هذو المخلوقات واش تسموهم يرحم والديكم

[ليليا مرام]

السلام عليكم جميعا
ان شاء الله اموركم بخير
بعد الماسنجر وحكاية الغيور مني مالك نروحو اليوم نحكو على حاجة يا ناس مقلقتني مركبتلي السكر
نقولكم اليوم طل عليا جارتي
صباح الخير ليليا .... صباح النور واش راكي لاباس
الجارة : الحمد لله وانت ويماك لاباس
ليليا : كامل بخير تعيشي

كوباتلي الهدرة ليليا البارح شفتك لابسة حجاب عجبني بزاف منين شريتيه؟

واش من حجاب ياو انا نسيت واش كنت لابسة قاتلي كذا وكذا ؟

قتلها اه هذاك شريتو فالاردن .... ايه حقا رحتي للاردن اسمعي شعال شريتي دراهم التصراف

الأورو غالي راكي عارفة المهم رحت نداوي انا ؟ قيس دراهمي ورجعت

راكي ناوية ترجعي وتشري كامل ذاك الاورو

الحق سقساوني الجارات قتلهم حتى نسقسيها

وهنا بدا القرمود يطير

... واش دخل الجارات فيا نرجع والا لالا راحين يديرو معايا دراهم

لالا ليليا حبو يروحو قتلها وين يروحو يشقاو غي لكوزينة يديرو لقمة سخونة لراجلتهم

خير من يبقاو يعسو فيا وين رحت ومنين جيت الحمد لله قريب نروح منا ونتهنى

وعيطت عليا خلعتني

...... إيه معناها قريب عرسك

.... ايه خطيبك ببون خموس عليه شافتو بنت اختي قاتلي يا خالتي تقولي لبناني

قتلها بنانة في قرجومتها تحصللها ان شاء الله اسمعي بنت ختك هذي قولها موتي موتة ربي خير ليك راني نجي نرميهالك من فوق يا سيدي واش هذا ؟ ليليا وعلاه زعفت

لالا ما زعفتش راني نوصيك هدرة قوليهالها وديجا اسمحيلي عندي شغل يستنى فيا

ارواحي ارواحي ليليا نسقسيك اخر حاجة ياخي سافرتي للترك ثاني ماشاء الله حبيت نروح شعال طيحلي التحويسة
قتلها رحتي لساحة الشهداء فآلجي والا لالا قاتلي لالا قتلها املا حطي رجليك فالما بارد اشقاي لآلجي ومن بعد خمي فالترك
دخلت لدارنا نغلي قالي راسي اضربيها بقدرة ما سخون

الخلاصة انو الناس هذو وقحين او واش؟ لونكيت من النوع الصامط يعني تسقسيك فالوجه امور خاصة لدرجة كبيرة
وكاين اخرى مي تسكن بعيد عليا من كثرة مشهورة بوقاحتها اللي تشوفها تبدل الطريق
تسقسيك صوالح يماك اللي ولداتك تحشم تسقسيهملك بلاك تشوف وجهك فالمرايا تحشم تسقسي روحك مي هذو وقحين لواحد الدرجة
قولولي تلاقيتو بهاكا اشكال في حياتكم وواش ديرو معاهم
انا اليوم مريضة قلقت جدي مع صباح ربي وراهي فقلبي بنت ختها نعطيها طريحة مش تنسى خطيبي تنسى اسمها يحكمها زهايمر
ناس وقحين

الخط ليكم انا قلقوني

​

 

[Skor m@k]

رد: هذو المخلوقات واش تسموهم يرحم والديكم

السلام عليكم
هاه الحاجه لي تصرالك انا خخخخ
لي عودة .خخخخخ
نولي غير ماتخافيش هههه

 

[zohor kfz]

رد: هذو المخلوقات واش تسموهم يرحم والديكم

انا و راهم الجنون حاكميني يا ختي اسم هادااااااااااا
هادي صماطة و حلوة عليها .... الحمد لله معندناش من هاد النوع ... الله يعفو عليهم
نمشي مشرب كاس ماء لانه صح نارفاتني

