جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

محجوبة الفطير لميزورة​

نجيبو زوج قرص و نحطوهم فوق بعضاهم و نحلوهم و نحطوهم بجهة
و نزيدو زوج اخرين نحطوهم فوق بعضاهم و نحلوهم و نديرلها لاصوص و نوزعوه فوق العجينة و نجيبو العجينة اللي فتحناها قبيل و نغطو لاصوص و نضغطو على الحواشي باش ما يجوش خشان و ما يتفتحوش و نلوحوها فالطاوة نكون رشيناها بالزيت من قبل و نزيدو نرشو المحجوبة تاني و تكون الطبونة النار ناقصة فيها باش ما تتحرقش تجي خير من المعارك اللي ديرو فيهم

بطاطة مفورة التركية لروز​

هاذي أكلة كليتها في تركيا بطاطة مفورة من الحجم الكبيييير بعد ماتفور مجمولة تقسميها من النص وتنحي البطاطة لي طابت من القسم والقشرة الفوقانية تنحي منها البطاطة وترمي القشرة والقشرة التحتانية تنحي منها البطاطة غير من فوق وتخليها

البطاطة هاذيك تخلطيها مع شوية الملح والفرماج بزاف بزاف والفلفل الاسود وترجعيها فوق القشرة وتحطي كل شي عندك كاشير مقطع صغير.. زيتون.. جلبانة مفورة.. بيطراف مقطع صغير. مرقاز مقطع دوائر.. جزر مرابي ماييس،، كل شي مقطع صغير حتى المخللات مقطعة صغيرة تجي
ومن فوق المايونيز تتكل سخونة ماذابيك راي هايلة مي لازم البطاطة لي قشرتها قاسية شوية باش ماتفسدش كي تكوني تخدمي عليها

 

[rose09000]

رد: جميع وصفات عضوات ماذا ستطبخين اليوم سيدتي

مسكوتشو لإبتسام​

6حبات بيض
12ملعقة اكل فرينة او طحين
12ملعقة اكل سكر
12ملعقة اكل زيت
ملعقة ونصف خميرة حلوى
قشور حبة ليمون
ملعقة فانلة او فاني
التحضير
نفصل البياض عن الصفار
نخلط الصفار مع السكر اولا ثم الزيت ثم الفرينة
نضعهم في صحن جانبي
نخلط البياض الى ان يصبح مثل الثلج نضع مابين الاصابع ملح
ونسكب الخليط تدريحي نحاول النحافض على البياض ان لايتكسر ونضيف الخميرة الحلوى والقشور الليمون والفانلة
نضعها في الفرن

 

[rose09000]

رد: جميع وصفات عضوات ماذا ستطبخين اليوم سيدتي

البيني لأم منصف​

كاس دقيق
كاس فرينة
شمة ملح
1/2 ملعقة كبيرة خميرة الخبز
فنجان زيت
وتعجني بماء دافئ تقريبا كاس ماء
العجينة تجي مرخوفة ياسر وتتلاصق لازم تلوزيها بالزيت طبعا بعدما تخليها تخمر شوية 1/4 ساعة برك
سخني الزيت وحطي اللوزات نتاعك وحاولي تحلي كل لوزة في الوسط باصبعك باش تخرجلك اساور

البيون لندى242008​

في طنجرة نقطع حبة بصل + 2 حبات جريوات + 2 حبات جزر + فصين ثوم + 2 حبات طماطم + 2 حبات بطاطا
نقطع الكل الى مكعبات +شوية زيت ورشة ملح من قبل كنت ندير معاهم صدر الدجاج
بصح حاليا عدت نستعمل مكعب جومبو او ماجي دجاج نشوحهم مليح ومن بعد نمرق ..بعد ما تطيب نرحيهم

 

[rose09000]

