أميرة ميرال
:: عضو مُشارك ::
- إنضم
- 25 ماي 2016
- المشاركات
- 254
- نقاط التفاعل
- 615
- النقاط
- 21
أهلا يا لبنات وكيما وعدت الأخت جويدة أني نعمل موضوع عن طريقة
العناية ببشرة الوجه راني جبتلها الطريقة وان شاء الله تستفادو منها كامل
نخليكم مع الطريقة:
1- البشرة لازم نعملولها تقشير مرتين كل أسبوع حتى نخرجو منها الخلايا الميتة
وتقدر تتنفس وإذا البشرة تنفست تبقى نظرة وما تتعرضش للمشاكل من حبوب
وحساسية وإلى غيرها من مشاكل علابيها لازم التقشير كل يومين أنا نستخدم
هذو الزوج مستحضرات طبعا ماشي مع بعض كل مرة واش نستعمل المهم هذو
لي عجبوني بنتيجتهم وبالنعومة لي يخلوها على البشرة بعد الاستعمال
وكاين بنات يخافو من مستحضرات التقشير ولا المعروفين بالgوماج تقدر
الوحدة تعوضهم بgوماج طبيعي وهو: السكر بلور + زيت الزيتون
تخلطهم مع بعض وتحطهم على وجها وتحك والبشرة من خشونة السكر رايحة
تبدا تتقشر بصح تعرف كيفاش تحك بلا تضر البشرة لأنو السكر حرش بزاف
2- بعد التقشير أنا نحط الماسك هذا باش تسهل عليه وظيفتو
وهذا الماسك نخدمو أنا في الدار وهذي طريقة تحضيرو
ماسك ترطيب البشرة وتفتيحها مجرب من طرفي وبالصورة
3- بعد ما نشطف الماسك نحب نمرر بديسك قطني ولا بلقطن العادي ماء الورد
على وجهي ونخليه ينشف عليه حتى تبقى ريحتو مليحة وبعد ماء الورد مفيد
4- مرات في الأيام لي ما نعملش فيهم تقشير للبشرة لأنو مش كل يوم يتعمل
نحس وجهي ناشف خاصة إذا تعرض بزاف للشمس كي نوصل للخطوة اللخرة
بدل ما نحط ماء الورد كخطوة أخيرة نحط لكريم هذا كخطوة أخيرة
وهذا لكريم راه للنهار إذا عملت الخطوات هذي في النهار نحط هذا وكاين وحد
آخر كيفو لليل إذا عملت الخطوات هذي في الليل نحط تاع الليل
ان شاء الله نكون توفقت في الشرح ونكون فدتكم
وتشاو
المرفقات
آخر تعديل بواسطة المشرف:
