اللمة ساحراتك ....و لا ّ ساسها تاع اوليا صالحين ...؟؟..

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

W3ALYKOM ASALEM AAAAH WANA NGOUL .RANI WAHDI HAKA HH MALA ECHA3B KAMEL RAW PATEKS FI LAMA . NKOUN RAHA NDIR NES SA3A HATA NELGA ROUHI FI SA3TIN 3SWAI3 .... LAZEMNI KAHWAT ESBAH NECHROBHA M3A LAMTI LEHBIBA SINO MATEHLACH .......

اهلين بالجوهرة ....و عليكم السلام

بصح يا لحبيبة راكي دهدستيني بالما جيسكيل هادا ...

بصح على خاطرك راح نهجج غار بالعقل و نلقى المعنى و مرحبا بيك عندي جواهر ...هههه

راكي ما كيش وحدك حنونة رانا كامل باتاكس و سكوتش و الي تحبي تزيديه غار زيدي ...

و المرة الجاية يا انا يا انت نديرو قهوة واحدة و نشربوها كيف كيف :p
مع اللمة :d

شكرا جواهر على الطلة ...
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

طاطااااااااااااا يا طاططاااااااااا رحت ووليت ومازلت نلقى مواضيعك الجميلة ..
ان شاء الله تكوني بخير واسحاق تاني ان شاء الله يكون بخير ..
اييه والله تواحشتك وتواحشت ناس اللمو كاامال ..
انا وحدا من اناس كنت غايبة بسبب مشاغل الدنيا والقرايا وكلش ..
ميي ماقدرتش نفرط فيها ..ديفوا نخمم مانزيدش ندخلها خلاص ..بصح الله غالب هادي ام يقوولوها اللمة ..
اللمة لمتنا .. وعاشرنا فيها ناس وحبيناهم ..وجو بونس اللي يحب من القلب ما يقدرش يسمح في ناس اللي يحبهم ..هادي هيا حالتنا مع اللمة وناسها .
شكرا طاطاتي على الموضوع الجميلل..قستيها في الصميم...الحساسة :p
​

فتاااااااااااااااتي الحساسة ...

عيونك الي جميلة والله ...و اسحاق راه يسلم عليك ...:p
و قالك رانا توحسسسسسسنات يعني توحشناك :d

للمة لمتنا .. وعاشرنا فيها ناس وحبيناهم ..وجو بونس اللي يحب من القلب ما يقدرش يسمح في ناس اللي يحبهم ..هادي هيا حالتنا مع اللمة وناسها .

هدا هو الي مخلينا لاصقين فيها يا فتاتي ....

يسلملي قلبك و ردك حبوبة و ربي يوفقك ....بصح ردي بالك قرايتك اولا و قرايتك تانيا و قرايتك تالتا و اللمة رابعا ....اوك ؟؟؟؟؟؟


:d
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

السلام عليكم

اولا نقولك اني بخير بفضل الله

نحمدوه و نشكروه

ضربتي لصميم و الموضوع هذا مايخلي واحد يخمم واش رح يرد عليك

لانو تلقا اليد تكتب بلاما تحس

انا يخالتي سجلت هنا في 2009 و كنت انا وصديقتي نقراو مع بعض

كنا كي نتلاقاو في الليسي نحكيو غير على اللمة و كانو الي معانا جامي يفهمو هدرتنا :d لانهم معندهمش نات اصلا

من يوم سجلت حسيت بشعور و الله منقدر نوصفو راحة كبيرة

و كما سبقت و قلت اللمة نحسها الدار الي تجمعنا

هنا لقينا الاخ و الاخت و الاب و الام و حتى الاطفال :up:

