هالة
:: عضو مُشارك ::
- إنضم
- 27 أوت 2006
- المشاركات
- 101
- نقاط التفاعل
- 207
- النقاط
- 13
مساء الخير
حبيت نحكي على موضوع مبكيني من ثلاثة ايام ومشي مخليني نرقد ولا ناكل وغير مدايرتها على البكي المشكل هي خالتي خالتي الحقيقية اخت امي والي تقريبا دائما عندنا ومتخطيناش وانا كنت مدايرتها اخت كبيرة وخالة وعزيزة عليا نحب نحكيلها ونفرح بيها كي تجينا حتى انا مرات نعيطلها ونقوللها ارواحي علاقتي بيها مشي خالة وبنت اخت اكثر من ذالك هي متزوجة وعندها ثلاث اولاد بصح نحبها ونقدرلها وجامي نقوللها حاجة توجعها او تقلقها بالعكس تماما لكن مشكلتهاهي لسانها مر وماذي تقول كلمة الوجه وصريحة لدرجة الوقاحة ومعلابالهاش بمشاعر اي شخص اما يغيضه الحال او يتالم الكلمة الي تبانلها تقولها نورمال وتنساها وكانها مقالت والو وهي دارت زوبعة كبيرة وبصراحة ملي كنت صغيرة وهي تقلي في كلام يوجعني وتنتقدني وتسبني وبزاف امور لكن انا منرفدلهاش ونسامحها ميم يغيضني الحال بصح نقول معليش المسامح كريم وخالتي لكبيرة ونسامحها لان طبعي المسامحة بالرغم من اني نبينلها انو غاضني الحال منها ونحذرها على المرة الجاية وتقلي خلاص بصح ترجع بسهولة تقلي اكثر من ذالك وزيد تعود في دارنا وتاكل في ملحنا وتاكل كيما يقولو في عرق ايديا وغير نشوفها نروح نطيبلها وش تحب ونفرح بيها وهي غير تاكل فيا وتنتقد فيا وتمسني في الشيئ الي يبكيني ويالمني مرت سنين طوال وانا هاك دخلت خالاتي لكبار وداوسوها ونصحوها وقالولها عيب عليك تقوللهم عادي وانا وش قلت وترجع كان شيئ لم يكن والفتها انا ووالفت كلامها وصرت لما كبرت ناقشها بكل كلمة تقولهالي لكن ترجع وتقلي ومن باعد خلاص والفتها عدت نخليها تهدرنزعف شوي ومن ثم نرجعلها ومرات نقول خلاص نخاصمها ومنكلمهاش لكن لما نتذكر ربي نرجعلها لكن من ثلاثة ايام عيطتلها في التليفون قتلها خالتي ارواحي تعشاي عندنا جاتنا فرحت بيها كي العادة وحطيتلها العشاء وكي كملت تكسلت وبدى كلامها بداتهالي على الزواج والكلام الي راكم عارفينو نتاع الجهل حاولت نكلمها بربي ونذكرها بيه لكن للاسف اشتد الحوار وصار مثل الشجار بدات تعيط وترمي في سمها عليا وانا نحاول نكلمها بهدوء شوي شوي تكلمنا في موضوع قتلها انا خالتي علبالك مشي كامل الرجال المطلقين مشي ملاح او سيئين في كثير رجال الله يبارك عليهم بصح مطلقين وانا لو يتقدملي شخص يكون فيه كل المواصفات ومليح لكن مشكلته الطلاق عندي امر عادي انا غير قتلها هاك وطارت فيا قاتلي ايه المطلق يتزوج مطلقة وانتي لانك مطلقة تتزوجي مطلق (على فكرة انا مطلقة طلاق بالورق فقط يعني طلاق قبل الدخول ) قتلها خالتي انعلي بليس وش راكي تقولي علبالك اني مشفتش الزواج فقط عقد مدني ومكتبش ربي قاتلي ميم هاك بصح تعتبري مطلقة ميم راكي عزباء بالصح في الورق مطلقة قالتهالي بوحد الفاسو تقول تقتل فيا وتشاحن فيا وكي قتلها نعلي بليس وش راكي تقولي قاتلي