عرفنا به إن كنت بطيفه عارفا .. او تعرف عليه ... ((nanoche.......((23

[علي الفاضلي]

رد: عرفنا به إن كنت بطيفه عارفا .. او تعرف عليه ... ((nanoche.......((23

لك الشكر استاذة نادية على حضورك .. واجاباتك الصريحة ..

معليهش نساعفوك فيما يتعلق بتعدد الاحزاب .. وتعدد الخالات .. اللي خاف سلم ..

********

1- ما هي الصفات التي تحبين ان يثبت عليها زوجك بعد هذه التجربة التي قاربت سنة .

2- نصيحة زوجية للمقبلات على الزواج .. وقد داهمتنا الحرارة والاعراس ؟

3- صفات لا تحبينها في الرجل ايا كان ... ابا ، زوجا ، اخا .. زميلا في العمل ؟

4-يقال لسان المرأة اسبق من عقلها .. وقلبها اسرع من لسانها .. وعينها ادق من سمعها .. ما تقولين حكيمة علم الاجتماع ؟

5- وجهة نظرك في الانتخابات العربية ...؟

6-عندك رغبة في الاستوزار ودخول قبة البرلمان ..(هناك سبع وزيرات في حكومة الفقااااقير).. (اذا كان بنعم ..ما تنسايش
عمك العمدة راه في يوم ضيفك وقام بيك ...هه.

دمتي سالمة بعافية ..​

 

[حاملـة المسك]

رد: عرفنا به إن كنت بطيفه عارفا .. او تعرف عليه ... ((nanoche.......((23

السلام عليكم

أهلا بشهرورة التانية .. ان شاء الله منيحة..
حاولت نقيلك أسئلة هدا وش خطر في بالي ..البراكة

1- في اعتقادك هل الاسر العربية الحالية تتناسب و تتوافق مع المنهج الاسلامي ..
2- الجدة ربي يبارك في عمرها تعلق على لبستكم و خروج برا و لا لي في القلب في القلب هه
3- كم من مرة في غياب زوجك تتاكدي بلي الباب غلقتيه هه..
4- و بما أن العمدة جاب سيرة البرلمان انتقيت لك صورة من حائطي أرجو التعليق عليه..

شكراا نانوشا على الحضور و الاجابة..
و ألف شكر للاخ المستشار لي سمحلنا بالالتقاء ..​

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

لك الشكر استاذة نادية على حضورك .. واجاباتك الصريحة ..
لا شكر على واجب نشكرك انت على كرم الضيافة

معليهش نساعفوك فيما يتعلق بتعدد الاحزاب .. وتعدد الخالات .. اللي خاف سلم ..
هذا السؤال الوحيد اللي كوكو ديالي كان حاب يجاوب هو عليه ههههههه مي واش عليه حط برك موضوع على التعددية الحزبية اححمم وانا نقولك رايي :p
********

1- ما هي الصفات التي تحبين ان يثبت عليها زوجك بعد هذه التجربة التي قاربت سنة .
مساندته لي حتى في أصعب ظروفه ...

2- نصيحة زوجية للمقبلات على الزواج .. وقد داهمتنا الحرارة والاعراس ؟
الاعراس راهم على العام حتى في رمضان و الناس دارت لعراس مي نقوللكم يا بنات كن كأمهاتكن في حسن المعاشرة

3- صفات لا تحبينها في الرجل ايا كان ... ابا ، زوجا ، اخا .. زميلا في العمل ؟
أكره الرجل المنافق و الخائن حتى لو كان أبي