 

[GOST LADY]

رد: هذو المخلوقات واش تسموهم يرحم والديكم

و الله طحكتيني :d:d:d:d:d:d:d:d حمقيلي تع عجبها خاطيبك انا عليها نولي نتف في شعري أنا نكرهم خاطر يخليو الواحد يعصي في ربي و يكدب

 

[أميرة العفاف]

رد: هذو المخلوقات واش تسموهم يرحم والديكم

السلام عليكم

درك الصح خليتيني نرد بسيف عليا ههههه

اولا نقولك كنت متخيلاتك عصبية مي ظهرتي العكس لاني لوكان جيت في بلاصتك كون راني زرقتلها عين وبشيتلها شعرها .

ثانيا هاذ النوع فايت عليا وبزاف تعرفي الصامطين دايما يتسلطو على لحلوين لي كيفي هههههههه تبا لتواضعي.

وفيما يخص تعاملي معهم كل مرة كيفاش مرات نقعد ساكتة منردش عليهم حتى يفهموا روحهم ويروحو

مرات كنت نتريني فيهم الكاراتي ولا نقولهم ديروا فاصل وحتى الحلقة الجاية كملوا مي مع هاذ النوع جامي يشوفي النهاية

يعني مسلسل ناقص مالانهاية زايد مالا نهاية.

المهم هاذي جارتك باش متربحيش العيب معاها وديجا صبري عليها رح تتهني منها قريب ههههه

دري روحك مراكيش تسمعي فيها وايفيتيها كي تعايطلك قولي مرانيش

سلام.​

 

[Mouna Salwa]

رد: هذو المخلوقات واش تسموهم يرحم والديكم

السلام عليكم............:thumb_up02::thumb_up02::thumb_up02:عندك الحق اختي والله غي عيب عليهم يعسوا هكاك في الناس او جاء او راح اودخل اوشرا ...خالتي برابول كيما يقولو ا هههههههه....ربي يهديهم نساو بلي كاين ربي راه يشوف فيهم ونساو كلاموا لي يقول ...ولا تجسسوا ...انا نقول لهم قبل ما تلهاو بالناس وشغالاتهم تلهاو بشغلكم بزاف عليكم وقبل كل شىء ربي يهديهم ويغفر لهم ...سلااااااااااام:regards01::regards01:

 

[،كارينا،]

رد: هذو المخلوقات واش تسموهم يرحم والديكم

ههههه والله يا اختي ربي يعاونك.
هادو معندناش ولا انا مزال ماتلقيتش فيهم هههه
ان شاء الله منتلقاش فيهم
مشكوووورة

 

[حروف تائهة]

رد: هذو المخلوقات واش تسموهم يرحم والديكم

السلام عليكم
واش راكي اختي ليليا سمعت بلي كاين مخلوقات غريبة جيت نكتشف ههه
انا غير راني نقرا برك و قلقوني كيفاش كون جو قدامي
ربي يعينك اختي
هذي الاشكال كاينين في كل بلاصة و كل بلاد ربي يسترنا
بصح ماعلاباليش علاه يكثرو عند النساء المتزوجات أكثر من العازبات ههه تحيري
انا نعرف هاك كعبات باينين وين نشوفهم نهبط راسي للرض و نزيد لفيتاس و ندير روحي مانيش نشوف هههههه
و مرات ما نسلمش من تقرعيجهم
يعطيك الصحة اختي على الموضوع
ربي يصبرك ههه
تحياتي​

 

[ليليا مرام]

رد: هذو المخلوقات واش تسموهم يرحم والديكم

السلام عليكم
هاه الحاجه لي تصرالك انا خخخخ
لي عودة .خخخخخ
نولي غير ماتخافيش هههه

السلام عليكم
يا خويا انا اللي تصرالي انت
راني نقول ونعاود والحاضر يبلغ الغايب لو سرقوني معناها مالك لو داتني داعش راه مالك حرشهم المهم تقرصني ناموسة بعثها مالك راني قتلكم خبرو تحريات باللي راني خليت وصية :d
:d:d
ايه سور تولي ما عندك وين تروح انا تولي بالذراع عليك نسمط نجي لداركم نطبطب

