اتفقوا العرب ان لا يتفقوا واش صرا للجنة الاهلة السعودية

[أم منيــــــر]

السلام عليكم
جمعة مباركة للجميع و تقبل الله منا و منكم صالح الاعمال
العام لي فات حطيت هاد الموضوع بسبب خطأ في حسابات المختصين بالاشهر القمرية في السعودية
​

اليوم 29 دو الحجة فيقوني يلا راني غالطة
​

نفس الشي صرا هاد العام

1 ذو الحجة كان السبت من المفروض اليوم 28 و غدوا 29

اليوم درت فناة القرآن من مكة المكرمة باش نشوف صلاة الجمعة لقيتهم دايرين 29 ذو الحجة صراحة انخلعت فاوك نكونو على كلمة وحدة و تكون حساباتنا نيشان ؟؟؟
ما دامنا هكدا نبقاو دايمن اضحوكة للعالم
في القرن ل21 ما زلنا نغلطو في لحسابات الفلكية :down::down:

نهاركم مبروك وتحياتي للجميع:regards01::regards01:
​

 

[أم منيــــــر]

رد: اتفقوا العرب ان لا يتفقوا واش صرا للجنة الاهلة السعودية

السلام عليكم
شكرا على الاعتماد في انتظار آرائكم
تحياتي الخالصة

 

[Malika Tlm]

رد: اتفقوا العرب ان لا يتفقوا واش صرا للجنة الاهلة السعودية

مساء النور ختي ام منير
وجمعتك ابرك
واش نقولك العرب هادوهوما والله انا تاني حرت فيهم
سنة هجرية وحدة كل بلاد وفاوك تدخل عندها
وعلاه السنة الميلادية عندها وقتها محدد والهجرية نتاعنا دايما مدابزين عل النهارات
والله كارثة
الله يجيب الخير يارب
شكرا علي التنبيه​

 

[رابح66]

رد: اتفقوا العرب ان لا يتفقوا واش صرا للجنة الاهلة السعودية

السلام عليكم

بارك اله فيك أختي الكريمة الفاضلة
حنى أنا دخت وزاد دوخني هذا البحث

اليوم : الجمعة

28 - رؤية الهلال
29 - أم القرى
ذو الحجة (12) | 1437هـ

30 سبتمبر (9) | 2016م
ربي يجمع شملنا ويوحد كلمتنا​

تقبلوا تحياتي

 

[أم منيــــــر]

رد: اتفقوا العرب ان لا يتفقوا واش صرا للجنة الاهلة السعودية

السلام عليكم

بارك اله فيك أختي الكريمة الفاضلة
حنى أنا دخت وزاد دوخني هذا البحث

اليوم : الجمعة

28 - رؤية الهلال
29 - أم القرى
ذو الحجة (12) | 1437هـ

30 سبتمبر (9) | 2016م
ربي يجمع شملنا ويوحد كلمتنا​

تقبلوا تحياتي

من المفروض هكدا يكون و لكن انا لقيتهم دايرين 29 اليوم الجمعة
و غدوا 30 و اول محرم الاحد
هكدا راهم دايرين حسابهم
كنا كيف كيف احنا وياهم عيدنا مع بعض و كفاش لحساب تبدل؟
انا لي حبيت نفهمو علاه كل عام هكدا ؟؟
​

 

[الزهرة الحمراء]

رد: اتفقوا العرب ان لا يتفقوا واش صرا للجنة الاهلة السعودية

السلام عليكم خالتي ام منير
صراحة كما يقال يا امة ضحكت من جهلها الامم وكل عام تصرا يا في رمضان يافالعيد او اي امر اخر
يعني انا جامي شفت فالتاريخ الميلادي مثلا هكا صراع واحد يجي يقول اليوم 30 سبتمبر ولوخر يقول لالا اليوم 29 سبتمبر
والله صح عجب لحقنا لواحد الوقت يعني ماعدنا مانقولوا فيه
ربي يهدينا وينورلنا طريقنا
يعطيك الصحة خالتي
تحياتنا

 

[Hakan]

