قندورة التصديرة ب 8ملايين أنتي مهبولة !

[أم أمين23]

بو تاع قندورة 8 ملاين انا كونتر بصح الصوف والعشا لازم ما فيهاش كلام مالا وين يرقدو الصوف تاع الراجل راهي تجي ب 3 ملاين والا ازيد شوي والمرا عليها الخياطة تحهم والقماش وراح تجيها قد وش مد هو تعملهم مضربة كبيرة مع زوج مطارح وهي للدار يعني مشريين مشريين كون يروح يشري مضربة واجدة تخرجلو اكثر مالا انا مع جارتكم وراهي حاسبتها قد قد ما عرفتش برك تفسر لامك وراهي داخلة كيما نقولو احنا في فرش الدار ويتعاونو فيهم قبل الزواج خير من بعد راح يحصل فيهم الراجل وحدو مالا يا رجال ما تخسابوش انو تخمم عليكم راهي باغية تسلك راسها باش تحصلو وحدكم من بعد
صح كاين امور ماشي مقبولة كيما القنادر الي تندار وتلبسهم الخزانة وحوايج تافهة اخرى بصح الاساسيات والي لازمة انا من رايي ما فيهم نقاش لانها مشترك عملها للاثنين وماشي كل الي في التقاليد خطأ على بيها لازم نخدمو دماغنا في لازم والي هو زيادة

 

[nanoche]

صحيييتي أختي موضوع في بلاصته و في وقته
راهم العادات الدخيلة على مجتمعنا غير يزيدو و الله كرهولنا حياتنا
و الراجل مسكين منين يجيب و أغلبهم غير كيما بداو يخدمو
نقصو شوية يا الوالدين و اطلبو الهنا للأولادكم و علاش عليكم الخسارة ياك غير الهدرة اللي كاينة و لوكان توكلهم المحمر او المجمر غير فيها فيها
تلقاهم على جال باش يرضيو الناس يغضبو ربي لأنه ما يحبش الخسارة و بعدها تروح ليه مور العرس بعاام تلقاه مازالو ما خلصش الدين دياله
ربي يهدي عباده
​

 

[saroura]

واااااااااش هذا قاع ، هلكاتو ، و زعما غايضها وليدها
و مع هذا تقولك عدات و تقاليد

قندورة بـ8 ملاين

هذا عندي ماشي عادات و تقاليد هذا زوخ

و عناد ، قاع شافو ناس دارو لازم هوما تان يديرو كيما هوما
يا أختي كل واحد و مقدورو

هذي هي أكبر مشكلة يواجهها الشباب اليوم >> الشي قليل و الذبان داير بيه

من جيهة عارفين بلي المعيشة غالية و صعيبة و زيد درك كل وحدة تشرط دارها وحدها
و رغم كل هذا ما ترحموش و تبقى تشرط هذو الحوايج قاع بحجة العادات و التقاليد

الذهب ( بحجم غير معقول ) ، و خاتم تع ألماس ، الدار ( اذا ماشي فيلا ) ، الطونوبيل ، عرس لازم ماكاش لي دار كيفو البلاد قاااااااااااااع تسمع بيه ، اللبسات ( الي لازم ما تكون وحدة لبستها من قبل ) ، و ولاو يشرطو شهر العسل يا سيدي ( موالفين بشهر العسل وجوه البخص )... و خلي و خلي ، ربي عالم بواش يشرطو تاني

يا أختي اذا بقينا نشوفو هذو الحوايج قاع الي ما تدخلش قاع فالعقل ، و هذو الشروط الي ما عندها حتى أساس ، حاجة باينة بلي ينقص الزواج ، ما يولوش يحبو يتزوجو
يقولك واش اداني راني عازب و لاباس بيا

يا سعدهم ناس بكري و الله غير يا سعدهم
يشرطو الهنا و يعيشو مهنيين ( و صح هنا تدخل النية ، و عاشو على حساب نيتهم )
يعيشو في دار عرب يعني موش مع عجوزتها برك ، و انما مع ناس ما يمسوها بحتى صلة ، زوالية و الشي قليل ، و مهنيين

هاهم بزااااااااااااااف يشرطو و يشرطو من بعد ما يفوتش عليهم عام زواج و يطلقو ، لاه ؟؟
فادوهم هذوك الشروط ؟؟ هذوك الشروط هناوهم ؟؟

و الله راني مرأة كيما نتوما مي حاسة بهذو ليجان مساكن
ما لقاو وين يدرﭬو راسهم

الحمد لله مازال ما سمعتش هذا الشي في دارنا
ماكاش منها قاع عادات و تقاليد هذي تع الخرطي كيما قلتي


الدين و الخلق ، من بعد الهنا ، و الحمد لله

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره

و الناس لما ابتعدو عن هذا التفكير صرا واش راه صاري في بلادنا

ربي يكون في عون قااااااااااااااااااااع ليجان لي طاحو في موصيبة كيما هذي إن شاء الله

و القنــــــاعة كنز لا يفنى

:regards01:
​

 

[صبااح]

والله نفس رايك ختي
دراهم يروحو غير فالخرطي
ربي يهدينا​

 

[secret de coeur]

وعليكم السلام آ شوشو جيتي بالعراس خخخ
هاي هاي قندورة بــ 8 ملايين كي والو تخيلي عندنا لبسة الشدة كومبلي 17 مليون :'( ههه مي حنا العروسة هي الي تpيي
وتخلصها من الراجل فالمهر تغليه باش تدير هي حوايج اخرين
ويبقى كلشي هادو غير شكيل المهم الهنا بين الزوجين
وتلقاي الوالدين متمسكين بهاد العادات مالغري ولادهم يحبو يتخلاو عليهم
بيسك راهم يعرقلو زواج
او بروصي خخخخ
مرسي القالمية ع الموضوع الزين كيفك​

 

[serinee]

اهلا بيك و بموضوعك الزين
انا اايدك الراي 100/100
التبدير مش مليح
و زيد وعلاش نحط روحي في ورطة غير على جال باش يقولو الناس اووووووه دروا عرس الله الله و دروا هكا و هكا
و لكان تشوفي اووووه العروسة واش جابولها وواش دات معاها
بزززززاف
كاين بززاف صوالح نقدرو نستغناو عليهم
مي انا شخصيا مستحيل ماما ستقبل
تقبلي مروري
​

 

[SETIF étudiant]

ها السلام عليكم هاني جيت وتقولي ما جيت ... موضوووعك ابداااع وعليه نرد ونزيد نقولك الا درنا وقلبنا ها اختي صفحات قسم واش راك تهدر نلقاو موضوعك من المواضيع النادرة جداا ههههههههههههههههههههههه

سي المراة عندها قيمة عندي لكن بحدووووود مستعد نخطب بشرط تجيني بملابسها لا اكثر اكسي وادي ....عمبالي بنات درك بالعقلية هادي تقولك بايرة وما نديكش هههههههههههههههههههههههههههههه

لي تروح ليها دركا تنوي تخطب تشرط عليك مواصفات عالمية ....كورتاج لازم يكونو فيها سيارات دارنيي كري المهر طول ما انت وعايش تجمعلها في المهر 40 سنة تقولك داري وحدي ياو هي اصلا مايش حابة تزوج تليكيديك على البلاصة برك ...... وافرض ها سيدي كان كمل زواجك اخرتها يؤؤل الى طلاق بويسك ماكانش ثقة بين طرفين ماهوش زواج على اساس انك رجل ما عندهمش النية يخيرو في الرجال برك زواج طمع مصلحة حاشا القلة خخخخخخخخخخخخخخخخخخخخخخخخخخخخخخ

الحمد لله ما يخصني والو( رنيخشا الهم اي روحينو بالشاوية هههه ) و مانيش نفكر في الزواج درك في هاد الزمان ومع بنات دركا ( لا تلقو ايديكم الى التهلكة فقط) والله يا نطمع نبدا نصووووووووم من دركا ههههههههههههههههههههه ....والا زوجت وان شاء الله ربي يطيحنا في الحلال الطيب برك نديها رومية تتزوج اوروبية تدخلها للاسلام خير من دزيرية تخرجك من رحمة ربي
( وعلى نياتكم ترزقون )
هذا رايي تقبلوه والسلام عليكم

 

[ماكانش]

ربي يحسن العون برك
انا نخطب ويشرطو عليا بزاف نبطل
المشكل كي تعجبني الطفلة ويشرطو عليا بزاف لثم نقبل وخلاص علا جال بنيتهم ههههههه
​

 

[~ غيث ~]

جبتلكم موضوع اليوم علابالي راح يعجب الشباب
كتير كتير كتير كتير

http://dc02.**********/i/00095/gbjtrpu9eape.gif
لي هو أكيد هدرو فيه ناس اللمة بزاف
وحبيت نعاود نهدر فيه اليوم
ونقدم فيه نصيحة الماما ربي يحفظهالي
ووجهة نظر ماشكيتش كامل الأمهات والبنات يتفاهمو فيها
لي هيا
.
.
.
.
.يحسنو عون الخطيب :d
ويتخلاو عن بعض العادات تاع الزواج
لي راهي حسب رايي وحسب رايي الماما زايدة

حوار جارتنا مع ماما



خلاصة القول:
حسب رايي لي هو من راي ماما
لي مسمية عادات وتقاليد في الجزاير

راهي غير خرطي في خرطي
مصاريف زايدة تنقص من لوازم البيت الضرورية
كاين ناس تسلف وتسلف
وبعد العرس ميلقاو واش ياكلو
ويجيبوها عوام وهوم يخلصو في الدين
انا من جيهتي
نكره التصديرة والخرطي تاعها
وقندورة تاع قطيفة ب 8 ملايين
كليت راسي نخدمها على ليلة وحدة للحنة ونخبيها
ماش هبال هادا
(عارفة لبنات درك ميعجبهمش الحال هههه )
لكنها الحقيقة
وانتوم واش رايكم ياناس اللمة ؟
عندي حق ولا نو
وهل تقدرو تتخلاو على بعض العادات والتقاليد
الزايدة في الأعراس الجديدة

خلاها سمشو كلمة
(يـــــــــاو فــــــــــــــــــــــــــــــــيق )

[FONT=&quot]

[/FONT]


​

وعليك السلام ورحمه الله وبركاته
ربي يحفظك ويحفظ الوالده ويخليها
زينه العقل ، وكلام لا يُعلى عليه...
جزاكما الله خيرا
​

 

[♥SaMoù Là MoDèsTe♥]

أهلين شوشيتـآآآ
احنـــآآ في ولآيتنـــآآ أو بالأحرى عآئلتنآ كلشي سآهل مآهل
كآين المهر و كآين الخآتم و كآيت التبق
وأحيـــآآنآآ يكون غير المهر والتبق أمــآ الخآتم حتى لنهآر العرس ويديرهالهآ
مي المهر يكون من10 حتى ل 20 مليون
قليل لي رآهم يدفعو تحت 10 ملآين
وكي مآ قلتي كآين شي حوآيج غير زيآدة×زيآدة تلبسهم غير دقيقة وتنحيهم
إمآلآ علآه تروح تمحن الرآجل بيهم
أنـآ تآني رآيي كيمآ رآيك تمآمآ

لو جآت الفتآة وأهلهآ يفكرو غير شوي
مآ يطلبوش كثييير
لأنو الرآجل هذآاللي رآهم يمحنو فيهـ
رآيح يكون رآجل بنتهم
يعني
وين رآهي الفآيدة إذآ تسلف ودآرلهآ العز والشنآ ومور العرس يبقى
متمحن مع الديون
بـ رأيي في حآلآت كيمـآ هآذو التخلي عن العآدآت و التقآليد وآجب
لتسهيل أمر الزوآج على الشبآب







​

 

[iline nono]

عاداتكم يختلفو علينا بزاف في العاصمة ​

موضوع شباب مشكورة حبيبتي

 

[بنت الـ25]

رجعتلك حبيبتشي
موضوعك نال الختم طبعا لأنو مميز وبفضلو تحصلتي معنا على 100 نقطة
نوغمالمو اي وصلت :up:
نرجعو لموضوعك سيغتو كي حكيتي على قندورة التصديرة علابالك احنا في قسنطينة
اللي ما تديش القندورة تع القطيفة كي شغل ما دات والو
خواتاتي داروهم في وقت الغفلة ما سقامولهمش بزاف ختي لكبيرة شراتها مقيومة
وختي لوخرا خدمتها فتلة عند وحدة تاني كيف كيف
وحد النهار قاعدة نحكي معاهم قتلهم نتوما طفرتوها قاتلي ختي لكبيرة :
نوغمال كي تجي دالتك نسلفولك تاوعنا كي يجيك عرس :d
قتلها دبري على حانوتك وكي يكون عندنا عرس ونحضرو في تلاتة وش نلبس؟:s
خخخخخخخخخ
مي راني نشوف في روحي مرصية ليها :-r

نرجع لسعالك

وهل تقدرو تتخلاو على بعض العادات والتقاليد
الزايدة في الأعراس الجديدة

انا نقدر نتخلى ومستغنية ومنندمش
خاطر آخر همي كلام الناس،، وانا وبابا لي نوليو فالغصايص كي نخليلو الدين كيما قلتي
ولا نفسد دراهمي في شكليات ما عندها حتى أساس
يا ختي ندي الشي لي كتب ربي ونعيش مع زوجي في تبات ونبات ونجيبو صبيان وبنات
( منا لهداك النهار فرج ورحمة :d )
ورانا شفنا اللي داو داو داو وكي عاد لهناء مكانش كيما وحدة نعرفها
نهار جات تطلق شبع القاضي ضحك على قائمة الأثاث تعها
قالها : يااو انتي العلمة كاملة شريتيها؟:p

