حتى إنتي لازم ترمضني ببرمة جديدة ؟

[ام راقية]

السلام عليكم ورحمة الله و بركاته

كيف حالكم يا الأحباب

حبيت نرجع بيكم لموضوعي هذا
و نذكركم بعادة شريان الأواني و الإكتضاض في المحلات
لي حكينا عليها و تناقشنا فيها
يا أحبابي هذه الضاهرة راهي بدات تبان وبوادرها ضهرت قبل ما يهل شهر الرحمة بأيام قلائل
محلات مكتضة على آخرها أفواج من النساء داخلة وأفواج أخرى خارجة
المهم بصحتهم واش شراو وربي يهنينا
بلا ما ننساو نتراحمو و ما ننساوش الإكثار من العبادات
رمضان كريم :d
​

 

[loujaina]

hhhhhhh wlh sah kayna hata fi tébessa had eddahira mé l'hmd 7na fi darna mknch mama madirch twaych hadou hwa chahre youkthr fih eddou3a maché essahryat mé enssa rabé yehdihoum o 7acha el ba3d ye7abou yfoukhou za3ma ki ya3rdou el-ghaché lzm y7outou fi l'ftour ma3n jdoud maché kima ta3 l'3am li fat mé mama rbé yekhalihalé tgoul l'baraka fi ellema o dyaf maché fi louma3n na tebanlé bellé ramdan lzm ne7adrou rwahna lih mithal (noutlbou essma7 men nas metkhassmin me3ahoum) o nekathrou men dou3a2 well istighfar parce que nehar yfout kima sayr el ayam maché me7atm nchrou ma3n o ferach o balak kyn li yechré 7ata l'9ach ... aw!!!! tgoul 3id maché chehar errahma well ghoufran nrmlmen kml netwalhou l'had l'ghaltat li nous dzayr yedirouha
mrc 3la el-mawdou3 el 9ayem oukhté
​

 

[ام راقية]

سلام كيف الحال والأحوال يا أحباب اللمة الجزائرية
يا رب تكونو حبايبي بألف خير
ها هو الشهر الفظيل حل ما بقالوش غير بإذن الله حوالي يومين
نتمنى ليكم الصحة و الهناء
ورمضانكم مقبول

​

 

[Amira ~]

ما تبالغوش نورمال
واش فيها كي تشري ماعن جدد و تزين دارها بصوالح جدد
تحب تحس بتغيير في رمضان حتى اذا كانو عندها ولاد صغار يولو يفرحو برمضان و يستحلاوه
ماناش نقولو تلهى غير بهاد الصوالح و تنسى القرآن و قيام الليل و الاستغفار
و لكن رمضان في كلش يكون ليه نكهة خاصة
راهم يحاولو يحسوها بمختلف الطرق و كل واحد و حالته و حياته
انا راني نشوف راكم تبالغو باسكو كل عايلة و كيفاش
و كل عام و نتوما بخير
تصومو بالصحة و العافية ان شاء الله

 

[عفيفة الحبوبة]

هي عادة مليحة و مش مليحة
مليحة انو نحسوا رمضان غير عن باقي الاشهر و اي حاجة جديدة تزيد فيه نكهة خاصة و كيما قالت الاخت اميرة حتى الدراري يولوا يفرحوا بالشهر الفضيل اكثر و يشتاقوا ليه
مش مليحة ادا لحقت حد التبدير يعني عندي و نزيد نشري لا حرام هاد الشيء لواحد لا كان عندوا احسن ليه يتصدق خير​

​

 

[ايمان مي]

علابالك و الله جيتي طليتي على قلبي انا كل عام انا و ماما نحكيو فيها هاد الحكاية انا ضد انو كل عام و هي تشري حنا الحمد لله عندنا و زيد بالاك فوق الحاجة نتاعنا مي و الله الناس كامل هاكذا مانيش فاهمة علاش
المهم ربي امة المسلمين