 

[ليليا مرام]

رد: هذو المخلوقات واش تسموهم يرحم والديكم

انا و راهم الجنون حاكميني يا ختي اسم هادااااااااااا
هادي صماطة و حلوة عليها .... الحمد لله معندناش من هاد النوع ... الله يعفو عليهم
نمشي مشرب كاس ماء لانه صح نارفاتني

السلام عليكم اختي زهور اهلا وسهلا
شفتي يلمو الجنون يرجعوك تهدري بالهندي انت فداركم ويجيك البلا لحد عندك
ايه روحي اشربي الكوكا خلي ليغاز يخرجو من نيفك انا اليوم شربت قرعة نتاع 2 ليترات من بنت ختها نذبحها على خطيبي قالو لبناني بناو عليها حيط ان شاء الله
شكرا زهور توحشناك يا طفلة كاش ببوش

 

[ليليا مرام]

رد: هذو المخلوقات واش تسموهم يرحم والديكم

و الله طحكتيني :d:d:d:d:d:d:d:d حمقيلي تع عجبها خاطيبك انا عليها نولي نتف في شعري أنا نكرهم خاطر يخليو الواحد يعصي في ربي و يكدب

السلام عليكم
اهلا اختي وانا واش راه مخليني نبخر عجبها خطيبي وفي وجهي تقولي ياو انا لوكان قالتهالي الطفلة نعض ونريح ندير فاصل ونواصل نحطها فالارض وتريح فوقها ناكلها عظمة عظمة
ايه ماشي غير يخولك تعصي انت هاربة جهنم تجري موراك تعنق مي ما تروحلهاش غير طريحة تديها نوريلها خطيبي اللبناني بنت المعيز

 

[ليليا مرام]

رد: هذو المخلوقات واش تسموهم يرحم والديكم

السلام عليكم

درك الصح خليتيني نرد بسيف عليا ههههه

اولا نقولك كنت متخيلاتك عصبية مي ظهرتي العكس لاني لوكان جيت في بلاصتك كون راني زرقتلها عين وبشيتلها شعرها .

اهلا وسهلا ايه غير توالفي تردي عندي ما تصبريش عليا خموس عليا ههه
انا عاقلة ههههه انا هذا العقل ما نسمعش بيه ضرك جاتني مرا كبيرة لو الطفلة قالتها يا حسراه توصل لزوج حروف خط بلاما تكمل يبك نكون ذبحتها نعلقها كالخرفان فالباتوار واصبري نشوفها جات نوريلها شكون اللبناني اللي عجبها نخليها تنوم الشحرورة فمنامها


ثانيا هاذ النوع فايت عليا وبزاف تعرفي الصامطين دايما يتسلطو على لحلوين لي كيفي هههههههه تبا لتواضعي.

ايه وانا واش قتلني تواضعك لانو توام مع تواضعي لانو انا حلوة بزاف عسل وشهد والدليل مالك ما يقدرش يبعد عليا خلاو الناس يفهمو على حياتي هيفاء وهبي الجزائر نورمال ديرو الصف نتصور معاكم عندي الوقت :d:d:d

وفيما يخص تعاملي معهم كل مرة كيفاش مرات نقعد ساكتة منردش عليهم حتى يفهموا روحهم ويروحو

مرات كنت نتريني فيهم الكاراتي ولا نقولهم ديروا فاصل وحتى الحلقة الجاية كملوا مي مع هاذ النوع جامي يشوفي النهاية

يعني مسلسل ناقص مالانهاية زايد مالا نهاية.

المهم هاذي جارتك باش متربحيش العيب معاها وديجا صبري عليها رح تتهني منها قريب ههههه

دري روحك مراكيش تسمعي فيها وايفيتيها كي تعايطلك قولي مرانيش


نونو هذي مرا كبيرة ما نقدر نقولها والو مع اني عطيتها الحس مي نستنى بنت ختها نقولها احكمي رونديفو عند طبي تجميل على خاطر جاتك جويل درلك تعديلات مي انا جويل تفسد الجمال مش ترقعو نشبشبها خطيبي ضحك قالي خليك منها قتلو نونونو عجبتها وشافتك لبناني خليني نعطيها فيزا للموزمبيق غراتوي


سلام.​

نورتيني واللهم لا حسد كل موضزع ارواحي ههههه
شكرا

 

[ليليا مرام]

رد: هذو المخلوقات واش تسموهم يرحم والديكم

السلام عليكم............:thumb_up02::thumb_up02::thumb_up02:عندك الحق اختي والله غي عيب عليهم يعسوا هكاك في الناس او جاء او راح اودخل اوشرا ...خالتي برابول كيما يقولو ا هههههههه....ربي يهديهم نساو بلي كاين ربي راه يشوف فيهم ونساو كلاموا لي يقول ...ولا تجسسوا ...انا نقول لهم قبل ما تلهاو بالناس وشغالاتهم تلهاو بشغلكم بزاف عليكم وقبل كل شىء ربي يهديهم ويغفر لهم ...سلااااااااااام:regards01::regards01:

وعليكم السلام اهلا وسهلا نورتيني
ايه يعسو برك باو بالفرقة بارمانونس البالكونات ما يدخلو منهم لا شتا ولا صيف وكي نفوت نقول الحمد لله التواقي مقفولين مي هوما ورا التاقة غاريطات نتاع العسكر الله يعطيهم احتلال يستعمرهم ويهنيني منهم
ايه ولا تجسسو هوما ما قراوش ولا قراو تجسسو ويتلاهاو بالناس انا نحشم نسقسي الناس امورهم الخاصة او نهدر مع وحدة وعيني سكانيير في حوايجها ياو الرفية نتاع الخمار ويعسوها شعب مفيروسي لازملو فلاشاج
امين شكرا نورتيني

 

[ليليا مرام]

رد: هذو المخلوقات واش تسموهم يرحم والديكم

ههههه والله يا اختي ربي يعاونك.
هادو معندناش ولا انا مزال ماتلقيتش فيهم هههه
ان شاء الله منتلقاش فيهم
مشكوووورة

السلام عليكم
ايه امين يعاوني على الجدارمية اللي فالكارتي نتاعنا
تهنيتو منهم نبعثلك شوي منا هههه
العفو الشكر ليك نورتيني

 

[ليليا مرام]

رد: هذو المخلوقات واش تسموهم يرحم والديكم

السلام عليكم
واش راكي اختي ليليا سمعت بلي كاين مخلوقات غريبة جيت نكتشف ههه
انا غير راني نقرا برك و قلقوني كيفاش كون جو قدامي
ربي يعينك اختي
هذي الاشكال كاينين في كل بلاصة و كل بلاد ربي يسترنا
بصح ماعلاباليش علاه يكثرو عند النساء المتزوجات أكثر من العازبات ههه تحيري
انا نعرف هاك كعبات باينين وين نشوفهم نهبط راسي للرض و نزيد لفيتاس و ندير روحي مانيش نشوف هههههه
و مرات ما نسلمش من تقرعيجهم
يعطيك الصحة اختي على الموضوع
ربي يصبرك ههه
تحياتي​

السلام عليكم سوزي على سلامتك
ايه مخلوقات مي ماجاوش من مريخ حاو الارضيخ ياو راهم منا وعايشين معنا اواه انا ندي مون شاوي ونروحو نعمرو المريخ خير نعيش مع المخلوقات الفضائية عنو ربع عينين و7 يديين وما نعيشش هنا
ايه المتزوجات رجالهم يروحو يعشقو وهوما يقعدزو يعسو فينا احنا تلقاي راجلها جيعان كرشو موجدتلو المارقارون تحسبيه قط وهي فالبالكون تقرعج على الناس الله يهديهم
راني صابرة مي انا معروفة صبري كالحوت يخرج من الما يموت نزيدهم يمات ونبدا نعرشلهم يخافو مني هههه
نورتيني شكرا لك

 

[zohor kfz]

رد: هذو المخلوقات واش تسموهم يرحم والديكم

السلام عليكم اختي زهور اهلا وسهلا
شفتي يلمو الجنون يرجعوك تهدري بالهندي انت فداركم ويجيك البلا لحد عندك
ايه روحي اشربي الكوكا خلي ليغاز يخرجو من نيفك انا اليوم شربت قرعة نتاع 2 ليترات من بنت ختها نذبحها على خطيبي قالو لبناني بناو عليها حيط ان شاء الله
شكرا زهور توحشناك يا طفلة كاش ببوش

ليليا تاع الصح خطيبك شباب ؟؟؟
ههههههههههه راني نضحك برك راكي تجيني تجيفيني هههههه
يتوحشك الخير و يعزك حبيبتي و الله انا تاني توحشت حكاياتك ... يا بنتي راكي غير مع قوم الله يالطيف منهم ان شاء الله نهار تمشي لدار راجلك تلقاي لي يفرحكي و يهنيكي
مووووووح يا ليليا هههه - حبيت نجيبهلكي كي ما تاع موووح يا نوسة ههههه -

 

[ليليا مرام]

رد: هذو المخلوقات واش تسموهم يرحم والديكم

ليليا تاع الصح خطيبك شباب ؟؟؟
ههههههههههه راني نضحك برك راكي تجيني تجيفيني هههههه
يتوحشك الخير و يعزك حبيبتي و الله انا تاني توحشت حكاياتك ... يا بنتي راكي غير مع قوم الله يالطيف منهم ان شاء الله نهار تمشي لدار راجلك تلقاي لي يفرحكي و يهنيكي
مووووووح يا ليليا هههه - حبيت نجيبهلكي كي ما تاع موووح يا نوسة ههههه -

السلام عليكم
ايوا زهور بفيتي نجي نحتل تلمسان والا واش ايوا لحقتي لخطيبي كان شباب وااااااااااااااع يا ربي
هههه نضحك معاك ايه الحمد لله بوقوس تبارك الله ربي يخليهولي يا رب ويحفظو
ان شاء الله اصلا عارفة راجلي ما راحش يخليني نداصر الناس لانو ما يحبش الخلطة
احي على نوسة صرعنا بيها شفتها فالفايس كيفاه دايرة راه مسخرة بهدل روحو بغاو يعاندو الترك وما لحقوش عليها
شكرا زهور

 

[angegardienretour]

رد: هذو المخلوقات واش تسموهم يرحم والديكم

السلام عليكم

ليس من السهل التعامل مع الأشخاص الوقحين الذين تصادفهم بين الفينة واللأخرى , ففي اي وقت من النهار من الممكن أن تصادف شخصاً

وقحاً وقليل الحياء , قد يكون زميلاً لك في العمل أو جاراً أو قريباً أو مجرد عابر سبيل .

لا يهم ما دام التصرف الصادر عنه سينغص عليك يومك .

غير أن طريقة تعاملك مع مثل أولئك الأشخاص , من الممكن أن تخفف عنك وطأة الأمر .. فأي تصرف يجب اعتماده في هذه الحالة ؟

- بداية عليك أن تعي أن ثمة نوعين من الأشخاص قليلي الحياء أو الوقحين :

- شخص يتصرف بوقاحة وبقلة تهذيب طيلة الوقت , ولا يهتم بما إذا تسبب بأذى لأحد .
- وشخص آخر يمر بأزمة , يتصرف بوقاحة ولكنه يشعر بالندم لاحقاً .