رد: اتفقوا العرب ان لا يتفقوا واش صرا للجنة الاهلة السعودية

السلام عليكم :
يعني والله صرالك نفس الشي كي العادة الصباح نوض نفتح قناة السعودية نتاع القرآن
قلت نسمع شويا قرآن ونزيد نشوف الشهر شحال فيه
ايا لقيت 29 ذو الحجة ايا من بعد بكرت رحت نصلي للجامع نتاعنا لقيت 28
يعني صراتلي دغدغة في دماغي العزيز ما فهمت والو
المشكل نتاع السعودية انو عندها توقيت وحدها والعرب نتاعنا ثانيك كيف كيف
هو ما يغلطوش طول
غير يوصل ذو الحجة يكسرو القاعدة كي شغل حابين يتهناو من هذا العام
والاشهر القمرية مافيهاش اتفااق فيها هلال ولازم نشوفوه بصح اللي دوختني
كيفاه الهلال يشوفوه في ليلة 28 علاش ما غلطوش في بداية ذي الحجة ولا كي عاد الحج
ولازم يقسبولو باش ينتعش اقتصادهم والله ما فهمت فيها والو صحيتي خالتي
​

 

[لاريمان]

رد: اتفقوا العرب ان لا يتفقوا واش صرا للجنة الاهلة السعودية

الصراحة اا شفت البارحة انو 28 ذو الحجة واكيد هناك خطأ ربما سنعرف ذلك لاحقا

 

[أم منيــــــر]

رد: اتفقوا العرب ان لا يتفقوا واش صرا للجنة الاهلة السعودية

الامر لي يحير البال
كفاش يا عجبا كنا في الوقفة كيف كيف العيد ثاني
كي يقرب يكمل شهر ذو الحجة يسوطيو نهار
و علاش ؟؟؟؟ الله اعلم اذا هذا خطا في الحسابات ول متعمد

 

[tueman]

رد: اتفقوا العرب ان لا يتفقوا واش صرا للجنة الاهلة السعودية

الصراحة

 

[tueman]

رد: اتفقوا العرب ان لا يتفقوا واش صرا للجنة الاهلة السعودية

الصراحةب

 

[حكاية قمر]

رد: اتفقوا العرب ان لا يتفقوا واش صرا للجنة الاهلة السعودية

سلام عليكم
اييه والله غي بحروهانا ما قيدناش وين الصح في دزاير ماشافوش لهلال اعلنوا هذا شحال وينتا اول محرم بحال حسبو برك نورمالمو راهم غالطين باسكو لازم ينشاف لهلال بقات عاشورا كي غادي يصرالها!! كله وعاشورته
الله المستعان حنا نتبعوهم وهوما مسؤولين أمام الله

 

[أم منيــــــر]

رد: اتفقوا العرب ان لا يتفقوا واش صرا للجنة الاهلة السعودية

سلام عليكم
اييه والله غي بحروهانا ما قيدناش وين الصح في دزاير ماشافوش لهلال اعلنوا هذا شحال وينتا اول محرم بحال حسبو برك نورمالمو راهم غالطين باسكو لازم ينشاف لهلال بقات عاشورا كي غادي يصرالها!! كله وعاشورته
الله المستعان حنا نتبعوهم وهوما مسؤولين أمام الله

و عليكم السلام و رحمة الله تعالى و بركاته
ايه راكي تشوفي نورمالمو نهاية شهر و بداية شهر قمري نعرفوه برؤية الهلال هما علنو على اول محرم سمانة من قبل كفاش عرفو ؟؟؟ ما نعرف
يسمى غلطو في ذو الحجة و زادو في محرم
اكيد هم يتحملو المسؤولية و كل شي على رقبتهم
نتع جمعية العلماء المسلمين قالك عاشوراء نهار التلاتاء ماشي الاربعاء
فيما بعضاهم و ما تفاهموش واحد يقول الشرق لاخر يقول الغرب
الله يهدينا و يهديهم
بارك الله فيك

 

[ليليا مرام]

رد: اتفقوا العرب ان لا يتفقوا واش صرا للجنة الاهلة السعودية

السلام عليكم اختي ام منير يومك مبارك
واحنا علاه ما فلحناش ونقولو الغرب حطمونا ياو حنا اللي حطمنا بعضانا عمرنا ولا تفاهمنا اليوم يجيك مفتي يقولك الشي هذا حرام غدوة يخرج آخر يعايرو وينفي فتواه
اليوم شافو الهلال ربع ساعة يجي نتاع الفلك ويدير حساباتو ويقولوك لالا يرجع المفتي يقولك اواه بان الهلال خلاص واحنا رانا وراهم وين راحو رانا معاهم
انا ما وليتش نستغرب يسرقو نهار او يعيدو اليوم او غدوة او يصومو شهرين كل سي راه تقلب
وما تأمنيش انو العرب يتفاهمو محال تفاهمو في حاجة انو يبقاو يتفرجو في بعضاهم كي راهم يطيحو دولة ورا اخرى
الله يهدينا شكرا