في 2011 حبست غبت بسبب الدراسة و قعدت يارب عامين هكاك

تلقايني بعد ماكملت لقراية نرجع مباشرة للمة

و الفترة الي رجعت فيها حسيت انو اللمة كبرت مش كما كانت

لقيت اقسام مشاء الله و مواضيع مميزة فعلا و من غير هذي

و الي فاجئني انو نلقاكم نتوما هنا

تلاقيت بوحدة كنت عرفتها في اللمة كنا نحكيو قلتلها هاني رجعت للمة

قالتلي جايحة انتي اناس تتقدم وانت مزالك تدوري ثماك

علبالك ياخالتي واش قلتلها صح انا جاية كي راني ندور هنا في الفايسبوك

ياو برك لو عرفت قيمتها نقوللها ياخسارة :s

و في الاخير نقول ربي يجمعنا اكل في خيرو ان شاء الله


بارك الله فيك وادامك الله لنا ​

و عليكم السلام ....اهلين فلة ...فلتي ....

و الله يا فلة الي صاريلك و الي قالت هولك صاحبتك قالت هولي واحدة حبيبة ....
بالحرف انا وجهتلها دعوة في عز ادماني على اللمة و طلبت منها الانضمام
المهم سجلت و دارت شوي مواضيع و مبعد.. قالتلي اوااااااه ما راكيش نورمال :s
اقعدي فيها هادي هي اللمة ؟؟ انا حرت قلتلها و علاه ؟
قالتلي قوليلي انت وش عجبك فيها ؟ :-r
انا ما لقيت ما نقول وليت نتلعثم و قلت ليها منتدى جزائري و فيه اخواني و حباباتي ....
قالتلي اقعدي فيها .:down:..كيم قاتلك صاحبتك الناس طلعت للقمرة و انت روحي للمة ههههههههه
اي وي هدا ادمان و لا واش و ما نعرف شكون عندو الحق ..؟؟..

قولي فلة انا و انت و لا صحاباتنا ؟ :-r




​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

وعليكم السلام
بالنسبة ليا اتصالي باللمة كبير بزاف
نتفكر اكبر مدة غبت فيها على اللمة كانت في كنت عضوة مدة اسبوع بسبة الميكرو تاعي فسد
اما باقيها غيابي يكون بسبب العمل وماشو غياب كلي تاع نغيب ايام على بعضاها مش ممكن
وهاكداك نطل الصباح وفي الليل
تاع لازم ندير الدورة تاعي في ارجاء اللمة ولامنرقدش
حتى في الصيف ادا رحنا نحوسو لازم نسجل حضور هنا
تاع اللمة ساكنتلي في راسي
منفكرش في يوم نخليها نهجرها
غير لاسمح الله بسبب مرض او حاجة كبيرة
حتى نهار عرسي متأكدة اني نطل :dباه نروح
اللمة فيها سِحر خاص ماكانش في منتديات خلاف كيما قالو جميع الإخوة والأخوات
شحال من مرة نتناقشو فيه مي واحد ماعرف واش هو
يبقى سرّ اللّماويين لي يحبو لمتهم صح صح وعمرهم ميفكرو يخونو العهد
ربي يخليها ويحفظها من الفِتن والحُسّاد ان شاءالله
شكرا

​

و الله انا تبانلي السر في كل واحد فينا هو سبب تواجدو اليوم الاول في اللمة ....
ممكن ...:s
خاطر انا بصراحة محتارة في الادمان هدا و ممكن سبب التواجد هو الامتداد للادمان ...
يعني كي يبطل سبب التواجد راح يبطل الادمان ...

يعني ...مثلا ممكن الواحد عندو فراغ كبير في حياتو و قاعد يملا فيه ...
و ممكن انسان يحوس يعبر على مشاعرو و ما لقاش لمن ؟؟...
و ممكن هروب من واقع يعاني فيه من اللامبالاة ...
و ممكن اللمة اعطات للناس قيمة هي فاقدتها في الواقع ...
و ممكن واحد بسبب انو يفيد و يستفيد ...
و ممكن و ممكن ...
يعني موضوعي بلاك كل عضو عندو اجابة عليه ....

