يـآجمـآعة الخير : رآكم معروضين للدفينه انتـآع السي موح ( الله يرحمو )

[أم عبد الله]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

السلام عليكم
وعليكـ السلام ورحمة الله تعـآلى وبركـآته اخي ف الله
راه جاي وقت نولو نسمعو المعزين يقولو لاهل الميت في المستقبل
جنازتكم مباركة
العقوبة للعام الجاي
كل جنازة وانتم مباركين
جنازة حلوة يا جميل
راكم معروضين للجنازة الجاية عندنا كيما عرضتونا

هههههههههه مام انـآ شكيتـ هاكذآكـ خويـآ كي عـآدتـ الموتـ كلي حاجة عادية وراحتـ الرهبة هاذيكـ نوغمـآل م بعد يصرى واش يصرا مانتشوكاوش منهم :down:
ههههههههه مي عفسة كـٌل جنازة وانتم مـٌباركين هاذي وحدها هههههههه وزيد لعقوبة للعام الجاي لالا تقول لعقوبة للميتـ الجاي:d

سلامي​

​

 

[الورد الأحمر]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

والله يا نينا جبتيها قدقد، في جنازة جدة ربي يرحمها كلانا الغاشي يا اختي، أنا جدة ماتت في سبيطار وباتت فيه، تاني يوم غسلوها وجابوها لدارها شفناها لآخر مرة واندفنت، كان الوقت وقت ظهر يعني وقت غذا، ما فهمتش علاه الناس يجو يعزو يظهرو دارولك مشكل، تحلالهم الكل يجو منين يجيبو الميت، ويظهرو الكل يحبو الميت، ها سيدي الميت وشافوه اهلو وراح للمقبرة روحي لدارك راكي غافرتي أهلو سي بون، هوما لالا الكل يقعدوا يتغذاو، تلقاي أهل الميت قلبهم فيه جمرة تحرق وهوما ورا هذيك الماكلة واللحم ينهشو مش ياكلو، الكل يقفلو بيبان الدار ويجو، ويجو غير وقت عذا وقت غذا وقت عصر تاع قهوة، والله لا ولينا في زمان العيب تاع الصح، بكري أهل الميت ما تشعلش النار في دارهم 3 أيام، درك من اللحظة لي يموت فيها الميت والنار شاعل على 40 يوم، بكري أهل الميت يلتاو بالحزن تاعهم درك الناس الأطراد ما بقاوش يخليو الناس تحزن على فقيدهم، والله يا النقطة هذي تقيسني بزاف على خاطر فعلا في ميتة جدة ربي يرحمها كلانا الغاشي معرف محبة فيها، معرف واش ... !!!، عموما ما خلاوناش نحزنو وما خلاوناش نتنفسو، المشكل حتى يشوفوك تبكي من الحرقة يبقاو يخزرو فيك ويتلمو عليك ما يخليوكش تتنفسي حتى تتغمي تتغاشاي، يشووك تبكي يبداو بلي كومونتاغ اووو شوفي مسكينة اي تبكي قلبها او يحرق عليها، هذي راهي بنت ولد الصغير وتربات معاها ايييه مسكينة ربي يرحمه خلات وراها لي يبكي عليها !! حتى في هذي يعسو شحال من واحد بكى عالميت تقول يبغضوه تاني، ومن بعد كي يرجعو لديارهم يرجعو في الليل للسهرة!!! تقولشي عرس ياو شكون قاللكم حابين نسهرو؟ يقولك نشاغلوهم باه ما يبقاوش وحدهم !! ياو لالا غير خلونا برك وحدنا من الصباح واحنا على يد ورجل نسربيو ونطيبو خلونا نرقدو بكري باه نبكرو رانا عارفين غدوة من عالصباح تبكرو علينا وتزيدة تجو تشربو حليب وتديرولنا مشقة. تبا راحت حرمة وهيبة الموت، تروحي للمقبرة النساوين والشغاييل وماكانش احترام لأهل المقبرة الموتى، ربي يلطف وين لحقنا لوحد الزمان خدموه ضغيي الإيمان وموتى القلوب، مغسي نينا راني فرغت شوية قلبي مي ما شبعتش . هيا دمتِ في رعاية الله .

