ان شآء الله تكونو كآمل بخير ~
موسم الفرآز و الحمد لله السنآ صآلح
و ب أسعآر معقولة جدآآ
حبيت نبدآ المهرجآن بحآجة خفيفة
^^ عصير للفرآولة منعش ^^
بِسمِ الله ~
المقآدير :
- فرآولة [ تنقيهآ و تغسليهآ مليح ]
- سكر [ حسب الحآجة ]
- موز [ لأنو يخثر العصير و يعطيه نكهة أروع ]
- اختيآري [ علبتي يآووت ذوق فرولة ]
- مآء و حليب طبعآ ’’
نجيو للطريقة :
تقطعي الموز و الفرآولة لي كنتي نقيتيهم و غسلتيهم مليح
تحطيهم في ميكسور
و تضيفي كمية قليلة من المآء و تكملي بالحليب مبعد تضيفي السكر
و تخلطي حتى تتجآنس و تتحصلي على عصير ،
اذآ حبيتي تزيدي اليآوورت بنكهة الفرآولة ضيفيه مع الاخير
و هنآ العصير بعد مآ وجد تقدميه
ديمآ نديرو و نقدمو مع أي شيء :
هنآ مع كسرة محشية كنت حطيت الوصفة من قبل
و هنآ مع تآرتولآت الفرولة [ في موضوع آخر ان شآء الله ]
و هنآ مع كيكة دآنيت محشية بالفرآولة [ في موضوع آخر ان شآء الله ]
ننتظر مشآركآتكم ان شآء الله
صَفْصَفْ