل مثل :نعود نعالجو شعورنا بالزيوت نباتية وحنة ونلطف جو بالاعشاب عطرة ونبيض ملابس بالماء مغلي وشرائح ليمون غير من جافيل ليخلاها عليا ومرضت بالحساسية بسبتو..اني نكتب ونسيت روحي قبالي رايحة ندير فيها جريدة واش راك تهدر :p:p
فااخير شكرا لكي اختي على موضوعك رائع وتقبلي مروري .

هالا حبوبتي .....طلتك وحدها تشوى الاف الورود ..............
كي تعولي قوليلي ....:p...باه نروحو كيف كيف ..............:d

الوردة هاذيك جميلة جداااااااااااا و فرحتني ...شكرااااااااااا لك
​

 

[ام اسحاق]

السلام عليكم
​

[FONT=&quot]يجي نهار لي ينشفلنا فيه البترول[/FONT] ([FONT=&quot]وللاسف ما استفدناش منو خيرنا راه في يد غيرنا[/FONT]) [FONT=&quot]ويعود بينا الزمان الى الوراء زمان الجبال والارياف و كل واحد فينا يرجع يركب الدواب ويرعى الغنم ويطيب العجين ياكل كسرة القمح و يشرب اللبن[/FONT] (على الاقل [FONT=&quot]صحي على الكوكا لي تفرتت السنّين وتدير هشاشة العظام[/FONT]) والتي هي بالنسبة لي [FONT=&quot]كلها مأكولات أأمن ألذ وصحية وخير من المواكل لي فيها كيماويات تمص الصحة وتفقر الجيب برك [/FONT]
[FONT=&quot]و في لافان في بالي نعيشو هاد المعيشة خير بويسك حتى واحد مايزيد يتكبر على خوه ونعيشو سواسية كاسنان المشط [/FONT]:d
( [FONT=&quot]صحيا تاكل زوج بيضات تاع جاج عرب خير ما تاكل جاجة محمرة في ريسطورون[/FONT])

[FONT=&quot]نشوف في الشعب راه ياكل في كل شيء ليسونسيال يلقى حاجة تتكل وصاي و لي ما تقتلش اي تسمن ما يهموش ههههههه[/FONT]
[FONT=&quot]مي نديرو في بالنا بلي هادي الماكولات لي فيها الرهج راهي كموت بطيئ برك تقتل الانسان عرق بعرق سي سا لازم تكون فيها رقابة وتوعية وحماية من طرف المواطنين انفسم وكذلك الدولة [/FONT]
[FONT=&quot]وما بيا نقول غير الله يبعد علينا وعليكم هاد السموم برك[/FONT]​

هيا خويا السطايفي ....
وعلاه نسناو حتى ينشف البترول .....و تولي ازمة تاع جبل
هيا نريزرفيو من ضرك بعد ........:d
ربي يقدر الخير و يبعد علينا الامراض
​

 

[ام اسحاق]

والله يا اختي غير ربي يسترنا و حطيتي يدك على نقطة بزاف مهمة
خصوصا انه تقريبا كل المواد اللي نستعملوها مستوردة
و تظني الغرب يحبولنا المليحة؟؟؟
هوما ماذابيهم يلقاو الامة الاسلامية تنهشها الامراض و تتلاشى بشوية بالهم طويل باش يقضيو علينا ما عندهاش بزاف عيطلي خويا و قاللي غير بدلي الشمبوان راه فيه مادة Sodium Laureth Sulfate و هي مادة مسرطنة و لما قلبت واش عندي من مواد ياااا حبابي لقيتها التركيبة الرئيسية في كل المواد اللي نستعملوها لانها المادة التي تنتج الرغوة بكثافة
ودوكا واش نديرو وباش نغسلو راهي موجودة اي هاذ المادة حتى في مواد التنظيف
صحيتي على الموضوع و على التنبيه ربي يحفظك اختي
​

و ربي يحفظك على الرد الباهي نتاعك يا ننوشة .......
المسرطنات ربي يعافينا راهي مسركلتنا يا لطيف ...........زما عندنا وين نهربو غار للجبل و نعيشو حياة طرزان ....:p
ربي هو الحافظ ...ما تخافي ما والو
​

 

[ام اسحاق]

انا وراسك اختي ام اسحاق اذا لقيتي بلاصة في الجبل عيطيلي نجي معاك
والله نطيبلك ونصرحلك بالبقرات ومن لعشيا للعشيا نخبزو فيها خبزة رغدة ونجيبو كاس حليب سخون من البقرة واحنا في الف عافية
والله كيما قالتها اخت قبلي تلوث كلشي حتى الاخلاق راها تسلطنت
ربي يسترنا ويستر علينا وعلى والدينا وارواحنا ووليداتنا وخياننا وكل امة محمد
ربي يبقي الستر برك
​

ندي حبوبتي عفاف معايا ...و دي عايزة كلام :p
بصح نصرحوا كامل كيف كيف ...ماكين لاشاف لا مشرف لا والو :d
و ناكلو كلشي طازج ....:up:
ربي يبقي الستر حنونة ...شكراااااا على المرور
​

 

[zagane]

salam alaycom
7na homa Les microbes

 

[nina usma]

bidoun ta3li9

rabi ya7fadna

:s​

 

[فتاة حساسة]

هههههههههههههههههههههههههههههههههههههههههههههههههههههههههه لي عودة ونرد ههههههههههههههههههههه قتلتيتني طاطا والله​

 

[ام اسحاق]

salam alaycom
7na homa Les microbes

يسمى ما كان لاه نروحو للجبل باه ما نلوثوهش..؟؟............:d
​

 

[ام اسحاق]

bidoun ta3li9

rabi ya7fadna

:s​

ربي يحفظ جميع امة محمد صلى الله عليه و سلم
​

 

[ام اسحاق]

هههههههههههههههههههههههههههههههههههههههههههههههههههههههههه لي عودة ونرد ههههههههههههههههههههه قتلتيتني طاطا والله​

حبيتي تباصيني فتاة حساسة ؟؟؟ :p:p
هههههههههههه............نستنى الرد نتاعك حبوبتي :d

 

[ام انس الحبيب]

عندك الحق ام اسحاق والله كلشي عاد يخوف
ربي يستر رررررررررررررر
وانت طفي الضو شوي حنونة علاه راكي تخوفي فينا
ياك حتى الجبل ما راهوش آمن فيه هذوك الناس سمالله الرحمان الرحيم
ربي ينجينا و يحفظنا
​