هذه الفئة الأخيرة هي من الأفراد الذين يتصرفون بوقاحة نتيجة تعرضهم لضغوظ أو مشكلات ما , فينفجرون " قلة حياء " في أي شخص يصادفهم , لا يتقصدون أذية أحد , وبالتالي يسهل التعامل معهم .

أما الإنسان الآخر الذي يتبنى الوقاحة دستوراً لحياته , فهو لا يكرهك أنت وأنما يكره ذاته , ويعاني مشكلات عديدة تسبب له ألماً شديداً يدفعه

إلى صب جام غضبه على الآخرين واستفزازهم وعدم مراعاة مشاعرهم , مثل أولئك الأشخاص , لا تستطيع أن تغيرهم أو تصحح سلوكهم , لكن في الوقت ذاته لا تسمح لتصرفاتهم الوقحة بأن تؤثر فيك . من هنا , يجب عليك اعتماد التصرف المناسب , الذي يساعدك على التعامل مع من يجتاز حدوده معك , أو كان حديثه مستفزاً ومزعجاً .

التزام الهدوء والصمت :

قد يكون الكلام سهلاً إلا أن تطبيقه صعب ويحتاج غلى شجاعة منك لكي تحافظ على رباطة جأشك أما التصرفات الوقحة . فالتعامل مع هذا الشخص قليل الحياء وصفيق الوجه يحتم عليك أحياناً التزام الصمت , وتأكد أنه كلما تجاهلت تصرفاته أو تعليقاته المستفزة , شعرت بإرتياح وتفاديت النزول إلى مستواه .

مثلاً : إذا وجه إليك أحد انتقاداً لاذعاً حاول أن تتجاهل الأمر , أو في حال قطع أحد الطريق أمامك بسيارته أو تجاوزك بإسلوب مستفز , نفاد أن تقوم بأي إشارات غير لائقة أو الرد عليه بكلام نابٍ , كما تفعل الأغلبية , أو اللحاق به لتأنيبه والتشاجر معه .

راقب سلوكك جيداً ولا تتأثر بتصرفاته كي لا تصبح مثله , أو تبقى متوتراً طيلة الوقت .

واجهه بقوة لطافتك وأدبك :

الشخص الوقح يسعى إلى أن يشعرك بالسوء وبالضعف أمامه , ولكي تحد من جماح وقاحته واستفزازاته , اعتمد تكتيكاً ذكياً يقضي عليه بكل أدب وهدوء .

تيقن أنك ستجرده من كل أسلحته في حال عاملته بمرتقى الأدب واللطافة حتى أثناء القائة ملاحظاته الإستفزازية والوقحة.

ربما تنجح من خلال تصرفك اللائق وأسلوبك المهذب , في تعلميه كيفية التعامل مع الآخرين بإحترام .
مثلاً: لو قال لك عامل البريد : " اذهب وأجلب الملفات بنفسك " بطريقة غير لائقة , لا تسارع إلى الرد عليه بالأسلوب نفسه , وإنما ابتسم له واشكره لإعلامه لك بأن ثمة ملفات لك . هكذا , من الممكن أن تسبب له إحراجاً وتبين له أن اسلوبه كان فظاً .


حصن نفسك من تأثيرات تصرفاته وضع مشاعرك جانباً :
إحدى أهم الخطوات في التعامل مع الأشخاص الوقحين , وهو توصيفهم بالسفهاء واعتبارهم كالحشرات . فإن كنت عاجزاً عن تفادي التعامل

معهم فإن اعتبارهم بمثابة " حشرات مزعجة " يكفي لجعلك تنتصر عليهم . ضع مشاعرك جانباً في هذه الحالة ويجب أن تنأى بنفسك بعيداً عن

ملاحظاتهم وتصرفاتهم وتعتبرها غير موجهة إليك.

