اغماءات و اضراب عن الطعام و المشكل راه يكبر

[الامين محمد]

رد: اغماءات و اضراب عن الطعام و المشكل راه يكبر

وعليكم السلام

الاساتذة المستخلفين حطو الوزيرة في مأزق
درك هوما يطالبو بالادماج هي قاتلهم نزيدكم نقطة برك في المسابقة بشرط تكونو خادمين مدة عام في منصب شاغر

يعني لي استخلف في مناصب المرض ومناصب الامومة كامل خاطيين

تحوس على لي خدم عام كامل في منصب شاغر وهذا ليس بالعدل !

وتاني متقدرش تدمجهم ماكانش قانون في الوظيف العمومي يقولك يدمجو المستخلف بلامسابقة !

لأنو لو تدمجهم يثورو تاع عقود ماقبل التشغي (لي راهم يخدمو في الادارات تاني ماشي غير التعليم ) ل وراهم حالفين قالك تدمج المستخلفين نثورو ونحرقو البلاد !
يعني الحالة راهي مخلطة وماشي ساهلة

ربي يكون في العون

كلامك خوفني ربي يستر

 

[أم منيــــــر]

رد: اغماءات و اضراب عن الطعام و المشكل راه يكبر

لدي سؤال فقط : في حال مثلا قبول طلبهم وترسيمهم دون مسابقة ماذا نتوقع من عمال القطاعات الأخرى الذين هم متعاقدون ايضا؟ راح تولي الطرق نحو العاصمة كامل مسيرات مثلا؟ يعني لي يحب يترسم يدير مسيرة واضراب عن الطعام، وكي نرسمو هاذ الأساتذة المتعاقدين بدون المشاركة فالمسابقة أين هي حظوظ باقي المترشحين أم أن ليس لهم الحق في العمل؟؟؟ وهل من المعقول أن تخرج نساء وفتيات للمسيرة من ولاية لأخرى ؟؟؟ وهل من المعقول أن يبت هؤلاء في العراء وهل يحثنا ديننا على القاء انفسنا للتهلكة بالاضراب عن الطعام ؟ ألا يعلم من نقلو للمستشفى أنهم سيحاسبون عن أنفسهم؟ وهل من المعقول أن يترك رب بيت زوجته وأولاده لمدة كبيرة من الزمن ويتركهم دون من يعولهم ولا سمح الله حدث شيء في البيت لأحد أفراد العائلة من سيتكفل بهم؟؟؟ الوزارة وعدت بنقاط اضافية لهم وهاذا يكفي والحل ليس في المسيرات لأنه لو تلبى مطالبهم سنصبح في غابة كبيرة وشكرا

زيدني و نزيدك
يسمى مشكل الادماج راه في كل بلاصة
و الله حتى انا فكرت في عايلتو راهم مقلقين اكيد كي يسمعو هاد الاخبار يتقلقو اكثر و اكثر اضرابات و اغماءات و الاسعاف ووو اخبار تمرض
و النسا و الله ما جات عليهم تبهديلة
كاين الرجال لي يوفقو علاش تروح هي ترخص عمرها و تبات خلا
ما نعرف الله يستر برك

 

[Hakan]

رد: اغماءات و اضراب عن الطعام و المشكل راه يكبر

صح خالوطة كبيرة ياحكيم
وأصحاب النظام الكلاسيكي لي كيما أنا لي حرقوهم
معندنا حتى ذنب قرينا كلاسيك وكنا آخر دفعة جاو فضلو علينا نظام lmd
أحنا أدب عربي لينا الحق غير في التعليم ومعندناش الحق في الادارات والمسابقات الأخرى
ودرك جابو تخصصات معانا اخرى كيما الحقوق والعلوم السياسية
وغيرها يسمحولي مي معندهم حتى علاقة بالتعليم لأنو كي قراونا هوما قراو مقايسس أخرى ماقراوهمش على التعليم ولا على منهجيتو ولا على الأساليب التربوية ولا على علم النفس وطريقة التعامل مع التلميذ.
من مباعد أكيد بكل سهولة يقولك أنت أقعد لهيه معندكش معريفة وتخصصات أخرى وحتى وهي لاعلاقة تربح المنصب
ولي قاتلهم اقعدو كي قالك اختبار كتابي وماش مدخلين فيه الخبرة هاه والخبرة مالا تاعنا لي كانت مع الميدان نبخرو بيها ولاواش نديرو بيها أنا 3سنين وشفتهم بزاف مابالك بلي قاعدين يحتجوا بخبرة 10 سنين واكثر ياحصرا
يعني الدعوة مخلطة صح مابقى فيها والو
استخلفت 3 سنين وعامين قعدتهم في الدار يعني 5 سنين منلي تخرجت
وكيما يقولو شبعت واكتفيت من حاجة اسمها تعليم
قررت أني نخرج من هاذ المجال والحمد لله أي ليهم
بلادنا ماشية بعشوائية في جميع الميادين
عمري شفت مسابقات يصرى فيها لعجب كيما مسابقات بلادي
وعلى التقاعد راهم خرجو بزاف ومازال القليل لأنهم تقريب ينقرضو الاساتذة القدم ومايبقى فيها والو
يعود القطاع جديد في جديد ويخرجولنا جيل عقلية cool :p

والله يااختي ام ياسمين راهي خلوطة كبيرة الوالد نتاعي في التسعينات قرى تقريبا 9 سنوات استخلاف
لغة فرنسية نهار كانو الاساتذة نتاع الفرنسية مكانش
ومن بعد صراتلو ضربة نتاع ارهاب وعاود رجع يقري مي 9 سنوات يخلص هذيك 5 ملاين على العام
وما رسموه ماوالو ومن بعد كره حبس جد التعليم هذا ودورها تجارة والله تبكي على بلادك وتزيدي راهي تمشي من الهاوية للهاوية
ربي يستر وخلاص وكيما قلتي مكانش عدالة في توزيع التخصصات نورمال علوم سياسية راهو يخدم في كاش حزب ولا جمعية
ماشي يجي يشدلك التعليم وممكن يخصرلك جيل كاامل لانو عندو ميولات سياسية وعوض لا يقري قرايتو يزيد يهردها
مشكلة اعظم وابلغ واغلب الناس يعني تلقايهم يخمو في التعليم زيد مثلا الائمة نتاع المساجد تلقايه حبس سنة اولى متوسط
راح قرى في كاش زاوية ومن بعد يجي يشدلك الجاامع ويفتي بدون علم نورمالمون الامامة يشدها الدكتور في الفقه او على الاقل
ماجستار ولا ماستر ماشي الخرطي نتاع الزوي واكيد اغلبهم ماشي كاامل ربي يجيب الخير للتعليم وناس التعليم ..​

 

[أم منيــــــر]

رد: اغماءات و اضراب عن الطعام و المشكل راه يكبر

السلام عليكم
الحالة راها تزيد تتعقد
لكناسب تهدد باضراب وطني ادا الوزارة ما لباوش طلبات المضربين
بصح السؤال المطروح
ايسكو كل المضربين مؤهلين فعلا لتعليم و تربية الاجيال الجاية
كما قالهم واحد يسمى هادو كانو يتعلمو في ولادنا بما انو المسابقة هي لي تحدد ادا قادر يعلم ول لالا
ماشي حل خلاص هادا نتع المستخلفين
الحكومة دارت حلول ترقيعية باش تسكت الناس و من بعد حصلت معاهم
واش سلاكها درك ؟