خبر عاجل جدا

[ليليا مرام]

السلام عليكم يا الشابات ويا الشاببيين نتاع المنتدى
اليكم هذا الخبر عاجل

شهد شهود عيان وعلى الاغلب يكذبو مي معليش نديرو روحنا أمنّاهم

قالك في ولاية ما وفي كوانة ما وفي واحد الخرشة لوحظ وجود مخلوقات غريبة وحتى الوصف اللي وصلنا نظن انهم قوم
الزومبيييييييييييييييي .... اكلو لحم البشر

ايييه ياكلو العباد ... قالك كاين واحد انا حسب ما حكاولي يشبه لهشام

ولاخر سمين كيما الامين محمد

واحد اللي كان يمشي وياكل فيدو تالمو حلو بزاف ... سور سكر افندي
ياو حتى الطبيب زعمى جا يداويهم كلاوه حكيم مسكين قسملي قلبي

وقيل لي انو وراهم جايين كشرودات جيعانات يمشو وياكلو فالحجر والشجر اللي شعرها مكشرد وملصقة فيه بنانة اكوتي مريم قسنطينية معلييييييييييكش امريم تاكلي العباد بالبنان فوق راسك

اما زهرة الزنبق الشيك والكلاص شادة كوانة وتاكل في واحد بالموس والفرشيطة بريستيج يا واسمك ماشي غير ارواح وكول

قالك من قسم واش راك تهدر جاهم فيروس خطير واسمو واش راك تاكل
ولننطلق لموضوعنا اليوم

الماكلة في بلادنا ناكلو برك وناكلو كل شي معيز وخرفان احنا وبقر قريب نخرجو نرعاو
ندخلو ندير جولة فالبيتزريات واللي معمرين نسا هات رونديلا بيتزا انت عندبالك كل الجماعة تاكلها نونونونو راهي وحدها

وتلحق لخرى وتزيدها من هيه سندويش شاورما وتضربلها ستيرنا نتاع قازوز تشلل تقول عندها سد ماشي كرش
وتتقرع تقريعة تقول انت زنزلة ضربت

12
نروحو للمحاجب سخونين حارين هذو 4 فتح شهية وهذو 5 ماشي حارين و 6 نديهم معايا ناكلوهم فالطريق

والرجال ما نحكوش زعمى حشمانيين

مرة نشوف فواحد مع صاحبو 50 بروشات لحم وفريت وليسلاد وبلا ستاك آشي وزوج قرع نتاع حمود يا بن عمي تقول اناكوندا

انا بقيت نشوف فيه لما قالي القرسون واش تكموندي قتلو راني رايحة السيد راح يكالني انا تقول جا من لامازون اناكوندا

والرجال ما يسمانوش حابة نعرف قلبهم كحل او واش هذاك السمين تلقاه خلاص تهرا ... متزوج وشاب عندو تزينة نتاع ذراري كيما كيسان نتاع لاتاي وكرشو طايحة فالأرض مي العزاب ماشاء الله اناقة وشياكة وطول وصحة وين راهي تروح الماكلة وااااااااااااااع

النسا حنا تاكل بيتزا تلقا خدها دوّر كيما هي

ثمثم تبان علينا يقولك السمانات الماكلة والراحة ماكانش منها المرا تخدم فالدار بزاف تظل نهار كامل دور وتحرق الدهون ولو انها كلها دهون ناكلو الزيوت وناكلو المقلي بزاف مي الرجال ثاني ياكلو علاه ما يسمانوش

كل ما نفوت على بيتزيريا او ريستو نلقى التقربيع قريط قريط قريط سنانهم تقولي نتا تراكتورات يا ريت ياكلو بالسكات صال ديفات في فامهم الحاجة اللي تمشي فالبلاد المشاوي والمقالي والريستوات اكثر تجارة ناجحة خاصة لو عند الاسواق
الزومبيي............... جماعة واش راك تاكل
خبروني الصراحة شعال تاكلو فالنهار وشكون صح بانت عليه السمونية وشكون مش سمين مهما ياكل
والصراحة شكون ياكل بزاف الرجال ام النسا
الخط ليكم

انقطع الاتصال نظن الصحفية ام يسمين كلاتها مريم بصحتك

سكر افندي كلا روحو ودار عليه حكيم كلاه حلاوتو

خونا الامين هو هارب وزهرة وراه تبغي تاكل غير الحاجة الغالية البريستيج احم احم

​

 

