عندي مدة مآ درتش موضوع هنآ
وحلآتلي اليوم ندير موضوع هنآ كي لقيت تقييمآت تقول
سلامي نور واشك حبيبتي توحشت نشوفك تدوري هنا في اللمة كي عادتك عندي مدة ما شفتكش ان شا الله يكون المانع خير .
التقييم اللول عآرفة مولآتو والثآني لآ ...صباح الخير اختى .. ان شاء الله تكونى بخير راك ما تضهريش خلاص فى الفترة الاخيرة فى امان الله
ألوغ جيت على وجهم ندير موضوع ونبآن شوية
والحمد لله لي مغيبني غير الخير ومع الربيع أو مآ نقعدش
في الدآر كي المحرومة هذآ مآكآن :-r
...
نرجع للموضوع
حآيبة ندير موضوع لآيت كيفي
ألوغ جيت نحكي على وحد الجآرة ...
هذي وحدة الكل يكرهوهآ تآلمون مآ خلآتش الجيرآن
بحآلهم وبالنسبة ليهآ الكل يديرولهآ السحور
حتى قآلتلهآ مآمآ مرة علآش يسحروك ؟ على الفيلآت
لي عندك ؟
{ تقصد بنآتهآ }
المهم هذآ مش الموضوع ...
يآ سيدي من يومين بآلآك ولآ 3 كنت رآجعة لعشية من الخدمة
لقيتهآ الجآرة هذي تعس فيآ من البآلكون تآعهآ حتى هي
تسكن في الغيتشوسي يعني لقفتني وجهآ لوجه تبآ
ديجآ مع عيطتلي حكمتني الفشلة في الركآيب
المهم بدلت المود تآعي ولعبتهآ نتبسم وفرحت بشوفتهآ
ومسيتهآ بالخير كي النسآوين زعمة وسقسيت على خبآرهآ
ونسنّى فيهآ وآش محتآجة برك مني ألوغ قآلتلي ... :
أعطيني نيميغو مآمآك نحتآجهآ في آفآغ
أوآه ليزآفآغ معآهآ مش ملآح خرجت بوغطآبلي وقلتلهآ :
يوووه على هآذ الحآلة طفى البوغطآبل
ومآ حآفظآش الرقم هيآ قآلتلي خلي نمدلك النيميغو تآعي
وكي توصلي قوليلهآ تـpـيـpـيلي
( يآ قرح لفخونسي تآعك أبقآي في قشوك أطآطآ )
طلعت للدآر وأنآ نخمم وآش طآلبة يعني المخلوقة هذي ووآش
من آفآغ لي تحكي فيهآ مع مآمآ مي عرفتهآ بلي على آفآغ
تآفهآ على قدهآ بعد
رحت لمآمآ قلتلهآ أي حكمتني فلآنة وقآلتلي هكآ هكآ ديجآ
مآمآ وجهآ تعوج وقآلتلي هآتيلي بوغطآبلك نعيط من عندك
لآ تحكم رقمي وتكرهلي حيآتي كل مرة ...
هيآ هدرت معآهآ يآ سيدي ودرك ندير كيمآ الأفلآم
** شهور قبل ذلك **
صرآت آفآغ وين يخدم رآجلهآ لي هي منين يخدم بعد بآبآ
وكبرت لآفآغ ووصلوآ للشرع يعني العمآل قآضآو المدير
وكل وآحد وكّل محآمي وكي ربحوآ القضية غومبوغسآوهم
ودآو حقهم كآمل والحمد لله ...
ورآجلهآ كآن في المعمآعة هذي ألوغ وصل وقت يخلّص
المحآمي ورآح لمرتو لي هي جآرتي هذي وقآللهآ أعطيني
الدرآهم نخلّص المحآمي وهي مآ أمنتوش
** نرجعوآ لزمآن عستني عالبآلكون **
كي مآ أمنتوش عستني وحبت تحكي مع مآمآ بآش تسقسيهآ
كآن لحكآية كآينة منهآ وكآن صح لآفآغ تآع المحآمي
بآش تقرر كآن تمد لرآجلهآ الدرآهم ولآ نو ...
( نوكّل ربي برك
مع العلم هي بطّآلة وقآعدة في الدآر ...
درك رآجلهآ يخدم ويبكر ويعرق بآش يجيب الدرآهم
وأمنهآ عليهم المفروض كي يطلب درآهمو يلقآهم ولآ نو ؟
يعني درك هذي بشر ولآ وآش ؟ ولآ وجههآ مآ يعرقش ؟
حتى ظهرت رآجلهآ بالطريقة هذي قدآم مآمآ ؟
وانتآ يآ رآجل تأمن مرتك على درآهمك ؟ ولآ تفضّل
تأمن روحك عليهم على خآطر مآ تدريهآش ومآ تأمنهآش ؟
وانتومآ يآ لبنآت لوكآن جيتو في بلآصة جآرتي تعملوآ كيفهآ ؟
ولآ تمدوآ لرآجلكم الدرآهم بفم سآكت ؟
عييت درك
نخليكم حتى يعتمدولي الموضوع ونرجع
ومنآ لدآك الوقت اتهلآو في روآحكم
C ya ’
آخر تعديل بواسطة المشرف: