ماذا ستطبخين اليوم سيدتي انستي الجزء 32

[hasna23]

حدوودة لك ياوحشة يامرا توحشناك وتوحشنا الشاينيز فود اللي تمتعينا بيه :d

هذي بعض اطباقي ليامات لي فاتت >>كوطا جديدة











الاولى مشوية وهدي محمرة :p

 

[hadda0425]

مساااااااااااااااااااااااااء الافراح والليالي الملاح
آآآآآآآآآآآه قالك العروسة للعريس والجري للمتاعيس كي حالتي
بصحتكم وش طبختو وش كليتو ووش خترعتو من اطباق جديدة
مبروك المطيخ الجديد على شرف لحبيبة سهام
الف مبروك ليك الوسام الشرفي تستاهلي على المجهودات المبذولة :up:
نهاوعليك بسوم الجميلة وان تاني توحشت ريحة المريكان :p الله يخليك يا عينيا
لويزة وندوشة البشبوشة يسال عليكم الخير حبيباتي ربي يخليكم ليا
فريدة بالشفا على كريم
نور الحبوبة بالشفا ليك خيتي
عيد سعيد للتوأم يا ام التوأم
وسلامي لكل البنات
نطل عليكم برك توحشتكم غدوا تاني عندنا خطبة تع بنت سلفتي
المهم رانا غير مع البنات نبيعو فيهم هههه قصدي نزوجو فيهم لعقوبة لبشبوشات اللمة :p

​

 

[hasna23]

هيا درك تعشيتو شبعتو تكسلو قدام لاتيلي نجيبلكم دي قلاص تبردو بيهم



وهدي تقرمشو بيها >>لاكونكسيون تاع الدار النهار يفوت معاها في دقيقة :d

 

[hadda0425]

حسنا ربي يخليك انا تاني توحشتكم موووووت
وما شاء الله عليك اطباق تحفة بصحتك
وربي يبارك على الزين المعسل ربي يخليهالك
​

 

[SaRa QuEeN]

صحيتي حسونة حبيبتي ع الوصفة مي راكي قتلتيني بالاطباق اللي حطيتي مممممممممممم كلش كلش يشهي بصحتكم و عظة كبيييييييرة للزينة هاديك
حدة اختي على سلامتك وبصحتك الاعراس عندك ما تشطحي :p
البنات بصحتكم عشاواتكم و اللي راح يرقدو ليلة سعيدة و الغايبات راكم فالقلب

 

[نور الرحمان]

مرحبى يالبنات صح عشاكم
على سلامتك حدودة توحشناك يالحبيبة
درت عشا خفيف

 

[tasnim55]

بنت الجسور المعلقة يسلمو على الوصفة حنونة تاع المشلوش جربتو مرة جاء هاااااايل ومايشبعش يعطيها الصحة ام ندوش وعيد ميلاد سعيد لبنت خالتك وعقبال 100 سنة الله يحفضها يارب
حسناء اطباق مشااااااااء جوعتيني والله يشهووو يم يم الله يبارك والله يصون الزين المسرار من كل شر خموووووس اعليها
حدة مرحبة بالغالية وبصحتك العرس الله يدوم افراح ويهنيهم وعقبال كل عزباء
نور الرحمان اممممم عشاء يشهي وتحلية روعة بصحتكم
ندى الورود بصحتم العدسوووووون بالهناء

 

[somo_81]

سلام البنات انا البارح كتبتلكم طابلو راحتلي النت
سيد الرجال طلب شطيطحة جاج و انا كانت عندي شوية فرينة غاظتني قاعدة وحدها قلتلها ارواحي نعجن شوية جربت الخبز العربي لعزيزة عليا ام ندوش خرج يهبل و درت غير ليا شاوما على خاطر قالي كرها و زدتلها بطاطا مقلية كي دخل طاحت عينو على الخبز و كيفاه منفخ حلف يمين قاطع غير هو لي ياكل الشورما و الفريت في الخبز العربي ههههههههههه و انا لي ناكل شطيطحة مالا قلت نخليها لفطور اليوم خير نخليكم مع الصور





هادا واش طارلي مع راجلي هههه

و هادي الشطيطحة لي اليوم نشطحو قصدي نفطرو بيها

و دوك نراجع و نرجع نكتبلكم طابلو اخر :p

 

[somo_81]

بشكري لمشرفات الركن لي يعطيهم الف عافية على الالتفانة الكبيرة ربي يحفظكم :$ و دوك نبداو شوية هريف :d
نبدا بإبتسام و تطبيقاتها الروعة من قوارب بطاطا لفولاكات الباذنجان ههه للسلطة الروسية للبربوشة كلش يشهي تسلم الايادي بسومتي
سندريلا زماني مشكورة و وشنو هادا جنgر ولا gنايديزر و الله ماشفيت عليهم مليح ههههه بصح حنونة و بصحتك الرشتا بالجاج
ام شيماء تعيشي اختي الكريمة وبصحتك الطباق التحفة سخفتيني في طاجين الحلو ممممممم
ام ندوش حنونة مبروك رجوع الصوارةو بصحتك الرشتة مممممم و العصير يبرد على القلب
شريكتي زوزو الزينة تعيشي يا المعسل و ان شاء الله كي اليوم تجي دالتك حنونتي
رغود المسكة ربي يحفظك عزيزتي على الكلام الشباب و يمي يمي على تطبيقاتك تشهي بصحتك
سهام حنونتي تعيشي و لعقوبة ليك حطي شوية انتي تاني و لا راكي تساندي في الحلوة
فريدة الباهية تسلملي يا رب و بالشا لكريم ان شاء الله مايشوف شر
ام علاء كل عام و التوام باف خير ربي يحفظهملك و تارت تهبل بصحتكم
لويزة العزيزة ربي يحفظك وينهم اطباقك ولا قرفتي مور الوطة ههههههه بصحتك السلق
سارة كوين تعيشي حنونة راني بنت و بصحتكم الزيفيطي المحرحر معليش المرة الجاية تلحقي تصوري
بنت الجسور المعلقة مبروك على بنت خالتك لعقوبة ل100 سنة ان شاء الله
سرين الزينة تسلميلي يا العزيزة
سارة dz تعيشي يا الغالية اخجلتم تواضعي هههههه زعما بصحتك البطاطا محشية كفتة مممممم
فيفي الحنونة تعيشي يا رب لعقوبة ليك يا برنساس اللمة
سموحة ربي يحفظك شوفتي الرقاد وما دار فيا ههههههه
يا شكون حن علينا بكليمة كربوعة قلبي تعيشي يا ينة المسيلة توحشتك :love01:
سمورة الامورة تسلمي يا العزيزة انتي لي تستاهلي كل خير يا رب
حسنة اختي يعيشي و بصحتكم كلش اطباق روعة تشهي الشبعان و مشكورة على الوصفة كنت نحوس عليها و بوسيلي هاديك الحلوة المسكرة ربي يحفظهالك
ام خديجة بصحتكم حنونة و ييسلمك عزيزتي
ام الحلوين بصحتك لبسة الموف واتاتك و خرجت على وجهك نوراتو هههههههه
نور الرحمان تعيشي اختي الكريمة و اطباقك تشهي تشهي ربي يحفظ حنونة
تعيشي يا ندود الشابة و الله اطباقي تستحي اما اطباقك لي اقل مايقال عليها انها روعة وينها بحبوحة تشوفني نشعر على اطباقك و الله توحشتها و توحشت كلامها لي كي الشهد
سوسو يا سوسو على بيتزا تاعك المفتوحة و المغلوقة يا الشابة راكي في القلب
سميرة اختي تعيشي و انتي غالية عليا
تسنيم تعيشي حنونة ربي يحفظك
حدة يا حدود طليتي علينا و اخيرا توحشناك و خليتي بلاصتك يا المصيبة و تعيشي حنونة و مبروك لبنت سلفتك

 

[samah06]