هذي الحقيقة انتي مطلقة مطلقة وورقتك سوداء وهذاك الشخص كحلك ورقتك وراح قتلها وش راكي تقولي وتخلعت ومتوقعت خالتي تقدر وتسمحلها نفسها تقلي هاك علبالكم قالتهالي باسلوب كاني معيوبة وفيا شيئ معيبني وكبير وانا معلاباليش وكي قتلها هذا نصيبي وقضاء وقدر قاتلي بصح الدنيا متقولش هاك سماكي مطلقة واي رجل يتقدملك لازم توريله الورقة ياناس وياعباد ربي الي راكم تقراو في رسالتي راهي طعنتني لما قاتلي هاك وحرقتلي دمي وقلبي تخلعت في خالتي هذي اقرب الناس اليا هذي خالة مقربة وعزيزة قدرت وسمحتلها القدرة انها تواجه بنت اختها امام امها وتقوللها هاك حتى لو جيت مطلقة طلاق حقيقي مشي غير بالورق تقول عيب ومنقولهاش هاك قالتهالي وخلاتني نبكي ونتالم وحرقتلي بيها اعصابي وبعدها لما لامتها خالتي قاتلها وانا وش قتلها عادي كلمة عادية غير هي الي تتحسس والي غاضتني تاني في امي الي تسمع فيها ومقدرتش تقوللها كلمة صح امي غاضها حال لكن مقدرتش دافع عليا او تقوللها متقوليلهاش قعدت تسمع فيها وهي مخلوعة وانا تاني مقدرتش نسامحها ووجعني قلبي منها هذي المرة غير كل مرة موالفة نسمع كلامها لكن هذي المرة تعدات النقاط الحمراء والحدود معايا فاتت بعض الامور صعب الواحد يتسامح فيها والله مقدرت نسامحها وكي بعثتلها مع خالتي وقتلها قوليلها راكي خسرتيني ووجعتيلي قلبي ومشي رايحة نسامحك قاتلهم غير خلوها ومعلاباليش بيها وقلها غير متسامحيش طووووووول قالتها هاك طوووول وبضحكة علبالكم حسيت النار شعلت فيا انا مغيوضة وهي ولا على بالها بل مزالها مستمرة بحرقان دمي لهذا عطيت عهد لنفسي قلت بيني وبينها غير صلة الرحم امام ربي اما باش نرجعلها كيف قبل منقدرش لانها مدام قدرت تواجهني وتقلي هكة كلام المرة الجاية تقلي ماكثر وانا انسانة حساسة ومشي قادرة لو هي راهي قادرة تقول لكلام وتنساه انا مشي قادرة نسمع وننسى خلاص سمعت بزاف ونسيت بزاف هذي المرة غير كل مرة والي محيرتني اكثر كيف ان الانسان تجرد من انسانيته وقدر ينسى العشرة والملح والخير وقدرت توجعني بكلامها وتقتلني بيه بالبارد وهي علبالها اني متاثرة من هذا الشيئ وكيف ان الخالة المقربة الي كيما يقولو الخالة في مكان الام تقدر تقلي هاك والله راني حايرة بهذي الدنيا الغربية وكيف الواحد اصبح يطعن من اقرب الناس كيف وان الخالة دير هاك فمابالك بالغريب مشي رايحة نلومه خلاص .لو سمحتو ادخلو لليوتيوب واكتبو فيديو المراة والاسد وشوفو هذيك المراة الي ربات الاسد وكيف بقى متذكرلها هذيك التربية وكيف عاملها لانها دارت فيه الخير يوما اشرس حيوان بالدنيا كيف تحركت مشاعره نحو من احسن اليه وكيف ان الانسان غابت انسانيته امانة تشوفوهذا الفيديو حاولت نهبطولكم مقدرتش .نتمنى تقراو رسالتي من قلوبكم وتحسو بواش راني حاسة وتحاولو تقدمولي بعض النصائح لكن الا انكم تقولولي ارجعيلها كيما كنتي لانو من الصعب ولو نرجعلها كيف قبل رايحة نقول لنفسي قبلها لو تضربك المرة الجاية استحملي لانك انتي رضيتي بالذل معاها