4-يقال لسان المرأة اسبق من عقلها .. وقلبها اسرع من لسانها .. وعينها ادق من سمعها .. ما تقولين حكيمة علم الاجتماع ؟
واش بيك مع النسا ؟؟؟ ما نقدروش نحطو هاذ الكلام كمقياس على كافة النساء :p واش راك حابهم يزعفو عليا:p:p؟؟
5- وجهة نظرك في الانتخابات العربية ...؟
فيلم رعب مصاريفه على عاتق الدول العربية ومداخيله لصالح X
6-عندك رغبة في الاستوزار ودخول قبة البرلمان ..(هناك سبع وزيرات في حكومة الفقااااقير).. (اذا كان بنعم ..ما تنسايش
عمك العمدة راه في يوم ضيفك وقام بيك ...هه.
لم ولن يكون يوما في قاموس أحلامي الاستوزار و لا حب المسؤولية أنا مكتفية بما هو عندي و أسأل الله العليم أن يقدرني على الا أظلم ولا أُظلم
دمتي سالمة بعافية ..
شكرا خويا ربي يجازيك
​

يا رب لا تدعنى اصاب بالغرور اذا نجحت ولا بالياس اذا فشلت​

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

السلام عليكم

أهلا بشهرورة التانية .. ان شاء الله منيحة..
الحمد لله ربي يهنيك اختي
حاولت نقيلك أسئلة هدا وش خطر في بالي ..البراكة

1- في اعتقادك هل الاسر العربية الحالية تتناسب و تتوافق مع المنهج الاسلامي ..
والله يا اختي الأسر العربية اليوم لا تمد للمنهج الإسلامي بصلة وما بقي يربطهم بالاسلام شهادة لا اله الا الله التي ينطقونها عندما يشعرون بالضيق
2- الجدة ربي يبارك في عمرها تعلق على لبستكم و خروج برا و لا لي في القلب في القلب هه
هههه ربي يخليها و يطول في عمرها غير التعليقات اللي ما تخليهمش في قلبها وما تحبش تركب معاي كي نكون نسوق في السيارة ديما تقوللي من قلة الرجال النسا عادو يسوقو هههه جداتي حجرة سكككر
3- كم من مرة في غياب زوجك تتاكدي بلي الباب غلقتيه هه..
ههههههه تقولشي راكي معاي ...:$ مع كل هبة ريح :$
4- و بما أن العمدة جاب سيرة البرلمان انتقيت لك صورة من حائطي أرجو التعليق عليه..

عندها الحق تpـــريـــpـــــاري بنتها للبرلمان ... تحل مع بنتها الوظائف ديالها ووظائف الشعب يحلها ربي
شكراا نانوشا على الحضور و الاجابة..
شكرا ليكي حبيبتي شرفتيني بحضورك
و ألف شكر للاخ المستشار لي سمحلنا بالالتقاء ..​

شرف كبير ليا انك نورتيني بوجودك أختي
​

 

[أمــ وليــد الجزائرية]

رد: عرفنا به إن كنت بطيفه عارفا .. او تعرف عليه ... ((nanoche.......((23

زعمة مقلتيش خصتني ملينا هنا :d


نرحبو بيك ياطاطا رغم اني روطار مي الله غالب الكونيكسيو و مادارت فيا :d
مع اني مجاني حتى سؤال قلت لازم نحوسلك واحد :-r

انت قلتي انك تتجنبي الاصدقاء؟ يعني كيفاه تتجنبيهم؟ وهل كاينة سبة خلاتك تتخذي هذا الموقف؟
هل عشتي صداقة مؤلمة مثلا؟ نوليلك كي تجاوبيني
​

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

زعمة مقلتيش خصتني ملينا هنا :d
والله انت واحدة من اللي راني نستنى يشرفوني مازالني نستنى في واحداخرين هههههه

نرحبو بيك ياطاطا رغم اني روطار مي الله غالب الكونيكسيو و مادارت فيا :d
ربي يصلح بينك و بينها و ترضاو على بعضاكم ههه
مع اني مجاني حتى سؤال قلت لازم نحوسلك واحد :-r

انت قلتي انك تتجنبي الاصدقاء؟ يعني كيفاه تتجنبيهم؟ وهل كاينة سبة خلاتك تتخذي هذا الموقف؟
هل عشتي صداقة مؤلمة مثلا؟ نوليلك كي تجاوبيني