رد: جميع وصفات عضوات ماذا ستطبخين اليوم سيدتي

بطاطة مربعات لندى242008​

لبطاطا تقطعيها مربعات شوية كبار وتحطيها في مقلة تكون تقيلة شوي + 2 مغارف كبار زبدة ورشة ملح وفلفل اكحل وتغطي عليها وتخليها على نار هادئة جدا جدا
ومرة على مرة تحركيها باش ماتلصقش
كي تطرى ترابي فوقها 2 فصوص ثوم وتخليها تكمل طيابها وتقوي النار بعد ماتشوفيها طرات
كي تبدا تتحمر نحي المغطة ورشي عليها معدنوس وطفي النار وقدميها

 

[rose09000]

رد: جميع وصفات عضوات ماذا ستطبخين اليوم سيدتي

معجنات لأم فاروق​

800 غ فرينة سيم
2 ملاعق اكل كبار خميرة
2 بيضات
ملقة قهوة سكر
ربع كاس زيت
ملعقة ونصف اكل سمنة بحرارة الغرفة او زبدة
ماء دافئ
ملح
اذا كان الملح خشن ملعقة مملوئة وممسوحة يعني تعبيها وتمسحي راسها ماتجيج مكومة
واذلملح رطب نص معلقة اكل التزمي بالملح الان الفرينة مش كيما سميد كون تزيدي شوي تجيكي مالحة شط
المهم نخلط لمكونات الجافة فرينة خميرة سكر ملح مبعد تكسري لبيض تاعك تخلطي مليح وكيما يتخلطو تحطي سمن وزيت وتخلطي مليح وتحكي بين يديك حتى يتجانس الخليط ومبعد تلمي بالماء دافئ تخلطيها بصح ماتكثريش بزاف وماتخليهاش يابسة تجي شوية مرخوفة بصح ماش بزاف كيما دخلي صبعك فيها يفوت مشي يرجع
ومبعد تخليها تخمر حتى يضاعف حجمها

الحشو كيما تحبي انا عملت ثلاثة
1- بصل تقطعيه كيما شكشوكة وتحطيلوا شوية ماء وتغطيه وتخليه يذبل
ومبعد تقطعي جريوات وفطر مقطع رقيق وفلفل حلو وحار وثوم وملح وفلفل اكحل كيما يذبلوا تحطي عليهم طماطم مقطعة وتخليهم يطيبو كيما ينشفو تحطيلهم شوية زيت تخلطيهم وتخليهم شوي وطفي
هاذي تحشي بيها مع طون وفرماج وزيتون مقطع
2- بصل تشحطيه فالسمن ولا زبدة وتقطعي لحم هبرة صغيور قد ظفر ةتتشحطيهم حتى يطيب لحم او يطيب فيسع على خاطر صغير ومبعد تزيدي لفطر وملح وفلف اسود وتبرشي عليه ليمون
كيما يطيبوا هاذو تبرشي حبة باطاطا مقشرة بصح مش طايبة تبرشيها بالاراب بالجيهة لخشينة وتخلطيهم وتغطي عليهم وتنقصي نار خلاص كيما يطيبو تحطيلهم شوية طماطم
3 مثل الثانية لكن من دون طماطم مع ولكن مع اظافة دبس الرمان ولكن دبس الرمان غير معروف بالجزائر
وانتي تقدري تتفني بالحشو
المهم كيما تعملي معجناتك ادهنيهم بالبيض والبض حطيلوا شوي ملح وشوي ماء

 

[rose09000]

رد: جميع وصفات عضوات ماذا ستطبخين اليوم سيدتي

بيشاميل لندى 242008​

كاينة البشاميل السائلة اللي نستعملوها في لي غراتان
والبشاميل الخاثرة اللي نستعملوها في الحشوات والفرق بيناتهم في كمية الحليب فقط
ملعقة كبيرة زبدة وتذوبيها ومن بعد تضيفيلها ملعقة كبيرة فرينة وتخلطي مليح حوالي دقيقتين ومن بعد تضيفيلها كاس حليب فاتر وتخلطي يالخفاقة اليدوية حتان تتحصلي على الكثافة المطلوبة
ماتخليهاش وحدها على النار بلا ماتخلطي باش ما تتحرقش من تحت
في الاخير ممكن تضيفيلها كمية من الفورماج وسنة ثوم مرابية ملح وفلفل اكحل وجوزة الطيب شوية برك
كاينة اضافة اخرى تديرها حورية المطبخ تزيدلها شوية معدنوس مفرومة تجي هايلة
تقدري تضاعفي الكمية حسب ماتحتاجي