يعني بلاك لا سحور لا سيدي زكري ...الجواب الكل يكمن في سبب التواجد ....
و اذا عرف السبب ..او ...اذا زال السبب زال الادمان :d

و السر تاع اللمة صح هو التلاحم تاع اللماويين و حبهم لبعضهم هاداك هو الي يحافظ على اللمة في حد ذاتها ...

اما الفتن فهي نائمة و لعن الله من يوقضها و لعن المتسبب الاول فيها ..

سلاماتي
​

 

[EL General]

رد: اللمة ساحراتك ....و لا ّ ساسها تاع اوليا صالحين ...؟؟..

كآين آصدقآء تعرفت عليهم هنآ في آللمة
و كآنوا معآيآ صح رجآل و لقيتهم في وقت آلشدة
​

 

[ألوان مزيفة]

رد: اللمة ساحراتك ....و لا ّ ساسها تاع اوليا صالحين ...؟؟..

يوما ما سأرد على الأسئلة

​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

سلام عليكم اختي الكريمة​

مممممم سؤال مليح انا مين دخلت للمة بالصدفة مكونتش متورة ممكن نطول ونحبها هاك
بكل صراحة نحس بالراحة اهنا اولا لان الناس اغلبية اولاد لبدلاد يعني في داري
وناس اهنا الله يبارك روعة و يتعاشروا و يحسسوك بالراحة الاحترام
و شكرا​

و عليكم السلام و رحمة الله ةو بركاته

اهلا بالمحظوظة ...و الله حنونة رانا كامل كنا كيفك نهار دخلنا ما حطيناش ارواحنا راح نلصقو
بصح كيم قلتي ..يكفي انهم وليدات دزاير ولاد بلادنا هادي لوْلة و زيد ناس يتعاشرو و ناس ملاح

كيفك يا المحظوظة ...:d​

 

[منايا الجنة]

رد: اللمة ساحراتك ....و لا ّ ساسها تاع اوليا صالحين ...؟؟..

صدقني اختي نهار تنغلقت اللمة و طولت جرب ندخل للمنتدى اخر نسيت اسمو والله ما لقيت راحتي كيما نلقاها هنا ف اللمة اول حاجة اللي نديرها كي نفتح الصفحة تع قوقل نكتب اللمة او 4algeria
بارك الله فيك اختي على طرح الموضوع ربي يحفطلنا لمتنا

 

[nanoche]

رد: اللمة ساحراتك ....و لا ّ ساسها تاع اوليا صالحين ...؟؟..

السلام عليكم و رحمة الله و بركاته
مرحباااا بأم اسحاق الغالية و مواضيعها الجميلة جمال روحها
صحححح اللمة هاذي رجعت بيتنا التاني نروحو و نرجعو غير ليها
وصدقيني يا عزيزتي لما غبت مؤخرا لظروف قاهرة منعتني من الدخول الى النت لأني كنت في القاهرة لمناقشة أطروحة الدكتوراه و الله أول حاجة عملتها لما رجعت من السفر هو اني فتحت النت على اللمة الجزائرية و الله ما فيه أحلى من بلادنا و خاوتنا وحتى لهجتنا
وأمنوني والله لما جيت ندخل للمنتديات الأخرى اللي كنت مسجلة فيهم لقيت روحي ناسية الاسم اللي سجلت بيه و حتى كلمة السر و ما همنيش المهم ما نسيتش كلمة السر هنا في داري التانية
و تحية تحية حااااررررة لكل أعضاء المنتدى و ربي يخليهم و يحفظهم واحد بواحد و يطول في أعمارهم