​

شوفي حبيبتي ماكانش واحدة ما تحبش يكونولها أصدقاء اللي تفاجيلهم و يفاجيولها وانا كنت رايحة نحط موضوع على الخيانة بين الاصدقاء في منتدى فرغ واش كاين في قلبك كي سجلت في البداية مي شفت بليك هاديك الصديقة اللي كنت رايحة نكتب عليها ما تستاهلش تكون يوم من الأيام حتى ذكرى بالنسبة ليا لأنها ما تستاهلش تكون بين طيات مذكرتي
صح تعرضت للخيانة بطريقة بشعة خلات زوجي قبل الزواج يبعد عليا سنتين كاملتين ما عرفتوش حي ولا ميت مي الحمد لله قدرت نتجاوز كل شيء لأني وجهت وجهي لله وفوضت أمري ليه
جابلي ربي طولت بلا ما نحس وماكانش في حياتي نقطة سوداء كيما هادي كانت صديقة لمدة 20 سنة لكنها خائنة
يا خاااه قريب بكيتيني يا الزوينة علاش عليك :tongue02:
هههههههههه شكرا غاليتي على المرور
​

 

[أمــ وليــد الجزائرية]

رد: عرفنا به إن كنت بطيفه عارفا .. او تعرف عليه ... ((nanoche.......((23

شوفي حبيبتي ماكانش واحدة ما تحبش يكونولها أصدقاء اللي تفاجيلهم و يفاجيولها وانا كنت رايحة نحط موضوع على الخيانة بين الاصدقاء في منتدى فرغ واش كاين في قلبك كي سجلت في البداية مي شفت بليك هاديك الصديقة اللي كنت رايحة نكتب عليها ما تستاهلش تكون يوم من الأيام حتى ذكرى بالنسبة ليا لأنها ما تستاهلش تكون بين طيات مذكرتي
صح تعرضت للخيانة بطريقة بشعة خلات زوجي قبل الزواج يبعد عليا سنتين كاملتين ما عرفتوش حي ولا ميت مي الحمد لله قدرت نتجاوز كل شيء لأني وجهت وجهي لله وفوضت أمري ليه
جابلي ربي طولت بلا ما نحس وماكانش في حياتي نقطة سوداء كيما هادي كانت صديقة لمدة 20 سنة لكنها خائنة
يا خاااه قريب بكيتيني يا الزوينة علاش عليك :tongue02:
هههههههههه شكرا غاليتي على المرور
​

سمحيلي ياطاطا دموعك غاليني علينا حسيت انو من وراء كلامك قصة محزنة حمد الله ربي كشفلك المستور و رجعت المياه لمجاريها بينك و بين زوجك


خايفة نزيد نسقسيك تبكي مش من عوايدي ندير هذو لخرايب

منخرجوش من اللمة

رح نجيبلك مجموعة من مقرعجين كانو في صفحتك الخاصة و قوليلنا انت :

واش تعرفي عليهم ...و حكمة ولا كلمة ولا مساج ولا نصيحة تقدميهالكم واحد واحد

خر زوار الصفحة 20:

1. ־●ـ‗غمــــوض ــالــورد_ـ●־
2. ♫only me♫
3. *ياسر*
4. amira94
5. anoch bachar
6. Just a dream. ♥
7. missing heart+
8. mlina4algeria
9. principe mi corazon
10. Rãniã Čřǻzy Nǿǘnã
11. ramiusma
12. soussou bel
13. °NeSriNe°
14. إسراء بنت الجزائر+
15. ام الحلوين
16. رنيم الصمت
17. ضيوف وسـنغادر
18. عميــد القــلم الأزرق~
19. ملاك25+
20. ملكًة الاحسآس

نرجعلك من بعد :d عجبتني القعدة معاك
​

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

سمحيلي ياطاطا دموعك غاليني علينا حسيت انو من وراء كلامك قصة محزنة حمد الله ربي كشفلك المستور و رجعت المياه لمجاريها بينك و بين زوجك
الحمد لله واللي مصبرني ديما انو مهما عظم الهم فهناك الاعظم منه وهو يحمينا (رب عظيم)