[lamine zargo]

رد: خبر عاجل جدا

انا خاطيني الماكلة تاع برا فالدار برك و مانخلطش نعرف واش ناكل
موضوع هايل شكرا​

 

[حاملة القرءان]

رد: خبر عاجل جدا

السلام عليكم ورحمة الله :

أنا من النوع لي يشرب قطرة ما يسمان ههههههه ،رغم اني منتظمة في الوجبات

وخاطيتني ماكلة برا ،بصح راني متعدية الحدود ههههه

وش ندير ،درت السبور وماخرجش عليا ،مي معليش مهمش راهي صحة وماشي سمنة

 

[تـريـــاق المحـبـة]

رد: خبر عاجل جدا

واو قلت صح دخلوا علينا مي ماعليش نعرفوهم مايديرولنا والو ا​

 

[الامين محمد]

رد: خبر عاجل جدا

ايييييييييييه حتى أنا سمعت الخبر
و قالك ان أصلهم هو زواج بين مسعوووووودة و ديناصور منقرض

و قالوا ان مسعوووودة توحمت على لحم معزة لكن سي الديناصور ما لقاش ليها معزة
فذبح ليها ذيب
كلاااته مسعوووودة اللله يرحمها و ما خلات لا لحم و لاعظم
فجاو و لادها كيما اخوالهم من الوحم ذياااااابة


ههههههههههههههههههه
شكرا اختي المهبووولة
بلا ما ننسى راكي غايرة مني لأني ملكة الرشااااقة
و كاين اثنين كيما أنا
فوندااام في مريكان و أنا في دزاير ههههههههههه

نرجع سيريو
أحم أحم
انا صخشيا يا أختي ليليا
الشهية دايما مفتوحة و مفتوووحة على طول و ما نراطي حتى حاجة
خصوصا الكسكس يا محاينك نتفنن فيه لما يكون في العشا نتعشى مرتين
بعد صلاة المغرب و بعد صلاة العشاء:-o

عمري ما نتكبر على الماكلة او بالأحرىأنا و الماكلة بيناتنا قصة عشق:love01:مسموح هههههههههه
​

 

[الزهرة الحمراء]

رد: خبر عاجل جدا

السلام عليكم اختي ليليا
ماهذه الأخبار الصاعقة والمفجعة
أكل في كل مكان واش صرالكم مع الماكلة ههههه
وينهي هاذي ناكلو لقمة نسمانو .....أني نحوس عليها بالريق الناشف
من عام الفيل حابة نسمان مالقيتش كيفاه ....عدت نبان طفيلة صغيرة تبا لحياتي الأليمة شحال من خطرة يغلطو فيا ويحسابوني نقرا فالسويام
ديتها لا فالطول ولا فالعرض ههههه
وبخصوص سؤالك شكون ياكل بزاف ....مممم النساء والرجال
النساء يحبو ياكلو الشيكولا وهادوك لعفايس والرجال ياكلو كل شيء بدون تحديد سبحان الله كائنات عجيبة
يعطيك الصحة حبوبة على موضوعك
تحياتي ​

 

[ليليا مرام]

رد: خبر عاجل جدا

انا خاطيني الماكلة تاع برا فالدار برك و مانخلطش نعرف واش ناكل
موضوع هايل شكرا​

السلام عليكم خويا نورتني
اييه اول مرة نشوف راجل يحب ياكل فالدار كامل يحبو ماكلة التمرميد
مي ما قلتناش تاكل بزاف او شوي شوي عبر ما تحشمش نورمال رانا خاوتك
شكرا

 

[ليليا مرام]

رد: خبر عاجل جدا

السلام عليكم ورحمة الله :

أنا من النوع لي يشرب قطرة ما يسمان ههههههه ،رغم اني منتظمة في الوجبات

وخاطيتني ماكلة برا ،بصح راني متعدية الحدود ههههه

وش ندير ،درت السبور وماخرجش عليا ،مي معليش مهمش راهي صحة وماشي سمنة

السلام عليكم اهلا وسهلا
يعني راكي سمينة ما تاكليش الخبز وجربي فالليل ما تتعشايش او كولي سلطة لروحها بلا خبز راح تشياني مي ممكن عودك هكذا سمينة صحة مش من الماكلة تبارك الله اعديني انا واش ناكل وما نسمانش على العكس
بصحتك شكرا نورتيني