 

[rose09000]

رد: جميع وصفات عضوات ماذا ستطبخين اليوم سيدتي

التبولة لأم فاروق​

معدنوس معنزوع العروق يعني تقسيه ربطة فالنص لعماود تنحيهم من نص وتفتفسه رقيق رقي بزاف على قد ما تنجمي لازم بالموس مشي بالماشينة
تقطعي حبة طماطم رقيقة شوي
وحبة بصل تقطعيها كيما طماطم
وتجيبي فنجال تاع برغل تغسليه وتشمخيه فالقارس مدة 15 دقيقة ومبعد تصفيه وتخلطيه معاهم
وتفتفتي معاهم وريقات تاع نعناع اخضر
وكيما تخلطي كل شي تحطي عليهم شوي زيت زيتون وملح وفلفل اكحل وتتبيلة التبولة واذا ماعندكش توابل التبولة تحطي شوية فلفل اكحل وذوقي اذا لقيتيها ناقصة زيت تزيديلها ولقارس ثاني حسب ذوقك انا كيما نشمخ لبرغل فالقارس تجي بنينة خير من نحطو فاللخر

 

[rose09000]

رد: جميع وصفات عضوات ماذا ستطبخين اليوم سيدتي

عصير الخوخ لروعة2005​

2ك خوخ+1ك سكر+شرائح ليمون اقل من نص حبة
حطي 2كيسان ماء+كاس سكر+شرائح الليمون على النار وخليه هو يغلي وانت ضيفيلو براج الخوخ المغسولة واتركيه يطيب مدة ربع ساعة /مع نزع الريم/ وهو يبرد وانت نحي قشور القارص وارحيه في الروبو وانا نزيد نصفيه/انا خبيتو مباشرة يعني مركز
والماء والحلاوة حسب رغبتك

سفنج لتسنيم الهناء​

هذا درت كيلة و نص دقيق رطب'' الدقاق '' كيما نقولو في جيهتنا و نص فرينة
و الكيلة هنا كانت طاوة انتاع 1 لتر
+
الملح عينك ميزانك
+
بيضة كاملة

+
خميرة الدار 2 و نص مغارف كبار
+
ماء دافي

تعجني مليح مليح و من بعد تلوحي الماء و تخبطي حتى تتحصلي على عجينة طرية زي انتاع الشخشوخة
تخليها تختمر و من بعد تلوزي و تقليها في زيت مسخنة من قبل و للتزيين تحطيلها عسل و لا سكر قلاصي و لا تخليهم مدورين و تحشيهم بالمعجون حسب الذوق

 

[rose09000]

رد: جميع وصفات عضوات ماذا ستطبخين اليوم سيدتي

كروكت أرز لمبدعة اللمة​

تحطي كمية من الارز وتغليه فالما والملح
ومبعد تْقَلي البصل والطماط ولفلفل والطون فشوي زيت ومبعد تصفي الارز وتخلطيه مع الخضرة ومبعد تحطي صفار بيضة معاه بش يتماسط وتخليهم يطيبو شوي مبعد تشكليهم اصابع اصابع وتحطيه على بياض البيض ومبعد فالفرينة ومبعد فالخبز المرحي وتحطيهم يتقلو ومبعد يجوك زي معملتهم
شهية طيبة

كسرة الرخساس لمبدعة اللمة[/CENTE

المقادير:كيلو سميد متوسط
كاس زيت
شوي ملح
شوي جلجلان
شوي خميرة قاطو
تبلي المقادير الكل بالماء وخيها شوي يابسة واعجنيها مليح وخلاها ترتاح ساعة ومبعد طيبيها فالطاجين
وشهية طيبة​