 

[أم عبد الله]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

اهلين اختي نور راكي فرغتي شوي قلبك بصحتكـ خير م لي تبقى تحرق فيكـ الله يرحمهـآ امـآنكـ ويوسع عليهـآ شوفي يااختي هاذوكـ الصوالح ولي جاست والله جازو عليا وزيد الدوبل ثانيت
راهم النـآس قساحتـ قلوبهم وما ولاوش يديرو قيمة لحتى شيء
خلاص مات قلبهم وولاو يطابعو ف المعاندة فلان دار وفلان واسا وربي يهدي ما خلق ومانزيدوش نطورو ف هاذا الامر بالذات
وربي يرحم الموتى ويصبر اهليهم يارب
سلامي​

 

[ايمان مي]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

ما عندنا ما نقولو غير ربي يهدي

 

[Midia]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

و الله صح الظاهرة هاذي انتشرت بزااااف

 

[luna lunitta]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

ههههههههههه والله العباد هادو يحيرو يا جماعة اي جنازة مايش فرح
التقاليد نتاع بكري راحت
دركا ولاو الجنازة ويقولوا هذاك الفلان دار جنازة فووووور خير من تاع فلان
ربي يهدي عبادو
وشكرا على الموضوع التحفة

 

[Jit Pâr Hâsârd]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

كل شيء تبدل في هاذي البلاد

ربي يجيب الخــير ان شاء الله

شكــــرا :regards01:
​

 

[الجندية]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

ربًيِ يِرحًمً جّمًيِعٌ الَمًوٌتٌى وٌ يِرحًمً ابًيِ وٌ يِسِکنِهّ فُسيِحً جّنِاتٌهّ


​

ربي يرحمه ويوسع عليه وجميع أموات المسلمين ... يــآرب


...


موضوع في وقتو ... شا نقولو غير ربي يهدينا الناس غارقهـ في أحزانها و ناس وحداخرى جـآيهـ تعمر في كرشهـآ ... عيب
​

 

[أم عبد الله]

رد: يـآجمـآعة الخير : رآكم معروضين للدفينه انتـآع السي موح ( الله يرحمو )

ما عندنا ما نقولو غير ربي يهدي

صدقتـِ غلاتي ربي يهدي مـآخلق :$​

و الله صح الظاهرة هاذي انتشرت بزااااف

انتشرتـ بركـ ولاو يتعـآندو ضركـ شكون لي يسبق شكون ف الزردآتـ خخخخ
​

ههههههههههه والله العباد هادو يحيرو يا جماعة اي جنازة مايش فرح
التقاليد نتاع بكري راحت
دركا ولاو الجنازة ويقولوا هذاك الفلان دار جنازة فووووور خير من تاع فلان
ربي يهدي عبادو
وشكرا على الموضوع التحفة

ايه التقاليد ديال بكري راحت تكري مابقاتش تقاليد آختي هذيك ولات تخلف وهومـآ اطورو زعما :down:
ايه التنافس ف الهبال ربي يبقينا برك بعقلنـآ ههه
اللهم آميين
​

كل شيء تبدل في هاذي البلاد

ربي يجيب الخــير ان شاء الله

شكــــرا :regards01:
​

لعبادو لي تبدلو آخويـآ والعقليـآتـ خسرتـ واش بقى يرحم باباكـ الا ولاتـ الموتـ نضحكو فيهـآ ونلعبو ويقتـآه نتعـآضو ونخافو لي خلقنـآ

اللهم آميين يارب​

ربي يرحمه ويوسع عليه وجميع أموات المسلمين ... يــآرب
’آميين

...


موضوع في وقتو ... شا نقولو غير ربي يهدينا الناس غارقهـ في أحزانها و ناس وحداخرى جـآيهـ تعمر في كرشهـآ ... عيب
​

عيب وبركـ لي يجي مايعيبهم مي ربي يهدي هذا مانقدرو نقولو



نورتو اخوتي ف الله
والله اسعدتني مداخلتكم واعتذر للتـآخر وجمعي للردود :$
سلامي واحترامي للجميع:regards01:​