 

[ليليا مرام]

رد: خبر عاجل جدا

واو قلت صح دخلوا علينا مي ماعليش نعرفوهم مايديرولنا والو ا​

السلام عليكم
ايييه انت نية صح اقعدي شادة فحساب ما ديرونا والو بصحتها اللي تاكلك ما تعذبيها ما والو تلقاك واجدة هههه
شكرا

 

[ليليا مرام]

رد: خبر عاجل جدا

ايييييييييييه حتى أنا سمعت الخبر
و قالك ان أصلهم هو زواج بين مسعوووووودة و ديناصور منقرض

و قالوا ان مسعوووودة توحمت على لحم معزة لكن سي الديناصور ما لقاش ليها معزة
فذبح ليها ذيب
كلاااته مسعوووودة اللله يرحمها و ما خلات لا لحم و لاعظم
فجاو و لادها كيما اخوالهم من الوحم ذياااااابة


ههههههههههههههههههه
شكرا اختي المهبووولة
بلا ما ننسى راكي غايرة مني لأني ملكة الرشااااقة
و كاين اثنين كيما أنا
فوندااام في مريكان و أنا في دزاير ههههههههههه

نرجع سيريو
أحم أحم
انا صخشيا يا أختي ليليا
الشهية دايما مفتوحة و مفتوووحة على طول و ما نراطي حتى حاجة
خصوصا الكسكس يا محاينك نتفنن فيه لما يكون في العشا نتعشى مرتين
بعد صلاة المغرب و بعد صلاة العشاء:-o

عمري ما نتكبر على الماكلة او بالأحرىأنا و الماكلة بيناتنا قصة عشق:love01:مسموح هههههههههه
​

اهلا وسهلا المكادني من طرفي نورتني
اييه مسعودة وعلاه ما لقات ما تدي تدي ديناصور وزيد قديم بزاف وكيفاه يجلها المعزة منين عندبالك ارواح وتوحم على المعيز راهي بلاكموند وخلصنا حنا خرجنا ناكلو كل حاجة اواه خرجنا لعمومنا الديناصورات المنقرضة
تبارك الله على امين دام الجزائر وي شفنا صورتك تبارك الله احم احم عليها راني درت لاكموند نتاع كادنة من الحجم الثقيل سبيسيال من المروك ماكانش الهربة
يا حوجي تاكل بعد صلاة المغرب والعشا وعلاه ما تديش بيناتهم طبسي وتاكلو فالجامع ههههههه ياخا خلاص بطلت ما نديرش كادنات بطلللللللللللللللللللللللت
انت والماكلة عشق مسموح واش هذا خيانة صوت وصورة في وجهي اوك السي امين دام قد اعذر من انذر ضرك تولي تاكل الطعام حسب الصلوات الخمس :p:p:p
بصحتك قتلكم الرجال ياكلو بلا حدود فاجعين سبحان الله فكل شي عينهم ما تشبع قلبهم اوتيل يا لطيف

 

[ليليا مرام]

رد: خبر عاجل جدا

السلام عليكم اختي ليليا
ماهذه الأخبار الصاعقة والمفجعة
أكل في كل مكان واش صرالكم مع الماكلة ههههه
وينهي هاذي ناكلو لقمة نسمانو .....أني نحوس عليها بالريق الناشف
من عام الفيل حابة نسمان مالقيتش كيفاه ....عدت نبان طفيلة صغيرة تبا لحياتي الأليمة شحال من خطرة يغلطو فيا ويحسابوني نقرا فالسويام
ديتها لا فالطول ولا فالعرض ههههه
وبخصوص سؤالك شكون ياكل بزاف ....مممم النساء والرجال
النساء يحبو ياكلو الشيكولا وهادوك لعفايس والرجال ياكلو كل شيء بدون تحديد سبحان الله كائنات عجيبة
يعطيك الصحة حبوبة على موضوعك
تحياتي ​