حبيت نحكي على موضوع مبكيني من ثلاثة ايام ومشي مخليني نرقد ولا ناكل وغير مدايرتها على البكي المشكل هي خالتي خالتي الحقيقية اخت امي والي تقريبا دائما عندنا ومتخطيناش وانا كنت مدايرتها اخت كبيرة وخالة وعزيزة عليا نحب نحكيلها ونفرح بيها كي تجينا حتى انا مرات نعيطلها ونقوللها ارواحي علاقتي بيها مشي خالة وبنت اخت اكثر من ذالك هي متزوجة وعندها ثلاث اولاد بصح نحبها ونقدرلها وجامي نقوللها حاجة توجعها او تقلقها بالعكس تماما لكن مشكلتهاهي لسانها مر وماذي تقول كلمة الوجه وصريحة لدرجة الوقاحة ومعلابالهاش بمشاعر اي شخص اما يغيضه الحال او يتالم الكلمة الي تبانلها تقولها نورمال وتنساها وكانها مقالت والو وهي دارت زوبعة كبيرة وبصراحة ملي كنت صغيرة وهي تقلي في كلام يوجعني وتنتقدني وتسبني وبزاف امور لكن انا منرفدلهاش ونسامحها ميم يغيضني الحال بصح نقول معليش المسامح كريم وخالتي لكبيرة ونسامحها لان طبعي المسامحة بالرغم من اني نبينلها انو غاضني الحال منها ونحذرها على المرة الجاية وتقلي خلاص بصح ترجع بسهولة تقلي اكثر من ذالك وزيد تعود في دارنا وتاكل في ملحنا وتاكل كيما يقولو في عرق ايديا وغير نشوفها نروح نطيبلها وش تحب ونفرح بيها وهي غير تاكل فيا وتنتقد فيا وتمسني في الشيئ الي يبكيني ويالمني مرت سنين طوال وانا هاك دخلت خالاتي لكبار وداوسوها ونصحوها وقالولها عيب عليك تقوللهم عادي وانا وش قلت وترجع كان شيئ لم يكن والفتها انا ووالفت كلامها وصرت لما كبرت ناقشها بكل كلمة تقولهالي لكن ترجع وتقلي ومن باعد خلاص والفتها عدت نخليها تهدرنزعف شوي ومن ثم نرجعلها ومرات نقول خلاص نخاصمها ومنكلمهاش لكن لما نتذكر ربي نرجعلها لكن من ثلاثة ايام عيطتلها في التليفون قتلها خالتي ارواحي تعشاي عندنا جاتنا فرحت بيها كي العادة وحطيتلها العشاء وكي كملت تكسلت وبدى كلامها بداتهالي على الزواج والكلام الي راكم عارفينو نتاع الجهل حاولت نكلمها بربي ونذكرها بيه لكن للاسف اشتد الحوار وصار مثل الشجار بدات تعيط وترمي في سمها عليا وانا نحاول نكلمها بهدوء شوي شوي تكلمنا في موضوع قتلها انا خالتي علبالك مشي كامل الرجال المطلقين مشي ملاح او سيئين في كثير رجال الله يبارك عليهم بصح مطلقين وانا لو يتقدملي شخص يكون فيه كل المواصفات ومليح لكن مشكلته الطلاق عندي امر عادي انا غير قتلها هاك وطارت فيا قاتلي ايه المطلق يتزوج مطلقة وانتي لانك مطلقة تتزوجي مطلق (على فكرة انا مطلقة طلاق بالورق فقط يعني طلاق قبل الدخول ) قتلها خالتي انعلي بليس وش راكي تقولي علبالك اني مشفتش الزواج فقط عقد مدني ومكتبش ربي قاتلي ميم هاك بصح تعتبري مطلقة ميم راكي عزباء بالصح في الورق مطلقة قالتهالي بوحد الفاسو تقول تقتل فيا وتشاحن فيا وكي قتلها نعلي بليس وش راكي تقولي قاتلي هذي الحقيقة انتي مطلقة مطلقة وورقتك سوداء وهذاك الشخص