يسلمك سمووحة بصح مافهمتش واش يعني المدربل؟؟؟؟

صباح الخير حبيباتي
حبيبتي حسنا الرفيس تاع النعمة الرقيقة هنا في عين امليلة نسميوه لمدربل فهمتيني
كيما تاعك اللي راكي حاطاتو يا لفحلة
والا الطباق اللي زادت تحطت يا يما عليكم واش تطبخو وانا لا خبر الوقت واش يدير
من ذرك ما دزيدوش تشوفوني حتى للمساء راني عندي كوطة تاع عرس وخايفا اذا ما يخلصونيش
هاذ الناس منعرفهمش وماعجبونيش يريكلاميو بزاف
لبنات بصحتكم لعشاوات ولغداوات و لفطورات ههههههههمليحة لفطورات
خلاص تخلصت من عقدة الصور اليوم راح نبدا نحطلكم واش راني نطبخ

 

[samah06]

حسنا هذاك صحن تاع ندوووووووووش جبتيه روح وانا حسبتو تاعك
المهم يعطيكم الصحة كامل
ولمدربل هو المشلوشوايضا رفيس النعمة كل واحد واش يسميه المهم هو نفس الاكلة وهي تهبل

 

[أم علاء الدين]

صباح الأنوار عليكم أختي سماح الله يعاونك

 

[السلطانة]

صباح النور عليكم

جبتلكم صحن طعام كيما تقولو :p عشانا تاع البارح
عولت نصورلكم كلش شوي طاحو على الطابلة تقول جامي كلاو طيحولي معنوياتي خخخ

​

 

[مطبخ الأحلام]

سوسو البتزا تاعك تهبل

ربي يسلمك ختيتي سماح ^^

سوستي امممممممم بيتزا هايلة وتسخف بصحتكم درتيلها اعلان مجاني صورتيها من كل النواحي

الله يسلمك ختيتي ندوده هههه كيما قلتي مجاني درتلها بيبليسيتي بلاك فالمستقبل أفتح بيتزيريا
راح نجيبكي معايا ها حضري حالك :d

سوسو المبدعة بيتزا تستاهل البوم اممممممممممممم

ربي يخليك أم ندوشتي حبوبتي أمورتي أي المقصود ندى الصغرونة هههه نضحك انتي وياها واحد :$
فكرة حلوة للألبوم نفكر فيها باش نفتح بيتزيريا ههه

سوسو يا سوسو على بيتزا تاعك المفتوحة و المغلوقة يا الشابة راكي في القلب

ربي يسلمك حبوبة يازينوش نتاعي ربي يخليكي وبصحتكم يالغالية راهي تشهي هذيك الشطيطحة :d
بصحتكم يالغالية ​

 

[ام شيماء]

السلام عليكم مصحتكم كامل يا لبنات كلش يشهي ربي يقوي الخير فطوري راه بريك تاع اختي وحبيبتي لينا جا روعة بالبطاطا وبصل وطماطم والكفتة والفرماج وفلفل حلو وسلاطة الخيار تمر والخوخ ربي يكثر من النعمة الحمد الله

 

[tasnim55]

السلام عليكم صح غدواتكم كامين:regards01:
صومو امممممم بصحتك الخبز العربي جاك هااااااايل وشطيطحة بصحتكم حنونة
ساندرلا زماني اممممم بصحتك عزيزتي الطعااام بالهناء على قلوبكم

 

[بنت الجسور المعلقة]

بصحتكم كامل واش طيبتو
راني رايحة نفوت الامتحان دعواتكم يا غاليين
أبقاو على خير
العشية ان شاء الله ♥♥♥​

 

[tasnim55]

بنت الجسور المعلقة موفقة حبيبتي والله يسهلها في وجهك يارب
​

 

[amira94]

السلام عليكم ورحمة الله و بركاته

كيف احوال الشاطرات ؟؟؟؟

كانش غذاء ولا والو

حبيت نسقسيكم اذا تديرو عندكم كسكسي باللبن نسموه عندنا بخبوخة و لا لا
​

 

[tasnim55]

ام شيماء بصحتكم وش تغديتي مطرح ما يسري يمري
اميرة انا لنعرفو المسفوف نديرو الطعام بالفول و لجلبانة ومدهن بالزيت زيتون مع طاس اللبن وكاين الطعام يكون مدهن بالزبدة وفيه الزبيب و السكر ويكون فيه لحلوة