تفاد التعامل مع شخص وقح بطبيعته :

إذا أمكنك , امتنع عن التعامل مع شخص وقح بطبيعته . أما إذا كنت مرغماً على التعامل معه , فجعل ذلك بالحد الأدنى , وحافظ على مسافة بينك وبينه , وليكن حديثك معه مقتضباً وسريعاً . لن تجني أي فائدة من التواصل مع هذا الشخص السلبي , ومن المستبعد أن تتمكن من تغيير سلوكه أو طباعه لذا ركز دوماً على ما يجب عمله ولا تحاول التحدث معه خارج نطاق العمل أو الموضوع المعني , وستكون بمنأى عن تأثيراته المزعجة .

واجهه بحسم ووضوح :

في الإجمال يعتقد الشخص الوقح أن في إمكانه الإفلات في تصرفاته المستفزة مع أي فرد . لذا , أحياناً تجب مواجهته . لكن أعلم أن

المواجهة هي الخيار الأخير الذي الذي تلجأ إليه بعد استنفاذ كل المحاولات الأخرى لوضعه عند حده . مثلاً : إذا لم تفلح الخطوات السابقة في جعل الشخص الوقح يتوقف عن مضايقتك , تجب مواجهته بكل شجاعة . قل له أنك لن تتحمل معاملته لك بهذا الأسلوب بعد اليوم , وإنك لا ترغب في الدخول في مشاجرة معه , ولكن عليه أن يبتعد عنك ويتوقف عن التلفظ بكلامه المهين هذا , مثال أخر مواجهة أشخاص غرباء ووقحين : قد يصدف أن تكون جالساً إلى مائدة في أحد المطاعم وإلى جانبك مجموعة من المراهقين يتلفظون بكلام ناب ووقح على مسامع عائلة أخرى لديها أطفال . في هذه الحالة يمكنك أن تواجه أولئك المراهقين بهدوء . وإذا كنت حريصاً في طريقة مواجهتك لهم , ستتمكن من وضع حد لهم وتمنع تدهور الأمور .


إن مسألة مواجهة الأشخاص الوقحين تعتمد على تقييمك للوضع , ومن الضروري في هذه الحال أن تحافظ على هدوئك , لأنه أحياناً يسعى الوقحون ألى تصعيد الأمور .

لا تخف من التعبير عن إنزعاجك :

يتفادى أغلبية الأفراد التعبير عن شعورهم بالإستياء من كلام الشخص المزعج وتصرفاته الوقحة , علماً بأن هذه الخطوة هي من أسهل ما يمكن

القيام به لمواجهة الوضع . يمكنك بكل بساطة أن تقول له بهدوء , وانما بحسم أنك غير راضٍ عن تصرفاته وإنك لا تقبل أسلوب اللفظ هذا , وإنك قد ترغم على معاملته بالمثل .
أحياناً كثيرة يعتقد هذا الشخص أن كلامه عادي ولا يضايق أحداً , فإذا لم يتم إعلامه بذلك فإنه سيستمر في سلوكه غير اللائق .

تحياتي

 

[❤️كلي أمل❤️]

رد: هذو المخلوقات واش تسموهم يرحم والديكم

السلام عليكم
مشكووورة اختي الكريمة على الموضوع
ولله عندك الحق كاين عباد ما يحشموش يسقسوك على حوايج
انت تحشمي تسقسي روحك عليهم هههههههههههه
انا ما نكذب عليك عباد كيما هادو نحيتهم من حياتي كي نشوفهم ندور

 

[أم أُنٌَيسة]

رد: هذو المخلوقات واش تسموهم يرحم والديكم

السلام عليكم و رحمة الله و بركاته
ههههههههههههههههههههه
ربي يكون في عونك ان شاء الله
للاسف تصرا ، انا مانحوس على حتى وحدة لكن الكل نلقاهم يحوسو عليا واش درت واش لبست
حتى نحير يا سبحان الله ، و كاينين حتى مانعرفهمش هههههههههههههههه
واش نقولو ربي يهدي من خلق ان شاء الله يارب
و ربي يصبرك ان شاء الله
تحياتي
في امان الله​