خايفة نزيد نسقسيك تبكي مش من عوايدي ندير هذو لخرايب
لالا حبيبتي سقسي اي حاجة حابة تعرفيها على طاطاك
منخرجوش من اللمة

رح نجيبلك مجموعة من مقرعجين كانو في صفحتك الخاصة و قوليلنا انت :

واش تعرفي عليهم ...و حكمة ولا كلمة ولا مساج ولا نصيحة تقدميهالكم واحد واحد

خر زوار الصفحة 20:
־●ـ‗غمــــوض ــالــورد_ـ●־
غالية على قلبي بزاف بزاف ونحبها بلا ما نعرفها عن قرب ( ثمار الأرض تجنى كل موسم .. لكن ثمار الصداقة تجنى كل لحظة ..)
♫only me♫
مانعرفوش مي جابلي ربي اللي كان مضيف قبلي :$(عانـــد الدنيـــا وإبتســــم... إنّ بعد الليــــل فجـــر يرتســـم... لاتقل حظّي قليــل إنمـــا قـــل هذا ما قدّر ربّي وما قســــم
*ياسر*
ربي ييسير أمورك

amira94
أميرة انتى فى القلب وعيونى حراسك
عرشك ضلوعى وفوق الراس مكانك
anoch bachar
كُل صباح أخبروا قِلوبكم أنها تستحّق الفرح أقرأوا لَها الأذكار وَاستودعوها الله وَ كُونوا مُطمئنين ^-^



Just a dream
. ان شاء الله يتحقق حلمك
missing heart
If you love something , you have to learn it
+
mlina4algeria
طيبة و مرحة و تستاهلي كل خير(ما اجمل ان يبكي الانسان والبسمة على شفتيه وان يضحك والدمعه في عينيه)
principe mi corazon
الحياه مليئة بالحجارة فلا تتعثر بها بل إجمعها وابن بها سلما تصعد به نحو النجاح
Rãniã Čřǻzy Nǿǘnã
من جن بالحب فهو عاقل و من جن بغيره فهو مجنون
ramiusma
في لحظة تشعر انك شخص في هذا العالم بينما يوجد شخص في العالم يشعر انك العالم بأسره
soussou bel
ليس العار في ان نسقط .. ولكن العار ان لا نستطيع النهوض

°NeSriNe°
ليست السعادة في أن تفعل دائما ماتريد بل في أن تريد ما تفعله
إسراء بنت الجزائر
نشيطة و حيوية و جزايرية فحلة (لا تفكر في المفقود حتى لا تفقد الموجود)

ام الحلوين
مشتاقة لرسائلك و لإطلالتك وربي يخليلك الحلوين دياولك (الكلمة الطيبة جواز مرور إلى كل القلوب)
رنيم الصمت
جننتني الصورة اللي حاطتها على البروفايل حتى رجعت نعشقها هههه (عظَمة عقلك تخلق لك الحساد .. وعظَمة قلبك تخلق لك الأصدقاء)
ضيوف وسـنغادر
لا تخف من مواجهة الحياة، فإن بدا عليك الخوف زادت عليك الصعاب.
عميــد القــلم الأزرق~
مقرعج كبير و قبلو طيب ( اذا أصبحت فلا تنتظر المساء و بادر الفرصة وأحذر البغتة وایاك
والتأجیل والتردد واذا عزمت فتوكل على لله
ملاك25+
نتمنى تكوني ملاك قلبا و قالبا ( ما فائدة القلم اذا لم يفتح فكرا.. أو يضمد جرحا.. أو يطهر قلبا .. أو يكشف زيفا..أو يبني صرحا.. أو يسعد انسان في ضلاله..
ملكًة الاحسآس

بورك من ملأ حياته بعمل الخير لأنه أدرك أنها أقصر من أن يضيعها بعمل الشر
نرجعلك من بعد :d عجبتني القعدة معاك
​

مرحبا بيك حبيبتي ربي يخليك واسمحيلي طولت باش جاوبت راكي تعرفي رجل هنا و رجل لهيك هههههههههههه
مي اكتر المقرعجين ما عندي حتى فكرة عليهم ربي يحفظهم جميعا
​