 

[rose09000]

رد: جميع وصفات عضوات ماذا ستطبخين اليوم سيدتي

لاسوس بيضاء لروز​

ترابي الثوم وتحطي الملح وفلفل اكحل واذا حبيتي زنجبيل مطحون او طازج مرابي وملعقة زبدة فوق نار هادية بعدها تحطي الكريمة القابلة للخفق نسيت اسمها في الدزاير شريتها نتاع بريزيدون
وتحطيها فوق النار وتخلطي راهي تخثار فوق النار كاين لي يزيد الشومبينيون انا مادرتوش بسكو كاين السمك وتحطي فوقها الفرماج رابي لما تبعديها على النار
سوس تجي فوق الدجاج وفوق السمك وحوايج بزاف

مسبحة لأم فاروق​

عبارة عن حمص مغلي يعني حتى يطيب خلاص كيما تحكمي حبة بين صبعين تتلبز تطحنيه في مطحنة كهربائي مع اظافة طحينة وثوم وعصير قارس يعني ضيفيهم بالتناوب وتطحنيه مليح حتان يولي مثل لكريمة وهي هايلة صح وماتنسايش لملح

 

[rose09000]

رد: جميع وصفات عضوات ماذا ستطبخين اليوم سيدتي

الخبز خفيف لإبتسام​

عبار فريبنة+1ملعقة اكل زبدة غير مدابة+1ملعقة اكل سكر+2ملعقة اكل لحضة(حليب جاف)+1بيض+ملعقة صغيرة ملح +1ملعقة اكل خميرة الخبز(خمارة)+ماء دافىء
الطريقة
نضع الفرينة و الخمارة و السكر و الملح و لحضة في قصعة و نبسسها باملعقة الزبدة مليح نضيف البيض ثم نلم العجينة بالماء الدافي ندلكها مليح و نخليها ترتاح شويا تم نقطعها و نضعها في سينية مدهونة بالزيت و مرشوشة بالفرينة نقرصها مليح و نزينها من الفوق على حسب الرغبة و نضعها في مكان دافىء و نخليها تخمر تم ندهنها بصفار البيض مع قليل من الحليب و نرش السانوج او حبة الحلاوة و ندخلها لفرن مسخن مسبقا نتركها حتى تحمار مليح

 

[rose09000]

رد: جميع وصفات عضوات ماذا ستطبخين اليوم سيدتي

[SIZE="creme au fruit caramiliséلندى2420086"][/SIZE]​

ي فاكهة تفضلونها مثل التفاح والاجاص و الفراز , موز ,اناناس .. الخ
انا استعملت موز +تفاح
للكراميل
4 م ك سكر + 2 م ك ماء
للكريمة
7 فناجين حليب
1 فنجان سكر
3 م ك ماء زهر
3/4 فنجان نشاء اي ما يعادل 6 م ص
طريقة التحضير
في كسرونة على النار نحط 4 م ك سكر + 2 م ك ماء ونخليها على النار حتى تتحول الى كراميل
نضيفلها قطع التفاح
في الاول تيبس الكراميل ومن بعد يطلق التفاح الماء اللي فيه. ترجع الكراميل سائلة
تقلب في الكراميل على الجهتين ونتركها لمدة 5 دقائق ومن بعد نضعها جانبا
في نفس كسرونة الكراميل نحط قطع الموز وتكون غليظة نوعا ما حتى لا تتفتت
ونقلبها لمدة دقيقتين وننزعها من الكراميل