تباا... وزيد الرسول عليه الصلاة والسلام نهانا عن التبذير وهادي وحدها تكفي



​

 

[السلطانة]

السلام عليكم
رايي راهو هنا​

http://4algeria.com/forum/threads/367334/#post4680023

و هنا​

http://4algeria.com/forum/threads/367334-3/#post4684957

ونعاود نقولها
الي يشد فالصحيح ما يطيح​

:dردك فور يانجمة

​

 

[سمسم السمسومة]

حوايج تقدر لوحدة مقتنعة بيهم مديرهمش...هي بلاك الوحدة راح يكون حلمها تدير أي حاجة مليح و تلبس غير الحاجة المخيرة في نهار كيما هذاك....أنا في رايي لي عندها و قادرة ديرها وين راه المشكل...و لي مهيش قادرة مكان لاه تشقى و تدير حاجة كثر منها.....

 

[السلطانة]

بو تاع قندورة 8 ملاين انا كونتر بصح الصوف والعشا لازم ما فيهاش كلام مالا وين يرقدو الصوف تاع الراجل راهي تجي ب 3 ملاين والا ازيد شوي والمرا عليها الخياطة تحهم والقماش وراح تجيها قد وش مد هو تعملهم مضربة كبيرة مع زوج مطارح وهي للدار يعني مشريين مشريين كون يروح يشري مضربة واجدة تخرجلو اكثر مالا انا مع جارتكم وراهي حاسبتها قد قد ما عرفتش برك تفسر لامك وراهي داخلة كيما نقولو احنا في فرش الدار ويتعاونو فيهم قبل الزواج خير من بعد راح يحصل فيهم الراجل وحدو مالا يا رجال ما تخسابوش انو تخمم عليكم راهي باغية تسلك راسها باش تحصلو وحدكم من بعد
صح

فرش الدار
مي علاه 6مطار وبساطاطات بزاف خلاف
وولدها هادا غير يبيع في المرشي ماش تى خدمتو ستابل
تقدر تنقصلو شوي عوض زوج نعجات نعجة وحدة
​

كاين امور ماشي مقبولة كيما القنادر الي تندار وتلبسهم الخزانة وحوايج تافهة اخرى بصح الاساسيات والي لازمة انا من رايي ما فيهم نقاش لانها مشترك عملها للاثنين وماشي كل الي في التقاليد خطأ على بيها لازم نخدمو دماغنا في لازم والي هو
زيادة

ومتقوليليش لي صال
تاع 10 ملايين وكثر تاني لازم
والخساير العميا هاديك
وانتي من عنابة وتعرفي العادات تاع لعطية برك وحدها ضريبة
والماشطة ومنعرف واش ووو
​

:d
واش هي الاساسيات وواش هي الكماليات

​

 

[السلطانة]

صحيييتي أختي موضوع في بلاصته و في وقته
راهم العادات الدخيلة على مجتمعنا غير يزيدو و الله كرهولنا حياتنا
و الراجل مسكين منين يجيب و أغلبهم غير كيما بداو يخدمو
نقصو شوية يا الوالدين و اطلبو الهنا للأولادكم و علاش عليكم الخسارة ياك غير الهدرة اللي كاينة و لوكان توكلهم المحمر او المجمر غير فيها فيها
تلقاهم على جال باش يرضيو الناس يغضبو ربي لأنه ما يحبش الخسارة و بعدها تروح ليه مور العرس بعاام تلقاه مازالو ما خلصش الدين دياله
ربي يهدي عباده
​

ايه وكيما يقولو ادي العبرة من فم المجربين
بعد مايخلاص يقولو ياندماتي
كون وفرنا الدراهم لوايج باينين خير من الخرطي
صحيتي اختي على المرور الطيب

​

 

[السلطانة]

واااااااااش هذا قاع ، هلكاتو ، و زعما غايضها وليدها
و مع هذا تقولك عدات و تقاليد

قندورة بـ8 ملاين

قولي قنادر :d

هذا عندي ماشي عادات و تقاليد هذا زوخ

و عناد ، قاع شافو ناس دارو لازم هوما تان يديرو كيما هوما
يا أختي كل واحد و مقدورو