 

[علي الفاضلي]

رد: عرفنا به إن كنت بطيفه عارفا .. او تعرف عليه ... ((nanoche.......((23

مرحبا بيك حبيبتي ربي يخليك ..عميــد القــلم الأزرق~
مقرعج كبير و قبلو طيب (اذا أصبحت فلا تنتظر المساء و بادر الفرصة وأحذر البغتة واياك
والتأجيل والتردد واذا عزمت فتوكل على لله.ا
[/SIZE]​

العمدة في المتابعة .. :regards01:

ومشكورة على الاستضافة .. والصراحة والراحة ..

ونعزوك في صداقتك(التي مضت) ..التي كادت تقصم الظهر ..

راكي تعيشي وحدك ..علا ه>اك ما تبغيش تبطلي هدره ...:d

وعمك العمدة .. يا خالتي ..نادية:scared01:

راه زوالي وبسيط وصريح .. وتقرعيج متاعي خفيف وظريف ..ما يوجع ما يقلق:$

دمتي سالمة .. غانمة.:up:

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

العمدة في المتابعة .. :regards01:

ومشكورة على الاستضافة .. والصراحة والراحة ..

ونعزوك في صداقتك(التي مضت) ..التي كادت تقصم الظهر ..

حسن النيه ليس غباء.....والخداع لم ولن يكون ذكاء
​

راكي تعيشي وحدك ..علا ه>اك ما تبغيش تبطلي هدره ...:d

علاش راني نهدر بزاف زعمة؟؟؟؟ راني قريب نروح و ان شاء الله تذكروني بالخير:cray01:
​

وعمك العمدة .. يا خالتي ..نادية:scared01:

راه زوالي وبسيط وصريح .. وتقرعيج متاعي خفيف وظريف ..ما يوجع ما يقلق:$

دمتي سالمة .. غانمة.:up:

شكرا خويا العمدة ربي يحفظك
​

 

[علي الفاضلي]

رد: عرفنا به إن كنت بطيفه عارفا .. او تعرف عليه ... ((nanoche.......((23

شكرا خويا العمدة ربي يحفظك
​

ربي يحفظك ..

واش بغيتي تروحي وتهربي ..

يا ختي الدنيا الكل فيها الانترنت .. وين الهربه ..

دمتي سالمة.:regards01:

 

[adel._dz]

رد: عرفنا به إن كنت بطيفه عارفا .. او تعرف عليه ... ((nanoche.......((23

السلام عليكم
يبدو ان للاخت زادا من العلم مكنها من تشخيص مشاكلها وايجاد الحلول المثلى لها
الأسئلة تبارك الله في السائلين كانت من أفضل مايكون والاجابات كذلك
لكن مادمت دخلت فلدي سؤال

في أي مرحلة يجب على الانسان الالتفات ورائه ؟
هل الندم في قاموسك يعبر عن رغبة في التغيير أو شعور بجلد الذات ؟

خبرتكي الحياتية يبدو انها ثرية
نصيحة لخوكي في الله اذا أردتي ذلك طبعا
شكرا

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

السلام عليكم

و عليكم السلام و رحمة الله
​

يبدو ان للاخت زادا من العلم مكنها من تشخيص مشاكلها وايجاد الحلول المثلى لها

مهما يكون التحصيل العلمي الا أن معركة الحياة تعلمنا أكتر
​

الأسئلة تبارك الله في السائلين كانت من أفضل مايكون والاجابات كذلك
لكن مادمت دخلت فلدي سؤال

هذا شرف لي أخي
​

في أي مرحلة يجب على الانسان الالتفات ورائه ؟

و لماذا يجب أن يلتفت وراءه فبإمكاننا المضي قدما دون أن ننظر الى الخلف مهما كان نوع ذكرياتنا سواء حلوة أو مرة فالحلوة عشناها و المرة تعلمنا منها
​