السلام عليكم
هذا وين لقيت وحدة تشبهلي طلعتيلي المورال انا تعرفي شعال من مرة يغلطو فيا ونقولك مرة فسبيطار ما خلاونيش ندخل قال اقل من 15 سنة ما يدخلوش ههههههه ياخا قتلو انا ال 15 كي فت عليها يماك كانت تتوحم بخوك الكبير :d
:d ما امنونيش صرالي مشكل فعين النعجة بالذراع باه دخلت شوفي تجيني حملة ونولي ناكل تقولي انت راح نسمان والو نرجع نشيان شوي ونرجع نتعمر شوي يعني الحمد لله مش ضعيفة حد راح نموت لالا مي الواحد يزيد شوي مليحة الحمد لله على كل شي
اونفاااااااااااااااا لقيت اللي تشبهلي مشكورة على المشاركة

 

[sosobibicha]

رد: خبر عاجل جدا

سلام عليكم
واش راكي ليليا ياك سلامات ما كلاوكش سكر افندي و الطبيب و الجماعة الاخرى ههه
و الله راني نحفظ شوية و نجي نطل عليكم شوية نلقا غير المواضيع الهايلين نصيحة و طلب صغير ما تكتبوش حتى يكمل الباك خخخ
نرجعوا للموضوع صح النسا كاين لي ياكلوا شوية و يزيدوا 5 كيلو في شهر :-o و كاين لي مهما ياكلوا ما يزيدوش كيما انا كون ناكل 24/24 ساعة نبقا كيما انا و اون pليس انا ماشي سمينة الحمد لله رشاقة و اناقة الله يبارك ههههه :sport02: حتى انو ماما تلقايها نهار كامل و هي سليمة كولي سليمة زيدي غير شوية و زيد مع الباك راهم غير يقلشو فيا ههههه
و نحكيلك وحد القصة وحد الخطرة رحت انا و بابا لريستو لقينا وحد الراجل ياكل في العدس و الجاج و 2 سلات خبز و زيدي و زيدي و كي كملنا و رحنا نغسلوا في يدينا لقيناه في الجهة الاخرى ثاني يزيد سبحان الله :-o و كون تشوفيه يخوف تحسبيه gرانديزر ههه كي يفوت حدك الزلزلة تحسيها تحت رجليك :scared01:
و في الاخير هذا هو الشعب الجزائري على كرشو يخلي عرشو هههه و حذاري من جماعة واش راك تاكل انا الهربة تسلك :p
الله يعطيك لصحة على الموضوع الجميل بارك الله فيك
تحية :regards01:​

 

[ليليا مرام]

رد: خبر عاجل جدا

سلام عليكم
واش راكي ليليا ياك سلامات ما كلاوكش سكر افندي و الطبيب و الجماعة الاخرى ههه
و الله راني نحفظ شوية و نجي نطل عليكم شوية نلقا غير المواضيع الهايلين نصيحة و طلب صغير ما تكتبوش حتى يكمل الباك خخخ
نرجعوا للموضوع صح النسا كاين لي ياكلوا شوية و يزيدوا 5 كيلو في شهر :-o و كاين لي مهما ياكلوا ما يزيدوش كيما انا كون ناكل 24/24 ساعة نبقا كيما انا و اون pليس انا ماشي سمينة الحمد لله رشاقة و اناقة الله يبارك ههههه :sport02: حتى انو ماما تلقايها نهار كامل و هي سليمة كولي سليمة زيدي غير شوية و زيد مع الباك راهم غير يقلشو فيا ههههه
و نحكيلك وحد القصة وحد الخطرة رحت انا و بابا لريستو لقينا وحد الراجل ياكل في العدس و الجاج و 2 سلات خبز و زيدي و زيدي و كي كملنا و رحنا نغسلوا في يدينا لقيناه في الجهة الاخرى ثاني يزيد سبحان الله :-o و كون تشوفيه يخوف تحسبيه gرانديزر ههه كي يفوت حدك الزلزلة تحسيها تحت رجليك :scared01:
و في الاخير هذا هو الشعب الجزائري على كرشو يخلي عرشو هههه و حذاري من جماعة واش راك تاكل انا الهربة تسلك :p
الله يعطيك لصحة على الموضوع الجميل بارك الله فيك
تحية :regards01:​

