الجزائريات و الفايس بوك

[ام سراج الدين وملك]

رد: الجزائريات و الفايس بوك

ماعنديش فكرة بزاف على الفيس بوك عندي حساب لكن فقط مع اخواتي لاني ساكنة بعيدة عليهم نحب نتواصل
وربي يهدي بناتنا وولادنا

 

[anissa 13]

رد: الجزائريات و الفايس بوك

عندك الصح اختي فكلامك
انا دخلت لبزاف مجموعات اغلبهم تاع الطبخ وكاين واحد تاع الديكورات بصح من بعد قعدت ننسحب منهم واحد مورا واحد خليت 2 ولا 3 برك على جال حباباتي اللي فيهم
مرات نشوفو منشورات تافهة والعنوان لايتطابق مع المضمون مجموعة طبخ يحطو فيها وحدة تحرقت وحدة تحكي على مشكلتها مع راجلها وحدة تحكي على حبيبها وحاب يخطبني وحدة شوفو ولدي ووو كل مرة يطلعو بحاجة انا ندخل فمجموعة على اساس نستفاد من وصفات ندخل نلقى اشياء خارجة الطبخ والزوخ داير حالة شوفو كوزينتي وشوفي واش شريت شوفو بنتي تديرغي المعاندة
اصلا على حساب ماشفت غي الشكيل فمجموعات الطبخ نفس الوصفات تتكرر وماشي حاجة جديدة يتعشاو سلاطة يصروها هههه فالمنتديات افضل تلقاي الجديد والحصري
بالاضافة مايلقاوش صعوبة باه يحطو الصور يصورو من ويحطو من بدون رفع وتصغير علابيها واش ما يلقاو فطريقهم يصوروه ويحطوه

ربي يهدينا اجمعين
مشكورة اختي على الموضوع القيم
​

 

[anissa 13]

رد: الجزائريات و الفايس بوك

pour moi koul wa7ad w 7ajtou
+kayan 7aja wasmha "tmas5iiir"
machi koulach ta9albouh jidya
ma3ajbakch al9roup a5arji makalah twaj3i 9albak kima t9ouli
+++++++++++++++++++++++
7anouna koul wa7ad wkifmah y5amam
mada5louch rwa7koum fi
7wayaj 5atyounkooum

slm

صفحات ولا مجموعات التمسخير ولا الدردشة ولا النكت ... هادو راهم باينين اكيد مراحش ناخدوهم بجدية بصح تغيضك المجموعة اللي تدخليلها باه تستفادي سع تزيدي توجعي قلبك تشوفي صوالح خارجين المجموعة وهدا ايضا اللي قصداتو صاحبة الموضوع