هل الندم في قاموسك يعبر عن رغبة في التغيير أو شعور بجلد الذات ؟

و الله يا أخي مصطلح الندم لا وجود له في قاموسي لأنني استبدلته بــــ (قدر الله و ما شاء فعل) فلماذا أندم و أعاتب نفسي مادمت لن أغير ما حدث
​

خبرتكي الحياتية يبدو انها ثرية

شكرا أخي
​

نصيحة لخوكي في الله اذا أردتي ذلك طبعا

و هل أستطيع رفض يد امتدت الي؟؟
يقول الامام الشافعي (رحمه الله)

تَعَمَّدنى بِنُصحِكَ فى اِنفِرادي *** وَجَنِّبنى النَصيحَةَ فى الجَماعَة
فَإِنَّ النُصحَ بَينَ الناسِ نَوعٌ *** مِنَ التَوبيخِ لا أَرضى اِستِماعَه
وَإِن خالَفتَنى وَعَصِيتَ قَولى *** فَلا تَجزَع إِذا لَم تُعطَ طاعَة​

شكرا

أسعدني جدا مرورك أخي عادل و أتمنى لك حظا سعيدا في الحياه
​

 

[علي الفاضلي]

رد: عرفنا به إن كنت بطيفه عارفا .. او تعرف عليه ... ((nanoche.......((23

العمدة في المتابعة ..

وان شاء الله لي عودة ..

اهيئ نفسي .. وارد لك الزيارة ...​

 

[أم أُنٌَيسة]

رد: عرفنا به إن كنت بطيفه عارفا .. او تعرف عليه ... ((nanoche.......((23

السلام عليكم و رحمة الله تعالى و بركاته
اسعد الله اوقاتكم و ملاها عليكم بحبه و حب رسوله ونور و ضياء القران الكريم
تشرفت بمعرفتكي اختي الغالية الكريمة
رائعة و راقية بحضورك المميز و ردوركي الراقية ماشاء الله عليكي تبارك الله ربي يحفظك
و لمادا اختي الدهاب ؟
اتمنى ان يوفقكي الله في ما يحبه و يرضاه لكي و رزقك الله البنين و البنات و جعل خلقهم فيما يحبه و يرضاه ان شاء الله يارب
ارجو ان تبقي معنا اختي الغالية
تحياتي احترامي و تقديري لشخصكم الكريم
في امان الله و حفظه
سلام الله عليكم
​

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

السلام عليكم و رحمة الله تعالى و بركاته
اسعد الله اوقاتكم و ملاها عليكم بحبه و حب رسوله ونور و ضياء القران الكريم
تشرفت بمعرفتكي اختي الغالية الكريمة
رائعة و راقية بحضورك المميز و ردوركي الراقية ماشاء الله عليكي تبارك الله ربي يحفظك
و لمادا اختي الدهاب ؟
اتمنى ان يوفقكي الله في ما يحبه و يرضاه لكي و رزقك الله البنين و البنات و جعل خلقهم فيما يحبه و يرضاه ان شاء الله يارب
ارجو ان تبقي معنا اختي الغالية
تحياتي احترامي و تقديري لشخصكم الكريم
في امان الله و حفظه
سلام الله عليكم
​

و عليكم السلام و رحمة الله
شكرا أختي لمرورك الكريم و قد أسعدني ردك كثيرا
فما أحلى أن يجد الانسان أشخاصا يهتمون لوجوده دون أن يعرفوه
أختي ذهابي هو لغرض متابعة دراستي و مؤانسة زوجي في عمله و أنا أعلم أنني سأكون مشغولة و ربما سأغيب عن اللمة و سأشتاق اليكم والله لأنني أعتبر اللمة بيتي الثاني

​

 

[nanoche]

رد: عرفنا به إن كنت بطيفه عارفا .. او تعرف عليه ... ((nanoche.......((23

العمدة في المتابعة ..

وان شاء الله لي عودة ..

اهيئ نفسي .. وارد لك الزيارة ...​

رد الزيارة من شيم المسلمين
وقالك (الضيف ما يتشرط و مول الدار ما يفرط)
مرحبا بيك خويا واقيلا خصوك كاش قرع ما عمرتوش
​