في اطباق التزيين نضع قطع الموز والتفاح المكرملة ونخلي جزء منها للتزيين

ثم نحضر الكريمة
نحط 7 فناجين حليب في كسرونة اخرى + فنجان سكر ونحرك مليح حتان يذوب
نخلط النشا مع ماء الزهر ومع قطرات من الماء حتى يذوب النشا مليح
ومن بعد نصب خليط النشا المذاب مع الحليب والكراميل اللي بقات في الكسرونة الاولى
نضع المزيج على نار هادئة ونخلط مليح حتى يبدا يخثار
نطفي عليه ونصبو في الاكواب فوق الفاكهة المكرملة
ونزينها بالفاكهة
نتركها تبرد جيدا ثم تقدم

 

[rose09000]

رد: جميع وصفات عضوات ماذا ستطبخين اليوم سيدتي

مرمز بالخضرة لأم دودو​

للمرمز المرقة عادي تطيبي المرقة حمرة باللحم الغنمي و تديري فيها الخضرة بطاطا و قرعة و فول مفصص بصح أنا ما عنديش الفول درت في بلاصته الحمص
و المرمز تجيبه شايح و تفرغيه في حاجة واسعة و تصبي عليه الماء المغلي و تصفيه و تحطي فوقه شوي ملح و تغطيه باه يتشرب و كي يتشرب نفوره الفورة الأولى و نرشه و نزيد نفوره فورة ثانية و نرشه بالماء طبعا و بعد الفورة الثالثة و الأخيرة و نسمغه بالدهان الغنمي و تسقي بالخضرة و تاكلي بالهنا

قلب اللوز تع وريدة 17​

10 كيسات تاع شاي سميد خشن
7 كيسان تاع شاي سكر
3 كيسان تاع شاي ماء الزهر
الشاربات:رطل سكر مع لتر ماء
طريقة التحضير:
خلطي مليح السكر والسميد بعد ما تخطليهم ديري كاس ماء الزهر وبداي تخلطي مليح حتى يولي يذوب السكر ومبعد زيدي الكاس الثاني تاع ماء الزهر وخلطي مليح حتى يشرب ماه ومبعد الكاس الثالث ونزيد نخلط مليح
ومبعد ندهنو السنيوة بالزيت ونحطو فيها الخليط وندهنو الخليط بالسمن بعد ما نكونو قسمناه
من قبل لازم يكون الفرن تاع غاز ولا تريسينتي مسخن مليح في درجة 180 درجة
وخليه يطيب في غرضو كي يحمار نخرجوه ونديرولو شاربات تكون دافية
ومبعد غمدي سنيوة القلب اللوز بسنيوة اكبر منها ورجعيها في الفرن حتى يبرد هداك الفرن
ومبعد خلوه يشرب هداك الشاربات وقدموه وبالصحة والهنا

 

[rose09000]

رد: جميع وصفات عضوات ماذا ستطبخين اليوم سيدتي

الحوت في الكوشة لإيمان27​

تحكمى الحوت انا درت سلمون تبليه بملح فلفل اكحل توم كمون شوية راس الحنوت وانا عندى سبيس تاع حوت مشري نزدهلو وستفيه فى بلا وقطعى بطاطا دوائر وحطيها وخلطيها مع لحوت وخليهم يتبلو اومبعد قطعى بصل دوائر وستفيه فوق الحوت وطماطم وقارص وغطيه بالمنيوم ودخليه للفور حتى يطيب اوبعد حمريه من فوق وقدميه انشاء الله يعجبكم

الدوبارة لندى242008​

نخي الفول مع كيس خميرة حلوى وما وتخليها ليلة كاملة يبات
في الغد تطيبي الفول مع شرائح ليمون في طنجرة الضغط حتان يطيب مليح وتحتفظي بالما اللي طاب معاه
توجدي لاصوص
ترابي الطماطم تكون حمرا وطايبة وفصوص ثوم + زيت زيتون + دبشة (حشيش) مقطعة + فلفل حار احمر + راس الحانوت + كمون + م ك طماطم مصبرة وشرائح فلفل اخضر حار وشرائح ليمون
تخلطيهم مليح بلا ماتطيبيهم
تسخني الفول مع الما اللي طاب فيه مليح
وتسقي في صحن التقديم وتحطي فوقو الصلصة تاع الطماطم ماهيش طايبة
وتخلطي
تقدري تضيفي الهريسة معاه
تزينيها بقطرات من زيت الزيتون وتقدميها
تؤكل ساحنة
تقدري تبدلي الفول بالحمص ولا تخلطيهم في زوج مع بعضاهم