كحلك ورقتك وراح قتلها وش راكي تقولي وتخلعت ومتوقعت خالتي تقدر وتسمحلها نفسها تقلي هاك علبالكم قالتهالي باسلوب كاني معيوبة وفيا شيئ معيبني وكبير وانا معلاباليش وكي قتلها هذا نصيبي وقضاء وقدر قاتلي بصح الدنيا متقولش هاك سماكي مطلقة واي رجل يتقدملك لازم توريله الورقة ياناس وياعباد ربي الي راكم تقراو في رسالتي راهي طعنتني لما قاتلي هاك وحرقتلي دمي وقلبي تخلعت في خالتي هذي اقرب الناس اليا هذي خالة مقربة وعزيزة قدرت وسمحتلها القدرة انها تواجه بنت اختها امام امها وتقوللها هاك حتى لو جيت مطلقة طلاق حقيقي مشي غير بالورق تقول عيب ومنقولهاش هاك قالتهالي وخلاتني نبكي ونتالم وحرقتلي بيها اعصابي وبعدها لما لامتها خالتي قاتلها وانا وش قتلها عادي كلمة عادية غير هي الي تتحسس والي غاضتني تاني في امي الي تسمع فيها ومقدرتش تقوللها كلمة صح امي غاضها حال لكن مقدرتش دافع عليا او تقوللها متقوليلهاش قعدت تسمع فيها وهي مخلوعة وانا تاني مقدرتش نسامحها ووجعني قلبي منها هذي المرة غير كل مرة موالفة نسمع كلامها لكن هذي المرة تعدات النقاط الحمراء والحدود معايا فاتت بعض الامور صعب الواحد يتسامح فيها والله مقدرت نسامحها وكي بعثتلها مع خالتي وقتلها قوليلها راكي خسرتيني ووجعتيلي قلبي ومشي رايحة نسامحك قاتلهم غير خلوها ومعلاباليش بيها وقلها غير متسامحيش طووووووول قالتها هاك طوووول وبضحكة علبالكم حسيت النار شعلت فيا انا مغيوضة وهي ولا على بالها بل مزالها مستمرة بحرقان دمي لهذا عطيت عهد لنفسي قلت بيني وبينها غير صلة الرحم امام ربي اما باش نرجعلها كيف قبل منقدرش لانها مدام قدرت تواجهني وتقلي هكة كلام المرة الجاية تقلي ماكثر وانا انسانة حساسة ومشي قادرة لو هي راهي قادرة تقول لكلام وتنساه انا مشي قادرة نسمع وننسى خلاص سمعت بزاف ونسيت بزاف هذي المرة غير كل مرة والي محيرتني اكثر كيف ان الانسان تجرد من انسانيته وقدر ينسى العشرة والملح والخير وقدرت توجعني بكلامها وتقتلني بيه بالبارد وهي علبالها اني متاثرة من هذا الشيئ وكيف ان الخالة المقربة الي كيما يقولو الخالة في مكان الام تقدر تقلي هاك والله راني حايرة بهذي الدنيا الغربية وكيف الواحد اصبح يطعن من اقرب الناس كيف وان الخالة دير هاك فمابالك بالغريب مشي رايحة نلومه خلاص .لو سمحتو ادخلو لليوتيوب واكتبو فيديو المراة والاسد وشوفو هذيك المراة الي ربات الاسد وكيف بقى متذكرلها هذيك التربية وكيف عاملها لانها دارت فيه الخير يوما اشرس حيوان بالدنيا كيف تحركت مشاعره نحو من احسن اليه وكيف ان الانسان غابت انسانيته امانة تشوفوهذا الفيديو حاولت نهبطولكم مقدرتش .نتمنى تقراو رسالتي من قلوبكم وتحسو بواش راني حاسة وتحاولو تقدمولي بعض النصائح لكن الا انكم تقولولي ارجعيلها كيما كنتي لانو من الصعب ولو نرجعلها كيف قبل رايحة نقول لنفسي قبلها لو تضربك المرة الجاية استحملي لانك انتي رضيتي بالذل معاها