ايه كل واحد يدير قد جهدو ماش لازم تعاند

هذي هي أكبر مشكلة يواجهها الشباب اليوم >> الشي قليل و الذبان داير بيه

من جيهة عارفين بلي المعيشة غالية و صعيبة و زيد درك كل وحدة تشرط دارها وحدها
و رغم كل هذا ما ترحموش و تبقى تشرط هذو الحوايج قاع بحجة العادات و التقاليد

تلقايه حاصل باه يشري الخاتم وهي
تخدملو في القوالب

الذهب ( بحجم غير معقول ) ، و خاتم تع ألماس ، الدار ( اذا ماشي فيلا ) ، الطونوبيل ، عرس لازم ماكاش لي دار كيفو البلاد قاااااااااااااع تسمع بيه ، اللبسات ( الي لازم ما تكون وحدة لبستها من قبل ) ، و ولاو يشرطو شهر العسل يا سيدي ( موالفين بشهر العسل وجوه البخص )... و خلي و خلي ، ربي عالم بواش يشرطو تاني

نعرف وحدة مشرطت والو
من غير الصداق وانو يديها للعمرة

يا أختي اذا بقينا نشوفو هذو الحوايج قاع الي ما تدخلش قاع فالعقل ، و هذو الشروط الي ما عندها حتى أساس ، حاجة باينة بلي ينقص الزواج ، ما يولوش يحبو يتزوجو
يقولك واش اداني راني عازب و لاباس بيا
رانا فيها بعد
يا سعدهم ناس بكري و الله غير يا سعدهم
يشرطو الهنا و يعيشو مهنيين ( و صح هنا تدخل النية ، و عاشو على حساب نيتهم )
يعيشو في دار عرب يعني موش مع عجوزتها برك ، و انما مع ناس ما يمسوها بحتى صلة ، زوالية و الشي قليل ، و مهنيين
لأنهم بكري يتزوجو باه يبنيو أسرة على اساس صحيح
ودرك تتزوج باه تطبق واش تشوف في المسلسلات
هاهم بزااااااااااااااف يشرطو و يشرطو من بعد ما يفوتش عليهم عام زواج و يطلقو ، لاه ؟؟
فادوهم هذوك الشروط ؟؟ هذوك الشروط هناوهم ؟؟
تبات فيهم لأنو نيتهم ماش صادقة
و الله راني مرأة كيما نتوما مي حاسة بهذو ليجان مساكن
ما لقاو وين يدرﭬو راسهم

الحمد لله مازال ما سمعتش هذا الشي في دارنا
ماكاش منها قاع عادات و تقاليد هذي تع الخرطي كيما قلتي


الدين و الخلق ، من بعد الهنا ، و الحمد لله

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره

و الناس لما ابتعدو عن هذا التفكير صرا واش راه صاري في بلادنا

ربي يكون في عون قااااااااااااااااااااع ليجان لي طاحو في موصيبة كيما هذي إن شاء الله

و القنــــــاعة كنز لا يفنى
راكي جملتيها في نقاط

:regards01:
​

مشكورة اختي
​

 

[السلطانة]

والله نفس رايك ختي
دراهم يروحو غير فالخرطي
ربي يهدينا​

آمين أختي شكرا
​

 

[السلطانة]

وعليكم السلام آ شوشو جيتي بالعراس خخخ
هاي هاي قندورة بــ 8 ملايين كي والو تخيلي عندنا لبسة الشدة كومبلي 17 مليون :'( ههه مي حنا العروسة هي الي تpيي
وتخلصها من الراجل فالمهر تغليه باش تدير هي حوايج اخرين
ويبقى كلشي هادو غير شكيل المهم الهنا بين الزوجين
وتلقاي الوالدين متمسكين بهاد العادات مالغري ولادهم يحبو يتخلاو عليهم
بيسك راهم يعرقلو زواج
او بروصي خخخخ
مرسي القالمية ع الموضوع الزين كيفك​

انتوم ضربتكم ضربة ههه
معروف على تلمسان زينها ومهرها غالي :d
صحيتي الحب
لوكان يخلوكم تتزوج على الستيل كوري تتهناو
​

 

[السلطانة]

اهلا بيك و بموضوعك الزين
انا اايدك الراي 100/100
التبدير مش مليح
و زيد وعلاش نحط روحي في ورطة غير على جال باش يقولو الناس اووووووه دروا عرس الله الله و دروا هكا و هكا
و لكان تشوفي اووووه العروسة واش جابولها وواش دات معاها
بزززززاف
كاين بززاف صوالح نقدرو نستغناو عليهم
مي انا شخصيا مستحيل ماما ستقبل
تقبلي مروري
​

اهلا اختي
ايه ناس تخدم على الشكيل برك
كون يديرو قدهم برك يتهناو
صحيتي
​