 

[rose09000]

رد: جميع وصفات عضوات ماذا ستطبخين اليوم سيدتي

مايوناز لإبتسام​

ملعقة خل
ملعقة عصير ليمون
ملح
2 ملاعق اكل حليب بودرا
تخلطيهم مليح
ثم تضيفي الزيت تجيك تشهي
ادا حبيتي انت تضيفي سنة ثوم وموطارد وفلفل اسود هدا اختياركي

وصفة تارت الجبن​

اول شي طيبي الدجاج في سوس بيضا مع الخضر مقطعة صغيرة ولما اطيب صفي الخضر حطيها وحدها والدجاج فتيه وحطيه على جنب

بعدها تحضري في صحن كبير :
مقدرا واحد من لاشابلور + مقدار واحد من الفرماج رابي+البيض حتى تصبح مثل المكوتشة يعني مطلوقة (على فكرة راهي تدي البيض بزاف) + و2 ولا 1 خمارة على حسب كبر المقدار لي عبرتي بيه

تأخذي المول الشكل لي حبيتيه كيك ولا مربع ولا مدور ادهنيه مليح حطي الخضر فوقها الدجاج مفتت فوقها الخليط نتاع البيض والفرماج ودخليها اطيب بعد ما اطيب اسقيها مباشرة بلاسوس البيضا لي طاب فيها الدجاج والخضر وقطعيها

 

[rose09000]

رد: جميع وصفات عضوات ماذا ستطبخين اليوم سيدتي

بسبوسة ساهلة لمريم حاسي​

نصف كاس زيت
نصف كاس حليب
نصف كاس سكر
نصف كاس خبز يابس محمص و مطحون
كاس سميد
1 بيض
1 خميرة الحلويات
قومي بخلط المقادير و دخليها للفرن و عند اخراجها سقسها بالشاربات الي تكون باردة
صح فطوركم

 

[rose09000]

رد: جميع وصفات عضوات ماذا ستطبخين اليوم سيدتي

قلب اللوز لياسمين177​

ولا يوم من قبل تحضري الشربات:1لتر ماء+500غ سكر وتحطيه على النار يغلي لمدة 20د في نهاية الغاليان ديريلو ربع لتر ماء زهر وخليه جانيا.
1كلغ سميد متوسط+500غ سكر+رشة ملح+فاني+150غ زبدة ذايبة خلطي مليح مبعد رشي السميد بخليط ربع لتر ماء وماء زهر مخلطين وخلطيه كشغل الكسكس وغطيه وخليه يبات.
غدوة من ذاك اقسمي الخليط الى 2 نصف ديريه في صينية مدهونة ثم ديري فوقه كمية من الكوكاو او اللوز المرحي ثم غطيه بالسميد ثم قطعيه مربعات وكل مربع ديري فيه حبة لوز وديريه في فرن ساخن 200درجة وخليه حتى يحمار مليح خرجيه وسقيه بالشربات وعاودي حطيه في فرن ساخن بصح مطفئ لبضع دقائق وخليه يبرد مليح وقطعيه.
تحبي ديري السميد طول طبقة وحدة بلا حشوة.