​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

سلام الله عليك طاطا ام اسحاق ومشكوره على الطرح الجميل والاختيار الموفق وكأنك طليتي على قلبي المتعلق باللمه وناسها
انا من الناس اللي تشارك بزاف في المنتديات الاجنبية العربية والجزائرية بصفه خاصة
ولكن اللمه حالة خاصة فرضت مكانتها في قلبي ومتصفحي فلا تبرح ذهني حتى وانا نقرى ولا ندير في كاش حاجه وبالي في اللمه ونتفكر المواضيع اللي قريتها الردود وحتى نتفكر اخواني واخواتي الحمد لله اللمه اسم على مسمى لمتنا مع اخواننا بالطيب والخير والبركهـ لانو اساسها صحيح و منظمه وناس قايمين بيها
ربي يعاونهم خلاونا نلتقوا رغم البعد والاختلاف و النزاعات كلشي تبخر و رفعت الراية الجزائرية
رائعهـ يــآلمتنـــآ
​

اهلا بالجندية ...و عليك السلام
رائعة انت يا الجندية فلي قلتيه الكل ..صح اللمة غير كل المنتديات سحرها خاص ...
و الي في قلبك حبوبة راه في قلوبنا الكل ...
كاش دواء عندك فيدينا بيه ...رانا نحوسو نبطلوها اللمة ماشي نزيدو نلصقو هههه:p
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

اللمة عندها روح و جسد

روح اللمة هما انت و انا و كل الاعضاء الطبييين من امثالك ما شاء الله

و الجسد هي كلماتهم و اقلامهم و مواهبهم

و عندما يتحد الحسد بالروح يحدث super coll

اهلا خويا حسان و لا تحب نعيطلك عمو حسان ؟
صح الي قلتو كامل صحيح اللمة روح و جسد روحها الاعضاء الطيبون و جسدها اقلامهم ...

ربي يبارك فيك و هذا من طيب اصلك ..
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

وعليكم السلام خيتو
منعرف حال وحوال ندووووووروو وندورو ونوليو لاصلنا
مرت نقول ايا بزايد منها اي تكره اي اي...
مي نولي ومانحسش بروحي كيفاش وليت
اواه واقيل لازمني رقية خخخ
نضحك برك
عرفت فيها ناس مانتصورش نبعد عليها وكان حتى مانهدرش معاهم غي نشوف ردودهم ونعرف بلي راهم بخير
هاد الشئ يكفيني

​

اهلا سر القلوب او سر القلب ؟ مرحبا بيك ...
الي قلتيه بالضبط راه حاصل لينا كامل ....
و راح كامل نرقيو :d
و الله فعلا كاين ناس في اللمة هوم الي يخليونا ندخلو على خاطرهم و مجرد ما تشوفي ردودهم و تعرفي بلي الدنيا مازالها بخير

صحيتي على المشاركة يا سر القلب
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

السلام عليكم
اللمة صاريلها كي الكسكاس تصفي الاعضاء الملاح تحكمهم والاعضاء الاخرين تخليهم يطيحو في الواد هههههههههههه

اهلا خويا زاقان ...

و عليكم السلام و الرحمة ....ضحكتني خويا زاقان و لكن راني خايفة يكون صاري العكس يعني الكسكاس يخدم بالغالط ...
و نحنا لصقنا بار ازار ...و كاش نهار يهبطنا الكسكاس للواد
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

تفكرت الاشهار نتاع دزاير نتاع بكري super لصقة ههههه يقتل بالضحك واللمة صح super glue
و أنا واحدة من الناس دخلت للمة و ماقدرتش نخرج انا كنت مسجلة في 2008 ونسيت mot de passe و عاودت سجلت هههههههههه
اللمة هايلة مالgري صراولي مشاكل فيها وخطرة غبت مدة 7 أشهر ههههههه
والمشكل هذا التاريخ راني كاتباتو في واحد الكراس النهار اللي غبت فيه و النهار اللي وليت للمة باليوم و الشهر و السنة هههههههههههههههههه دلالة على حبي الكبير للمة.
كي نقولهم ما نحبش الفايسبوك و نحب منتدى اسمو اللمة يضحكو مي ماعلابالهمش بالسحر اللي في منتدانا غير كل المنتديات.