اهلا حنونة ربي ينجحك يا رب والله نستنى فيك انت اول وحدة على الباك والبنات لخرين نستنى معاكم بفارغ الصبر الله ينجحكم يا رب وتفرحو ان شاء الله
لالا ما يكالونيش انا دايرة حصانة انا من بارح مازال ناكل فالامين وراح نخبي نص عولة كاش حرب ههههههههه
سكر افندي من حلاوتو كلا يدو هههه وراه مغ لخرى
يعني الحمد لله طلعوتلي المورال انت وزهرة لانو رانا فالهوا سوا الحمد لله رشاقة واناقة شفت التواضع الصح مهما ناكل ما نسمناش مي انا معروف عليا انو مش شرهة ما ناكلش بزاف ولما نكون فريستو وغيرو ناكل امور خفيفة وناكل بالشوي كاين تشوفيهم تقولي عمرها ولا كلات والله تبهدل
اييه هذاك السيد صرالو كيما االلي شفتو انا مي كان هو وصاحبو ويا ريتو سمين اناكوندا ما فهمتش وين يخبي فالماكلة واقيل حافر فكرشو وين يخبي :s:s:s
اتقلشي واطلبي سقايط وكولي فاليل راهم ينشطو الذكاء ربي يعاونك يا رب وينجحك هانت ما بقاش بزاف
شكرا

 

[الامين محمد]

رد: خبر عاجل جدا

اهلا وسهلا المكادني من طرفي نورتني
اييه مسعودة وعلاه ما لقات ما تدي تدي ديناصور وزيد قديم بزاف وكيفاه يجلها المعزة منين عندبالك ارواح وتوحم على المعيز راهي بلاكموند وخلصنا حنا خرجنا ناكلو كل حاجة اواه خرجنا لعمومنا الديناصورات المنقرضة
تبارك الله على امين دام الجزائر وي شفنا صورتك تبارك الله احم احم عليها راني درت لاكموند نتاع كادنة من الحجم الثقيل سبيسيال من المروك ماكانش الهربة
يا حوجي تاكل بعد صلاة المغرب والعشا وعلاه ما تديش بيناتهم طبسي وتاكلو فالجامع ههههههه ياخا خلاص بطلت ما نديرش كادنات بطلللللللللللللللللللللللت
انت والماكلة عشق مسموح واش هذا خيانة صوت وصورة في وجهي اوك السي امين دام قد اعذر من انذر ضرك تولي تاكل الطعام حسب الصلوات الخمس :p:p:p
بصحتك قتلكم الرجال ياكلو بلا حدود فاجعين سبحان الله فكل شي عينهم ما تشبع قلبهم اوتيل يا لطيف

ههههههههههه
أختي ليليا قضية الكادنة خلاص وصل التأثير نتاعها
تعرفي علاش رايح نفاجأك موضوعك اللي كتبتيه حبيت النتوب و الله قريته قبل ما نفتح الموضوع
ما نيش عارف كيف ممكن شفته في منامي حتى أني تخلعت و ما رديتش

شفتي تأثير الكادنة هههههههههه

بلا ما تنساي أختي التوأم ركزيلي على قضية الكسكس خصوصا الكسكس التيارتي
ذوقه و لا في المنام شفتي راني طلعت خبير كسكس هههههههههه
كاش نهار نقتحم منتدى الطبخ مرات نجي فايت حده نشم روائح تجوع الوذنين قبل الكرش ههههههه

تحياااتي أحلى أخت و احلى توأم:regards01:

 

[Hakan]

رد: خبر عاجل جدا

ههه الماكلة يالماكلة واش درتي فينا
يعني جيتي للجرح وخربتي فيه بكل صراحة وبكل تحدي انا نقول ما ناكلش بزااف
يعني مثلا في الغدا ناكل نص خبزة ومعاها واش كاين من خير
ساعات حتى نبات بلا عشا نورمال
مي الميزان نوزن خيرات ربي والحمد لله يعني الوزن نتاعي
بين 84 و 86 راهو حابس
اما اني نااكل مكانش بصح الله يبارك اللي ناكلها تبان عليا ماشي كي شعب يابن عمي ياكل كل شيء قدامو مي هو
و الخشيبات خااوة ميرسي ليليا على السوجي ..​

 

[قرصان الساحل]