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار لندى242008​

طل فرينة
ملعقة ونص اكل خميرة خبز
م ص ملح
م ك سكر
ربع كاس زيت
3 م ك لحظة
فنجان ماء الزهر
بيضة
م ص محسن // اول مرة نجربو وفعلا يعطي نتيجة هايلة
نبسسو مليح ومن بعد نعجنو بالماء الدافي وترخفيه مليح باضافة الماء تديرجيا بالتناوب مع ما الزهر
في الاخير حطيت 2 م ك زبدة غير ذائبة //باردة وعاودت عجنتو
تخليه يختمر مرتين
تدهني المول بالزيت وتخليه يختمر للمرة الثالثة
تدهنيه بالبيض والحليب ورشة سكر وتدخليه الى فرن مسخن مسبقا 200 درجة مئوية
بعد ما يطيب وهو سخون تحطيه فوق شباك ولا غربال باش ماتفسدوش الرطوبة
جاا هايل وبنتو كي البريوش وكيما قتلك المحسن يحافظ على الانتفاخ تاعو يعني بعد ما يخمر مايهبطش

 

[rose09000]

رد: جميع وصفات عضوات ماذا ستطبخين اليوم سيدتي

قلب اللوز لإيمان27​

500غ دقيق مويان
250 غ سكر
125غ زبدة دايبة
65ملل ماء زهر 60 ملل ماء
سيرو
لتر ماء
500غ سكر
كاس شاي ماء زهر
ملعقة عسل
ليلة من قبل خلطى دقيق مع سكر وزبدة ورشيه بنصف ماء او مزهلر من بعد ما تخلطيهماو وخلطيه غير على راش صبعتيك كيما نديرو كسكسي او غطيه ودخليه فرجدار ليلة كاملة
فصباح عاودى فتيه بين صبعتيك وزدلو باقى ماء وماء زهروحطى نص كمية فى سنوة وزيدى عليها لوز ولا كاوكاو وهي كيلة لوز فى ربع كيلة سكر وقرفة وشمخيه بماء زهر وعاودى غطيه بباقى دقيق لبقالك وقطعيه وستفى فوقو حبات لوز ودهنيه ب100غ زبدة من فوق ودهنى سنوة من تحت تانى ودخليه للفور حتى يطيب ويحمار من فوق او مبعد وجدى سيرو متخليه يغلى بزاف غير 10 دقائق او طفى عليه زدلو ماء زهر ومغرفة تاع لعسل وكى تخرجى قلب لوز سقيه بسيرو وطفى لفور وعاودى حطيهداخل لفور وهوا سخون حتى يشرب او متقتعه حتى يفوت عليه 8سعات

 

[rose09000]

رد: جميع وصفات عضوات ماذا ستطبخين اليوم سيدتي

حريرة لأم إيناس​

تاخدي اللحم وتقليه مع البصل والتوم وفلفل اسود وشوية قرفة وراس الحانوت تضيفي طماطم مصبرة ودبشة والكرافس هواساس الحريرة وتغسلي 2 حبات طماطم وتقشريهم وتظيفيهم للمرقة هاكاك كي يطيب اللحم اجبدي الطماطم وارحيها وزيديلها الفريك والقصبر مرحي ومغرف راس الحانوت وخلي الفريك طيب لازم جي حمرة والله جي بنينة

حريرة لكوثر الواهرنية​

الحريرة اعي ندير فيها زوج بصل و زوج جزر و زوج طماطم حب و وحدة لفت و لحم خروف يكون ميدم و قصبر بكثرة و ربطيها بخيط و ملح فلفل اسود عود قرفة سكنجبير كروية و زعفران و طماطم تاع الباطة و زيت قليهم مليح و مرقي بزيادة المرق يكون و غلقي الطنجرة و خليه يطيب نبعد نحي القصبر و اللحم و رحي كل شيء و رديها فوق النار اضيفي السكنجبير و الكروية و خليط من زريعة القصبر و زريعة البسباس و حبة الحلاوة مطحونين و خليهم يغلو ديري ثلات ملاعق تشيشة و خليها تطيب و من بعد ديري التدويرة الي هي عبارة عن خليط من الفرينة و الماء ضربيهم مليح يكونوا تقال كيما خليط لي كراب و ديري هدي التدويرة في القدر مع الخلط السريع باش متتكورش خلطي مليح حتى تشوفيها تقالت مشي تقيلة بزاف و كي تبدى تغلي نقسي على النار و خليها مدة ربع ساعة و هي تطيب