اللمة فيها كلش مليح خصوصا الاعضاء ربي يبارك جامي لا قاسني عضو ولا جرحوني بكلمة غير خطرة صرا سوء تفاهم.
وفيها اقسام ملاح كل واحد وين يحب يدخل و يصيب راحة بالو
هيا راني طولت بالكتبة كون نقعد نكتب مانخلصش طول .

​

اهلا فطومة ..راكي لخصتي حالتنا كامل في حالتك ...
حتى يصرى سوء تفاهم نغيبو و نقولو خلاص يزي من الموفي سون و ما نعرفوش كيفاش نوليو ....
هادا كاش سحور قاوي و لا كاش كتاب معلق على باب اللمة ...
ربي يشافينا حنونة و ربي يدوم محبتنا و جمعتنا الجزائرية يااا رب هدا ما نقولو :d
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

السلام عليكم ورحمة الله وبركاته ....
هذي غيبة من عام الفيل ما شفتكمش, خليتوني نتوحش مواضيعكم ياسر...:d
الله غالب حكمت فينا النت.. قالهم خويا او ساكن ف اللمة ههههه (ملي دخلتها ما خرجتش منها):up:.
كثر خيرأم اسحاق "الام الروحية للمنتدى" المنتدى بلا بيك مر كي الحنظل , بلا ما ننساو باقي الاعضاء والله كي ندخل وما نشوفهمش نحس المنتدى حابس غير هما لي يخليو المنتدى يجري:d. امممم (السماطة لقاولها دوا هو اللمة هههه داوي السماطة باللمة هيه )
وعالمنتدى واش يعجبني فيه اني موجود فيه, بينكم في وسطكم أعضاء شيّاخة, شبعة, نحس روحي منكم مستفيد اكثر ما مفيد ..... وربي يدوم .....

[FONT=&quot] ياك تشفاو عليا [/FONT]SETIF étudiant [FONT=&quot]؟ وهل يخفى الخط ههههههههههههه[/FONT]

و عليكم السلام و رحمة الله و بركاته

اهلا خويا السطايفي ...يتوحشك الخير ..
هاااااه على عام الفيل و مبعد جاز علينا عام الشر و رانا في عام اللمة :d

الله يبارك فيك يا السطايفي
على بالك بلي ابهى و ارقى و اجمل كلمة اسمعتها حتى الان بعد كلمة ملهمتي لقلمي سلاحي
هي هادي....ام اسحاق الام الروحي للمة ....
تبقى الكلمة هادي تاريخ ....واقيلة لقيت السر الي ملصقني في اللمة الي هي انها اللمة بنتي الروحية :d

بيان سير نشفاو على SETIF étudiantو هل يخفى السطايفي يا السطايفي؟؟ ...
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

كآين آصدقآء تعرفت عليهم هنآ في آللمة
و كآنوا معآيآ صح رجآل و لقيتهم في وقت آلشدة
​

اهلا بالجينرال ..بالتبسي ..وليد بلادي

انت على الاقل عارف وش الي ملصقك في اللمة
عقبالنا ..مع اني بديت نحط ايدي على الجرح و بديت نعرف

قالي السطايفي راني انا هي الام الروحي للمة
​

 

[ام اسحاق]

رد: اللمة ساحراتك ....و لا ّ ساسها تاع اوليا صالحين ...؟؟..

يوما ما سأرد على الأسئلة

​

اهلا بالوان مزيفة او كما اريد ان اسميها بعد اذنك
الوان واضحة ..و اغتنم مداخلتك بش نشكرك على الوانك المنثورة هنا و هناك ..
و ارفع لكِ القبعة .......

اما بالنسبة لموضوعي و ردك عليه ...راني خايفة لا يجي النهار و ما تجيش تحطي رد برك
خايفة لا يجي النهار الي تجيبي شلاقاتك و ملاقاتك على راي اخوانا التوانسة يعني باقاجك و تسكني معايا هنا في قسم واش راك تهدر :d


اسعدني مرورك فقد كان كالنسمة ...التي ننتظر عودتها زائرة غير مقيمة :p
​