رد: خبر عاجل جدا

اكلو لحوم البشر فكرتيني فواحد لاسيري هايلة تفرجتها كاملة فيها ست اجزاء انصح لي ما شفهاش يشوفها
The walking dead بالعربية الموتى السائرون ولا les zombie
ايه اني نشوف الهدرة راهي تدور هنا غير على الماكلة حتى لحقنا ناكلو في البشر هههه والله مليحة هاذي كنت نستناك مريومة ختي تقوليلي خير شكون تاكل من اللمة او ما نراطيش انا عارفتني نموت في البقلاوة -_-
ايه الماكلة وش راح نقلك واحد الوقت كنت ناكل بزاف وما يبان عليا والو كيما يقلك المزود رقيق وشحال يهز من دقيق .. ومبعد كملت في سياسة ناكل كلش والنتيجة كانت زيادة الوزن والحل كان رياضة ايا ولا عندي كور هايل كيما ارلوند شوانزنيغر ولكن للأسف لم احافظ على الرياضة وغلب عليا تفنيين والماكلة منفرط في والو والنتيجة بلا منحكي ههه
مشكوووورة روعة مواضيعك ديما فيها فيها يعطيك الصحة مريومة ختي
​

 

[NASRO DZ]

رد: خبر عاجل جدا

حولت نفهم ماقدرتش دخت هههه^^

 

[شاعرة الأمل]

رد: خبر عاجل جدا

يا وخضتي ياك نتي ماراكيش منهم ولا الهربة تسلك
انا ماناكلش بزاف ومانكره حتى مالكة يعني لي جات تفوت مي مانقويش
وعندي وحد لاطاي كارينا كابور ومادارتهاش هههههه :love01:
ناكل ولا مانكلش غير كيفكيف والله خطرات نحير في روحي
مانسمن ماننقص مريgلة يا محاينك :yahoo01:
كاين النسا لي ياكلو بزاف وكاين رجال كل واحد وكيفاه
وانا مانحبش الاكل الثقيل ياي نموت منو الله غالب فراجيل ههههه
يا راكم تلهو فيا على القراية باقي غير يامات على الباك تقول تفاهمتو علينا
واش بيكم ارحمونا شويا يا ناس الخير
موضوعك تووووووووب تقبلي تخربيشي سلام​

 

[ليليا مرام]

رد: خبر عاجل جدا

ههههههههههه
أختي ليليا قضية الكادنة خلاص وصل التأثير نتاعها
تعرفي علاش رايح نفاجأك موضوعك اللي كتبتيه حبيت النتوب و الله قريته قبل ما نفتح الموضوع
ما نيش عارف كيف ممكن شفته في منامي حتى أني تخلعت و ما رديتش

شفتي تأثير الكادنة هههههههههه

بلا ما تنساي أختي التوأم ركزيلي على قضية الكسكس خصوصا الكسكس التيارتي
ذوقه و لا في المنام شفتي راني طلعت خبير كسكس هههههههههه
كاش نهار نقتحم منتدى الطبخ مرات نجي فايت حده نشم روائح تجوع الوذنين قبل الكرش ههههههه

تحياااتي أحلى أخت و احلى توأم:regards01:

السلام عليكم خويا الامين اهلا وسهلا
اييه فرحتني مت بالسعادة ياو فاتت فيك بلخف اواه يا راجل راك سونسيبل بزاف:p
:p
اه الطعام التيارتي ماكانش كيفو رحت ضيفة لتيارت ورحبو بيا والطعام نتاعهم محال ننساه من اروع ما اكلت وفتيل اليد اصلي
واحلى تحية لاروع اخ شكرا

 

[ليليا مرام]

رد: خبر عاجل جدا

ههه الماكلة يالماكلة واش درتي فينا
يعني جيتي للجرح وخربتي فيه بكل صراحة وبكل تحدي انا نقول ما ناكلش بزااف
يعني مثلا في الغدا ناكل نص خبزة ومعاها واش كاين من خير
ساعات حتى نبات بلا عشا نورمال
مي الميزان نوزن خيرات ربي والحمد لله يعني الوزن نتاعي
بين 84 و 86 راهو حابس
اما اني نااكل مكانش بصح الله يبارك اللي ناكلها تبان عليا ماشي كي شعب يابن عمي ياكل كل شيء قدامو مي هو
و الخشيبات خااوة ميرسي ليليا على السوجي ..​

السلام عليكم حكيمو
ااممم حيرتني ما تاكلش وتوزن 85 املا لو تاكل تفوت القنطار الله يبارك الرجال نظن يسمانو صحة عكس النسا
وي كاين مهما ياكلو ما يبانش عليهم انا صح رقيقة يعني رشاقة احم احم مي ماناكلش بزاف
اييه ميزانك حابس فبلاصتو اممم واقيل انت مطرافيكيه هههه
شكرا لك