رد: معاكم سكرتيرة المير من دوّار اللمة .... الكل مدعو
دوغيا بلا مزية اختي ويعطيك الخير
وعليكم السلام
فعلا كل عام وحلاوتو ومشاكلو وهناه مي نديرو الاحصائيات ونشوفو وان شاء الله العام الجاي افضل وافضلالسلام عليكم ورحمة الله وبركاته
وعليكم السلام اهلا وسهلا اختي ان شاء الله راكم لاباس والله يصبركم يا رب
اهلا لي تهدر بزاف راني رجعت بصح ختنا ياخي هذا وين جيت نعنق ونسمح خناينك درتي عليا وتقولي نهدر بزاف املا اقعدي تنوحي ينعل اللي تغيضيه
... ولش نقولك ربي يكملك مع يور شاوي وربي يشفيك ويفرحك والعام الجاي ان شاء الله نلقاوك في دارك .....ايوا هاكا امين حنونة تؤبشيني غير هدرتي على ممو عينيا سامحتك ارواحي هنا نعنقك ارواحي
بالنسبة للمة مش عارفة العام 2016 اذا نفعها ولا مي كل عام نشهدوا وصول أعضاء روعة في اللمة وأكيد تكون ليهم بصمة وفايدة للمة وكي العادة اللمة ديما ليها أوقات تكون فيهم في القمة ومرات ينزل مستواها من ناحية النشاط وتقل المردودية مي الحمد لله مازالو بزاف ناس يحبو اللمة واحنا نحبوهم ومازالو أوفياء ليها ربي يحفظهم ويحفظ الجميع لي يساهم بلقليل وبالكثير في هذا الصرح .
والله انا ما كنتش حاضرة الاعوام السابقة مي نشوف الحمد لله كاين شوي نشاط وراكي عارفة الناس بامورها انا وحدة من الناس نشارك حسب نفسيتي مي ما نقدرش ما نجيش نشارك ولو برد والحمد لله راهم معانا اعضاء روعة والفناهم الله يقوي المحبة ويزيد النشاط ان شاء الله
بالنسبة ليا 2016 وفرلي بزاف فرص روعة أني نكون مع الشخص لي نحب نكون معاه وعلى هذي نقدر نقول أنو هذا العام عامي..... انت ثاني عندك تون شاوي ربي يخليهولك يا رب ويسعدك ويهنيك يا رب
... غير الأوقات لمليحة لي فوتتها وعطاتني ذكريات روعة نحب نتفكرها كاين أوقات صعبة فوتها مثلا مرض يما (جدتي) ووفاتها من أسبوع خسرناها شي قهرني بزااااف بزاااف وحطمني نوعا ما بصح الحمد لله هذي سنة الحياة ولازم نكملو حياتنا وندعو للي راحلنا بالرحمة هذا الشي لي بقالنا نقدرو نعملوه .
الله يرحمها يا رب ويسكنها فسيح جناته والله يبدل محبتها بالصبر ان شاء الله
باختصار كل عام ليه حلاوتو وليه قساوتو والحمد لله ذقنا القسوة باه نستبنو ذوق لحلاوة مرة خلاف .
مغسي حيوبة على الموضوع يعطيك الصحة ... سلام .
دوغيا بلا مزية اختي ويعطيك الخير
وعليكم السلام
